ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

21 ապրիլի 2011 թվականի N 474-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԵՎ ԳՅՈՒՂԱՏՆՏԵՍՈՒԹՅԱՆ ԶԱՐԳԱՑՄԱՆ ՄԻՋԱԶԳԱՅԻՆ ՀԻՄՆԱԴՐԱՄԻ ՄԻՋԵՎ 2005 ԹՎԱԿԱՆԻ ՀՈՒՆՎԱՐԻ 28-ԻՆ ՍՏՈՐԱԳՐՎԱԾ N 653 –AM, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԵՎ ՄԻՋԱԶԳԱՅԻՆ ԶԱՐԳԱՑՄԱՆ ՕՊԵԿ-Ի ՀԻՄՆԱԴՐԱՄԻ ՄԻՋԵՎ 2005 ԹՎԱԿԱՆԻ ԱՊՐԻԼԻ 21-ԻՆ ՍՏՈՐԱԳՐՎԱԾ N 1023P ՓՈԽԱՌՈՒԹՅԱՆ ՀԱՄԱՁԱՅՆԱԳՐԵՐՈՎ ԻՐԱԿԱՆԱՑՎԱԾ «ԳՅՈՒՂԱԿԱՆ ՏԱՐԱԾՔՆԵՐԻ ՏՆՏԵՍԱԿԱՆ ԶԱՐԳԱՑՈՒՄ», ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԵՎ ՄԻՋԱԶԳԱՅԻՆ ԶԱՐԳԱՑՄԱՆ ՕՊԵԿ-Ի ՀԻՄՆԱԴՐԱՄԻ ՄԻՋԵՎ 2007 ԹՎԱԿԱՆԻ ՀՈՒՆՎԱՐԻ 17-ԻՆ ՍՏՈՐԱԳՐՎԱԾ N 1104P ՓՈԽԱՌՈՒԹՅԱՆ ՀԱՄԱՁԱՅՆԱԳՐՈՎ ԻՐԱԿԱՆԱՑՎԱԾ «ԱՐՏԱԴՐԱԿԱՆ ԵՆԹԱԿԱՌՈՒՑՎԱԾՔՆԵՐԻ ՎԵՐԱԿԱՆԳՆՈՒՄ», ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԵՎ ԳՅՈՒՂԱՏՆՏԵՍՈՒԹՅԱՆ ԶԱՐԳԱՑՄԱՆ ՄԻՋԱԶԳԱՅԻՆ ՀԻՄՆԱԴՐԱՄԻ ՄԻՋԵՎ 2008 ԹՎԱԿԱՆԻ ՀՈՒՆՎԱՐԻ 8-ԻՆ ՍՏՈՐԱԳՐՎԱԾ N 730–AM, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԵՎ ՄԻՋԱԶԳԱՅԻՆ ԶԱՐԳԱՑՄԱՆ ՕՊԵԿ-Ի ՀԻՄՆԱԴՐԱՄԻ ՄԻՋԵՎ 2008 ԹՎԱԿԱՆԻ ԴԵԿՏԵՄԲԵՐԻ 23-ԻՆ ՍՏՈՐԱԳՐՎԱԾ N 1226P ՓՈԽԱՌՈՒԹՅԱՆ ՀԱՄԱՁԱՅՆԱԳՐԵՐՈՎ ԻՐԱԿԱՆԱՑՎԱԾ «ՇՈՒԿԱՅԱՎԱՐՄԱՆ ՀՆԱՐԱՎՈՐՈՒԹՅՈՒՆ ՖԵՐՄԵՐՆԵՐԻՆ» ԾՐԱԳՐԵՐՈՎ ԿԱՌՈՒՑՎԱԾ ԵՎ ՎԵՐԱԿԱՆԳՆՎԱԾ ԵՆԹԱԿԱՌՈՒՑՎԱԾՔՆԵՐԻ, ՁԵՌՔ ԲԵՐՎԱԾ ԳՈՒՅՔԻ ՀԱՆՁՆՈՒՄ-ԸՆԴՈՒՆՈՒՄՆ ԱՊԱՀՈՎՈՂ ՄԻՋՈՑԱՌՈՒՄՆԵՐԻ ՄԱՍԻՆ

 Հայաստանի Հանրապետության և Գյուղատնտեսության զարգացման միջազգային հիմնադրամի, Հայաստանի Հանրապետության և Միջազգային զարգացման ՕՊԵԿ-ի հիմնադրամի միջև ստորագրված «Գյուղական տարածքների տնտեսական զարգացում», Հայաստանի Հանրապետության և Միջազգային զարգացման ՕՊԵԿ-ի հիմնադրամի միջև ստորագրված «Արտադրական ենթակառուցվածքների վերականգնում» և Հայաստանի Հանրապետության և Գյուղատնտեսության զարգացման միջազգային հիմնադրամի, Հայաստանի Հանրապետության և Միջազգային զարգացման ՕՊԵԿ-ի հիմնադրամի միջև ստորագրված «Շուկայավարման հնարավորություն ֆերմերներին» ծրագրերի փոխառության համաձայնագրերի շրջանակներում կառուցված և վերականգնված ոռոգման համակարգերի, խմելու ջրագծերի, ճանապարհների և ձեռք բերված գույքի շահագործումն ապահովելու նպատակով Հայաստանի Հանրապետության կառավարությունը որոշում է.

1. «Գյուղական տարածքների տնտեսական զարգացում», «Արտադրական ենթակառուցվածքների վերականգնում» և «Շուկայավարման հնարավորություն ֆերմերներին» ծրագրերի շրջանակներում ձեռք բերված գույքի կազմից` որպես պետական սեփականություն, Հայաստանի Հանրապետության օրենքով սահմանված կարգով`

1) 189 980 585 դրամ արժողությամբ գույքը նպատակային նշանակությամբ օգտագործելու համար նվիրաբերել համայնքներին` համաձայն N 1 հավելվածի.

2) 804 031 դրամ արժեքով և 0 դրամ հաշվեկշռային արժեքով գույքը նպատակային նշանակությամբ օգտագործելու համար նվիրաբերել Վայոց ձորի մարզի Վայք, Շիրակի մարզի Ախուրյան, Լոռու մարզի Շահումյան համայնքներին և Թալին քաղաքի «Համայնքների զարգացում» հասարակական կազմակերպությանը` համաձայն N 2 հավելվածի.

3) 464 926 դրամ արժեքով և 0 դրամ հաշվեկշռային արժեքով գույքն ամրացնել «Հայաստանի Հանրապետության Տավուշի մարզպետարանի աշխատակազմ» պետական կառավարչական հիմնարկին, «Հայաստանի Հանրապետության Սյունիքի մարզպետարանի աշխատակազմ» պետական կառավարչական հիմնարկին և Հայաստանի Հանրապետության ազգային վիճակագրական ծառայության Գեղարքունիքի մարզային գործակալությանը` համաձայն N 3 հավելվածի.

4) 749 860 դրամ արժեքով և 0 դրամ հաշվեկշռային արժեքով համակարգչի լրակազմն ամրացնել «Հայաստանի Հանրապետության գյուղատնտեսության նախարարության աշխատակազմ» պետական կառավարչական հիմնարկին.

5) 1 466 702 դրամ արժեքով և 0 դրամ հաշվեկշռային արժեքով «Նիվա-21213» մակնիշի ավտոմեքենան` 1998 թվականի արտադրության (թափքը` N 1386729, շարժիչը` N 5324184), ամրացնել «Հայաստանի Հանրապետության տարածքային կառավարման նախարարության ջրային տնտեսության պետական կոմիտեի աշխատակազմ» պետական կառավարչական հիմնարկին` Հայաստանի Հանրապետության Տավուշի մարզի «Բերդ» ջրօգտագործողների ընկերությանն անհատույց օգտագործման իրավունքով տրամադրելու նպատակով:

2. «Գյուղական տարածքների տնտեսական զարգացում», «Արտադրական ենթակառուցվածքների վերականգնում» և «Շուկայավարման հնարավորություն ֆերմերներին» ծրագրերի շրջանակներում ոռոգման համակարգերի, խմելու ջրագծերի և ճանապարհների վերականգնման նպատակով կատարված, հաշվեկշռում առկա ծախսերի չափով` 1 725 162 187 դրամ, նվազեցնել «Գյուղական տարածքների տնտեսական զարգացման ծրագրի վերլուծության և կառավարման գրասենյակ» պետական հիմնարկի հաշվեկշռից` այդ չափով ավելացնելով համապատասխան համայնքներին պատկանող կառույցների հաշվեկշռային արժեքները` համաձայն N 4 հավելվածի:

