«Գրանցված է»
ՀՀ արդարադատության
նախարարության կողմից
17 հոկտեմբերի 2006 թ.
Պետական գրանցման թիվ 11506341

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՇԽԱՏԱՆՔԻ ԵՎ ՍՈՑԻԱԼԱԿԱՆ ՀԱՐՑԵՐԻ ՆԱԽԱՐԱՐ

Հ Ր Ա Մ Ա Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՇԽԱՏԱՆՔԻ ԵՎ ՍՈՑԻԱԼԱԿԱՆ ՀԱՐՑԵՐԻ ՆԱԽԱՐԱՐՈՒԹՅԱՆ «ԶԲԱՂՎԱԾՈՒԹՅԱՆ ՊԵՏԱԿԱՆ ԾԱՌԱՅՈՒԹՅՈՒՆ» ԳՈՐԾԱԿԱԼՈՒԹՅԱՆ ՏԱՐԱԾՔԱՅԻՆ (ՄԱՐԶԱՅԻՆ) ԿԵՆՏՐՈՆԻ, ԳՈՐԾԱԶՈՒՐԿԻ ԵՎ ԳՈՐԾԱՏՈՒԻ ՄԻՋԵՎ ԿՆՔՎՈՂ ԹԱՓՈՒՐ ԱՇԽԱՏԱՏԵՂԸ ՀԱՄԱԼՐԵԼՈՒ ՄԱՍԻՆ ԵՌԱԿՈՂՄ ՊԱՅՄԱՆԱԳՐԻ ՕՐԻՆԱԿԵԼԻ ԵՎ ԱՅԼ ՎԱՅՐ ԱՇԽԱՏԱՆՔԻ ԳՈՐԾՈՒՂՎՈՂ ԳՈՐԾԱԶՈՒՐԿԻ ՆՅՈՒԹԱԿԱՆ ԾԱԽՍԵՐԻ ՀԱՏՈՒՑՄԱՆ ՖԻՆԱՆՍԱՎՈՐՄԱՆ ՄԱՍԻՆ ՀԱՅՏ-ՊԱՀԱՆՋԱԳՐԻ ՁԵՎԵՐԸ ՀԱՍՏԱՏԵԼՈՒ ՄԱՍԻՆ

Ղեկավարվելով Հայաստանի Հանրապետության կառավարության 2006 թվականի հունիսի 16-ի «Այլ վայր աշխատանքի գործուղվող գործազուրկի նյութական ծախսերի հատուցման կարգը սահմանելու և Հայաստանի Հանրապետության կառավարության 1997 թվականի հունիսի 25-ի N 222 որոշման մեջ փոփոխություն կատարելու մասին» N 983-Ն որոշման 2-րդ կետով`

ՀՐԱՄԱՅՈՒՄ ԵՄ`

1. Հաստատել`

ա) Հայաստանի Հանրապետության աշխատանքի և սոցիալական հարցերի նախարարության «Զբաղվածության պետական ծառայություն» գործակալության տարածքային (մարզային) կենտրոնի, գործազուրկի և գործատուի միջև կնքվող թափուր աշխատատեղը համալրելու մասին եռակողմ պայմանագրի օրինակելի ձևը` համաձայն N 1 հավելվածի.

բ) այլ վայր աշխատանքի գործուղվող գործազուրկի նյութական ծախսերի հատուցման ֆինանսավորման մասին հայտ-պահանջագրի ձևերը` համաձայն N 2 հավելվածի և N 3 հավելվածի:

2. Սույն հրամանն ուժի մեջ է մտնում պաշտոնական հրապարակման օրվան հաջորդող տասներորդ օրը:

Ա. Վարդանյան

Ձև

Օ Ր Ի Ն Ա Կ Ե Լ Ի  Ե Ռ Ա Կ Ո Ղ Մ  Պ Ա Յ Մ Ա Ն Ա Գ Ի Ր

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՇԽԱՏԱՆՔԻ ԵՎ ՍՈՑԻԱԼԱԿԱՆ ՀԱՐՑԵՐԻ ՆԱԽԱՐԱՐՈՒԹՅԱՆ «ԶԲԱՂՎԱԾՈՒԹՅԱՆ ՊԵՏԱԿԱՆ ԾԱՌԱՅՈՒԹՅՈՒՆ» ԳՈՐԾԱԿԱԼՈՒԹՅԱՆ ՏԱՐԱԾՔԱՅԻՆ (ՄԱՐԶԱՅԻՆ) ԿԵՆՏՐՈՆԻ, ԳՈՐԾԱԶՈՒՐԿԻ ԵՎ ԳՈՐԾԱՏՈՒԻ ՄԻՋԵՎ ԿՆՔՎՈՂ  ԹԱՓՈՒՐ ԱՇԽԱՏԱՏԵՂԸ ՀԱՄԱԼՐԵԼՈՒ ՄԱՍԻՆ

Հայաստանի Հանրապետության աշխատանքի և սոցիալական հարցերի նախարարության «Զբաղվածության պետական ծառայություն» գործակալության տարածքային (մարզային) կենտրոնը (այսուհետ` տարածքային կենտրոն)__________________________

I. Պայմանագրի առարկան

1. Պայմանագրի առարկան տարածքային կենտրոնի առաջարկությամբ այլ վայր աշխատանքի գործուղվող անձի նյութական ծախսերի հատուցումն է:

II. Կողմերի իրավունքները

2. Անձը իրավունք ունի.

ա) տարածքային կենտրոնից պահանջել` ապահովելու առևտրային բանկում իր անվամբ բացված բանկային հաշվի համարին այլ վայր աշխատանքի գործուղման համար Հայաստանի Հանրապետության կառավարության 2006թ. հունիսի 16-ի N 983-Ն որոշմամբ սահմանված գումարի փոխանցումը, այդ թվում՝ միանվագ ֆինանսական աջակցության գումարը.

բ) գործատուից պահանջել աշխատանքային պայմանագրով նախատեսված գործատուի պարտավորությունների կատարում, այդ թվում՝ գործատուի և անձի միջև կնքված աշխատանքային պայմանագրով սահմանված ժամկետներում աշխատավարձի վճարում:

3. Գործատուն իրավունք ունի.

անձից պահանջել աշխատանքային պայմանագրով ստանձնած պարտավորությունների կատարում:

4. Տարածքային կենտրոնի տնօրենն իրավունք ունի.

ա) անձի և գործատուի կողմից սույն պայմանագրում նշված պարտավորությունների չկատարման դեպքում լուծել սույն պայմանագիրը և Հայաստանի Հանրապետության օրենսդրությամբ սահմանված կարգով պահանջել վերադարձնել ստացված ֆինանսական միջոցները.  

բ) սույն պայմանագիրը կնքելուց հետո մեկ տարվա ընթացքում գործատուից պահանջել տարածքային կենտրոն ներկայացնել տեղեկանք՝ անձի աշխատանքային գործունեության մասին:

III. Կողմերի պարտականությունները

5. Անձը պարտավոր է.

ա) սույն պայմանագիրը կնքելուց հետո երեք աշխատանքային օրվա ընթացքում առևտրային բանկում իր անվամբ բացել բանկային հաշիվ և այդ մասին եռօրյա ժամկետում տեղյակ պահել տարածքային կենտրոնի տնօրենին` հայտնելով իր անվամբ բացված բանկային հաշվի համարը և բանկի ռեկվիզիտները.

բ) սույն պայմանագրի 6-րդ կետի «ա» ենթակետում նշված ժամկետում անցնել աշխատանքի
________________________________________________________________ում
                                    (կազմակերպության անվանումը, գտնվելու վայրը)

_______________ մասնագիտությամբ, ___________ պաշտոնում աշխատանք կատարելու համար.

գ) Հայաստանի Հանրապետության կառավարության 2006թ. հունիսի 16-ի թիվ 983-Ն որոշման 24-րդ կետի «բ» և «գ» ենթակետերում նշված դեպքերում Հայաստանի Հանրապետության օրենսդրությամբ սահմանված կարգով հետ վերադարձնել այլ վայր աշխատանքի գործուղվելու կապակցությամբ ստացած ֆինանսական միջոցները` դրանք փոխանցելով Հայաստանի Հանրապետության ֆինանսների և էկոնոմիկայի նախարարության  տեղական գանձապետական բաժնում Հայաստանի Հանրապետության աշխատանքի և սոցիալական հարցերի նախարարության աշխատակազմի անվամբ բացված արտաբյուջետային միջոցների բանկային հաշվին:

6. Գործատուն պարտավոր է.

ընդունել աշխատանքի՝ նրա հետ կնքելով աշխատանքային պայմանագիր` Հայաստանի Հանրապետության օրենսդրությամբ սահմանված կարգով.

բ) Հայաստանի Հանրապետության կառավարության 2006թ. հունիսի 16-ի թիվ 983-Ն որոշման 24-րդ կետի «ա» և «գ» ենթակետերում նշված դեպքերում Հայաստանի Հանրապետության օրենսդրությամբ սահմանված կարգով հետ վերադարձնել այլ վայր աշխատանքի գործուղվելու կապակցությամբ գործազուրկին հատուցված ֆինանսական միջոցները` դրանք փոխանցելով Հայաստանի Հանրապետության ֆինանսների և էկոնոմիկայի նախարարության  տեղական գանձապետական բաժնում Հայաստանի Հանրապետության աշխատանքի և սոցիալական հարցերի նախարարության աշխատակազմի անվամբ բացված արտաբյուջետային միջոցների բանկային հաշվին:

7. Տարածքային կենտրոնի տնօրենը պարտավոր է.

այլ վայր աշխատանքի գործուղվող գործազուրկի նյութական ծախսերի հատուցման ֆինանսավորման մասին հայտ-պահանջագրով նախատեսված գումարն ստանալուց հետո 5 աշխատանքային օրվա ընթացքում փոխանցել անձի բանկային հաշվի համարին:

IV. Եզրափակիչ դրույթներ

8. Կողմերի միջև այն հարաբերությունները, որոնք չեն կարգավորվում սույն պայմանագրով, կարգավորվում են կողմերի փոխհամաձայնությամբ կամ Հայաստանի Հանրապետության օրենսդրությամբ սահմանված կարգով:

9. Սույն պայմանագիրը կազմված է երեք հավասարազոր օրինակից և պահվում է կնքող կողմերի մոտ:

10. Սույն պայմանագիրն ուժի մեջ է մտնում կնքման պահից:

____ _________ 200 թ.    
   
  Կ. Տ.

____ _________ 200 թ.     
     
    
  Կ. Տ.

____ _________ 200 թ.    

Ձև
«Զբաղվածության պետական ծառայություն»
գործակալության պետ ———————.————- -ին

Հ Ա Յ Տ - Պ Ա Հ Ա Ն Ջ Ա Գ Ի Ր

______ _______________200 թ.

Ձև
ՀՀ սոցիալական ապահովագրության պետական հիմնադրամի նախագահ

____ ___________-ին

Հ Ա Յ Տ - Պ Ա Հ Ա Ն Ջ Ա Գ Ի Ր

______ _______________200 թ.