«Գրանցված է»
ՀՀ արդարադատության
նախարարության կողմից
17 դեկտեմբերի 2002 թ.
Պետական գրանցման թիվ 60302364

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

Ո Ր Ո Շ ՈՒ Մ

«ԳՅՈՒՂԱՑԻԱԿԱՆ ՏՆՏԵՍՈՒԹՅՈՒՆՆԵՐԻ ԵՎ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅՈՒՆՆԵՐԻ ԱՌԿԱՅՈՒԹՅԱՆ ԵՎ ԴՐԱՆՑ ՊԱՏԿԱՆՈՂ ՀՈՂԱՏԱՐԱԾՈՒԹՅՈՒՆՆԵՐԻ ՄԱՍԻՆ» ՁԵՎ ԹԻՎ 22 (ՀՈՂՀԱՏԿԱՑՈՒՄ) (ՏԱՐԵԿԱՆ) ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎԸ ԵՎ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Պետական վիճակագրության մասին» ՀՀ օրենքի 10 հոդվածի երրորդ մասի ե) կետով` Հայաստանի Հանրապետության վիճակագրության պետական խորհուրդը որոշում է.

Հաստատել «Գյուղացիական տնտեսությունների և առևտրային կազմակերպությունների առկայության և դրանց պատկանող հողատարածությունների մասին» Ձև թիվ 22 (հողհատկացում) (տարեկան) պետական վիճակագրական հաշվետվության ձևը և լրացման հրահանգը համաձայն թիվ 1 հավելվածի:

Հ Ր Ա Հ Ա Ն Գ

«ԳՅՈՒՂԱՑԻԱԿԱՆ ՏՆՏԵՍՈՒԹՅՈՒՆՆԵՐԻ ԵՎ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅՈՒՆՆԵՐԻ ԱՌԿԱՅՈՒԹՅԱՆ ԵՎ ԴՐԱՆՑ ՊԱՏԿԱՆՈՂ ՀՈՂԱՏԱՐԱԾՈՒԹՅՈՒՆՆԵՐԻ ՄԱՍԻՆ» ՁԵՎ N 22 (ՀՈՂՀԱՏԿԱՑՈՒՄ) (ՏԱՐԵԿԱՆ) ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ

1. ԸՆԴՀԱՆՈՒՐ ԴՐՈՒՅԹՆԵՐ

1. Հրահանգը սահմանում է «Գյուղացիական տնտեսությունների և առևտրային կազմակերպությունների առկայության և դրանց պատկանող հողատարածությունների մասին» ձև N 22 (հողհատկացում) (տարեկան) պետական վիճակագրական հաշվետվության լրացման կարգը:

2. Հաշվետվությունը լրացվում է մարզպետարանների կողմից, որոնք այդ մասին նախապես տեղեկացվում են և վիճակագրական մարմիններին է ներկայացվում հաշվետվության ձևի վրա նշված ժամկետներին և պարբերականությամբ:

3. Հաշվետվության ցուցանիշները լրացվում են աճողական կարգով, սեփականաշնորհման գործընթացի սկզբից (1991 թ.):

4. Վիճակագրական տեղեկությունների ներկայացման հետ կապված խնդիրները կարգավորվում են Հայաստանի Հանրապետության օրենսդրությամբ:

2. ԼՐԱՑՄԱՆ ԿԱՐԳԸ

5. Հաշվետվության «Առկա տնտեսությունների թիվը»` թիվ 1 սյունակում լրացվում են մարզի տարածքի տնտեսությունների թիվը, որոնց սեփականաշնորհման գործընթացի սկզբից (1991 թ.), սեփականության իրավունքով, հատկացվել են գյուղատնտեսական հողատեսքեր:

6. «Ընդամենը գյուղատնտեսական հողատեսքեր (ներառյալ տնամերձ հողերը)» թիվ 2 սյունակում լրացվում են այդ տնտեսություններին, սեփականության իրավունքով, հատկացված գյուղատնտեսական հողատեսքերի (վարելահող, բազմամյա տնկարկներ, արոտավայրեր, խոտհարք և խոպան), ներառյալ տնամերձ հողամասերի տարածքները:

7. «Վարելահող»` թիվ 3 սյունակում, գյուղացիական տնտեսություններին սեփականության իրավունքով, հատկացված վարելահողերի (վարձակալությամբ վերցրված վարելահողերի տարածությունները այս սյունակում չեն լրացվում) հանրագումարում լրացվում են նաև սեփականաշնորհված տնամերձ վարելահողերի տարածությունները:

8. «Բազմամյա տնկարկներ»` թիվ 4 սյունակում լրացվում են գյուղացիական տնտեսություններին, սեփականության իրավունքով, հատկացված բազմամյա տնկարկների (հնդավոր և կորիզավոր պտուղների, ընկուզապտուղների և խաղողի այգիների) տարածությունները:

9. «Խոտհարք, խոպան»` թիվ 5 սյունակում լրացվում են գյուղացիական տնտեսություններին, սեփականության իրավունքով, հատկացված խոտհարքների տարածքները: Այս սյունակում չեն լրացվում այգիների միջշարքային և արոտավայրերի հնձվող տարածությունները:

10. «Արոտավայրեր»` թիվ 6 սյունակում լրացվում են գյուղացիական տնտեսություններին, սեփականության իրավունքով, հատկացված արոտավայրերի տարածությունները:

11. «Առկա տնտեսությունների թիվը»` թիվ 7 սյունակում լրացվում են առկա առևտրային կազմակերպությունների թիվը:

12. «Հատկացված է առևտրային կազմակերպություններին»` թիվ 8-12 սյունակները, լրացվում են նույն կարգով, ինչպես թիվ 2-6 սյունակները:

Հաշվետվությունում ներառված տեղեկությունների գաղտնիությունը երաշխավորվում է դրանք ստացող վիճակագրական մարմնի կողմից: Իրավաբանական անձանց, հիմնարկների պաշտոնատար անձանց կողմից պետական վիճակագրական դիտարկումների համար անհրաժեշտ վիճակագրական հաշվետվությունները սահմանված ժամկետներում և ամբողջ ծավալով չներկայացնելը, դրանք ոչ սահմանված ձևով, աղավաղումներով և անստորագիր ներկայացնելն առաջացնում են պատասխանատվություն՝ Հայաստանի Հանրապետության օրենսդրությամբ սահմանված կարգով:

ԳՅՈՒՂԱՑԻԱԿԱՆ ՏՆՏԵՍՈՒԹՅՈՒՆՆԵՐԻ ԵՎ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅՈՒՆՆԵՐԻ ԱՌԿԱՅՈՒԹՅԱՆ ԵՎ ԴՐԱՆՑ ՊԱՏԿԱՆՈՂ ՀՈՂԱՏԱՐԱԾՈՒԹՅՈՒՆՆԵՐԻ ՄԱՍԻՆ

Առ 1-ը____ __________ 200__թ