ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

7 փետրվարի 2019 թվականի N 101-Ա

ՊԵՏԱԿԱՆ ՀԱՄԱԼԻՐ ՓՈՐՁԱՔՆՆՈՒԹՅՈՒՆ ԻՐԱԿԱՆԱՑՆԵԼՈՒ ՆՊԱՏԱԿՈՎ ՓՈՐՁԱՔՆՆԱԿԱՆ ՀԱՆՁՆԱԺՈՂՈՎ ՍՏԵՂԾԵԼՈՒ ՄԱՍԻՆ

Ղեկավարվելով «Քաղաքաշինության մասին» օրենքի 10.1-ին հոդվածի 3-րդ մասի 21-րդ կետով և Հայաստանի Հանրապետության կառավարության 2015 թվականի մարտի 19-ի N 596-Ն որոշման N 2 հավելվածի 13-րդ և 15.1-ին կետերով`

1. Պետական համալիր փորձաքննություն իրականացնելու նպատակով Հայաստանի Հանրապետության քաղաքաշինության կոմիտեի համակարգում ստեղծել փորձաքննական հանձնաժողով (այսուհետ` հանձնաժողով):

2. Հանձնաժողովի կազմն ընտրել հետևյալ պետական մարմինների ներկայացուցիչներից`

1) ՀՀ քաղաքաշինության կոմիտե.

2) ՀՀ առողջապահության նախարարություն.

3) ՀՀ արտակարգ իրավիճակների նախարարություն.

4) ՀՀ շրջակա միջավայրի նախարարություն.

5) (ենթակետն ուժը կորցրել է 29.08.19 N 1216-Ա)

6) (ենթակետն ուժը կորցրել է 29.08.19 N 1216-Ա)

7) ՀՀ կրթության, գիտության, մշակույթի և սպորտի նախարարություն.

8) (ենթակետն ուժը կորցրել է 29.08.19 N 1216-Ա)

9) ՀՀ պաշտպանության նախարարություն.

10) (ենթակետն ուժը կորցրել է 29.08.19 N 1216-Ա)

11) ՀՀ տարածքային կառավարման և ենթակառուցվածքների նախարարություն.

12) ՀՀ բարձր տեխնոլոգիական արդյունաբերության նախարարություն.

13) ՀՀ անշարժ գույքի կադաստրի կոմիտե:

(2-րդ կետը փոփ. 29.08.19 N 1216-Ա)

3. Ելնելով քաղաքաշինական օբյեկտի նշանակությունից` Հայաստանի Հանրապետության քաղաքաշինության կոմիտեի նախագահը սույն որոշման 2-րդ կետով սահմանված պետական մարմինների ներկայացուցիչներից, յուրաքանչյուր դեպքի համար առանձին, հաստատում է հանձնաժողովի անհատական կազմը:

4. Ընդունել ի գիտություն, որ հանձնաժողովն իր առաջին նիստի ընթացքում կհաստատի հանձնաժողովի աշխատակարգը: