ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Ո Ր Ո Շ ՈՒ Մ

«Եվրասիական տնտեսական միության մասին» 2014 թվականի մայիսի 29-ի պայմանագրի 58-րդ հոդվածի 2-րդ կետին և Եվրասիական տնտեսական բարձրագույն խորհրդի 2014 թվականի դեկտեմբերի 23-ի թիվ 98 որոշմամբ հաստատված` Եվրասիական տնտեսական հանձնաժողովի աշխատանքի կանոնակարգի թիվ 2 հավելվածի 22-րդ կետին համապատասխան` Եվրասիական տնտեսական հանձնաժողովի կոլեգիան որոշեց.

1. Մաքսային միության հանձնաժողովի 2010 թվականի հունիսի 18-ի թիվ 317 որոշմամբ հաստատված՝ Անասնաբուժական հսկողության (վերահսկողության) ենթակա ապրանքներին ներկայացվող միասնական անասնաբուժական (անասնաբուժասանիտարական) պահանջների 33-րդ գլխի մեջ կատարել հետևյալ փոփոխությունները՝ համաձայն հավելվածի:

ա) տասներկուերորդ պարբերությունը շարադրել հետևյալ խմբագրությամբ՝ Կաշվե և ոչխարամորթու հումքը պետք է լինի սպանդային ծագման (ստացված լինի սպանդային, մսի վերամշակման ձեռնարկություններում կամ այդ նպատակի համար հատուկ հատկացված այլ վայրերում սպանդի ենթարկված կենդանիներից) և ստացված լինի նախասպանդային անասնաբուժական զննում անցած կենդանիներից, իսկ մսեղիքը և ներքին օրգանները պետք է ամբողջական ծավալով ենթարկված լինեն հետսպանդային անասնաբուժասանիտարական փորձաքննության և բաց թողնված իրացման համար՝ առանց սահմանափակումների։».

բ) տասնչորսերորդ պարբերության մեջ «միջազգային պահանջներին» բառերը փոխարինել «արտահանող երկրի պահանջներին» բառերով».

գ) տասնհինգերորդ պարբերության մեջ «ներմուծել» բառից հետո ավելացնել «և (կամ) անդամ պետությունների միջև տեղափոխել» բառերը.

դ) տասնհինգերորդ պարբերությունից հետո լրացնել հետևյալ բովանդակությամբ պարբերությամբ՝

Գառան մորթու և մուշտակամորթու հավաքովի հումքը պետք է հետազոտվի սիբիրախտի մասով:»։

2. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։

Պաշտոնական հրապարակման օրը՝ 7 հունիսի 2022 թվական: