ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԷՆԵՐԳԵՏԻԿԱՅԻ ՀԱՆՁՆԱԺՈՂՈՎ

Ո Ր Ո Շ ՈՒ Մ

12 սեպտեմբերի 1997 թվականի N 13
քաղ. Երևան

1. Հաստատել

1.1. ՀՀ էներգետիկայի հանձնաժողովի 1997-98 թթ. առաջնային խնդիրների ծրագիրը (հավելված 1):

1.2. ՀՀ էներգետիկայի հանձնաժողովի նիստերի անցկացման կարգը (հավելված 2):

1.3. ՀՀ էներգետիկայի հանձնաժողովի և հասարակայնության ու զանգվածային լրատվամիջոցների փոխհարաբերությունների կարգը (հավելված 3):

ՀՀ էներգետիկայի հանձնաժողովի նախագահ

Վ. Մովսեսյան

Հավելված 1 Հաստատված է ՀՀ էներգետիկայի հանձնաժողովի 1997 թ. սեպտեմբերի 12-ի թիվ 13 որոշմամբ

ՀՀ ԷՆԵՐԳԵՏԻԿԱՅԻ ՀԱՆՁՆԱԺՈՂՈՎԻ ԱՌԱՋՆԱՅԻՆ ԽՆԴԻՐՆԵՐԻ ԾՐԱԳԻՐ

N	Խնդիրներ	հիմնական կատարող	համակա- տարող	ժամկետները																		Ծանոթություն
				1998 III			1997 IV			1998 I			1998 II			1998 III			1998 IV
1	2	3	4	5			6			7			8			9			10			11
1.	ՀՀ էներգետիկայի Հանձնաժողովի ֆինանսավորում	ՀՀ կառավար- ություն																				Կատարված է
2.	ՀՀ էներգետիկայի Հանձնաժողովի կազմակերպավարչական կառուցվածքի մշակում և աշխատակազմի ձևավորում	էներգետիկայի ՀԱՆՁՆԱԺՈՂ.																				Կատարված է
3.	ՀՀ էներգետիկայի Հանձնաժողովի համապատասխան տարածքի և գույքի տրամադրում	ՀՀ կառավար- ություն																				Կատարված է
4.	ՀՀ էներգետիկայի Հանձնաժողովի կազմ. տեխնիկայի տրամադրում		HAGLER BAILLY
5.	ՀՀ էներգետիկայի Հանձնաժողովի և աշխատակազմի համար հատուկ ուսուցման կազմակերպում և իրագործում		HAGLER BAILLY The World Bank
6.	ՀՀ էներգետիկայի Հանձնաժողովի ներքին կանոնակարգի, այդ թվում`	էներգետիկ. ՀԱՆՁՆԱԺՈՂ.
6.1	ստորաբաժինների գործունեության կանոնակարգի;	-,,-
6.2	աշխատակազմի պաշտոնական հրահանգների;	-,,-
6.3	նիստերի անցկացման կարգի	-,,-	HAGLER BAILLY
6.4	Հասարարական և լրատվական միջոցների հետ փոխհարաբերությունների իրականացման կարգի	-,,-	HAGLER BAILLY
6.5	Հիմնական գործունեության հաշվետվության օրինակելի ձևերի և հաշվետվության ներկայացման կարգի;	-,,-	HAGLER BAILLY
6.6	Գործունեության հաջորդ տարվա ծրագրի մշակման և ներկայացման կարգի;	-,,-	HAGLER BAILLY
6.7	«Գաղտնի հատուկ նշումով փաստաթղթերի ձևակերպման կարգի;	-,,-
6.8	ՀՀ էներգետիկայի Հանձնաժողովի գործունեության իրավաէթիկական նորմերի մշակում	-,,-	HAGLER BAILLY
7	ՀՀ էներգետիկայի Հանձնաժողովի գործունեությունը կարգավորող փաստաթղթերի, այդ թվում`	-,,-
7.1	Սակագների վերանայման դիմումի ձևի և հիմնավորող փաստաթղթերի ցանկի (ըստ առանձին ոլորտների);	-,,-	HAGLER BAILLY
7.2	Սակագների վերանայման առաջարկության ընդունման, քննարկման, անկախ փորձաքննման և հաստատման (մերժման) կարգի;	-,,-	HAGLER BAILLY
7.3	Սակագները հիմնավորող փաստաթղթերի ձևակերպման մեթոդական ցուցումների;	-,,-	HAGLER BAILLY
7.4	Լիցենզիա ստանալու համար ներկայացվող փաստաթղթերի ցանկի և օրինակելի ձևերի;	-,,-	HAGLER BAILLY
7.5	Լիցենզիա ստանալու համար ներկայացված փաստաթղթերի ընդունման, քննարկման, անկախ փորձաքննության և լիցենզիայի տրման կարգի;	-,,-	HAGLER BAILLY
7.6	Լիցենզիայի օրինակելի ձևերի (ըստ առանձին ոլորտների);	-,,-	HAGLER BAILLY
7.7	Նոր կառուցվող օբյեկտների լիցենզավորման կարգի;	-,,-	HAGLER BAILLY
7.8	Լիցենզիայի գործողության դադարեցման կարգի;	-,,-	HAGLER BAILLY
7.9	Լիցենզիայի պայմանների փոփոխման կարգ, ներկայացվող փաստաթղթերի ցանկ և օրինակելի ձևերի;	-,,-	HAGLER BAILLY
7.10	Լիցենզիա ունեցող անձանց նկատմամբ տույժերի կիրառման կարգի;	Էներգետիկ հանձնաժողով Արդ. նախ.
7.11	Լիցենզավորվող անձանց ֆինանսական երաշխիքների ձևերի և այդ երաշխիքների ներկայացման կարգի;	Էներգետիկ հանձնաժողով	HAGLER BAILLY
7.12	Լիցենզավորման գործառույթի հետ կապված ծախսերի հատուցման կարգի;	Էներգետիկ հանձնաժողով
7.13	Լիցենզավորման փաստաթղթերի ձևակերպման մեթոդական ցուցումների;	Էներգետիկ հանձնաժողով	HAGLER BAILLY
7.14	Էներգակիրների ներմուծման համար կազմակերպվող մրցույթի անցկացման կարգի և մրցույթին ներկայացվող փաստաթղթերի ցանկի և օրինակելի ձևերի;	-,,-	Էներգետիկ նախ.
7.15	Տնտեսվարող անձանց միջև կնքվող մատակարարման պայմանագրերի օրինակելի ձևերի (ըստ առանձին ոլորտների);		-,,-
7.16	Տնտեսվարող անձանց միջև կնքված պայմանագրերի գրանցման կարգի;
7.17	Տնտեսվարող անձանց միջև առաջացած տարաձայնությունների քննարկման կարգի;	-,,-
7.18	սպառողների հարցադրումների քննարկման կարգի;	-,,-
7.19	Տնտեսվարող անձանց ֆինանսական (հաշվապահական) հաշվետվության օրինակելի ձևերի և այդ հաշվետվությունների ներկայացման կարգի,	-,,-	Ֆին.և.Էկոն. նախ.
7.20	Էլեկտրական էներգիայի արտադրության քվոտավորման կարգի;	-,,-	-,,-
7.21	ՀՀ էներգետիկ հաշվեկշռի օրինակելի ձևերի մշակում;	-,,-
8.	ՀՀ էներգետիկայի հանձնաժողովի հիմնական գործունեություն	-,,-
8.1.	Էլեկտրական էներգիայի արտադրման, հաղորդման և բաշխման սակագների վերանայում	-,,-
8.2.	Բնական գազի բաշխման սակագնի վերանայում, բնակչության և նրանց հավասարեցրած սպառողների սակագների սահմանում	-,,-
8.3.	Ջերմային էներգիայի արտադրման, հաղորդման և բաշխման սակագների վերանայում	-,,-
8.4.	Փոքր ՀԷԿ-երում արտադրվող էլեկ տրաէներգիայի սակագների հաստատում	-,,-
8.5.	Փոքր ՀԷԿ-երի լիցենզավորում	-,,-
8.6.	Էլեկտրաէներգիայի, բնական գազի և ջերմային էներգիայի պահանջարկի կանխատեսում, էլեկտրական էներգիայի արտադրության բնագավառում	-,,-	Էներգետիկա նախ.
8.7.	Էլեկտրաէներգիայի, բնական գազի և ջերմային էներգիայի սակագների կանխատեսում	-,,-
8.8.	ՀՀ էներգետիկայի Հանձնաժողովի գործունեության ծրագրի և անցած ժամանակաշրջանում կատարված աշխատանքների հաշվետվության մշակում	-,,-	HAGLER BAILLY
8.9.	Էներգետիկայի բնագավառի տնտեսվարող անձերի լիցենզավորում	-,,-
8.10	Տնտեսվարող անձերի ֆինանսական հաշվետվությունների ուսումնասիրում և փորձաքննում	-,,-
9.	Այլ նախարարությունների կողմից մշակվող փաստաթղթերի համաձայնեցում
9.1.	Էլեկտրաէներգիայից օգտվելու կանոնները	Էներգ. հանձնաժող. և Էներգ. նախ.																				ՀՀ Կառավարության որոշում
9.2.	Ջերմային էներգիայից օգտվելու կանոնները	-,,-																				-,,-
9.3.	Բնական գազից օգտվելու կանոնները	-,,-																				-,,-
9.4.	ՀՀ նավթի և գազի մասին օրենքը	-,,-																				ՀՀ օրենք, ՀՀ ԱԺ
9.5.	Էներգախնայողության մասին ՀՀ օրենքը	-,,-																				-,,-
9.6.	Ատոմային էներգիայի խաղաղ օգտագործման մասին ՀՀ օրենքը
9.7.	Էլեկտրական և ջերմային էներգիայի, բնական գազի ապօրինի սպառման դեպքում պատասխանատվության սահմանում	-,,-	Արդարադատության նախարարություն																			Գործող օրենքների, օրենսդրական ակտերի ցանկը և անհրաժեշտ լրացումներ
9.8.	Էլեկտրական և ջերմային էներգիայի, բնական գազի մատակարարումների դադարեցման (սահմանափակման) կարգ																					ՀՀ կառավարության որոշում
9.9.	Էլեկտրական և ջերմային էներգիայի, բնական գազի սակագների օբյեկտիվ գնահատման նպատակով տնտեսվարող անձերի հիմնական միջոցների միջազգային ստանդարտներին համապատասխան վերագնահատում	-,,-	Ֆին. և էկոնոմ. նախարարություն																			-,,-
9.10	«Էներգապետհսկողություն» ԳՎ-ի գործունեության կանոնակարգ	-,,-																				-,,-
9.11	Ազգային էլ.ցանցի կենտրոնական կարգավորման ծառայության և բնական գազի փոխադրման համակարգի կենտրոնական կարգավորական ծառայության կանոնակարգ	-,,-																				Կանոնակարգեր, ՀՀ Արդարադատության նախար. գրանցում
9.12	Էլեկտրաէներգիայի հաղորդման և բաշխման համակարգերի սահմանազատում	-,,-																				Էներգետիկայի նախ.  կոլեգիայի որոշում
9.13	Բնական գազի տեղափոխման և բաշխման համակարգերի սահմանազատում	-,,-																				-,,-
9.14	Ջերմային էներգիայի արտադրության հաղորդման և բաշխման համակարգերի սահմանազատում	Էներգ. նախ. և մարզային ՊՁ-եր																				ՀՀ Կառավարության որոշում
9.15	Ջերմային էներգիայի սպառման հաշ վառման հաշվարկային մեթոդիկա	-,,-																				-,,-

ՀՀ էներգետիկայի հանձնաժողովի նախագահ

Վ. Մովսեսյան

Հավելված 2 Հաստատված է ՀՀ էներգետիկայի հանձնաժողովի 1997 թ. սեպտեմբերի 12-ի թիվ 13 որոշմամբ

Կ Ա Ր Գ

 ՀՀ ԷՆԵՐԳԵՏԻԿԱՅԻ ՀԱՆՁՆԱԺՈՂՈՎԻ ՆԻՍՏԵՐԻ ԱՆՑԿԱՑՄԱՆ

1. ՀՀ էներգետիկայի հանձնաժողովը իր աշխատանքները կազմակերպում է նիստերի միջոցով:

2. Նիստերը գումարվում են երկու շաբաթը մեկ` ամսվա առաջին և երրորդ ուրբաթ օրերը:

Արտահերթ նիստերը գումարվում են Հանձնաժողովի նախագահի նախաձեռնությամբ, կամ Հանձնաժողովի անդամի պահանջով:

3. Նիստերի անցկացման ժամանակացանկը և նախնական օրակարգը սահմանվում են Հանձնաժողովի գործունեության եռամսյակային ծրագրերում:

4. Հանձնաժողովի նիստերը դռնբաց են: Նիստի անցկացման օրից առնվազն 2 օր առաջ հրապարակվում է նիստի անցկացման օրը և ժամը, օրակարգը և որոշումների նախագծի բովանդակությունը:

Շահագրգիռ անձանց և հասարակության ներկայացուցիչներին հնարավորություն է ընձեռնվում մասնակցել նիստերին, ներկայացնել տեղեկություններ և հանդես գալ ելույթով:

5. Նիստերի օրակարգին վերաբերող առաջարկությունները Հանձնաժողովի անդամները ներկայացնում են Հանձնաժողովի նախագահին նիստի գումարման օրից 5 օր առաջ: Նիստերի վերջնական օրակարգը ձևակերպում է Հանձնաժողովի նախագահը և ներկայացնում է Հանձնաժողովի անդամներին նիստի գումարման օրից առնվազն 3 օր առաջ:

6. նիստերը նախագահում է էներգետիկայի Հանձնաժողովի նախագահը, իսկ նրա բացակայության դեպքում` Հանձնաժողովի նախագահի տեղակալը:

7. Նիստը իրավազոր է, եթե նիստին մասնակցում են Հանձնաժողովի առնվազն երեք անդամ, այդ թվում նախագահը, կամ նրա տեղակալը:

8. Գումարված նիստի որոշումները ընդունվում են Հանձնաժողովի անդամների ձայների մեծամասնությամբ:

9. Նիստի ընթացքը արձանագրվում է, իսկ արձանագրությունից քաղվածքները նիստի գումարման օրից ոչ ուշ, քան 3 օրվա ընթացքում ուղարկվում են շահագրգիռ անձանց:

10. Նիստում ընդունված նորմատիվ բնույթի ակտերը հրապարակվում են «ՀՀ գերատեսչական նորմատիվ ակտեր» տեղեկագրում և ուժի մեջ են մտնում հրապարակման պահից:

ՀՀ էներգետիկայի հանձնաժողովի նախագահ`

Վ. Մովսեսյան

Հավելված 3 Հաստատված է ՀՀ էներգետիկայի հանձնաժողովի 1997 թ. սեպտեմբերի 12-ի թիվ 13 որոշմամբ

Կ Ա Ր Գ

 ՀՀ ԷՆԵՐԳԵՏԻԿԱՅԻ ՀԱՆՁՆԱԺՈՂՈՎԻ ԵՎ ՀԱՍԱՐԱԿԱՅՆՈՒԹՅԱՆ ՈՒ ԶԱՆԳՎԱԾԱՅԻՆ ԼՐԱՏՎԱՄԻՋՈՑՆԵՐԻ ՓՈԽՀԱՐԱԲԵՐՈՒԹՅՈՒՆՆԵՐԻ

1. Համաձայն «Էներգետիկայի մասին» ՀՀ օրենքի, էներգետիկայի հանձնաժողովի նիստերը դռնբաց են: Իր գործունեության հրապարակայնությունն ապահովելու համար հանձնաժողովը նիստերին մասնակցելու հնարավորություն է ընձեռում զանգվածային բոլոր լրատվամիջոցներին:

2. ՀՀ էներգետիկայի հանձնաժողովը հասարակայնության և լրատվամիջոցների հետ իր հարաբերություններն իրականացնում է մեթոդական իրավաբանական վարչության միջոցով, որի կազմից հանձնաժողովի նախագահի հրամանով նշանակվում է լրատվամիջոցների հետ տարվող աշխատանքների պատասխանատու անձ:

3. Հանձնաժողովի` լրատվամիջոցների հետ տարվող աշխատանքների պատասխանատու անձը.

● հանձնաժողովի հերթական նիստից 2 օր առաջ զանգվածային լրատվամիջոցներին հեռախոսագրով տեղյակ է պահում նիստի օրակարգի բովանդակության, անցկացման վայրի և ժամի մասին: Ցանկացած լրատվամիջոցների ներկայացուցիչ կարող է հանձնաժողովի նիստին ներկա լինել` առանց նախնական պայմանավորվածության: Նիստից անմիջապես հետո լրագրողները կարող են հարցեր ուղղել հանձնաժողովի նախագահին կամ անդամներին.

● ապահովում է հանձնաժողովի որոշումների և հայտարարությունների հրապարակումը պաշտոնական մամուլով, ռադիոյով և հեռուստատեսությամբ (հիմնականում ԱՐՄԵՆՊՐԵՍ գործակալության միջոցով).

● ապահովում է հանձնաժողովի որոշումների և նորմատիվ ակտերի մատչելի լուսաբանումն ու պարզաբանումը պարբերական մամուլում, ռադիոյով և հեռուստատեսությամբ` հանձնաժողովի նախագահի կամ անդամների հետ հարցազրույցների կազմակերպման միջոցով:

Հանձնաժողովի անդամների հետ հարցազրույցի կազմակերպման մասին նախապես տեղեկացվում է հանձնաժողովի նախագահը.

● հանձնաժողովի գործունեությանը, էներգահամակարգում իրականացվող բարեփոխումներին և սակագնային քաղաքականությանը հասարակայնությանը իրազեկ դարձնելու և հրապարակայնություն ապահովելու նպատակով, պարբերաբար, հանձնաժողովի նախագահի համաձայնությամբ, կազմակերպում է մամուլի ասուլիսներ, ճեպազրույցներ` ապահովելով հնարավորին չափ մեծ թվով լրատվամիջոցների ներկայացուցիչների մասնակցությունը: Ճեպազրույցի ընթացքում լրագրողներին թույլատրվում է կատարել նկարահանումներ և ձայնագրություններ:

● Հանձնաժողովի պաշտոնական հայտարարության տեքստը ասուլիսից, ճեպազրույցից առաջ կամ ընթացքում բաժանվում է լրագրողներին:

● հետևում է զանգվածային լրատվամիջոցների կողմից հանձնաժողովի աշխատանքի, ընդունած որոշումների, ասուլիսների և ճեպազրույցների արդյունքների լուսաբանմանը: Տեղեկատվական անճշտություններ կամ փաստերի աղավաղման դեպքեր նկատելիս` անմիջապես ապահովում է համապատասխան հերքման հրապարակումը` նույն լրատվամիջոցով.

● հատկապես սակագների փոփոխման վերաբերյալ ընդունված որոշումների առնչությամբ հանձնաժողովի նախագահի, անդամների հետ կազմակերպում է ասուլիսներ, ճեպազրույցներ, հարցազրույցներ` սպառողներին համոզիչ կերպով պարզաբանելու սակագների փոփոխման օբյեկտիվությունն ու անհրաժեշտությունը.

● սպառիչ պատասխան է տալիս հանձնաժողովի գործունեության հետ կապված լրագրողներին հուզող ընթացիկ հարցերին` համաձայնեցնելով հանձնաժողովի ղեկավարության հետ:

4. Հանձնաժողովի աշխատակիցների կողմից զանգվածային լրատվամիջոցներին տեղեկատվություն հաղորդելը կամ հարցազրույց տալը` համաձայնեցվում է նախագահի հետ:

5. ՀՀ էներգետիկայի հանձնաժողովի նորմատիվ բնույթի ակտերը հրատարակվում են համաձայն սահմանված կարգի և գործող օրենսդրության պահանջների:

ՀՀ էներգետիկայի հանձնաժողովի նախագահ

Վ. Մովսեսյան