ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

Ո Ր Ո Շ ՈՒ Մ

«ԱՐՀԵՍՏԱԳՈՐԾԱԿԱՆ ԵՎ ՄԻՋԻՆ ՄԱՍՆԱԳԻՏԱԿԱՆ ԿՐԹԱԿԱՆ ԾՐԱԳՐԵՐ ԻՐԱԿԱՆԱՑՆՈՂ ՊԵՏԱԿԱՆ ՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՆԵՐԻ ՄԱՍԻՆ» ՁԵՎ 2-ԳՄ (ՏԱՐԵԿԱՆ) ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎՆ ՈՒ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՐԴԻ 2019 ԹՎԱԿԱՆԻ ՓԵՏՐՎԱՐԻ 19-Ի ԹԻՎ 15-Ն ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ
(վերնագիրը փոփ. 21.10.24 թիվ 29-Ն)

Ղեկավարվելով «Պաշտոնական վիճակագրության մասին» օրենքի 10-րդ հոդվածի 3-րդ մասի 1-ին կետով և 18-րդ հոդվածի 4-րդ մասով, ինչպես նաև «Նորմատիվ իրավական ակտերի մասին» օրենքի 37-րդ հոդվածի 1-ին մասի դրույթներով՝ Հայաստանի Հանրապետության վիճակագրության պետական խորհուրդը որոշում է.

1. Հաստատել «Արհեստագործական և միջին մասնագիտական կրթական ծրագրեր իրականացնող պետական ուսումնական հաստատությունների մասին» Ձև 2-ԳՄ (տարեկան) վիճակագրական հաշվետվության ձևը՝ համաձայն հավելված 1-ի:

(1-ին կետը փոփ. 21.10.24 թիվ 29-Ն)

2. Հաստատել «Արհեստագործական և միջին մասնագիտական կրթական ծրագրեր իրականացնող պետական ուսումնական հաստատությունների մասին» Ձև 2-գմ (տարեկան) վիճակագրական հաշվետվության լրացման հրահանգը՝ համաձայն հավելված 2-ի:

(2-րդ կետը փոփ. 07.07.23 թիվ 12-Ն, 21.10.24 թիվ 29-Ն)

3. Ուժը կորցրած ճանաչել Հայաստանի Հանրապետության վիճակագրության պետական խորհրդի 2019 թվականի փետրվարի 19-ի ««Նախնական (արհեստագործական) և միջին մասնագիտական կրթական ծրագրեր իրականացնող պետական ուսումնական հաստատությունների մասին» Ձև 2-գմ (տարեկան) վիճակագրական հաշվետվության ձևն ու լրացման հրահանգը հաստատելու և Հայաստանի Հանրապետության վիճակագրության պետական խորհրդի 2002 թվականի օգոստոսի 19-ի թիվ 189-Ն որոշումն ուժը կորցրած ճանաչելու մասին» թիվ 15-Ն որոշումը:

4. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Բաժին 1. Անվճար ուսուցմամբ ուսանողների թվաքանակի բաշխվածությունն ըստ մասնագիտությունների և կուրսերի՝ հիմնական ընդհանուր կրթությամբ

Բաժին 1.1 Անվճար ուսուցմամբ ուսանողների թվաքանակի բաշխվածությունն ըստ մասնագիտությունների և կուրսերի՝ միջնակարգ (լրիվ) ընդհանուր կրթությամբ

Բաժին 2. Անվճար ուսուցմամբ՝ հիմնական ընդհանուր կրթությամբ վերականգնված և դուրս մնացած ուսանողների թվաքանակը

Բաժին 2.1 Անվճար ուսուցմամբ՝ միջնակարգ (լրիվ) ընդհանուր կրթությամբ վերականգնված և դուրս մնացած ուսանողների թվաքանակը

Բաժին 3. Անվճար ուսուցմամբ ուսանողների թվաքանակի բաշխվածությունն ըստ տարիքի

Բաժին 4. Ուսանողների թվաքանակի բաշխվածությունն ըստ կրթաթոշակի չափերի

Բաժին 5. Վճարովի ուսուցմամբ ուսանողների թվաքանակի բաշխվածությունն ըստ մասնագիտությունների և կուրսերի՝ հիմնական ընդհանուր կրթությամբ

Բաժին 5.1 Վճարովի ուսուցմամբ ուսանողների թվաքանակի բաշխվածությունն ըստ մասնագիտությունների և կուրսերի՝ միջնակարգ (լրիվ) ընդհանուր կրթությամբ

Բաժին 6. Վճարովի ուսուցմամբ՝ հիմնական ընդհանուր կրթությամբ վերականգնված և դուրս մնացած ուսանողների թվաքանակը

Բաժին 6.1 Վճարովի ուսուցմամբ՝ միջնակարգ (լրիվ) ընդհանուր կրթությամբ վերականգնված և դուրս մնացած ուսանողների թվաքանակը

