ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
21 հուլիսի 2016 թվականի N 765-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2005 ԹՎԱԿԱՆԻ ՍԵՊՏԵՄԲԵՐԻ 15-Ի N 1728-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2005 թվականի սեպտեմբերի 15-ի «Քրեակատարողական ծառայողների հանդերձանքի, այդ թվում՝ համազգեստի նկարագիրը, այն տրամադրելու, կրելու կարգը, ժամկետները և պայմանները հաստատելու մասին» N 1728-Ն որոշման հավելվածում կատարել հետևյալ լրացումները և փոփոխությունները՝
1) 2-րդ բաժնի վերնագիրը, 6.8-րդ և 7.1-ին կետերն «արդարադատության գեներալ-մայորի» բառերից առաջ լրացնել «արդարադատության գեներալ-լեյտենանտի» բառերով և դրանց համապատասխան հոլովաձևերով.
2) 6.1-ին, 8.4-րդ և 8.8-րդ կետերում «Արդարադատության գեներալ-մայորի» բառերը փոխարինել «Արդարադատության գեներալ-լեյտենանտի և արդարադատության գեներալ-մայորի» բառերով.
3) 6-րդ բաժնի վերնագիրը շարադրել հետևյալ խմբագրությամբ.
«VI. ՔՐԵԱԿԱՏԱՐՈՂԱԿԱՆ ԾԱՌԱՅՈՂԻ ԴԱՇՏԱՅԻՆ ՀԱՄԱԶԳԵՍՏԸ ԵՎ ՀԱՏՈՒԿ ՆՇԱՆԱԿՈՒԹՅԱՆ ՍՏՈՐԱԲԱԺԱՆՄԱՆ ՔՐԵԱԿԱՏԱՐՈՂԱԿԱՆ ԾԱՌԱՅՈՂՆԵՐԻ
ՀԱՄԱԶԳԵՍՏԸ».
4) 6.8-րդ կետում «հատուկ նշանակության ստորաբաժանման» բառերը փոխարինել «պահպանության ապահովման և ուղեկցումների ստորաբաժանումների» բառերով.
5) հավելվածը լրացնել հետևյալ բովանդակությամբ նոր՝ 6.9-րդ կետով.
«6.9. Հատուկ նշանակության ստորաբաժանման քրեակատարողական ծառայողներին, ծառայության առանձնահատկություններով պայմանավորված, տրամադրվում է նաև հետևյալ նկարագրությամբ և ձևի համազգեստ՝
1) ձմեռային, սև մարզական գլխարկ.
2) սև բերետ.
3) ձմեռային կիսավերարկու՝ ուսադիրներով:
Կիսավերարկուն սև կտորից է, բաղկացած է լանջափեշերից, թևքերից, ծալովի օձիքից՝ հանվող արհեստական մորթուց, հետնամասում՝ շղթայով փակվող ներկարված գրպանից (որի մեջ տեղադրվում է անձրևանոցը (թիկնոցը), առջևի ներքևի փեշերին՝ վրադիր և միջնադիր գրպաններից, կրծքամասում թաքնված՝ ներկարված գրպաններից։ Կոճկվում է կափույրով ծածկվող շղթայով։ Աստառը՝ մետաքսյա, ձախ կողմում՝ ծոցագրպան։ Թիկունքի եզրակարի վերևի մասում կարվում է «ՔԿԾ» նշագրմամբ թիկունքանշան.
4) մարտական բաճկոն-տաբատ՝ կեպիով, կիսաբամբակյա:
Սև բրեզենտե կտորով և կաշվից, շղթայով, առանց ուսադիրների, առջևի մասի գրպանը կոճկվող կպչունակով՝ առանց կոճակի, վերևի մասում՝ բռնակ։ Դիմացի մասում տեղադրված մեծ և փոքր գրպաններ, ատրճանակի, ձեռնաշղթայի, ռադիոկապի և փամփշտատուփի համար նախատեսված գրպաններ։ Թիկունքին ամրացվում է կտոր՝ «ՔԿԾ» նշագրմամբ, առջևի ձախ գրպանի վերևի մասում ամրացվում է «ՔԿԾ» նշագրումը, իսկ աջ գրպանի վերևի մասում կարվում է կպչունակ՝ ծառայողի արյան կարգը նշելու համար։
Տաբատը՝ սև կտորից, ուղիղ ուրվագծով։ Գոտին՝ գոտեմակօղերով, կոճկվում է մեկ կոճակով և շղթայով։ Հետևամասի աջ կողմում՝ կոճակով կոճկվող կափույրով ներկարված գրպան։
Կեպին՝ սև կտորից։ Բաղկացած է թասակից և երկարեցված գլխարկահովհարից։ Երկու կողմից ունի օդանցքներ։ Առջևի կենտրոնական մասում ամրացվում է փոքր գլխարկանշան.
5) շապիկ:
Սև բրդյա գործվածքից, կլոր վզով, թիկունքի մասում ասեղնագործվում է «ՔԿԾ» նշագրումը.
6) շապիկ՝ տրիկոտաժե:
Ուղիղ ձևվածքով, սև, կարճաթև, կլոր օձիքով.
7) ժիլետ՝ առանց ուսադիրների:
Ցանցապատ, սև կտորից, կողային գրպաններով, կրծքամասում կոճակով կոճկվող 2 արտաքին ձևավոր կափույրով գրպաններով, թիկունքի եզրակարի վերևի մասում կարվում է «ՔԿԾ» նշագրմամբ թիկունքանշան, իսկ աջ գրպանի վերևի մասում՝ կպչունակ՝ ծառայողի արյան կարգը նշելու համար.
