ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

15 դեկտեմբերի 2011 թվականի N 1835-Ն

ՀԱՅՏԱՐԱՐԱՏՈՒ ՊԱՇՏՈՆԱՏԱՐ ԱՆՁԻ ՀԱՐԿԱՅԻՆ ՏԱՐՎԱ ԳՈՒՅՔԻ, ԵԿԱՄՈՒՏՆԵՐԻ ԵՎ ՓՈԽԿԱՊԱԿՑՎԱԾ ԱՆՁԱՆՑ ՀԱՅՏԱՐԱՐԱԳՐԵՐՈՒՄ, ՀԱՅՏԱՐԱՐԱՏՈՒ պաշտոնատար անձի պաշտոնական պարտականություններն ստանձնելու կամ պաշտոնական պարտականությունները դադարեցնելու օրվա դրությամբ առկա գույքի, եկամուտների եվ փոխկապակցված անձանց հայտարարագրում, ԻՆՉՊԵՍ ՆԱԵՎ ՀԱՅՏԱՐԱՐԱՏՈՒ ՊԱՇՏՈՆԱՏԱՐ ԱՆՁԻ ԸՆՏԱՆԻՔԻ ԿԱԶՄԻ ՄԵՋ ՄՏՆՈՂ ԱՆՁԻՆ սեփականության իրավունքով պատկանող` հարկային տարվա ԳՈՒՅՔԻ, ԵԿԱՄՈՒՏՆԵՐԻ ՄԱՍԻՆ ՀԱՅՏԱՐԱՐԱԳՐԵՐՈՒՄ ՆԵՐԱՌՎԱԾ ՀՐԱՊԱՐԱԿՄԱՆ (ՏՐԱՄԱԴՐՄԱՆ) ԵՆԹԱԿԱ ՏՎՅԱԼՆԵՐԻ ՑԱՆԿԸ, ԲՈՎԱՆԴԱԿՈՒԹՅՈՒՆԸ ԵՎ ՁԵՎԸ ՍԱՀՄԱՆԵԼՈՒ ՄԱՍԻՆ

(վերնագիրը փոփ., լրաց. 03.05.12 N 627-Ն, փոփ. 17.08.17 N 993-Ն)

«Հանրային ծառայության մասին» Հայաստանի Հանրապետության օրենքի 37-րդ հոդվածի 2-րդ մասին համապատասխան` Հայաստանի Հանրապետության կառավարությունը որոշում է.

1. Սահմանել`

1) հայտարարատու պաշտոնատար անձի հարկային տարվա գույքի, եկամուտների և փոխկապակցված անձանց հայտարարագրում, հայտարարատու պաշտոնատար անձի պաշտոնական պարտականություններն ստանձնելու կամ պաշտոնական պարտականությունները դադարեցնելու օրվա դրությամբ առկա գույքի, եկամուտների և փոխկապակցված անձանց հայտարարագրում, ինչպես նաև հայտարարատու պաշտոնատար անձի ընտանիքի կազմի մեջ մտնող անձին սեփականության իրավունքով պատկանող՝ հարկային տարվա գույքի և եկամուտների մասին հայտարարագրում ներառված՝ հրապարակման (տրամադրման) ենթակա տվյալների ցանկը՝ համաձայն N 1 հավելվածի.

2)  հայտարարատու պաշտոնատար անձի հարկային տարվա գույքի, եկամուտների և փոխկապակցված անձանց հայտարարագրում, հայտարարատու պաշտոնատար անձի պաշտոնական պարտականություններն ստանձնելու կամ պաշտոնական պարտականությունները դադարեցնելու օրվա դրությամբ առկա գույքի, եկամուտների և փոխկապակցված անձանց հայտարարագրի, ինչպես նաև հայտարարատու պաշտոնատար անձի ընտանիքի կազմի մեջ մտնող անձի հարկային տարվա գույքի և եկամուտների մասին հայտարարագրում ներառված՝ հրապարակման (տրամադրման) ենթակա տվյալների բովանդակությունը՝ համաձայն N 2 հավելվածի

3) սահմանել, որ սույն որոշմամբ սահմանված հայտարարատու պաշտոնատար անձի հարկային տարվա գույքի, եկամուտների և փոխկապակցված անձանց հայտարարագրում, հայտարարատու պաշտոնատար անձի պաշտոնական պարտականություններն ստանձնելու կամ պաշտոնական պարտականությունները դադարեցնելու օրվա դրությամբ առկա գույքի, եկամուտների և փոխկապակցված անձանց հայտարարագրում, ինչպես նաև հայտարարատու պաշտոնատար անձի ընտանիքի կազմի մեջ մտնող անձին սեփականության իրավունքով պատկանող` հարկային տարվա գույքի և եկամուտների մասին հայտարարագրում ներառված՝ հրապարակման (տրամադրման) ենթակա տվյալները հրապարակվում են Հայաստանի Հանրապետության կառավարության 2011 թվականի դեկտեմբերի 15-ի N 1819-Ն որոշման 1-ին կետով հաստատված հայտարարագրերի հրապարակման եղանակով` բացառելով սույն որոշման համաձայն հրապարակման ոչ ենթակա տվյալների հրապարակումը:

(1-ին կետը խմբ. 03.05.12 N 627-Ն, փոփ. 17.08.17 N 993-Ն)

2. Սույն որոշումն ուժի մեջ է մտնում 2012 թվականի հունվարի 1-ից:

Ց Ա Ն Կ

1. Հայտարարատու պաշտոնատար անձի հարկային տարվա գույքի, եկամուտների և փոխկապակցված անձանց հայտարարագրում ներառված՝ հրապարակման (տրամադրման) ենթակա տվյալներն են՝

1) հարկային տարվա տարեթիվը.

2) հայտարարատուի (հայտարարատու պաշտոնատար անձի) ազգանունը, անունը, հայրանունը.

3) հայտարարատու պաշտոնատար անձի զբաղեցրած պաշտոնը.

