Ո Ր Ո Շ ՈՒ Մ

23 հուլիսի 2015 թվականի N 829-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2002 ԹՎԱԿԱՆԻ ԴԵԿՏԵՄԲԵՐԻ 26-Ի N 2121-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2002 թվականի դեկտեմբերի 26-ի «Ոռոգման ջրի մատակարարման և օգտագործման կանոնները հաստատելու, ոռոգման ջրի մատակարարման պայմանագրի օրինակելի ձևը սահմանելու և Հայաստանի Հանրապետության կառավարության 2000 թվականի հուլիսի 27-ի N 418 որոշումն ուժը կորցրած ճանաչելու մասին» N 2121-Ն որոշման N 1 հավելվածում կատարել հետևյալ փոփոխությունները և լրացումը՝

1) 3-րդ կետը շարադրել հետևյալ խմբագրությամբ.

«3. Ջրօգտագործողը ջրամատակարարի համար բաժանորդ է հանդիսանում նորմատիվ ակտերով սահմանված կարգով, տեխնիկական պայմաններ տրամադրելու մասին դիմումը (N 1.1 ձևը կցվում է) ներկայացնելուց և տեխնիկական պայմաններին (N 1 ձևը կցվում է) համապատասխան ոռոգման համակարգին միանալուց, ոռոգման համակարգերի հաշվեկշռային պատկանելության, սպասարկման և շահագործման սահմանազատման ակտ (N 2 ձևը կցվում է) կնքելուց և ջրամատակարարի հետ ոռոգման ջրի մատակարարման պայմանագիր (այսուհետ՝ պայմանագիր) կնքելուց հետո: Ջրամատակարարի և ջրօգտագործողի (բաժանորդի) միջև պայմանագիրը կնքվում է երեք տարվանից ոչ պակաս ժամկետով: Դիմումի ձևը տեղադրվում է ջրային տնտեսության պետական կոմիտեի պաշտոնական կայքում՝ ներբեռնելու հնարավորությամբ:».

2) 11-րդ կետը շարադրել հետևյալ խմբագրությամբ.

«11. Տեխնիկական պայմանները տրվում են դիմումն ստացվելուց հետո 10 աշխատանքային օրվա ընթացքում:».

3) 13-րդ կետը շարադրել հետևյալ խմբագրությամբ.

«13. Ջրօգտագործողի (բաժանորդի) կողմից ոռոգման համակարգին միացման մասին տեղեկատվություն ստանալուց հետո 5-օրյա ժամկետում ընդունել կատարված աշխատանքները: Ջրօգտագործողի (բաժանորդի) ոռոգման համակարգում միացման տեխնիկական պայմաններից շեղումներ հայտնաբերվելու դեպքում ջրօգտագործողի (բաժանորդի) ջրամատակարարումն անմիջապես դադարեցվում է` մինչև հայտնաբերված խախտումների վերացումը:».

4) հավելվածը լրացնել նոր` N 1.1 ձևով՝ համաձայն հավելվածի:

2. Սույն որոշումն ուժի մեջ է մտնում պաշտոնական հրապարակման օրվան հաջորդող օրվանից:

__________________________________________ -ի

(ջրամատակարար կազմակերպության անվանումը)

ղեկավար ___________________________________-ին

Դ Ի Մ ՈՒ Մ

Ոռոգման համակարգին միացումներ կատարելու կամ կատարված միացումների փոփոխության համար տեխնիկական պայմաններ տրամադրելու

Ես՝

□ ֆիզիկական անձ/անհատ ձեռնարկատեր

__________________________________________________________________________________

(դիմողի անունը, հայրանունը, ազգանունը)

__________________________________________________________________________________

(բնակության վայրը)

□ Իրավաբանական անձ

__________________________________________________________________________________

(իրավաբանական անձի անվանումը)

__________________________________________________________________________________

(գտնվելու վայրը)

__________________________________________________________________________________

(կազմակերպությունը ներկայացնող անձի պաշտոնը, անունը, հայրանունը, ազգանունը)

□ Ջրօգտագործողների ընկերություն/ընկերությունների միություն

__________________________________________________________________________________

(ընկերության/միության անվանումը)

__________________________________________________________________________________

(ընկերությունը/միությունը ներկայացնող անձի պաշտոնը, անունը, հայրանունը, ազգանունը)

Խնդրում եմ տրամադրել տեխնիկական պայմաններ՝

□ ոռոգման համակարգին միանալու համար

□ ոռոգման համակարգին միացման փոփոխությունների համար

Հողատարածքի գտնվելու վայրը (հասցեն)՝

__________________________________________________________________________

Հողատարածքի նկատմամբ սեփականության (այդ թվում՝ վարձակալական) ձևը՝

___________________________________________________________________________________

Հողատարածքի չափը (հա) և կարգը՝

___________________________________________________________________________________

Ջրի պահանջվող քանակը_____________________________________________________________

Այլ չափորոշիչներ __________________________________________________________________

Սույն դիմումին կցվում են՝

Ֆիզիկական անձանց/անհատ ձեռնարկատերերի համար՝

□ անձը հաստատող փաստաթղթի պատճենը

(լիազորված անձի դեպքում՝ լիազորված անձի)

□ հողատարածքի նկատմամբ իրավունքները (այդ թվում՝ վարձակալության) հաստատող փաստաթղթի պատճենը

□ հողատարածքի սխեմատիկ հատակագիծը

Իրավաբանական անձանց/անհատ ձեռնարկատիրոջ համար՝

□ տնօրենի անձը հաստատող փաստաթղթի պատճենը

(լիազորված անձի դեպքում՝ լիազորված անձի)

□ հողատարածքի նկատմամբ իրավունքները (այդ թվում՝ վարձակալության) հաստատող փաստաթղթի պատճենը

□ հողատարածքի սխեմատիկ հատակագիծը

□ պետական գրանցման/հաշվառման համարը---------------------------------

Ջրօգտագործողների ընկերության/ընկերությունների միության համար

□ ղեկավարի անձը հաստատող փաստաթղթի պատճենը

□ հողատարածքի սխեմատիկ հատակագիծը

□ ընկերության/միության պետական գրանցման համարը---------------------------------

_____ ________________ 20  թ.»: