ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

20 դեկտեմբերի 2012 թվականի N 1581-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 2012 ԹՎԱԿԱՆԻ ՊԵՏԱԿԱՆ ԲՅՈՒՋԵՈՒՄ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2011 ԹՎԱԿԱՆԻ ԴԵԿՏԵՄԲԵՐԻ 22-Ի N 1919-Ն ՈՒ 2012 ԹՎԱԿԱՆԻ ԱՊՐԻԼԻ 5-Ի N 406-Ն ՈՐՈՇՈՒՄՆԵՐՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵԻՆ ԳՆՄԱՆ ՊԱՅՄԱՆԱԳՐԵՐՈՒՄ ՓՈՓՈԽՈՒԹՅՈՒՆՆԵՐԻ ԿԱՏԱՐՄԱՆ ԹՈՒՅԼՏՎՈՒԹՅՈՒՆ ՏԱԼՈՒ ՄԱՍԻՆ

Ղեկավարվելով Հայաստանի Հանրապետության կառավարության 2011 թվականի փետրվարի 10-ի N 168-Ն որոշմամբ հաստատված՝ գնումների գործընթացի կազմակերպման կարգի 3-րդ ու 72-րդ կետերով՝ Հայաստանի Հանրապետության կառավարությունը որոշում է.

1. Հայաստանի Հանրապետության 2012 թվականի պետական բյուջեում և Հայաստանի Հանրապետության կառավարության 2011 թվականի դեկտեմբերի 22-ի N 1919-Ն որոշման մեջ կատարել փոփոխություններ՝ համաձայն NN 1, 2 և 3 հավելվածների:

2. Հայաստանի Հանրապետության կառավարության 2012 թվականի ապրիլի 5-ի «Հայաստանի Հանրապետության կառավարությանն առընթեր պետական եկամուտների կոմիտեին գումար հատկացնելու և Հայաստանի Հանրապետության կառավարության 2012 թվականի մարտի 15-ի N 349-Ն որոշման մեջ փոփոխություններ կատարելու մասին» N 406-Ն որոշման 1-ին կետից «նշված գումարը Հայաստանի Հանրապետության կառավարությանն առընթեր պետական եկամուտների կոմիտեի խրախուսման և համակարգի զարգացման ֆոնդի միջոցների հաշվին մինչև 2012 թվականի դեկտեմբերի 1-ը Հայաստանի Հանրապետության պետական բյուջեում վերականգնելու պայմանով» բառերը և 2-րդ կետը հանել:

3. Թույլատրել Հայաստանի Հանրապետության կառավարությանն առընթեր պետական եկամուտների կոմիտեին «Գնումների մասին» Հայաստանի Հանրապետության օրենքի 20-րդ հոդվածի 5-րդ կետի 2-րդ մասի հիման վրա «Լևոն Ամիրխանյան» սահմանափակ պատասխանատվությամբ ընկերության հետ 2012 թվականի սեպտեմբերի 4-ին կնքված N ՊԵԿ-ԱՇՁԲ-6, Ճարտարապետական արվեստանոց «ԶԱԱՐՏ» սահմանափակ պատասխանատվությամբ ընկերության հետ 2012 թվականի հունիսի 14-ին կնքված N ԲԸԱՀ ԱՇՁԲ-7/6, «Սահակյանշին» փակ բաժնետիրական ընկերության հետ 2012 թվականի մայիսի 11-ին կնքված N ԲԸԱՀ ԱՇՁԲ-7/4, 2012 թվականի հունիսի 4-ին կնքված N ԲԸԱՀ ԱՇՁԲ-7/5 և 2012 թվականի սեպտեմբերի 3-ին կնքված N ԲԸԱՀ ԱՇՁԲ-7/7 ծածկագրերով պայմանագրերում կատարել փոփոխություններ` սահմանելով պայմանագրերում նախատեսված աշխատանքների կատարման վերջնաժամկետները՝ մինչև 2013 թվականի մայիսի 20-ը ներառյալ:

4. Սահմանել, որ սույն որոշման 3-րդ կետի հիման վրա կատարվող փոփոխությունների արդյունքում կապալառուների նկատմամբ չեն կիրառվում պայմանագրերով նախատեսված պատասխանատվության միջոցները:

5. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության կառավարությանն առընթեր պետական եկամուտների կոմիտեի նյութական խրախուսման ԵՎ համակարգի զարգացման ֆոնդի միջոցների ծախսման 2012 թվականի նախահաշԻվԸ, ինչպես նաԵՎ «Հայաստանի Հանրապետության 2012 թվականի պետական բյուջեի մասին» Հայաստանի Հանրապետության օրենքի N 1 հավելվածում ԵՎ Հայաստանի Հանրապետության կառավարության 2011 թվականի դեկտեմբերի 22-ի N 1919-Ն որոշման N 5 հավելվածի N 1 աղյուսակում կատարվող փոփոխությունները

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 2012 ԹՎԱԿԱՆԻ ՊԵՏԱԿԱՆ ԲՅՈՒՋԵԻ ՄԱՍԻՆ» Հայաստանի Հանրապետության ՕՐԵՆՔԻ N 1 ՀԱՎԵԼՎԱԾԻ N 13 ԱՂՅՈՒՍԱԿՈՒՄ ԿԱՏԱՐՎՈՂ ՓՈՓՈԽՈՒԹՅՈՒՆՆԵՐԸ 

Հայաստանի Հանրապետության ԿԱՌԱՎԱՐՈՒԹՅԱՆ 2011 ԹՎԱԿԱՆԻ ԴԵԿՏԵՄԲԵՐԻ 22-Ի N 1919-Ն ՈՐՈՇՄԱՆ N 5 ՀԱՎԵԼՎԱԾԻ N 12 ԱՂՅՈՒՍԱԿՈՒՄ ԿԱՏԱՐՎՈՂ ՓՈՓՈԽՈՒԹՅՈՒՆՆԵՐԸ