4) հայտարարատու պաշտոնատար անձի պաշտոնն ստանձնելու օրը, ամիսը, տարեթիվը.

5) հայտարարագիրը ներկայացնելու օրը, ամիսը, տարեթիվը.

6) հայտարարատու պաշտոնատար անձի ընտանիքի կազմի մեջ մտնող անձի ազգանունը, անունը և հայրանունը.

7) հայտարարատու պաշտոնատար անձի կամ նրա ամուսնու հետ` ներառյալ մինչև 2-րդ աստիճանի արյունակցական կապի մեջ գտնվող՝ պաշտոն զբաղեցնող փոխկապակցված անձի անունը, ազգանունը, հայրանունը, զբաղեցրած պաշտոնը, ազգակցական կապը.

8) անշարժ գույքի տեսակը, հարկային տարում ձեռք բերված գույքի գինը և արժույթը, հարկային տարում օտարված գույքի գինը և արժույթը.

9) շարժական գույքի տեսակը, մակնիշը, սերիան, հարկային տարում ձեռք բերված գույքի գինը և արժույթը, հարկային տարում օտարված գույքի գինը և արժույթը.

10) արժեթղթերը և (կամ) այլ ներդրումը հավաստող փաստաթղթի տեսակը և արժույթը, հարկային տարում արժեթղթերի ձեռքբերման գինը (արժեքը), հարկային տարում արժեթղթերի օտարման գինը (արժեքը).

11) հանձնված կամ վերադարձված փոխառության արժույթը, հարկային տարում հանձնված և հարկային տարում վերադարձված փոխառության չափը.

12) Հայաստանի Հանրապետության կառավարության 2011 թվականի դեկտեմբերի 15-ի N 1819-Ն որոշման 1-ին կետի 1-ին ենթակետով հաստատված հայտարարագրի Բ1-Բ4-րդ կետերում չնշված և 8 մլն դրամը գերազանցող կամ դրան համարժեք արտարժույթից ավելի արժեք ունեցող թանկարժեք գույքի անվանումը, հարկային տարում ձեռք բերված գույքի գինը և արժույթը, հարկային տարում օտարված գույքի գինը և արժույթը.

13) դրամական միջոցների արժույթը, չափը (գումարը) հարկային տարվա սկզբում, չափը (գումարը) հարկային տարվա վերջում.

14) հայտարարատու պաշտոնատար անձի հարկային տարվա ընթացքում ստացված եկամուտների տեսակը, արժույթը, եկամտի չափը (գումարը)՝ արտարժույթով, եկամտի չափը (գումարը)՝ ընդամենը գումարը՝ դրամով և բնամթերքով:

(1-ին կետը փոփ. 19.02.15 N 150-Ն, 17.08.17 N 993-Ն)

2. Հայտարարատու պաշտոնատար անձի պաշտոնական պարտականություններն ստանձնելու կամ պաշտոնական պարտականությունները դադարեցնելու օրվա դրությամբ առկա գույքի, եկամուտների և փոխկապակցված անձանց հայտարարագրում ներառված՝ հրապարակման (տրամադրման) ենթակա տվյալներն են՝

1) հայտարարատուի (հայտարարատու պաշտոնատար անձի) ազգանունը, անունը, հայրանունը.

2) հայտարարատու պաշտոնատար անձի զբաղեցրած պաշտոնը.

3) պաշտոնն ստանձնելու (դադարեցնելու) ամսաթիվը.

4) հայտարարագիրը ներկայացնելու օրը, ամիսը, տարեթիվը.

5) հայտարարատու պաշտոնատար անձի ընտանիքի կազմի մեջ մտնող անձի ազգանունը, անունը և հայրանունը.

6) հայտարարատու պաշտոնատար անձի կամ նրա ամուսնու հետ` ներառյալ մինչև 2-րդ աստիճանի արյունակցական կապի մեջ գտնվող՝ պաշտոն զբաղեցնող փոխկապակցված անձի անունը, ազգանունը, հայրանունը, զբաղեցրած պաշտոնը, ազգակցական կապը.

7) պաշտոնական պարտականություններն ստանձնելու կամ դադարեցնելու օրվա դրությամբ առկա անշարժ գույքի տեսակը.

8) պաշտոնական պարտականություններն ստանձնելու կամ դադարեցնելու օրվա դրությամբ շարժական գույքի տեսակը, մակնիշը, սերիան.

9) պաշտոնական պարտականություններն ստանձնելու կամ դադարեցնելու օրվա դրությամբ արժեթղթերը և (կամ) այլ ներդրումը հավաստող փաստաթղթի տեսակը, արժեքը գինը, արժույթը.

10) պաշտոնական պարտականություններն ստանձնելու կամ դադարեցնելու օրվա դրությամբ հայտարարատու պաշտոնատար անձի հանձնած կամ հայտարարատու պաշտոնատար անձին վերադարձված փոխառության արժույթը, գումարը (չափը).

11) հայտարարատու պաշտոնատար անձի` պաշտոնական պարտականություններն ստանձնելու կամ դադարեցնելու օրվա դրությամբ՝ հայտարարագրի աղյուսակի 2-5-րդ կետերում չնշված՝ 8 մլն դրամը գերազանցող կամ դրան համարժեք արտարժույթից ավելի արժեք ունեցող ցանկացած գույքի (թանկարժեք գույք) անվանումը, համառոտ հատկանիշները.

12) դրամական միջոցների արժույթը, դրամական միջոցների չափը (գումարը)՝ պաշտոնական պարտականություններն ստանձնելու կամ դադարեցնելու օրվա դրությամբ.

