ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

Ո Ր Ո Շ ՈՒ Մ

29 նոյեմբերի 1996 թվականի թիվ 62

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ՎԵՐԱՖԻՆԱՆՍԱՎՈՐՄԱՆ ՏՈԿՈՍԱԴՐՈՒՅՔԻ ՀԱՇՎԱՐԿՄԱՆ ՄԱՍԻՆ

Ելնելով ֆինանսական շուկայի ձևավորման և առավել արդյունավետ կարգավորման, ֆինանսական համակարգում տոկոսադրույքների սահմանման մոտեցումների հստակեցման անհրաժեշտությունից` Հայաստանի Հանրապետության կենտրոնական բանկի խորհուրդը որոշում է.

1. Սահմանել բազիսային տոկոսադրույք, որը հաշվարկվում է` հիմք ընդունելով ֆինանսական շուկայում փաստացի ձևավորված տոկոսադրույքները և միտումները: Բազիսային տոկոսադրույքի հիման վրա հաշվարկվում է վերաֆինանսավորման տոկոսադրույքը:

2. Սահմանել, որ Հայաստանի Հանրապետության կենտրոնական բանկի բազիսային տոկոսադրույքը հաշվարկվում է յուրաքանչյուր շաբաթ որպես նախորդ 4 շաբաթվա ընթացքում Հայաստանի Հանրապետության տարածքում գործող առևտրային բանկերի կողմից տրամադրված վարկերի, վարկային սակարկություններում ձևավորված տոկոսադրույքների և պետական կարճաժամկետ պարտատոմսերի եկամտաբերության կշռված միջին:

3. Սահմանել, որ հաշվարկված բազիսային տոկոսադրույքի հիման վրա յուրաքանչյուր շաբաթ Հայաստանի Հանրապետության կենտրոնական բանկի խորհրդի քննարկմանն են ներկայացվում համապատասխան առաջարկություններ` վերաֆինանսավորման տոկոսադրույքի վերանայման վերաբերյալ:

4. Հաստատել «Բազիսային և վերաֆինանսավորման տոկոսադրույքների հաշվարկման» կարգը (կցվում է):

5. Սույն որոշման ընդունման պահից ուժը կորցրած ճանաչել Հայաստանի Հանրապետության կենտրոնական բանկի վարչության 1996 թվականի մարտի 1-ի «Հայաստանի Հանրապետության կենտրոնական բանկի վերաֆինանսավորման տոկոսադրույքի հաշվարկման մասին» թիվ 42 որոշումը:

6. Սույն որոշումն ուժի մեջ է մտնում ընդունման պահից:

քաղ. Երևան թիվ 62

ՀԱՍՏԱՏՎԱԾ Է Հայաստանի Հանրապետության կենտրոնական բանկի խորհրդի 1996 թվականի նոյեմբերի 29-ի թիվ 62 որոշմամբ

Կ Ա Ր Գ

ԲԱԶԻՍԱՅԻՆ ԵՎ ՎԵՐԱՖԻՆԱՆՍԱՎՈՐՄԱՆ ՏՈԿՈՍԱԴՐՈՒՅՔՆԵՐԻ ՀԱՇՎԱՐԿՄԱՆ

1. Հայաստանի Հանրապետության կենտրոնական բանկի կողմից սահմանված բազիսային տոկոսադրույքը (YIBOR) հաշվարկվում է հետևյալ բանաձևով.

որտեղ`

Di-ն	բանկերի կողմից տրամադրված կարճաժամկետ վարկերի (այդ թվում` միջբանկային) ծավալներն են,
Tdi-ն`	վարկերի տոկոսադրույքները,
Si-ն`	վարկային սակարկություններով տեղաբաշխված կարճաժամկետ` մինչև 3 ամիս մարման ժամկետով վարկերի ծավալները,
Tsi-ն`	վարկային սակարկությունների արդյունքով ձևավորված փաստացի տոկոսադրույքները,
Bi-ն`	մինչև 3 ամիս մարման ժամկետով պետական կարճաժամկետ պարտատոմսերի տեղաբաշխված ծավալը (հասույթի գումարը),
Tbi-ն`	պետական կարճաժամկետ պարտատոմսերի եկամտաբերությունը:

2. Վերաֆինանսավորման տոկոսադրույքը հաշվարկվում է հետևյալ բանաձևով.

Tv = Tb + C, որտեղ`

Tv-ն	վերաֆինանսավորման տոկոսադրույքն է,
Tb-ն`	բազիսային տոկոսադրույքը,
C-ն	սահմանվում է Հայաստանի Հանրապետության կենտրոնական բանկի դրամավարկային քաղաքականության վարչության կողմից և հաստատվում Հայաստանի Հանրապետության կենտրոնական բանկի խորհրդի կողմից: Դրա մեծությունը որոշելիս հաշվի են առնվում սղաճային սպասումները և պետական պարտատոմսերի առաջնային տեղաբաշխման արդյունքները (միջին եկամտաբերությունը, փաստացի տեղաբաշխման ծավալը), այնպես որ վերաֆինանսավորման իրական տոկոսադրույքը երկարաժամկետ հատվածում լինի դրական մեծություն: