ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՌԱՋԻՆ ՓՈԽՎԱՐՉԱՊԵՏ

Ո Ր Ո Շ ՈՒ Մ

31 օգոստոսի 2018 թվականի N 110-Ա

ԱՄԵՐԻԿԱՅԻ ՀԱՅ ՕԳՆՈՒԹՅԱՆ ՖՈՆԴԻ ՀԱՅԱՍՏԱՆԻ ՄԱՍՆԱՃՅՈՒՂԻ ԿՈՂՄԻՑ ԻՐԱԿԱՆԱՑՎՈՂ «ՀԱՆՐԱՊԵՏԱԿԱՆ ԹԻՎ 2 ՀԱՏՈՒԿ ԿՐԹԱՀԱՄԱԼԻՐ» ՊՈԱԿ-Ի ԱՐՀԵՍՏԱԳՈՐԾԱԿԱՆ ՄԱՍՆԱՇԵՆՔԻ ՀԻՄՆԱՆՈՐՈԳՈՒՄ» ԾՐԱԳՐԻ ՄԱՍԻՆ

Հիմք ընդունելով «Բարեգործության մասին» օրենքի 13-րդ հոդվածի 2-րդ մասի 1-ին և 3-րդ կետերը՝

1. Բարեգործական որակել Ամերիկայի Հայ օգնության ֆոնդի Հայաստանի մասնաճյուղի (ՀՀ, քաղ. Երևան, Խորենացու 22, ՀՎՀՀ՝ 02517115) կողմից իրականացվող՝ 352,538.11 ԱՄՆ-ի դոլարին համարժեք դրամ արժողությամբ «Հանրապետական թիվ 2 հատուկ կրթահամալիր» ՊՈԱԿ-ի արհեստագործական մասնաշենքի հիմնանորոգում» ծրագիրը` համաձայն հավելվածի:

2. Սահմանել, որ Ամերիկայի Հայ օգնության ֆոնդի Հայաստանի մասնաճյուղի կողմից` «Կանակա» ԲԲԸ-ի հետ (ՀՎՀՀ` 06901369) 2018 թվականի հուլիսի 2-ին կնքված պայմանագրում նշված գործարքը, որով նախատեսվում է թիվ 2 հատուկ կրթահամալիրի արհեստագործական մասնաշենքի հիմնանորոգման աշխատանքների իրականացում` 352,538.11 ԱՄՆ-ի դոլարին համարժեք դրամի չափով, առանց ավելացված արժեքի հարկի, անմիջականորեն կապված է սույն որոշման 1-ին կետում նշված ծրագրի իրականացման հետ և դրա համար ունի զգալի նշանակություն:

3. Ամերիկայի Հայ օգնության ֆոնդի Հայաստանի մասնաճյուղին` ծրագրի ավարտից հետո մեկամսյա ժամկետում` Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով ներկայացնել ամփոփ տեղեկություններ ծրագրի կատարման մասին:

Հայաստանի Հանրապետության առաջին փոխվարչապետ	Ա. ՄԻՐԶՈՅԱՆ
2018 թ. օգոստոսի 31 Երևան

Հավելված ՀՀ առաջին փոխվարչապետի 2018 թ. օգոստոսի 31-ի N 110-Ա որոշման

«Հանրապետական N 2 հատուկ կրթահամալիր ՊՈԱԿ-ի արհեստագործական մասնաշենքի հիմնանորոգում»

