ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

14 դեկտեմբերի 2017 թվականի N 1610-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2016 ԹՎԱԿԱՆԻ ԴԵԿՏԵՄԲԵՐԻ 29-Ի N 1313-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԿԱՏԱՐԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐՏԱԿԱՐԳ ԻՐԱՎԻՃԱԿՆԵՐԻ ՆԱԽԱՐԱՐՈՒԹՅԱՆԸ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ

«Հայաստանի Հանրապետության բյուջետային համակարգի մասին» Հայաստանի Հանրապետության օրենքի 19-րդ հոդվածի 3-րդ կետին համապատասխան` Հայաստանի Հանրապետության կառավարությունը որոշում է.

1. Հայաստանի Հանրապետության Վայոց ձորի Արտավանի և Սարավանի համայնքների հարակից տարածքում 2017 թվականի օգոստոսի 10-16-ը և Հայաստանի Հանրապետության Արարատի մարզի «Խոսրովի անտառ» պետական արգելոց» պետական ոչ առևտրային կազմակերպության «Զիմի» կոչվող տարածքում 2017 թվականի օգոստոսի 12-21-ը բռնկված անտառային հրդեհաշիջման աշխատանքների կատարման ժամանակ փրկարար ծառայողներին հատկացվող հանդերձանքի, սննդամթերքի և տրանսպորտային միջոցների՝ վառելանյութի, շարքից դուրս եկած տեխնիկայի և ավտոմեքենաների վերանորոգման հետ կապված ծախսերը փոխհատուցելու նպատակով Հայաստանի Հանրապետության 2017 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդից Հայաստանի Հանրապետության արտակարգ իրավիճակների նախարարությանը հատկացնել 38,602.3 հազ. դրամ, որից՝

1) 5040.0 հազ. դրամը` բյուջետային ծախսերի տնտեսագիտական դասակարգման «Մեքենաների և սարքավորումների ընթացիկ նորոգում և պահպանում» հոդվածով.

2) 25877,5 հազ. դրամը` բյուջետային ծախսերի տնտեսագիտական դասակարգման «Գրասենյակային նյութեր և հագուստ» հոդվածով.

3) 4605.0 հազ. դրամը` բյուջետային ծախսերի տնտեսագիտական դասակարգման «Հատուկ նպատակային այլ նյութեր» հոդվածով.

4) 3079,8 հազ. դրամը` բյուջետային ծախսերի տնտեսագիտական դասակարգման «Այլ ծախսեր» հոդվածով:

2. «Հայաստանի Հանրապետության կառավարության 2016 թվականի դեկտեմբերի 29-ի «Հայաստանի Հանրապետության 2017 թվականի պետական բյուջեի կատարումն ապահովող միջոցառումների մասին» N 1313-Ն որոշման NN 11 և 12 հավելվածներում կատարել լրացումներ` համաձայն NN 1, 2 և 3 հավելվածների:

3. Թույլատրել Հայաստանի Հանրապետության արտակարգ իրավիճակների նախարարությանը սույն որոշման 1-ին կետի 3-րդ և 4-րդ ենթակետերի ապրանքները և ծառայությունները ձեռք բերել «Մեկ անձից» գնման ընթացակարգով` համաձայն «Գնումների մասին» Հայաստանի Հանրապետության օրենքի 23-րդ հոդվածի 1-ին մասի 2-րդ կետի:

4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Կ. Կարապետյան
2017 թ. դեկտեմբերի 15 Երևան

Հավելված N 1 ՀՀ կառավարության 2017 թվականի դեկտեմբերի 14-ի N 1610-Ն որոշման

Հավելված N 2 ՀՀ կառավարության 2017 թվականի դեկտեմբերի 14-ի N 1610-Ն որոշման

Հավելված N 3 ՀՀ կառավարության 2017 թվականի դեկտեմբերի 14-ի N 1610-Ն որոշման