Բաժին 7. Վճարովի ուսուցմամբ ուսանողների թվաքանակի բաշխվածությունն ըստ տարիքի

Բաժին 8. Ուսանողների թվաքանակի բաշխվածությունն ըստ վճարաչափերի

Բաժին 9. Աշխատակազմը

Բաժին 10. Օտարերկրացի ուսանողների թվաքանակը

Բաժին 10.1 Նրանցից՝ սփյուռքահայեր

Բաժին 11. Հանրակացարանի կարիք ունեցող ուսանողների թվաքանակը

(հավելվածը փոփ. 16.08.21 թիվ 11-Ն, խմբ. 07.07.23 թիվ 12-Ն, փոփ. 21.10.24 թիվ 29-Ն)

«ԱՐՀԵՍՏԱԳՈՐԾԱԿԱՆ ԵՎ ՄԻՋԻՆ ՄԱՍՆԱԳԻՏԱԿԱՆ ԿՐԹԱԿԱՆ ԾՐԱԳՐԵՐ ԻՐԱԿԱՆԱՑՆՈՂ ՊԵՏԱԿԱՆ ՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՆԵՐԻ ՄԱՍԻՆ» ՁԵՎ 2-ԳՄ (ՏԱՐԵԿԱՆ) ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ

(վերնագիրը փոփ. 21.10.24 թիվ 29-Ն)

1. ԸՆԴՀԱՆՈՒՐ ԴՐՈՒՅԹՆԵՐ

1. Սույն հրահանգով կարգավորում են «Արհեստագործական և միջին մասնագիտական կրթական ծրագրեր իրականացնող պետական ուսումնական հաստատությունների մասին» Ձև 2-ԳՄ (տարեկան) վիճակագրական հաշվետվության (այսուհետ՝ Հաշվետվություն) լրացման կարգի հետ կապված հարաբերությունները:

(1-ին կետը փոփ. 21.10.24 թիվ 29-Ն)

2. Հաշվետվությունը ներկայացնում են արհեստագործական և միջին մասնագիտական պետական ուսումնական հաստատությունները, որոնք այդ մասին իրազեկվում են Հայաստանի Հանրապետության վիճակագրության պետական խորհրդի 2016 թվականի հունիսի 20-ի թիվ 05-Ն որոշմամբ հաստատված կարգի դրույթներին համապատասխան:

(2-րդ կետը փոփ. 21.10.24 թիվ 29-Ն)

3. Հաշվետվությունը ներկայացվում է Վիճակագրական կոմիտե՝ մինչև հաշվետու ժամանակաշրջանի դեկտեմբերի 1-ը:

(3-րդ կետը փոփ. 21.10.24 թիվ 29-Ն)

4. Հաշվետվության դիմային էջի «Փաստացի գործունեության հիմնական տեսակի» ծածկագիրը ռեսպոնդենտները լրացնում են՝ համաձայն Հայաստանի Հանրապետության էկոնոմիկայի նախարարի 2013 թվականի սեպտեմբերի 19-ի թիվ 874-Ն հրամանով հաստատված «Տնտեսական գործունեության տեսակների դասակարգչի» 5-նիշ խմբավորման:

5. Հաշվետվության ներկայացման հետ կապված այլ հարաբերությունները կարգավորվում են Հայաստանի Հանրապետության օրենսդրությամբ սահմանված կարգով:

2. ԼՐԱՑՄԱՆ ԿԱՐԳԸ

6. Բաժինը 1-ը՝ անվճար ուսուցմամբ (հիմնական ընդհանուր կրթությամբ) ուսանողների թվաքանակի բաշխվածությունն ըստ մասնագիտությունների և կուրսերի, լրացվում է՝

1) սյունակ 2-ում լրացվում է Հայաստանի Հանրապետության կառավարության 2006 թվականի հունվարի 12-ի N 73-Ն որոշմամբ հաստատված «Նախնական մասնագիտական (արհեստագործական) և միջին մասնագիտական կրթության մասնագիտությունների՝ ըստ ուսուցման հիմքի, ձևի, տևողության և որակավորումների» ցանկերից մասնագիտության դասիչը:

2) սյունակ 3-ում լրացվում է ընդունվածների թվաքանակն ըստ մասնագիտությունների, որից առանձնացվում է կանանց թվաքանակը (սյունակ 4),

3) սյունակներ 5-6-ում լրացվում է ուսանողների թվաքանակն ըստ մասնագիտությունների, իսկ ուսանողների թվաքանակն ըստ կուրսերի լրացվում է 7-16 սյունակներում,

4) սյունակ 17-ում լրացվում է հաշվետու տարում ավարտածների թվաքանակն ըստ մասնագիտությունների, որից առանձնացվում է կանանց թվաքանակը (սյունակ 18):

7. Բաժին 1.1-ը (Անվճար ուսուցմամբ ուսանողների թվաքանակի բաշխվածությունն ըստ մասնագիտությունների և կուրսերի՝ միջնակարգ (լրիվ) ընդհանուր կրթությամբ) լրացվում է սույն հրահանգի 6-րդ կետի դրույթներին համապատասխան:

8. Բաժին 2-ում լրացվում է ուսման (անվճար ուսուցմամբ՝ հիմնական ընդհանուր կրթությամբ) ընթացքում վերականգնված և դուրս մնացած ուսանողների թվաքանակը:

