ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
26 փետրվարի 2015 թվականի N 185-Ն
ՀԱՄԱԼԻՐ ՍՈՑԻԱԼԱԿԱՆ ԾԱՌԱՅՈՒԹՅՈՒՆՆԵՐԻ ՏԱՐԱԾՔԱՅԻՆ ԿԵՆՏՐՈՆՆԵՐԻ ՄԻԱՍՆԱԿԱՆ ԸՆԴՈՒՆԱՐԱՆՆԵՐԸ ԳՈՐԾԱՐԿԵԼՈՒ ՄԱՍԻՆ
Համաձայն Հայաստանի Հանրապետության կառավարության 2012 թվականի հուլիսի 26-ի N 952-Ն որոշման N 1 հավելվածի 74-րդ կետի` Հայաստանի Հանրապետության կառավարությունը որոշում է.
1. Գործարկել համալիր սոցիալական ծառայությունների տարածքային կենտրոնների միասնական ընդունարանները (այսուհետ` միասնական ընդունարան)՝ ըստ սոցիալական ծառայություններ տրամադրող մարմինների՝ համաձայն հավելվածում նշված միասնական ընդունարանների ցանկի (այսուհետ՝ ցանկ):
2. Սահմանել, որ՝
1) 2015 թվականի հուլիսի 1-ից՝ Հայաստանի Հանրապետության օրենքներով և այլ իրավական ակտերով սահմանված՝ սոցիալական ծառայություններ տրամադրելու համար դիմումները ներկայացվում են ցանկում ընդգրկված միասնական ընդունարաններ.
2) միասնական ընդունարաններում սույն կետի 1-ին ենթակետում նշված դիմումներն ընդունելու, հաշվառելու և սոցիալական ծառայություններ տրամադրող համապատասխան մարմին փոխանցելու գործընթացը կազմակերպում է Հայաստանի Հանրապետության աշխատանքի և սոցիալական հարցերի նախարարությունը, իսկ Երևանի քաղաքապետի ու Հայաստանի Հանրապետության աշխատանքի և սոցիալական հարցերի նախարարի միջև փոխհամաձայնեցման դեպքում (ընդունված սոցիալական համագործակցության համաձայնագրով սահմանված դեպքում)՝ Երևանի քաղաքապետարանը:
3. Հայաստանի Հանրապետության աշխատանքի և սոցիալական հարցերի նախարարին՝
1) հիմք ընդունելով Հայաստանի Հանրապետության կառավարության 2012 թվականի հուլիսի 26-ի N 952-Ն որոշման հիման վրա իրականացված ինտեգրված սոցիալական ծառայությունների տրամադրման փորձնական ծրագրի արդյունքները և սույն որոշման դրույթները` լրամշակել դիմումների հաշվառման (հաճախորդների սպասարկման) էլեկտրոնային համակարգը և ապահովել այդ համակարգի ամբողջական գործարկումը համալիր սոցիալական ծառայությունների տարածքային կենտրոններում՝ 2015 թվականի հուլիսի 1-ից.
2) մինչև 2015 թվականի հունիսի 30-ը Հայաստանի Հանրապետության կառավարություն ներկայացնել առաջարկություն Հայաստանի Հանրապետության կառավարության 2014 թվականի հունվարի 30-ի N 145-Ն որոշման N 6 հավելվածի 1-ին կետով սահմանված սոցիալական բանկի տարբեր տեղեկատվական համակարգերի միջև տեղեկատվության ինքնաշխատ փոխանակումն ապահովող միջոցառումների ժամանակացույցի վերաբերյալ.
3) մինչև 2015 թվականի հուլիսի 1-ը հաստատել սույն որոշման 2-րդ կետի 1-ին ենթակետում նշված դիմումներն ընդունելու (ներկայացնելու, հաշվառելու) կարգը, ինչպես նաև առանձին տեսակի դիմումներն ընդունելու (ներկայացնելու, հաշվառելու, փոխանցելու) կարգի առանձնահատկությունները.
4) ապահովել 2017 թվականի հունվարի 1-ից Հայաստանի Հանրապետության պետական բյուջեից ֆինանսավորվող կենսաթոշակների, նպաստների և այլ դրամական վճարների՝ մեկ պետական մարմնի կողմից վճարումը.
5) մինչև 2017 թվականի հունվարի 1-ը Հայաստանի Հանրապետության կառավարություն ներկայացնել առաջարկություններ միասնական ընդունարաններում դիմումներն ընդունելու, հաշվառելու և սոցիալական ծառայություններ տրամադրող համապատասխան մարմին փոխանցելու գործընթացը տեղական ինքնակառավարման մարմինների միջոցով իրականացնելու վերաբերյալ.