ԾՐԱԳԻՐ

1.	Ծրագրի նպատակը	Ծրագրի նպատակն է հիմնանորոգել Հանրապետական N 2 հատուկ կրթահամալիր ՊՈԱԿ-ի արհեստագործական մասնաշենքը, որի արդյունքում հնարավորություն կստեղծվի կրթահամալիրում սովորող 250 սաների համար հարմարավետ պայմաններում կազմակերպել ութ մասնագիտություններով արհեստների ուսուցում: Հաջորդ փուլով նախատեսվում է նաև վերջինս հագեցնել արհեստների ուսուցում կազմակերպելու համար անհրաժեշտ սարքավորումներով, կահույքով ու ուսուցման նյութերով:
2.	Ծրագրի բարեգործական որակման նպատակը	Ակնկալում ենք ԱԱՀ-ից ազատում («Բարեգործության մասին» Հայաստանի հանրապետության օրենքի 15-րդ հոդված):
3.	Բարեգործը	Հայ Օգնության Ֆոնդ
4.	Ծրագիրը կատարողը	Հայ օգնության ֆոնդի Հայաստանի մասնաճյուղ, ք. Երևան 0010, Խորենացու փող. 22, ՀՎՀՀ 02517115:
5.	Ծրագրի իրականացման վայրը և բնագավառը	Վայրը՝ ք. Երևան, Ռաֆֆու փողոց, թիվ 113 շենք: Բնագավառը՝ կրթական:
6.	Ծրագրի բյուջեն	Ծրագրի ընդհանուր արժեքը կազմում է 352,538.11 (երեք հարյուր հիսուներկու հազար հինգ հարյուր երեսունութ ԱՄՆ-ի դոլար տասնմեկ ցենտ) ԱՄՆ-ի դոլարին համարժեք ՀՀ դրամ
7.	Բարեգործություն ստացողը	Հանրապետական N 2 հատուկ կրթահամալիր ՊՈԱԿ
8.	Ծրագրի իրականացման տևողությունը	Սկիզբ՝ հուլիսի 2, 2018 թ. Ավարտ՝ մայիսի 31, 2019 թ.
9.	Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը	Ծրագրի շրջանակներում նախատեսվում է իրականացնել կրթահամալիրի արհեստագործական մասնաշենքի հիմնանորոգման աշխատանքները: Ծրագրի ընդհանուր արժեքը կազմում է 352,538.11 ԱՄՆ-ի դոլարին համարժեք ՀՀ դրամ: Աշխատանքների իրականացման ժամկետն է` հուլիսի 2, 2018 թ. - մայիսի 31, 2019 թ: Իրականացվելիք շին-վերանորոգման աշխատանքների մանրամասն ծավալներն ներկայացված են պայմանագրին կից հավելվածում:
10.	Ձեռք բերվող (ներմուծվող) ապրանքների ու ծառայությունների համառոտ նկարագիրը, ծավալները և նախատեսվող գինը	Ակնկալում ենք ԱԱՀ-ից ազատում 352,538.11 (երեք հարյուր հիսուներկու հազար հինգ հարյուր երեսունութ ԱՄՆ-ի դոլար տասնմեկ ցենտ) ԱՄՆ դոլարին համարժեք ՀՀ դրամի չափով, պայմանագիր կնքված 02.07.2018 թ. Հայ օգնության ֆոնդի (ՀՀ, ք. Երևան 0010, Խորեացի 22, ՀՎՀՀ 02517115) և «Կանակա» ԲԲԸ (ՀՀ, ք. Վանաձոր 2022, Նժդեհի փողոց, 4, ՀՎՀՀ 06901369) միջև:
11.	Ծրագրի իրականացման հետ կապված կազմակերպական ծախսերը	Ծրագիրը չի նախատեսում կազմակերպական ծախսեր:
12.	Համագործակցությունը պետական կառավարման, տեղական ինքնակառավարման մարմինների, այլ կազմակերպությունների հետ	Սույն ծրագրի իրականացման շրջանակներում ՀՕՖ-ը համագործակցելու է ՀՀ կառավարությանն առընթեր բարեգործական ծրագրերը համակարգող հանձնաժողովի և կրթության նախարարության հետ:
13.	Ծրագրի արդյունավետության նկատմամբ վերահսկողության մեխանիզմների նկարագրությունը	Վերահսկողությունը կատարվելու է ՀՕՖ-ի Նյու Յորքի և Երևանի գրասենյակների, ՀՀ կառավարությանն առընթեր բարեգործական ծրագրերը համակարգող հանձնաժողովի կողմից:

Հայաստանի Հանրապետության առաջին փոխվարչապետ

Ա. ՄԻՐԶՈՅԱՆ