8) մարտական ժիլետ՝ առանց ուսադիրների.
9) գոտի՝ սև, սինթետիկ կամ կաշվից:
50 մմ լայնությամբ, պլաստմասսայե ճարմանդով, վրան հավաքվում են հատուկ հանձնարարությունների կատարման համար անհրաժեշտ պարագաների գրպանիկներ.
10) կոշիկ՝ կիսաճտքավոր:
Սև գույնի կաշվից։ Երեսամասը՝ ամբողջական առաջամասով, ճտքերի հետևամասերն ունեն երկարեցված գոտի։ Լեզվակը միացված է առաջամասին և ճտքերի ստորին մասին, ճտքերի ստորին մասը՝ սև բրեզենտե անջրանցիկ կտորից։ Ներբանների եզրերը՝ վրաքաշվող մասերի հետ՝ կարերով, միացման մեթոդը՝ սոսնձով և գամերով.
11) ձեռնոց՝ բրդյա, սև, հինգմատնյա.
12) ձեռնոց՝ կաշվե, սև, կիսաբաց մատներով, հինգմատնյա.
13) սև թիկնոց-ուսնոց:
Սև, անջրանցիկ կտորից, ուղիղ ուրվագծով, օձիքը՝ կենտրոնական 5 կոճակով կոճկվող գաղտնի հանգույցով։ Լանջափեշերի վրա՝ թեք ներկարված միջանցիկ բացվածքներ, հանվող գլխանոցով։ Օձիքը՝ ծալովի։ Մեջքամասը՝ դեպի դուրս բացվող վերին կարով.
14) սև դիմակ:».
6) 8.6-րդ կետում «Արդարադատության գեներալ-մայորից» բառերը փոխարինել «Արդարադատության գեներալ-լեյտենանտից» բառերով.
7) 8.7-րդ կետի աղյուսակը լրացնել հետևյալ բովանդակությամբ նոր տողով.
|
«Գեներալ-լեյտենանտ |
2 | 22 | 25 | 25». |
| «39. Դաշտային կոստյում՝ կեպիով, բամբակյա, գունաքողարկված կտորից |
1 |
2 |
| 40. Ձմեռային դաշտային կոստյում՝ այդերուկի աղվամազով և հանովի ուսադիրներով |
1 |
4 |
| 41. Ձմեռային դաշտային կոստյում՝ բամբակյա, գունաքողարկված կտորից, ոչխարի կամ այլ մորթուց կարված օձիքով, հանովի ուսադիրներով |
1 |
4 |
| 42. Դաշտային պայուսակ |
1 |
5 |
| 43. Դաշտային ամառային կոշիկներ |
1 |
1 |
| 44. Շապիկ՝ կիսաթև |
2 |
1 |
| 45. Շապիկ՝ անթև |
2 |
1 |
Հատուկ նշանակության ստորաբաժանման քրեակատարողական ծառայողների համազգեստի նկարագիրը և կրելու ժամկետները
| 46. Կիսավերարկու՝ ձմեռային, ուսադիրներով |
1 |
4 |
| 47. Ձմեռային, սև մարզական գլխարկ |
1 |
3 |
| 48. Մարտական բաճկոն-տաբատ՝ կեպիով, կիսաբամբակյա |
1 |
2 |
| 49. Շապիկ՝ տրիկոտաժե |
2 |
1 |
| 50. Ժիլետ՝ առանց ուսադիրների |
1 |
2 |
| 51. Մարտական ժիլետ՝ առանց ուսադիրների |
1 |
2 |
|
52. Սև բերետ |
1 |
2 |
|
53. Սև դիմակ |
1 |
2 |
|
54. Գոտի՝ սև, սինթետիկ կամ կաշվից |
1 |
2 |
| 55. Կոշիկ՝ կիսաճտքավոր |
1 |
1 |
|
56. Ձեռնոց՝ բրդյա, սև, հինգմատնյա |
1 |
2 |
|
57. Շապիկ |
1 |
3 |
|
58. Ձեռնոց՝ կաշվե, սև, կիսաբաց մատներով, հինգմատնյա |
1 |
2 |
|
59. Սև թիկնոց-ուսնոց |
1 |
2 |
9) 9-րդ բաժինը լրացնել հետևյալ բովանդակությամբ նոր՝ 9.2-րդ կետով.
«9.2. Համազգեստի արտաքին տեսքի պատշաճ պահպանման նպատակով պահպանության ապահովման և ուղեկցումների ստորաբաժանումների ծառայողներին դաշտային համազգեստ կարող է տրամադրվել յուրաքանչյուր տարի։».
10) 10.1-ին կետն «իրականացնող» բառից հետո լրացնել «, ինչպես նաև օպերատիվ ստորաբաժանման» բառերով.
11) 10.3-րդ կետը լրացնել հետևյալ բովանդակությամբ նոր՝ «դ» ենթակետով.
«դ) հատուկ նշանակության»:
2. Սահմանել, որ, որոշման հավելվածի 6.9-րդ կետի լրացմամբ պայմանավորված, Հայաստանի Հանրապետության 2016 թվականի պետական բյուջեից և 2017-2019 թվականների ՄԺԾԾ-ում քրեակատարողական համակարգի պահպանման համար լրացուցիչ հատկացումներ չեն նախատեսվում:
3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
Հայաստանի Հանրապետության
2016 թ. հուլիսի 26 Երևան
վարչապետՀ. Աբրահամյան
