ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՌԱՋԻՆ ՓՈԽՎԱՐՉԱՊԵՏ
Ո Ր Ո Շ ՈՒ Մ
31 օգոստոսի 2018 թվականի N 137-Ա
«ՀԱՅԱՍՏԱՆ» ՀԱՄԱՀԱՅԿԱԿԱՆ ՀԻՄՆԱԴՐԱՄԻ ԿՈՂՄԻՑ ԻՐԱԿԱՆԱՑՎՈՂ «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՎՈՒՇԻ ՄԱՐԶԻ ԽԱՉԱՐՁԱՆ ՀԱՄԱՅՆՔԻ ՄՈՒՏՔԻ ԱՆՎԱՆԱԿԱՆ ՀՈՒՇԱՔԱՐԻ ԿԱՌՈՒՑՈՒՄ» ԾՐԱԳՐԻ ՄԱՍԻՆ
Հիմք ընդունելով «Բարեգործության մասին» Հայաստանի Հանրապետության օրենքի 13-րդ հոդվածի 2-րդ մասի 1-ին և 3-րդ կետերը՝
1. Բարեգործական որակել «Հայաստան» համահայկական հիմնադրամի (ՀՀ, քաղ. Երևան, Կառավարական տուն 3, ՀՎՀՀ՝ 02507456) կողմից իրականացվող՝ 935,000 դրամ ընդհանուր արժողությամբ «Հայաստանի Հանրապետության Տավուշի մարզի Խաչարձան համայնքի մուտքի անվանական հուշաքարի կառուցում» ծրագիրը` համաձայն հավելվածի:
2. Սահմանել, որ «Հայաստան» համահայկական հիմնադրամի կողմից «Ճամբարակի ՃՇՇՁ» ԲԲԸ-ի հետ (ՀՎՀՀ` 08100179) 2018 թվականի օգոստոսի 14-ին կնքված N Ծ-ԽՀ-01/18 պայմանագրում նշված գործարքը, որով նախատեսվում է անվանական հուշաքարի կառուցում՝ 935,000 դրամի չափով, առանց ավելացված արժեքի հարկի, անմիջականորեն կապված է սույն որոշման 1-ին կետում նշված ծրագրի իրականացման հետ և դրա համար ունի զգալի նշանակություն:
3. «Հայաստան» համահայկական հիմնադրամին` ծրագրի ավարտից հետո մեկամսյա ժամկետում` Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված՝ բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով ներկայացնել ամփոփ տեղեկատվություն ծրագրի կատարման մասին:
|
Հայաստանի Հանրապետության |
Ա. ՄԻՐԶՈՅԱՆ |
|
2018 թ. օգոստոսի 31 Երևան |
|
Հավելված |
Ծ Ր Ա Գ Ի Ր
«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՎՈՒՇԻ ՄԱՐԶԻ ԽԱՉԱՐՁԱՆ ՀԱՄԱՅՆՔԻ ՄՈՒՏՔԻ ԱՆՎԱՆԱԿԱՆ ՀՈՒՇԱՔԱՐԻ ԿԱՌՈՒՑՈՒՄ»
|
1. |
Ծրագրի նպատակը |
Համալրել մեր կողմից կառուցվող՝ Հայաստանի Հանրապետության Տավուշի մարզի Խաչարձան գյուղի մուտքից կենտրոն տանող ճանապարհի սկզբնամասը անվանական հուշաքարով (պատկերները կցվում են): |
|
2. |
Ծրագրի բարեգործական որակման նպատակը |
Օրենքով սահմանված կարգով օգտվել հարկային արտոնություններից |
|
3. |
Բարեգործը |
Անհատ բարերարներ (իրավաբանական և ֆիզիկական անձինք) |
|
4. |
Ծրագիրը կատարողը |
«Հայաստան» համահայկական հիմնադրամ |
|
5. |
Ծրագրի իրականացման վայրը և բնագավառը |
ՀՀ Տավուշի մարզ, Խաչարձան գյուղ, սոցիալական բնագավառ |
|
6. |
Ծրագրի բյուջեն |
Բյուջեն կազմում է 935,000.00 դրամ: |
|
7. |
Բարեգործություն ստացողը |
Տավուշի մարզի Խաչարձան գյուղի համայնք |
|
8. |
Ծրագրի իրականացման տևողությունը |
Ծրագիրը նախատեսվում է իրականացնել 2018 թ. օգոստոսի 14-ից մինչև 2018 թ. նոյեմբերի 14-ը: |
|
9. |
Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը |
Սույն թվականի օգոստոսի 14-ից մինչև նոյեմբերի 14-ն ընկած ժամանակահատվածում կառուցել վերոնշյալ հուշաքարը: Արժեքը՝ 935,000.00 դրամ: |
|
10. |
Ձեռք բերվող (ներմուծվող) ապրանքների ու ծառայությունների համառոտ նկարագիրը, ծավալները և նախատեսվող գինը |
«Ճամբարակի ՃՇՇՁ» ԲԲԸ-ի կողմից անվանական հուշաքարի կառուցում՝ 935,000.00 դրամ առանց ԱԱՀ-ի |
|
11. |
Ծրագրի իրականացման հետ կապված կազմակերպական ծախսերը |
Կազմակերպական ծախսեր չեն նախատեսվում: |
|
12. |
Համագործակցությունը պետական կառավարման, տեղական ինքնակառավարման մարմինների, այլ կազմակերպությունների հետ |
Նախատեսվում է համագործակցություն Տավուշի մարզպետարանի հետ: |
|
13. |
Ծրագրի արդյունավետության նկատմամբ վերահսկողության մեխանիզմների նկարագրությունը |
Արդյունավետության նկատմամբ վերահսկողությունն իրականացվելու է ՀՀ կառավարության բարեգործական ծրագրերի համակարգման հանձնաժողովի կողմից (եռամսյակային և ամփոփ հաշվետվություններ): |
|
Հայաստանի Հանրապետության |
Ա. ՄԻՐԶՈՅԱՆ |
| Փոփոխող ակտ | Համապատասխան ինկորպորացիան |
|---|
| Փոփոխող ակտ | Համապատասխան ինկորպորացիան |
|---|