1) «200» ծածկագրով տողում լրացվում է վերականգնված ուսանողների թվաքանակն՝ ըստ 1-12 սյունակների,

2) «210» ծածկագրով տողում լրացվում է դուրս մնացած ուսանողների թվաքանակն՝ ըստ 1-12 սյունակների, իսկ նրանց թվաքանակն ըստ պատճառների լրացվում է «210.1-210.5» ծածկագրով տողերում:

9. Բաժին 2.1-ը (Անվճար ուսուցմամբ՝ միջնակարգ (լրիվ) ընդհանուր կրթությամբ վերականգնված և դուրս մնացած ուսանողների թվաքանակը) լրացվում է սույն հրահանգի 8-րդ կետի դրույթներին համապատասխան:

10. Բաժին 3-ի «300» ծածկագրով տողում լրացվում է ուսանողների թվաքանակի բաշխվածությունն ըստ տարիքի (սյունակներ 1-14), որից առանձնացվում է հիմնական ընդհանուր կրթությամբ ուսանողների թվաքանակը («300.1» ծածկագրով տող): «310» ծածկագրով տողում լրացվում է կանանց թվաքանակը (սյունակներ 1-14), որից առանձնացվում է հիմնական ընդհանուր կրթությամբ ուսանողների թվաքանակը («310.1» ծածկագրով տող):

11. Բաժին 4-ի «400» ծածկագրով տողում լրացվում է ուսանողների թվաքանակի բաշխվածությունն ըստ կրթաթոշակի չափերի (սյունակներ 1-4), որից առանձնացվում է կանանց թվաքանակը («400.1» ծածկագրով տող):

12. Բաժին 5-ը (Վճարովի ուսուցմամբ ուսանողների թվաքանակի բաշխվածությունն ըստ մասնագիտությունների և կուրսերի՝ հիմնական ընդհանուր կրթությամբ) լրացվում է սույն հրահանգի 6-րդ կետի դրույթներին համապատասխան:

13. Բաժին 5.1-ը (Վճարովի ուսուցմամբ ուսանողների թվաքանակի բաշխվածությունն ըստ մասնագիտությունների և կուրսերի՝ միջնակարգ (լրիվ) ընդհանուր կրթությամբ) լրացվում է սույն հրահանգի 7-րդ կետի դրույթներին համապատասխան:

14. Բաժին 6-ը (Վճարովի ուսուցմամբ՝ հիմնական ընդհանուր կրթությամբ վերականգնված և դուրս մնացած ուսանողների թվաքանակը) լրացվում է սույն հրահանգի 8-րդ կետի դրույթներին համապատասխան:

15. Բաժին 6.1-ը (Վճարովի ուսուցմամբ՝ միջնակարգ (լրիվ) ընդհանուր կրթությամբ վերականգնված և դուրս մնացած ուսանողների թվաքանակը) լրացվում է սույն հրահանգի 9-րդ կետի դրույթներին համապատասխան:

16. Բաժին 7-ը (Վճարովի ուսուցմամբ ուսանողների թվաքանակի բաշխվածությունն ըստ տարիքի) լրացվում է սույն հրահանգի 10-րդ կետի դրույթներին համապատասխան:

17. Բաժին 8-ի «800» ծածկագրով տողում լրացվում է ուսանողների թվաքանակի բաշխվածությունն ըստ վճարաչափերի (սյունակներ 1-6), որից առանձնացվում է կանանց թվաքանակը («800.1» ծածկագրով տող):

18. Բաժին 9-ում («900» ծածկագրով տողում) լրացվում է ուսումնական հաստատության աշխատակազմի թվաքանակը (սյունակ 1-2), նրանց բաշխվածությունն ըստ կրթական մակարդակի (սյունակներ 3-8), գիտական աստիճանի (սյունակներ 9-12) և գիտական կոչման (սյունակներ 13-18):

19. Բաժին 10-ում լրացվում է օտարերկրացի ուսանողների թվաքանակը.

1) սյունակ 1-ում լրացվում է երկրի անվանումը,

2) 2-3 սյունակներում լրացվում է ընդունվածների թվաքանակն ըստ համապատասխան երկրի,

3) 4-5 սյունակներում լրացվում է ուսանողների թվաքանակն ըստ համապատասխան երկրի, որից առանձնացվում է վճարովի ուսուցմամբ սովորողները (սյունակ 6-7),

4) 8-9 սյունակներում լրացվում է հաշվետու տարում ավարտածների թվաքանակն ըստ համապատասխան երկրի:

20. Բաժին 10.1-ը (Նրանցից՝ սփյուռքահայեր) լրացվում է սույն հրահանգի 19-րդ կետի դրույթներին համապատասխան:

21. Բաժին 11-ի «1100» ծածկագրով տողում լրացվում է հանրակացարանի կարիք ունեցող ուսանողների թվաքանակը, որից առանձնացվում է հանրակացարանով ապահովված ուսանողների թվաքանակը («1100.1» ծածկագրով տող):

(հավելվածը փոփ. 16.08.21 թիվ 11-Ն, խմբ. 07.07.23 թիվ 12-Ն, փոփ. 21.10.24 թիվ 29-Ն)