ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

16 հուլիսի 2015 թվականի N 808-Ն

ԱՎԻԱՏՈՄՍԵՐԻ ՁԵՌՔԲԵՐՄԱՆ ՄԱՍԻՆ

Հիմք ընդունելով Հայաստանի Հանրապետության կառավարության 2011 թվականի փետրվարի 10-ի N 168-Ն որոշման N 1 հավելվածի 3-րդ կետը՝ Հայաստանի Հանրապետության կառավարությունը որոշում է.

1. Սահմանել, որ սույն որոշման հավելվածում ներկայացված գնման գործարքների վրա չեն տարածվում Հայաստանի Հանրապետության կառավարության 2011 թվականի փետրվարի 10-ի «Գնումների գործընթացի կազմակերպման մասին» N 168-Ն որոշման N 1 հավելվածի 74-րդ և 75-րդ կետերով սահմանված պահանջները:

2. Հայաստանի Հանրապետության արդարադատության նախարարին, Հայաստանի Հանրապետության էներգետիկայի և բնական պաշարների նախարարին, Հայաստանի Հանրապետության կառավարության աշխատակազմի ղեկավար-նախարարին, Հայաստանի Հանրապետության արտաքին գործերի նախարարին, Հայաստանի Հանրապետության սպորտի և երիտասարդության հարցերի նախարարին, Հայաստանի Հանրապետության կրթության և գիտության նախարարին, Հայաստանի Հանրապետության միջազգային տնտեսական ինտեգրման և բարեփոխումների նախարարին, Հայաստանի Հանրապետության սփյուռքի նախարարին, Հայաստանի Հանրապետության կառավարությանն առընթեր Հայաստանի Հանրապետության ոստիկանության պետին ու Հայաստանի Հանրապետության արտաքին գործերի նախարարության աշխատակազմի «Պետական արարողակարգի ծառայություն» գործակալության պետին՝ սույն որոշումն ուժի մեջ մտնելուց հետո հնգօրյա ժամկետում Հայաստանի Հանրապետության ֆինանսների նախարարություն ներկայացնել սույն որոշման հավելվածում ներկայացված գնման գործընթացների մասով «Գնումների մասին» Հայաստանի Հանրապետության օրենքի 8-րդ հոդվածի 2-րդ մասով պահանջվող հաշվետվությունները:

3. Առաջարկել Հայաստանի Հանրապետության ազգային անվտանգության խորհրդի քարտուղարին, Հայաստանի Հանրապետության քննչական կոմիտեի դեպարտամենտի պետին և Հայաստանի Հանրապետության գլխավոր դատախազին սույն որոշումն ուժի մեջ մտնելուց հետո հնգօրյա ժամկետում Հայաստանի Հանրապետության ֆինանսների նախարարություն ներկայացնել սույն որոշման հավելվածում ներկայացված գնման գործընթացների մասով «Գնումների մասին» Հայաստանի Հանրապետության օրենքի 8-րդ հոդվածի 2-րդ մասով պահանջվող հաշվետվությունները:

4. Հայաստանի Հանրապետության ֆինանսների նախարարին՝ սույն որոշման 2-րդ և 3-րդ կետերով նախատեսված հաշվետվություններն ստանալուց հետո Հայաստանի Հանրապետության օրենսդրությամբ սահմանված կարգով և ժամկետներում հաշվառել նշված գնման գործարքները:

Հայաստանի Հանրապետության վարչապետ	Հ. Աբրահամյան
2015 թ. հուլիսի 27 Երևան

Պետական կառավարման մարմինը	Գնման առարկան	Գնման առարկայի արժեքը (դրամ)
ՀՀ արդարադատության նախարարություն	ավիատոմսերի ձեռքբերում	1,158,583
ՀՀ էներգետիկայի և բնական պաշարների նախարարություն	ավիատոմսերի ձեռքբերում	1,978,934
ՀՀ ազգային անվտանգության խորհուրդ	ավիատոմսերի ձեռքբերում	513,540
ՀՀ դատախազություն	ավիատոմսերի ձեռքբերում	168,126
ՀՀ կառավարության աշխատակազմ	ավիատոմսերի ձեռքբերում	3,636,964
ՀՀ կառավարությանն առընթեր ՀՀ ոստիկանություն	ավիատոմսերի ձեռքբերում	638,325
ՀՀ արտաքին գործերի նախարարություն	ավիատոմսերի ձեռքբերում	19,700,279
ՀՀ արտաքին գործերի նախարարության «Պետական արարողակարգի ծառայություն» գործակալություն	ավիատոմսերի ձեռքբերում	734,180
ՀՀ սպորտի և երիտասարդության հարցերի նախարարություն	ավիատոմսերի ձեռքբերում	462,833
ՀՀ կրթության և գիտության նախարարություն	ավիատոմսերի ձեռքբերում	937,558
ՀՀ միջազգային տնտեսական ինտեգրման և բարեփոխումների նախարարություն	ավիատոմսերի ձեռքբերում	2,029,424
ՀՀ սփյուռքի նախարարություն	ավիատոմսերի ձեռքբերում	2,189,438
ՀՀ սփյուռքի նախարարություն	ավիատոմսերի ձեռքբերում	2,934,000
ՀՀ քննչական կոմիտե	ավիատոմսերի ձեռքբերում	204,000
ՀՀ կառավարության աշխատակազմ	ավիատոմսերի ձեռքբերում	568,100
Ընդամենը		37,854,284

Հայաստանի Հանրապետության կառավարության աշխատակազմի ղեկավար-նախարար

Դ. Հարությունյան