«Վավերացնում եմ»
Հայաստանի Հանրապետության
Նախագահ Ռ. Քոչարյան
12 մարտի 2005 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
10 մարտի 2005 թվականի N 206-Ն
ԳՈՒՄԱՐՆԵՐԻ ՀԱՏԿԱՑՄԱՆ ԳՈՐԾԸՆԹԱՑԸ ԿԱՆՈՆԱԿԱՐԳԵԼՈՒ ՄԱՍԻՆ
2004 թվականին ԱՄՆ-ի դոլարի նկատմամբ դրամի փոխարժեքի տատանման պայմաններում Լինսի հիմնադրամի ծրագրի շրջանակներում կատարված աշխատանքների ֆինանսավորման համար Լինսի հիմնադրամից ԱՄՆ-ի դոլարով ստացված գումարները դրամի փոխարկելու ժամանակ առաջացած կորուստների փոխհատուցման գումարների հատկացման գործընթացը կանոնակարգելու նպատակով Հայաստանի Հանրապետության կառավարությունը որոշում է.
1. «Հայաստանի Հանրապետության 2005 թվականի պետական բյուջեի մասին» Հայաստանի Հանրապետության օրենքով հաստատված բյուջետային ծախսերի գործառական դասակարգման 14 խմբի 06 ենթախմբի «06. 2004 թվականի ԱՄՆ դոլարի նկատմամբ դրամի փոխարժեքի տատանման պայմաններում Լինսի հիմնադրամի ծրագրի շրջանակներում կատարված աշխատանքների ֆինանսավորման համար հիմնադրամից ԱՄՆ դոլարով ստացված գումարները դրամի փոխարկելու ժամանակ առաջացած կորուստների փոխհատուցում» ծրագրի շրջանակներում գումարները Հայաստանի Հանրապետության պետական բյուջեից հատկացվում են «Ճանապարհաշինություն» ԾԻԳ» և «Մշակույթ» ԾԻԳ» պետական հիմնարկների` Հայաստանի Հանրապետության կենտրոնական բանկում բացված դրամային հաշիվներին` առանց ծախսերը հիմնավորող լրացուցիչ փաստաթղթեր ներկայացնելու:
Սույն կետում նշված պետական հիմնարկները փոխհատուցված գումարների վերաբերյալ պետական հիմնարկների համար Հայաստանի Հանրապետության պետական բյուջեի կատարման մասին հաշվետվություններ ներկայացնելու համար` սահմանված կարգով կազմում ու Հայաստանի Հանրապետության ֆինանսների և էկոնոմիկայի նախարարություն են ներկայացնում հաշվետվություններ:
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։
|
|
Ա. Մարգարյան |
|
|
| Փոփոխող ակտ | Համապատասխան ինկորպորացիան |
|---|
| Փոփոխող ակտ | Համապատասխան ինկորպորացիան |
|---|