ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

21 հուլիսի 2022 թվականի N 1100-Ա

Ղեկավարվելով Հայաստանի Հանրապետության կառավարության 2015 թվականի սեպտեմբերի 17-ի N 1118-Ն որոշման պահանջներով` Հայաստանի Հանրապետության կառավարությունը որոշում է.

1. Բավարարել «ՄԱՅԼԵՐ ՄԱՈՒՆԹԱՅՆ ՌԵԶՈՐԹ» փակ բաժնետիրական ընկերության կողմից ներկայացված հայտը գերակա ոլորտում իրականացվող ներդրումային ծրագրի շրջանակներում ներմուծվող տեխնոլոգիական սարքավորումների, դրանց բաղկացուցիչ ու համալրող մասերի, հումքի և (կամ) նյութերի նկատմամբ սակագնային, մասնավորապես, ներմուծման մաքսատուրքից ազատելու արտոնությունից օգտվելու համար և սահմանված կարգով կիրառել համապատասխան արտոնությունը` համաձայն հավելվածի ներմուծվող տեխնոլոգիական սարքավորումների, դրանց բաղկացուցիչ ու համալրող մասերի, հումքի և (կամ) նյութերի նկատմամբ:

2. Սահմանել, որ՝

1) սույն որոշման հավելվածում նշված են ներմուծվող տեխնոլոգիական սարքավորումների, դրանց բաղկացուցիչ ու համալրող մասերի, հումքի և (կամ) նյութերի նախնական արժեքները․

2) «ՄԱՅԼԵՐ ՄԱՈՒՆԹԱՅՆ ՌԵԶՈՐԹ» փակ բաժնետիրական ընկերության կողմից իրականացվող ներդրումային ծրագրի շրջանակներում տեխնոլոգիական սարքավորումների, դրանց բաղկացուցիչ ու համալրող մասերի, հումքի և (կամ) նյութերի ներմուծումն իրականացվելու է սույն որոշումն ուժի մեջ մտնելուց հետո՝ մինչև ծրագրի իրականացման վերջնաժամկետը․

3) ծրագրի իրականացման ժամկետը սույն որոշումն ուժի մեջ մտնելուց հետո 5 տարի է։

Հայաստանի Հանրապետության վարչապետ	Ն. ՓԱՇԻՆՅԱՆ
Երևան

21.07.2022 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված ՀՀ կառավարության 2022 թվականի հուլիսի 21-ի N 1100-Ա որոշման

NN ը/կ	ԱՏԳ ԱԱ-ի ծածկագիրը	Անվանումը	Տեխնիկական բնութագիրը	Չափի միավորը	Քանակը	Ծագման երկիրը	Արտահան- ման երկիրը	Արժեքը (դրամ)	Այլ տեղեկու- թյուններ
ՏԵԽՆՈԼՈԳԻԱԿԱՆ ՍԱՐՔԱՎՈՐՈՒՄՆԵՐ, ԴՐԱՆՑ ԲԱՂԿԱՑՈՒՑԻՉ ՈՒ ՀԱՄԱԼՐՈՂ ՄԱՍԵՐ
1․	8428600000	Ճոպանուղի	6 տեղանի նստարանային, առանձնացվող, արագընթաց, ծածկերով ճոպանուղի	հատ	1	ԵՄ	ԵՄ	3 640 000 000
2․	8428600000	Ճոպանուղի	10 տեղանի գոնդոլային, առանձնացվող ճոպանուղի	հատ	2	ԵՄ	ԵՄ	7 934 000 000
3․	7306304909	Խողովակներ	Երկաթյա ակոսված պարուրակով խողովակներ	մ	18300	ԵՄ	ԵՄ	1 056 000 000
4.	7303001000	Թուջից պատրաստված խողովակներ, սնամեջ պրոֆիլներ (Ductile iron pipes)	Թուջից պատրաստված խողովակներ, որոնք օգտագործվում են բարձր ճնշման տակ գործող համակարգերում	մ	19000	ԵՄ	ԵՄ	2 121 600 000
5.	8428400000	Շարժասանդուղքներ	Շարժասանդուղքներ և շարժական քայլուղիներ	հատ	8	ԵՄ , ՉԺՀ	ԵՄ, ՉԺՀ	416 000 000
6.	9508290000	Զիպլայն	Գրավիտացիոն ուժերի օգտագործմամբ օդում պողպատե պարանի երկայնքով վայրէջք ապահովող հատուկ համակարգ	հատ	1	ԵՄ	ԵՄ	13 000 000
7.	9508210000	Տոբոգան	Ատրակցիոն, որը նախատեսված է լեռների լանջերով (կամ զառիթափ բլրի) երկայնքով արագ իջնելու համար՝ հատուկ երկաթուղային միաձույլ ուղու վրա (մոնոռելսային սայլ) ապակեպլաստե կամ չժանգոտվող պողպատից սահնակով	հատ	1	ԵՄ	ԵՄ	416 000 000
8.	8704239801	Բեռնատար հենասահք- մանիպուլյատոր	Շարժիչային տրանսպորտային միջոց՝ նախատեսված ապրանքների փոխադրման համար (նախկինում օգտագործված, արտադրման տարեթիվ՝ 2000 թ., քաշը՝ 33 տ)	հատ	1	ԵՄ	Վրաստան	30 000 000
9.	8702101994	Ավտոբուս	Շինարարական հերթափոխերի /հատուկ նշանակության խմբերի փոխադրման համար նախատեսված լիաքարշակ բեռնատարի թափքի հենքի վրա (հիմնականում անանցանելի ճանապարհային պայմաններում աշխատող) շարժիչային տրանսպորտային միջոց՝ նախատեսված 10 և ավելի մարդ տեղափոխելու համար՝ ներառյալ վարորդը (նախկինում օգտագործված, արտադրման տարեթիվ՝ 2012 թ., քաշը՝ 10 տ)	հատ	1	ՌԴ	Վրաստան	18 000 000
10.	8705400001	Բետոնախառնիչ	Բետոնի տեղափոխման համար պտտվող կոնտեյներով հագեցած բեռնատար (տարեթիվ՝ 2022 թ.)	հատ	2	ՌԴ	Վրաստան	72 000 000
11.	7325991000	Դետալներ (յoggles)	Թուջից դետալներ խողովակների միացման (կողպման) համար	հատ	4100	ԵՄ	ԵՄ	16 000 000
12.	3403199000	Քսայուղեր (լուբրիկանտ)	Քսայուղեր (լուբրիկանտ) խողովակների միացման համար	հատ	3800	ԵՄ	ԵՄ	6 000 000
13.	7307191000	Խողովակների միացման դետալներ	Խողովակների կցամասեր (միացումներ, արմունկներ և այլն) թուջից	հատ	4200	ԵՄ	ԵՄ	167 000 000
14.	9506112900	Դահուկներ	Ձյան համար նախատեսված դահուկներ	զույգ	1000	ԵՄ	ԵՄ	364 000 000
15.	9506112100	Դահուկներ	Մոնոդահուկներ և դահուկներ՝ նախատեսված սնոուբորդինգի համար	հատ	700	ԵՄ	ԵՄ	250 000 000
	Ընդամենը՝							16 519 600 000

Հայաստանի Հանրապետության վարչապետի աշխատակազմի ղեկավար

Ա. Հարությունյան

21.07.2022 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