«Վավերացնում եմ»
Հայաստանի Հանրապետության
Նախագահ Ռ. Քոչարյան
15 նոյեմբերի 2004 թ. 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

4 նոյեմբերի 2004 թվականի N 1524-Ա

ՀՈՂԱՄԱՍԻ ՆՊԱՏԱԿԱՅԻՆ ՆՇԱՆԱԿՈՒԹՅԱՆ ՓՈՓՈԽՈՒԹՅԱՆ ԵՎ ՀԱՅԱՍՏԱՆՅԱՅՑ ԱՌԱՔԵԼԱԿԱՆ ԵԿԵՂԵՑՈՒՆ ՀՈՂԱՄԱՍ ՏՐԱՄԱԴՐԵԼՈՒ ՄԱՍԻՆ

Համաձայն Հայաստանի Հանրապետության հողային օրենսգրքի 57-րդ հոդվածի և Հայաստանի Հանրապետության քաղաքացիական օրենսգրքի 685-699-րդ հոդվածների` Հայաստանի Հանրապետության կառավարությունը որոշում է.

1. Վաղարշապատի քաղաքային համայնքում գտնվող «Երկրագործության և բույսերի պաշտպանության գիտական կենտրոն» պետական ոչ առևտրային կազմակերպությանն ամրացված` պետական սեփականություն հանդիսացող հողերից 4,0 հեկտարը հետ վերցնել և տեղափոխել հատուկ պահպանվող տարածքների կատեգորիա, որպես պատմական և մշակութային հողեր, Հայաստանյայց Առաքելական եկեղեցուն անհատույց օգտագործման իրավունքով տրամադրելու նպատակով` համաձայն հավելվածի:

2. Հայաստանի Հանրապետության Արմավիրի մարզպետին` 10-օրյա ժամկետում ապահովել սույն որոշման 1-ին կետում նշված հողամասի տրամադրումը և գույքային իրավունքների պետական գրանցումը` Հայաստանյայց Առաքելական եկեղեցու միջոցների հաշվին:

Հայաստանի Հանրապետության վարչապետ	Ա. Մարգարյան
2004 թ. նոյեմբերի 6 Երևան

Հավելված ՀՀ կառավարության 2004 թվականի նոյեմբերի 4-ի N 1524-Ա որոշման

ԳԾԱԳԻՐ

ՀՀ ԱՐՄԱՎԻՐԻ ՄԱՐԶԻ ՎԱՐՉԱԿԱՆ ՍԱՀՄԱՆՆԵՐԻՑ ԴՈՒՐՍ ԳՏՆՎՈՂ ՀՈՂԵՐԻ ԿԱՏԵԳՈՐԻԱՆ ՓՈԽԵԼՈՒ

(գծագիրը չի բերվում)