3. «Գյուղական տարածքների տնտեսական զարգացում», «Արտադրական ենթակառուցվածքների վերականգնում» և «Շուկայավարման հնարավորություն ֆերմերներին» ծրագրերի շրջանակներում ոռոգման համակարգերի, խմելու ջրագծերի և ճանապարհների վերականգնման նպատակով կատարված, հաշվեկշռում առկա ծախսերի չափով` 125 459 433 դրամ, նվազեցնել «Գյուղական տարածքների տնտեսական զարգացման ծրագրի վերլուծության և կառավարման գրասենյակ» պետական հիմնարկի հաշվեկշռից` այդ չափով ավելացնելով «Հայաստանի Հանրապետության Արարատի մարզպետարանի աշխատակազմ» պետական կառավարչական հիմնարկի հաշվեկշռում արտացոլված Քաղցրաշեն-Նարեկ միջհամայնքային ավտոճանապարհի հաշվեկշռային արժեքը:

4. Թույլատրել «Գյուղական տարածքների տնտեսական զարգացման ծրագրի վերլուծության և կառավարման գրասենյակ» պետական հիմնարկին «Շուկայավարման հնարավորություն ֆերմերներին» ծրագրերին Հայաստանի Հանրապետության կառավարության համաֆինանսավորման միջոցներից 50 695 034 դրամն օգտագործել «Գյուղական տարածքների տնտեսական զարգացում» և «Արտադրական ենթակառուցվածքների վերականգնում» ծրագրերի միջոցներով իրականացված շինարարական և նախագծային աշխատանքների գծով երաշխիքային ժամկետների ավարտման կապակցությամբ առաջացած պարտքերի մարման նպատակով` համաձայն N 5 հավելվածի:

5. Հայաստանի Հանրապետության փոխվարչապետ, Հայաստանի Հանրապետության տարածքային կառավարման նախարարին և Հայաստանի Հանրապետության գյուղատնտեսության նախարարին` ապահովել սույն որոշման 1-ին կետում նշված գույքի` Հայաստանի Հանրապետության օրենսդրությամբ սահմանված կարգով հանձնման-ընդունման գործընթացի իրականացումը:

6. Հայաստանի Հանրապետության գյուղատնտեսության նախարարին` ապահովել սույն որոշման 1-ին կետում նշված գույքի նվիրաբերության պայմանագրերի կնքումը համապատասխան համայնքների և կազմակերպությունների ղեկավարների հետ` գույքային իրավունքների պետական գրանցումն իրականացնելով նվիրառուների միջոցների հաշվին:

 7. Սահմանել, որ սույն որոշման 1-ին կետում նշված գույքի ձևակերպումը և հաշվառումը` իրականացվում է Հայաստանի Հանրապետության կառավարության 1999 թվականի դեկտեմբերի 22-ի N 765 որոշման 1-ին կետի «ա» ենթակետով հաստատված կանոնակարգի 18-րդ կետին համապատասխան:

Կ Ա Զ Մ

ՀԱՄԱՅՆՔՆԵՐԻՆ ՆՎԻՐԱԲԵՐՎՈՂ ԳՈՒՅՔԻ

Արարատի մարզի Բերդիկ համայնքում հորատված խորքային հորը` 31700784 դրամ արժեքով` համայնքին

Արարատի մարզի Արտաշատ համայնքում հորատված խորքային հորը` 31462754 դրամ արժեքով` համայնքին

Արմավիրի մարզի Ակնաշեն համայնքում հորատված արտեզյան հորը` 22576628 դրամ արժեքով` համայնքին

Արմավիրի մարզի Արմավիր համայնքում հորատված 2 խորքային հորը` 60090487 դրամ արժեքով` համայնքին

Արմավիրի մարզի Արտամետ համայնքում հորատված խորքային հորը` 44149929 դրամ արժեքով` համայնքին

Ց Ա Ն Կ

Վայոց Ձորի մարզի Վայք համայնքին, Շիրակի մարզի Ախուրյան համայնքին, Լոռու մարզի Շահումյան համայնքին ԵՎ Թալին քաղաքի «ՍԵՄԱՆՏ» սոցիալ-կրթական հասարակական կազմակերպությանը նվիրաբերվող գույքի

(Վերնագիրը փոփ. 26.01.12 N 60-Ա)

(Հավելվածը փոփ. 26.01.12 N 60-Ա)

Ց Ա Ն Կ

«Հայաստանի Հանրապետության Տավուշի մարզպետարանի աշխատակազմ» պետական կառավարչական հիմնարկին, «Հայաստանի Հանրապետության Սյունիքի մարզպետարանի աշխատակազմ» պետական կառավարչական հիմնարկին ԵՎ Հայաստանի Հանրապետության ազգային վիճակագրական ծառայության Գեղարքունիքի մարզային գործակալությանն ամրացվող գույքի 

Ց Ա Ն Կ

ՀԱՄԱՅՆՔՆԵՐԻՆ ՊԱՏԿԱՆՈՂ ԿԱՌՈՒՅՑՆԵՐԻ

Արագածոտնի մարզի Ծաղկահովիտ համայնքի վերականգնված ջրատարը` 137943118 դրամ արժեքով

Արարատի մարզի Քաղցրաշեն համայնքի վերականգնված միջհամայնքային ավտոճանապարհը` 190208799 դրամ արժեքով

Արարատի մարզի Նարեկ համայնքի վերականգնված միջհամայնքային ավտոճանապարհը` 45660793 դրամ արժեքով

Արարատի մարզի Ոսկետափ համայնքի վերականգնված ջրատարը` 51991160 դրամ արժեքով

Արարատի մարզի Սիսավան համայնքի վերականգնված ջրատարը` 42427981 դրամ արժեքով

Արմավիրի մարզի Այգեշատ համայնքի վերականգնված ջրատարը` 66960181 դրամ արժեքով

Կոտայքի մարզի Արզական համայնքի վերականգնված միջհամայնքային ավտոճանապարհը` 67870702 դրամ արժեքով

Սյունիքի մարզի Աղիտու համայնքի վերականգնված ոռոգման ներտնտեսային ցանցը՝ 52957072 դրամ արժեքով

Սյունիքի մարզի Վարդանիձոր համայնքի վերականգնված ջրատարը` 9640859 դրամ արժեքով

Սյունիքի մարզի Լեհվազ համայնքի վերականգնված ջրատարը` 9872838 դրամ արժեքով

Գեղարքունիքի մարզի Լճաշեն համայնքի վերականգնված ջրատարը` 4451912 դրամ արժեքով

Լոռու մարզի Կաճաճկուտ համայնքի վերականգնված ջրատարը` 36054077 դրամ արժեքով

Լոռու մարզի Դսեղ համայնքի վերականգնված ներտնտեսային ոռոգման ցանցը` 81039492 դրամ արժեքով

Վայոց ձորի մարզի Ազատեկ համայնքի վերականգնված ներտնտեսային ոռոգման ցանցը` 169003192 դրամ արժեքով

Վայոց ձորի մարզի Արտաբույք համայնքի վերականգնված ներտնտեսային ոռոգման ցանցը` 48980990 դրամ արժեքով

Վայոց ձորի մարզի Փոռ համայնքի վերականգնված ներտնտեսային ոռոգման ցանցը` 62528102 դրամ արժեքով

Վայոց ձորի մարզի Զառիթափ համայնքի վերականգնված ներտնտեսային ոռոգման ցանցը` 57814948 դրամ արժեքով

Վայոց ձորի մարզի Խնձորուտ համայնքի վերականգնված ներտնտեսային ոռոգման ցանցը` 5642648 դրամ արժեքով

Վայոց ձորի մարզի Սերս համայնքի վերականգնված ներտնտեսային ոռոգման ցանցը` 5302490 դրամ արժեքով

Վայոց ձորի մարզի Գոմք համայնքի վերականգնված ջրատարը` 1837446 դրամ արժեքով

Վայոց ձորի մարզի Ազատեկ համայնքի վերականգնված ջրատարը` 2783376 դրամ արժեքով

Վայոց ձորի մարզի Բարձրունի համայնքի վերականգնված ջրատարը` 5390741 դրամ արժեքով

Տավուշի մարզի Արճիս համայնքի տարածքում Դեբետ գետի հունի ամրացումը` 19113984 դրամ արժեքով

(Հավելվածը խմբ. 26.01.12 N 60-Ա)

Ց Ա Ն Կ

«Գյուղական տարածքների տնտեսական զարգացում» ԵՎ «Արտադրական ենթակառուցվածքների վերականգնում» ծրագրերի միջոցներով իրականացված շինարարական ԵՎ նախագծային աշխատանքների գծով երաշխիքային ժամկետների ավարտման կապակցությամբ առաջացած պարտքերի