6) ըստ անհրաժեշտության՝ Հայաստանի Հանրապետության կառավարություն ներկայացնել առաջարկություններ միասնական ընդունարանները գործարկելու համար համապատասխան կառուցվածքային փոփոխությունների կատարման վերաբերյալ.
7) ըստ անհրաժեշտության՝ Հայաստանի Հանրապետության կառավարություն ներկայացնել առաջարկություններ ցանկը համալրելու վերաբերյալ:
4. Հայաստանի Հանրապետության աշխատանքի և սոցիալական հարցերի նախարարին` Հայաստանի Հանրապետության ֆինանսների նախարարի հետ համատեղ՝ սահմանված կարգով Հայաստանի Հանրապետության կառավարություն ներկայացնել առաջարկություններ Հայաստանի Հանրապետության 2015 թվականի պետական բյուջեում համապատասխան վերաբաշխումներ կատարելու վերաբերյալ:
5. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
|
Հայաստանի Հանրապետության |
Հ. Աբրահամյան |
|
2015 թ. մարտի 5 |
|
Հավելված |
Ց Ա Ն Կ
ՀԱՄԱԼԻՐ ՍՈՑԻԱԼԱԿԱՆ ԾԱՌԱՅՈՒԹՅՈՒՆՆԵՐԻ ՏԱՐԱԾՔԱՅԻՆ ԿԵՆՏՐՈՆՆԵՐԻ ՄԻԱՍՆԱԿԱՆ ԸՆԴՈՒՆԱՐԱՆՆԵՐԻ` ԸՍՏ ՍՈՑԻԱԼԱԿԱՆ ԾԱՌԱՅՈՒԹՅՈՒՆՆԵՐ ՏՐԱՄԱԴՐՈՂ ՄԱՐՄԻՆՆԵՐԻ
|
NN |
Համալիր սոցիալական ծառայությունների |
Սոցիալական ծառայություններ տրամադրող |
|
1 |
2 |
3 |
|
ՀՀ Արարատի մարզ | ||
|
1. |
Վեդու |
Վեդու սոցիալական ծառայությունների տարածքային գործակալություն |
|
2. |
Արտաշատի |
Արտաշատի սոցիալական ծառայությունների տարածքային գործակալություն |
|
3. |
Մասիսի |
Մասիսի սոցիալական ծառայությունների տարածքային գործակալություն |
|
Արարատ քաղաք | ||
|
4. |
Արարատի |
Արարատի սոցիալական ծառայությունների տարածքային բաժին |
|
ՀՀ Արամավիրի մարզ | ||
|
5. |
Արմավիրի |
Արմավիրի սոցիալական ծառայությունների տարածքային գործակալություն |
|
6. |
Բաղրամյանի |
Բաղրամյանի սոցիալական ծառայությունների տարածքային գործակալություն |
|
ՀՀ Շիրակի մարզ | ||
|
7. |
Աշոցքի |
Աշոցքի սոցիալական ծառայությունների տարածքային գործակալություն |
|
8. |
Մարալիկի |
Մարալիկի սոցիալական ծառայությունների տարածքային գործակալություն |
|
ՀՀ Գեղարքունիքի մարզ | ||
|
9. |
Ճամբարակի |
Ճամբարակի սոցիալական ծառայությունների տարածքային գործակալություն |
|
10. |
Վարդենիսի |
Վարդենիսի սոցիալական ծառայությունների տարածքային գործակալություն |
|
ՀՀ Տավուշի մարզ | ||
|
11. |
Նոյեմբերյանի |
Նոյեմբերյանի սոցիալական ծառայությունների տարածքային գործակալություն |
|
ՀՀ Կոտայքի մարզ | ||
|
12. |
Չարենցավանի |
Չարենցավանի սոցիալական ծառայությունների տարածքային գործակալություն |
|
13. |
Եղվարդի |
Եղվարդի սոցիալական ծառայությունների տարածքային գործակալություն |
|
Երևան քաղաք | ||
|
14. |
Աջափնյակի |
Աջափնյակի սոցիալական ծառայությունների տարածքային բաժին |
|
15. |
Դավթաշենի |
Դավթաշենի սոցիալական ծառայությունների տարածքային բաժին |
|
16. |
Ավանի |
Ավանի սոցիալական ծառայությունների տարածքային բաժին |
|
17. |
Նուբարաշենի |
Նուբարաշենի սոցիալական ծառայությունների տարածքային բաժին |
|
18. |
Նորք-Մարաշի |
Նորք-Մարաշի սոցիալական ծառայությունների տարածքային բաժին |
|
Հայաստանի Հանրապետության |
Դ. Հարությունյան |