13) հայտարարատու պաշտոնատար անձի պաշտոնական պարտականություններն ստանձնելու կամ դադարեցնելու տարվա հունվարի 1-ից մինչև պաշտոնական պարտականություններն ստանձնելու կամ դադարեցնելու օրն ստացված եկամուտների տեսակը, արժույթը, եկամտի չափը (գումարը)՝ արտարժույթով, եկամտի չափը (գումարը)՝ ընդամենը գումարը՝ դրամով և բնամթերքով:

(2-րդ կետը խմբ., փոփ. 19.02.15 N 150-Ն, փոփ. 17.08.17 N 993-Ն)

3. Հայտարարատու պաշտոնատար անձի ընտանիքի կազմի մեջ մտնող անձին սեփականության իրավունքով պատկանող հարկային տարվա գույքի և եկամուտների հայտարարագրում ներառված՝ հրապարակման (տրամադրման) ենթակա տվյալներն են՝

1) հարկային տարվա տարեթիվը.

2) հայտարարատու պաշտոնատար անձի ազգանունը, անունը, հայրանունը.

3) հայտարարատու պաշտոնատար անձի զբաղեցրած պաշտոնը.

4) հայտարարատու պաշտոնատար անձի պաշտոնն ստանձնելու օրը, ամիսը, տարեթիվը.

5) ընտանիքի կազմի մեջ մտնող անձի ազգանունը, անունը, հայրանունը.

6) ընտանիքի կազմի մեջ մտնող անձի հայտարարագիրը ներկայացնելու օրը, ամիսը, տարեթիվը.

7) հայտարարատու պաշտոնատար անձի ամուսնու անշարժ գույքի տեսակը, հարկային տարում ձեռք բերված գույքի գինը և արժույթը, հարկային տարում օտարված գույքի գինը և արժույթը.

8) հայտարարատու պաշտոնատար անձի խնամակալության կամ հոգաբարձության տակ գտնվող անձի, հայտարարատու պաշտոնատար անձի հետ համատեղ բնակվող անձի անշարժ գույքի տեսակը, հարկային տարում ձեռք բերված գույքի գինը և արժույթը, հարկային տարում օտարված գույքի գինը և արժույթը, եթե անշարժ գույքի ձեռքբերման գործարքների ընդհանուր գինը կամ օտարման գործարքների ընդհանուր գինը գերազանցել է 50 մլն դրամը կամ դրան համարժեք արտարժույթը.

9) հայտարարատու պաշտոնատար անձի ամուսնու շարժական գույքի տեսակը, մակնիշը, սերիան, հարկային տարում ձեռք բերված գույքի գինը և արժույթը, հարկային տարում օտարված գույքի գինը և արժույթը.

10) հայտարարատու պաշտոնատար անձի խնամակալության կամ հոգաբարձության տակ գտնվող անձի, հայտարարատու պաշտոնատար անձի հետ համատեղ բնակվող անձի շարժական գույքի տեսակը, մակնիշը, սերիան, հարկային տարում ձեռք բերված գույքի գինը և արժույթը, հարկային տարում օտարված գույքի գինը և արժույթը, եթե հայտարարատու պաշտոնատար անձի խնամակալության կամ հոգաբարձության տակ գտնվող անձի, հայտարարատու պաշտոնատար անձի հետ համատեղ բնակվող անձի կողմից հարկային տարվա ընթացքում ձեռք բերված, իսկ օտարման դեպքում նաև օտարված շարժական գույքի գործարքների ընդհանուր գինը (արժեքը) գերազանցել է 8 մլն դրամը կամ դրան համարժեք արտարժույթը.

11) հայտարարատու պաշտոնատար անձի ամուսնու արժեթղթերը և (կամ) այլ ներդրումը հավաստող փաստաթղթի տեսակը և արժույթը, հարկային տարում արժեթղթերի ձեռքբերման գինը (արժեքը), հարկային տարում արժեթղթերի օտարման գինը (արժեքը).

12) հայտարարատու պաշտոնատար անձի խնամակալության կամ հոգաբարձության տակ գտնվող անձի, հայտարարատու պաշտոնատար անձի հետ համատեղ բնակվող անձի արժեթղթերը և (կամ) այլ ներդրումը հավաստող փաստաթղթի տեսակը և արժույթը, հարկային տարում արժեթղթերի ձեռքբերման գինը (արժեքը), հարկային տարում արժեթղթերի օտարման գինը (արժեքը), եթե հայտարարատու պաշտոնատար անձի խնամակալության կամ հոգաբարձության տակ գտնվող անձի, հայտարարատու պաշտոնատար անձի հետ համատեղ բնակվող անձի կողմից հարկային տարվա ընթացքում օտարված կամ ձեռք բերված արժեթղթերի և (կամ) այլ ներդրման գործարքների ընդհանուր գինը գերազանցել է 8 մլն դրամը կամ դրան համարժեք արտարժույթը.

13) հայտարարատու պաշտոնատար անձի ամուսնու հանձնած կամ նրան վերադարձված փոխառության արժույթը, հարկային տարում հանձնված և հարկային տարում վերադարձված փոխառության չափը.

14) հայտարարատու պաշտոնատար անձի խնամակալության կամ հոգաբարձության տակ գտնվող անձի, հայտարարատու պաշտոնատար անձի հետ համատեղ բնակվող անձի կողմից հարկային տարվա ընթացքում հանձնված կամ նրանց կողմից վերադարձված փոխառությունը, եթե փոխառության հանձնման գործարքների ընդհանուր գումարը կամ վերադարձման գործարքների ընդհանուր գումարը գերազանցել է 8 մլն դրամը կամ դրան համարժեք արտարժույթը.

15) հայտարարատու պաշտոնատար անձի ամուսնու` Հայաստանի Հանրապետության կառավարության 2011 թվականի դեկտեմբերի 15-ի N 1819-Ն որոշման 1-ին կետի 3-րդ ենթակետով հաստատված հայտարարագրի Ա1-Ա4-րդ կետերում չնշված և 8 մլն դրամը գերազանցող կամ դրան համարժեք արտարժույթից ավելի արժեք ունեցող թանկարժեք գույքի անվանումը, հարկային տարում ձեռք բերված գույքի գինը և արժույթը, հարկային տարում օտարված գույքի գինը և արժույթը.

16) հայտարարատու պաշտոնատար անձի խնամակալության կամ հոգաբարձության տակ գտնվող անձի, հայտարարատու պաշտոնատար անձի հետ համատեղ բնակվող անձի` Հայաստանի Հանրապետության կառավարության 2011 թվականի դեկտեմբերի 15-ի N 1819-Ն որոշման 1-ին կետի 3-րդ ենթակետով հաստատված հայտարարագրի Ա1-Ա4-րդ կետերում չնշված և 8 մլն դրամը գերազանցող կամ դրան համարժեք արտարժույթից ավելի արժեք ունեցող թանկարժեք գույքի անվանումը, հարկային տարում ձեռք բերված գույքի գինը և արժույթը, հարկային տարում օտարված գույքի գինը և արժույթը.

17) հայտարարատու պաշտոնատար անձի ամուսնու դրամական միջոցների արժույթը, չափը (գումարը) հարկային տարվա սկզբում, չափը (գումարը) հարկային տարվա վերջում.

18) հայտարարատու պաշտոնատար անձի ամուսնու՝ հարկային տարվա ընթացքում ստացած եկամուտների տեսակը, արժույթը, եկամտի չափը (գումարը)՝ արտարժույթով, եկամտի չափը (գումարը)՝ ընդամենը գումարը՝ դրամով և բնամթերքով.

19) հայտարարատու պաշտոնատար անձի խնամակալության կամ հոգաբարձության տակ գտնվող անձի, հայտարարատու պաշտոնատար անձի հետ համատեղ բնակվող անձի՝ հարկային տարվա ընթացքում ստացած եկամուտների տեսակը, արժույթը, եկամտի չափը (գումարը)՝ արտարժույթով, եկամտի չափը (գումարը)՝ ընդամենը գումարը՝ դրամով և բնամթերքով:

(3-րդ կետը փոփ. 19.02.15 N 150-Ն, 17.08.17 N 993-Ն)

(հավելվածը խմբ. 03.05.12 N 627-Ն, փոփ., խմբ. 19.02.15 N 150-Ն, փոփ. 17.08.17 N 993-Ն)

Բ Ո Վ Ա Ն Դ Ա Կ ՈՒ Թ Յ ՈՒ Ն

հայտարարատու ՊԱՇՏՈՆԱՏԱՐ ԱՆՁԻ ՀԱՐԿԱՅԻՆ ՏԱՐՎԱ ԳՈՒՅՔԻ, ԵԿԱՄՈՒՏՆԵՐԻ ԵՎ ՓՈԽԿԱՊԱԿՑՎԱԾ ԱՆՁԱՆՑ ՀԱՅՏԱՐԱՐԱԳՐՈՒՄ, հայտարարատու ՊԱՇՏՈՆԱՏԱՐ ԱՆՁԻ ՊԱՇՏՈՆԱԿԱՆ ՊԱՐՏԱԿԱՆՈՒԹՅՈՒՆՆԵՐՆ ՍՏԱՆՁՆԵԼՈՒ ԿԱՄ ՊԱՇՏՈՆԱԿԱՆ ՊԱՐՏԱԿԱՆՈՒԹՅՈՒՆՆԵՐԸ ԴԱԴԱՐԵՑՆԵԼՈՒ ՕՐՎԱ ԴՐՈՒԹՅԱՄԲ ԱՌԿԱ ԳՈՒՅՔԻ, ԵԿԱՄՈՒՏՆԵՐԻ ԵՎ ՓՈԽԿԱՊԱԿՑՎԱԾ ԱՆՁԱՆՑ ՀԱՅՏԱՐԱՐԱԳՐԻ, ԻՆՉՊԵՍ ՆԱԵՎ հայտարարատու ՊԱՇՏՈՆԱՏԱՐ ԱՆՁԻ ընտանիքի կազմի մեջ մտնող անձի ՀԱՐԿԱՅԻՆ ՏԱՐՎԱ ԳՈՒՅՔԻ ԵՎ ԵԿԱՄՈՒՏՆԵՐԻ ՄԱՍԻՆ ՀԱՅՏԱՐԱՐԱԳՐՈՒՄ ՆԵՐԱՌՎԱԾ՝ ՀՐԱՊԱՐԱԿՄԱՆ (ՏՐԱՄԱԴՐՄԱՆ) ԵՆԹԱԿԱ ՏՎՅԱԼՆԵՐԻ

1. Հայտարարատու պաշտոնատար անձի հարկային տարվա գույքի, եկամուտների և փոխկապակցված անձանց հայտարարագրում ներառված՝ հրապարակման (տրամադրման) ենթակա տվյալները պետք է բովանդակեն՝

1) հարկային տարվա տարեթիվը, որի համար ներկայացվել է հայտարարագիրը.

2) հայտարարատու պաշտոնատար անձի (հայտարարատուի) ազգանունը, անունը, հայրանունը՝ ըստ անձնագրի.

3) հայտարարատու պաշտոնատար անձի զբաղեցրած պաշտոնի ամբողջական անվանումը՝ ներառելով պետական մարմնի անվանումը.

4) հայտարարատու պաշտոնատար անձի պաշտոնն ստանձնելու օրը, ամիսը, տարեթիվը.

5) հայտարարագիրը ներկայացնելու օրը, ամիսը, տարեթիվը.

6) հայտարարատու պաշտոնատար անձի ընտանիքի կազմի մեջ մտնող անձի ազգանունը, անունը և հայրանունը.

7) հայտարարատու պաշտոնատար անձի կամ նրա ամուսնու հետ` ներառյալ մինչև 2-րդ աստիճանի արյունակցական կապի մեջ գտնվող՝ պաշտոն զբաղեցնող փոխկապակցված անձի անունը, ազգանունը, հայրանունը, զբաղեցրած պաշտոնի ամբողջական անվանումը, այդ թվում՝ պետական մարմնի այն կառուցվածքային ստորաբաժանման անվանումը, որտեղ նա պաշտոն է զբաղեցնում, ազգակցական կապի տեսակը.

8) հայտարարատու պաշտոնատար անձին սեփականության իրավունքով պատկանող անշարժ գույքի տեսակը՝ հողամասը, ընդերքի մասը, մեկուսի ջրային օբյեկտը, անտառը, բազմամյա տնկին, շենքը, շինությունը, հողին ամրակայված այլ գույքը, որն օտարվել կամ ձեռք է բերվել հարկային տարում, այդ գործարքների ընդհանուր գինը (արժեքը), արժույթի անվանումը.

9) հայտարարատու պաշտոնատար անձին սեփականության իրավունքով պատկանող շարժական գույքի տեսակը՝ ավտոմոբիլային տրանսպորտի միջոցները, որոնց շարժիչների աշխատանքային ծավալը գերազանցում է 50 խոր. սմ-ն, իսկ առավելագույն արագությունը՝ 50 կմ/ժ-ն, ինչպես նաև տարբեր բեռնատարողությամբ կցորդները կամ կիսակցորդները, անվավոր, թրթուրավոր, ինքնագնաց մեքենան կամ մեխանիզմը, օդային, ջրային փոխադրամիջոցը, որոնք օտարվել կամ ձեռք են բերվել հարկային տարում, դրանց սերիան, մակնիշը, թողարկման տարեթիվը, գինը (արժեքը), արժույթի անվանումը.

10) հայտարարատու պաշտոնատար անձի կողմից հարկային տարում ձեռք բերված, իսկ օտարման դեպքում` նաև օտարված արժեթղթերը` պարտատոմսը, չեկը, մուրհակը, բաժնետոմսը և Հայաստանի Հանրապետության օրենքներով արժեթղթերի թվին դասվող այլ փաստաթուղթը՝ բացառությամբ բանկային վկայագրի և (կամ) այլ ներդրումը հավաստող փաստաթուղթը` բաժնեմասը, փայաբաժինը (արժեթուղթ և (կամ) այլ ներդրում), ինչպես նաև դրանց գինը (արժեքը), արժույթի անվանումը.

11) հանձնված կամ վերադարձված փոխառությունը, որը հայտարարատու պաշտոնատար անձը հանձնել է, կամ, որը նրան վերադարձվել է հարկային տարում: Փոխառություն է համարվում հայտարարատուի կողմից այլ սուբյեկտի սեփականությանը դրամի (փոխառության գումարի) կամ տեսակային հատկանիշներով որոշվող այլ գույքի հանձնումը՝ միևնույն գումարի չափով դրամ կամ ստացված գույքին հավասար քանակով և նույն տեսակի ու որակի գույք վերադարձնելու պայմանով, փոխառության գումարը (չափը), արժույթի անվանումը.

12) հայտարարատու պաշտոնատար անձի կողմից հարկային տարվա ընթացքում ձեռք բերված, իսկ օտարման դեպքում նաև օտարված` Հայաստանի Հանրապետության կառավարության 2011 թվականի դեկտեմբերի 15-ի N 1819-Ն որոշման 1-ին կետի 1-ին ենթակետով հաստատված հայտարարագրի Բ1-Բ4-րդ կետերում չնշված և 8 մլն դրամից կամ դրան համարժեք արտարժույթից ավելի արժեք ունեցող թանկարժեք գույքի անվանումը, գույքի գինը (արժեքը) և արժույթի անվանումը.

13) դրամական միջոցների արժույթի անվանումը, հարկային տարվա սկզբում դրամական միջոցների գումարի մեծությունը, հարկային տարվա վերջում դրամական միջոցների գումարի մեծությունը.

14) հայտարարատու պաշտոնատար անձի կողմից հարկային տարում ստացված եկամուտների տեսակը, արժույթի անվանումը, եկամուտների չափի հանրագումարը՝ դրամով, արտարժույթով, բնամթերային (ոչ դրամական) միջոցներով, բնամթերային (ոչ դրամական) ձևով ստացված եկամուտների հանրագումարը՝ արտացոլված դրամով, արտարժույթով ստացված եկամուտների հանրագումարը՝ արտացոլված ըստ արժույթի տեսակների։

(1-ին կետը փոփ. 17.08.17 N 993-Ն)

2. Հայտարարատու պաշտոնատար անձի պաշտոնական պարտականություններն ստանձնելու կամ պաշտոնական պարտականությունները դադարեցնելու օրվա դրությամբ առկա գույքի, եկամուտների և փոխկապակցված անձանց հայտարարագրում ներառված՝ հրապարակման (տրամադրման) ենթակա տվյալները պետք է բովանդակեն՝

1) հայտարարատուի (հայտարարատու պաշտոնատար անձի) ազգանունը, անունը, հայրանունը.

2) հայտարարատու պաշտոնատար անձի զբաղեցրած պաշտոնի ամբողջական անվանումը՝ ներառելով պետական մարմնի անվանումը.

3) պաշտոնն ստանձնելու (դադարեցնելու) ամսաթիվը.

4) հայտարարագիրը ներկայացնելու օրը, ամիսը, տարեթիվը.

5) հայտարարատու պաշտոնատար անձի ընտանիքի կազմի մեջ մտնող անձի ազգանունը, անունը և հայրանունը.

6) հայտարարատու պաշտոնատար անձի կամ նրա ամուսնու հետ` ներառյալ մինչև 2-րդ աստիճանի արյունակցական կապի մեջ գտնվող՝ պաշտոն զբաղեցնող փոխկապակցված անձի անունը, ազգանունը, հայրանունը, զբաղեցրած պաշտոնի ամբողջական անվանումը, այդ թվում՝ պետական մարմնի այն կառուցվածքային ստորաբաժանման անվանումը, որտեղ նա պաշտոն է զբաղեցնում, ազգակցական կապի տեսակը.

7) պաշտոնական պարտականություններն ստանձնելու կամ դադարեցնելու օրվա դրությամբ առկա անշարժ գույքի տեսակը` հողամասը, ընդերքի մասը, մեկուսի ջրային օբյեկտը, անտառը, բազմամյա տնկին, շենքը, շինությունը, հողին ամրակայված այլ գույքը.

8) պաշտոնական պարտականություններն ստանձնելու կամ դադարեցնելու օրվա դրությամբ առկա շարժական գույքի տեսակը` ավտոմոբիլային տրանսպորտի միջոցները, որոնց շարժիչների աշխատանքային ծավալը գերազանցում է 50 խոր. սմ-ն, իսկ առավելագույն արագությունը՝ 50 կմ/ժ-ն, ինչպես նաև տարբեր բեռնատարողությամբ կցորդները կամ կիսակցորդները, անվավոր, թրթուրավոր, ինքնագնաց մեքենան կամ մեխանիզմը, օդային, ջրային փոխադրամիջոցը, դրանց սերիան, մակնիշը, թողարկման տարեթիվը.

9) պաշտոնական պարտականություններն ստանձնելու կամ դադարեցնելու օրվա դրությամբ առկա արժեթղթերը` պարտատոմսը, չեկը, մուրհակը, բաժնետոմսը և Հայաստանի Հանրապետության օրենքներով արժեթղթերի թվին դասվող այլ փաստաթուղթը՝ բացառությամբ բանկային վկայագրի և (կամ) այլ ներդրումը հավաստող փաստաթուղթը` բաժնեմասը, փայաբաժինը (արժեթուղթ և (կամ) այլ ներդրում), ինչպես նաև դրանց գինը (արժեքը) և արժույթի անվանումը.

10) պաշտոնական պարտականություններն ստանձնելու կամ դադարեցնելու օրվա դրությամբ առկա փոխառության արժույթի անվանումը և գումարի չափը: Փոխառություն է համարվում հայտարարատուի կողմից այլ սուբյեկտի սեփականությանը դրամի (փոխառության գումարի) կամ տեսակային հատկանիշներով որոշվող այլ գույքի հանձնումը՝ միևնույն գումարի չափով դրամ կամ ստացված գույքին հավասար քանակով և նույն տեսակի ու որակի գույք վերադարձնելու պայմանով.

11) հայտարարատու պաշտոնատար անձի` պաշտոնական պարտականություններն ստանձնելու կամ դադարեցնելու օրվա դրությամբ՝ հայտարարագրի աղյուսակի 2-5-րդ կետերում չնշված՝ 8 մլն դրամը գերազանցող կամ դրան համարժեք արտարժույթից ավելի արժեք ունեցող թանկարժեք գույքի անվանումը, համառոտ հատկանիշները, թանկարժեք գույքի առկայության վերաբերյալ նշումը.

12) դրամական միջոցների արժույթի անվանումը, հայտարարատու պաշտոնատար անձի պաշտոնական պարտականություններն ստանձնելու կամ դադարեցնելու օրվա դրությամբ առկա դրամական միջոցների գումարի մեծությունը.

13) հայտարարատու պաշտոնատար անձի՝ պաշտոնական պարտականություններն ստանձնելու կամ դադարեցնելու տարվա հունվարի 1-ից մինչև պաշտոնական պարտականություններն ստանձնելու կամ դադարեցնելու օրն ստացված եկամուտների տեսակը, արժույթի անվանումը, եկամուտների չափի հանրագումարը՝ դրամով, արտարժույթով, բնամթերային (ոչ դրամական) միջոցներով, բնամթերային (ոչ դրամական) ձևով ստացված եկամուտների հանրագումարը՝ արտացոլված դրամով, արտարժույթով ստացված եկամուտների հանրագումարը՝ արտացոլված ըստ արժույթի տեսակների:

(2-րդ կետը խմբ., փոփ. 19.02.15 N 150-Ն, փոփ. 17.08.17 N 993-Ն)

3. Հայտարարատու պաշտոնատար անձի ընտանիքի կազմի մեջ մտնող անձին սեփականության իրավունքով պատկանող հարկային տարվա գույքի և եկամուտների հայտարարագրում ներառված՝ հրապարակման (տրամադրման) ենթակա տվյալները պետք է բովանդակեն՝

1) հարկային տարվա տարեթիվը, որի համար ներկայացվել է հայտարարագիրը.

2) հայտարարատու պաշտոնատար անձի ազգանունը, անունը, հայրանունը.

3) հայտարարատու պաշտոնատար անձի զբաղեցրած պաշտոնի ամբողջական անվանումը՝ ներառելով պետական մարմնի անվանումը.

4) հայտարարատու պաշտոնատար անձի պաշտոնն ստանձնելու օրը, ամիսը, տարեթիվը.

5) ընտանիքի կազմի մեջ մտնող անձի ազգանունը, անունը, հայրանունը՝ ըստ անձնագրի.

6) ընտանիքի կազմի մեջ մտնող անձի հայտարարագիրը ներկայացնելու օրը, ամիսը, տարեթիվը.

7) հայտարարատու պաշտոնատար անձի ամուսնուն սեփականության իրավունքով պատկանող անշարժ գույքի տեսակը՝ հողամասը, ընդերքի մասը, մեկուսի ջրային օբյեկտը, անտառը, բազմամյա տնկին, շենքը, շինությունը, հողին ամրակայված այլ գույքը, որն օտարվել կամ ձեռք է բերվել հարկային տարում, դրա գինը (արժեքը), արժույթի անվանումը.

8) հայտարարատու պաշտոնատար անձի խնամակալության կամ հոգաբարձության տակ գտնվող անձին, հայտարարատու պաշտոնատար անձի հետ համատեղ բնակվող անձին սեփականության իրավունքով պատկանող անշարժ գույքի տեսակը՝ հողամասը, ընդերքի մասը, մեկուսի ջրային օբյեկտը, անտառը, բազմամյա տնկին, շենքը, շինությունը, հողին ամրակայված այլ գույքը, եթե հարկային տարում ձեռք բերված գործարքների ընդհանուր գինը (արժեքը) կամ օտարման գործարքների ընդհանուր գինը (արժեքը) գերազանցել է 50 մլն դրամը կամ դրան համարժեք արտարժույթը: Ընդ որում, ձեռքբերման գործարքների ընդհանուր գինը (արժեքը) կամ օտարման գործարքների ընդհանուր գինը (արժեքը) 50 մլն դրամը գերազանցելու դեպքում ներառվում են անշարժ գույքի ձեռքբերման ու օտարման բոլոր գործարքները, դրա գինը (արժեքը), արժույթի անվանումը.

9) հայտարարատու պաշտոնատար անձի ամուսնուն սեփականության իրավունքով պատկանող շարժական գույքի տեսակը՝ ավտոմոբիլային տրանսպորտի միջոցները, որոնց շարժիչների աշխատանքային ծավալը գերազանցում է 50 խոր. սմ-ն, իսկ առավելագույն արագությունը՝ 50 կմ/ժ-ն, ինչպես նաև տարբեր բեռնատարողությամբ կցորդները կամ կիսակցորդները, անիվավոր, թրթուրավոր, ինքնագնաց մեքենան կամ մեխանիզմը, օդային, ջրային փոխադրամիջոցը, որոնք օտարվել կամ ձեռք են բերվել հարկային տարում, դրանց սերիան, մակնիշը, թողարկման տարեթիվը, գինը (արժեքը), արժույթի անվանումը.

10) հայտարարատու պաշտոնատար անձի խնամակալության կամ հոգաբարձության տակ գտնվող անձին, հայտարարատու պաշտոնատար անձի հետ համատեղ բնակվող անձին սեփականության իրավունքով պատկանող շարժական գույքի տեսակը՝ ավտոմոբիլային տրանսպորտի միջոցները, որոնց շարժիչների աշխատանքային ծավալը գերազանցում է 50 խոր. սմ-ն, իսկ առավելագույն արագությունը՝ 50 կմ/ժ-ն, ինչպես նաև տարբեր բեռնատարողությամբ կցորդները կամ կիսակցորդները, անվավոր, թրթուրավոր, ինքնագնաց մեքենան կամ մեխանիզմը, օդային, ջրային փոխադրամիջոցը, որոնք օտարվել կամ ձեռք են բերվել հարկային տարում, եթե ձեռքբերման, իսկ օտարման դեպքում նաև օտարման գործարքների ընդհանուր գինը (արժեքը) գերազանցել է 8 մլն դրամը կամ դրան համարժեք արտարժույթը: Ընդ որում, ձեռքբերման գործարքների ընդհանուր գինը (արժեքը) կամ օտարման գործարքների ընդհանուր գինը (արժեքը) 8 մլն դրամը գերազանցելու դեպքում ներառվում են շարժական գույքի ձեռքբերման ու օտարման բոլոր գործարքները, դրա գինը (արժեքը), արժույթի անվանումը.

11) հայտարարատու պաշտոնատար անձի ամուսնու կողմից հարկային տարում ձեռք բերված, իսկ օտարման դեպքում նաև օտարված արժեթղթերը` պարտատոմսը, չեկը, մուրհակը, բաժնետոմսը և Հայաստանի Հանրապետության օրենքներով արժեթղթերի թվին դասվող այլ փաստաթուղթը՝ բացառությամբ բանկային վկայագրի և (կամ) այլ ներդրումը հավաստող փաստաթուղթը` բաժնեմասը, փայաբաժինը (արժեթուղթ և (կամ) այլ ներդրում), ինչպես նաև դրանց գինը (արժեքը), արժույթի անվանումը.

12) հայտարարատու պաշտոնատար անձի խնամակալության կամ հոգաբարձության տակ գտնվող անձի, հայտարարատու պաշտոնատար անձի հետ համատեղ բնակվող անձի կողմից հարկային տարում ձեռք բերված և օտարված արժեթղթերը` պարտատոմսը, չեկը, մուրհակը, բաժնետոմսը և Հայաստանի Հանրապետության օրենքներով արժեթղթերի թվին դասվող այլ փաստաթուղթը՝ բացառությամբ բանկային վկայագրի և (կամ) այլ ներդրումը հավաստող փաստաթուղթը` բաժնեմասը, փայաբաժինը (արժեթուղթ և (կամ) այլ ներդրում), եթե հարկային տարում օտարված կամ ձեռք բերված արժեթղթերի և (կամ) այլ ներդրման գործարքների ընդհանուր գինը գերազանցել է 8 մլն դրամը կամ դրան համարժեք արտարժույթը: Ընդ որում, ձեռքբերման գործարքների ընդհանուր գինը (արժեքը) կամ օտարման գործարքների ընդհանուր գինը (արժեքը) 8 մլն դրամը գերազանցելու դեպքում ներառվում են արժեթղթերի ձեռքբերման և (կամ) այլ ներդրման ու օտարման բոլոր գործարքները, ինչպես նաև դրա գինը (արժեքը), արժույթի անվանումը.

13) հանձնված կամ վերադարձված փոխառությունը, որը հայտարարատու պաշտոնատար անձի ամուսինը հանձնել է, կամ, որը նրան վերադարձվել է հարկային տարում: Փոխառություն է համարվում հայտարարատուի կողմից այլ սուբյեկտի սեփականությանը դրամի (փոխառության գումարի) կամ տեսակային հատկանիշներով որոշվող այլ գույքի հանձնումը՝ միևնույն գումարի չափով դրամ կամ ստացված գույքին հավասար քանակով և նույն տեսակի ու որակի գույք վերադարձնելու պայմանով, փոխառության գումարը (չափը), արժույթի անվանումը.

14) հանձնված կամ վերադարձված փոխառությունը, որը հայտարարատու պաշտոնատար անձի խնամակալության կամ հոգաբարձության տակ գտնվող անձը, հայտարարատու պաշտոնատար անձի հետ համատեղ բնակվող անձը հանձնել է, կամ, որը նրան վերադարձվել է հարկային տարում: Փոխառություն է համարվում հայտարարատուի կողմից այլ սուբյեկտի սեփականությանը դրամի (փոխառության գումարի) կամ տեսակային հատկանիշներով որոշվող այլ գույքի հանձնումը՝ միևնույն գումարի չափով դրամ կամ ստացված գույքին հավասար քանակով և նույն տեսակի ու որակի գույք վերադարձնելու պայմանով, փոխառության գումարը (չափը), արժույթի անվանումը.

15) հայտարարատու պաշտոնատար անձի ամուսնուն սեփականության իրավունքով պատկանող` Հայաստանի Հանրապետության կառավարության 2011 թվականի դեկտեմբերի 15-ի N 1819-Ն որոշման 1-ին կետի 1-ին ենթակետով հաստատված հայտարարագրի Բ1-Բ4-րդ կետերում չնշված և 8 մլն դրամից կամ դրան համարժեք արտարժույթից ավելի արժեք ունեցող` հարկային տարվա ընթացքում ձեռք բերված, իսկ օտարման դեպքում՝ նաև օտարված թանկարժեք գույքի անվանումը, գույքի գինը (արժեքը) և արժույթի անվանումը.

16) հայտարարատու պաշտոնատար անձի խնամակալության կամ հոգաբարձության տակ գտնվող անձին, հայտարարատու պաշտոնատար անձի հետ համատեղ բնակվող անձին սեփականության իրավունքով պատկանող` Հայաստանի Հանրապետության կառավարության 2011 թվականի դեկտեմբերի 15-ի N 1819-Ն որոշման 1-ին կետի 1-ին ենթակետով հաստատված հայտարարագրի Բ1-Բ4-րդ կետերում չնշված և 8 մլն դրամից կամ դրան համարժեք արտարժույթից ավելի արժեք ունեցող` հարկային տարվա ընթացքում ձեռք բերված, իսկ օտարման դեպքում նաև օտարված թանկարժեք գույքի անվանումը, գույքի գինը (արժեքը) և արժույթի անվանումը.

17) հայտարարատու պաշտոնատար անձի ամուսնու դրամական միջոցների արժույթի անվանումը, հարկային տարվա սկզբում դրամական միջոցների գումարի մեծությունը, հարկային տարվա վերջում դրամական միջոցների գումարի մեծությունը.

18) հայտարարատու պաշտոնատար անձի ամուսնու կողմից հարկային տարում ստացված եկամուտների տեսակը, արժույթի անվանումը, եկամուտների չափի հանրագումարը՝ դրամով, արտարժույթով, բնամթերային (ոչ դրամական) միջոցներով, բնամթերային (ոչ դրամական) ձևով ստացված եկամուտների հանրագումարը՝ արտացոլված դրամով, արտարժույթով ստացված եկամուտների հանրագումարը՝ արտացոլված ըստ արժույթի տեսակների.

19) հայտարարատու պաշտոնատար անձի խնամակալության կամ հոգաբարձության տակ գտնվող անձի, հայտարարատու պաշտոնատար անձի հետ համատեղ բնակվող անձի կողմից հարկային տարում ստացված եկամուտների տեսակը, արժույթի անվանումը, եկամուտների չափի հանրագումարը՝ դրամով, արտարժույթով, բնամթերային (ոչ դրամական) միջոցներով, բնամթերային (ոչ դրամական) ձևով ստացված եկամուտների հանրագումարը՝ արտացոլված դրամով, արտարժույթով ստացված եկամուտների հանրագումարը՝ արտացոլված ըստ արժույթի տեսակների:

(3-րդ կետը փոփ. 17.08.17 N 993-Ն)

(հավելվածը խմբ. 03.05.12 N 627-Ն, խմբ. փոփ. 19.02.15 N 150-Ն, փոփ. 17.08.17 N 993-Ն)

ԲԱՐՁՐԱՍՏԻՃԱՆ ՊԱՇՏՈՆԱՏԱՐ ԱՆՁԻ _____ԹՎԱԿԱՆԻ ԳՈՒՅՔԻ, ԵԿԱՄՈՒՏՆԵՐԻ ԵՎ ՓՈԽԿԱՊԱԿՑՎԱԾ ԱՆՁԱՆՑ ՀԱՅՏԱՐԱՐԱԳՐԵՐՈՒՄ, ԻՆՉՊԵՍ ՆԱԵՎ ԲԱՐՁՐԱՍՏԻՃԱՆ ՊԱՇՏՈՆԱՏԱՐ ԱՆՁԻ ԱՄՈՒՍՆՈՒ, ՀԱՄԱՏԵՂ ԱՊՐՈՂ ԾՆՈՂԻ, ՀԱՄԱՏԵՂ ԱՊՐՈՂ ՉԱՓԱՀԱՍ ԵՎ ՉԱՄՈՒՍՆԱՑԱԾ ԶԱՎԱԿԻ _____ԹՎԱԿԱՆԻ ԳՈՒՅՔԻ, ԵԿԱՄՈՒՏՆԵՐԻ ՄԱՍԻՆ ՀԱՅՏԱՐԱՐԱԳՐԵՐՈՒՄ ՆԵՐԱՌՎԱԾ ՀՐԱՊԱՐԱԿՄԱՆ (ՏՐԱՄԱԴՐՄԱՆ) ԵՆԹԱԿԱ ՏՎՅԱԼՆԵՐԻ ՁԵՎԸ

(հավելվածն ուժը կորցրել է 03.05.12 N 627-Ն)