«Վավերացնում եմ»
Հայաստանի Հանրապետության
Նախագահ Ռ. Քոչարյան
19 փետրվարի 2000 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
19 փետրվարի 2000 թվականի N 78
քաղ. Երևան
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ 2001 ԹՎԱԿԱՆԻՆ ՄԱՐԴԱՀԱՄԱՐ ԱՆՑԿԱՑՆԵԼՈՒ ՄԱՍԻՆ
Հայաստանի Հանրապետությունում 2001 թվականի մարդահամարի նախապատրաստումն ու անցկացումն ապահովելու նպատակով և «Մարդահամարի մասին» Հայաստանի Հանրապետության օրենքի 4, 8 և 15 հոդվածներին ու Հայաստանի Հանրապետության կառավարության 1998 թվականի դեկտեմբերի 3-ի «Հայաստանի Հանրապետությունում մարդահամարի անցկացման ժամկետը փոփոխելու մասին» N 761 որոշմանը համապատասխան` Հայաստանի Հանրապետության կառավարությունը որոշում է.
1. Հայաստանի Հանրապետությունում մարդահամարն անցկացնել 2001 թվականի հոկտեմբերի 10-19-ը ներառյալ:
2. Փորձնական մարդահամարն անցկացնել 2000 թվականի ապրիլի 5-14-ը ներառյալ` Սպիտակ քաղաքում և Արարատի մարզի Մրգավետ, Մխչյան, Դիմիտրով, Արաքսավան, Մասիս, Բուրաստան, Բաղրամյան, Մրգավան գյուղերում:
3. Հաստատել Հայաստանի Հանրապետությունում 2001 թվականին մարդահամարի կազմակերպման և անցկացման համապետական հանձնաժողովի կազմը (կցվում է):
4. Հայաստանի Հանրապետության վիճակագրության, պետական ռեգիստրի և վերլուծության նախարարությանը` մեկամսյա ժամկետում կազմել Հայաստանի Հանրապետությունում 2001 թվականի մարդահամարի նախապատրաստման, անցկացման և նյութերի մշակման աշխատանքների ժամանակացույցն ու ծախսերի նախահաշիվը և դրանք ներկայացնել Հայաստանի Հանրապետությունում 2001 թվականին մարդահամարի կազմակերպման և անցկացման համապետական հանձնաժողովին:
5. Հայաստանի Հանրապետության նախարարություններին, գերատեսչություններին, Հայաստանի Հանրապետության մարզպետներին և Երևանի քաղաքապետին` համակողմանիորեն աջակցել վիճակագրական մարմիններին Հայաստանի Հանրապետությունում 2001 թվականի մարդահամարի նախապատրաստման և անցկացման աշխատանքների կատարման գործում:
6. Հայաստանի Հանրապետության Արարատի մարզպետին և Սպիտակի քաղաքապետին` ապահովել գործուն օժանդակություն փորձնական մարդահամարի նախապատրաստման և անցկացման ամբողջ ժամանակաընթացքում:
7. Հայաստանի Հանրապետության արտաքին գործերի նախարարությանը, Հայաստանի Հանրապետության ներքին գործերի նախարարությանը, Հայաստանի Հանրապետության ազգային անվտանգության նախարարությանը և Հայաստանի Հանրապետության պաշտպանության նախարարությանը` Հայաստանի Հանրապետության վիճակագրության, պետական ռեգիստրի և վերլուծության նախարարության հետ համատեղ հաստատել Հայաստանի Հանրապետությունում 2001 թվականի մարդահամարի անցկացման ժամանակ բնակչության առանձին խմբերի (զինծառայողներ, քննչական մեկուսարաններում գտնվող, ուղղիչ աշխատանքային հիմնարկներում պատիժը կրող անձինք, հյուպատոսական և դիվանագիտական հիմնարկների անձնակազմեր) հաշվառման կարգերը:
| Հայաստանի Հանրապետության վարչապետ |
Ա. Սարգսյան |
|
Հաստատված է |
Կ Ա Զ Մ
Հայաստանի Հանրապետությունում 2001 թվականի մարդահամարի կազմակերպՄԱՆ եվ անցկացման համապետական հանձնաժողովի
| Խ. Հարությունյան | - ՀՀ տարածքային կառավարման նախարար (հանձնաժողովի նախագահ) | |
| Ս. Մնացականյան | - ՀՀ վիճակագրության, պետական ռեգիստրի և վերլուծության նախարար (հանձնաժողովի նախագահի տեղակալ) | |
| Գ. Ասլանյան | - ՀՀ Ազգային ժողովի նախագահի տեղակալ (հանձնաժողովի նախագահի տեղակալ (համաձայնությամբ) | |
| Հ. Ոսկանյան | - ՀՀ Ազգային ժողովի պատգամավոր (համաձայնությամբ) | |
| Ա. Սահրադյան | - ՀՀ կենտրոնական ընտրական հանձնաժողովի նախագահ (համաձայնությամբ) | |
| Ա. Եղիազարյան | - ՀՀ վարչապետի խորհրդական | |
| Գ. Գրիգորյան | - ՀՀ ազգային անվտանգության նախարարի առաջին տեղակալ | |
| Ա. Աբովյան | - ՀՀ արդարադատության նախարարի տեղակալ | |
| Ա. Աթաբեկյան | - ՀՀ առողջապահության նախարարի տեղակալ | |
| Ա. Ավանյան | - ՀՀ տրանսպորտի նախարարի տեղակալ | |
| Գ. Գսպոյան | - ՀՀ սոցիալական ապահովության նախարարի տեղակալ | |
| Ա. Գևորգյան | - ՀՀ արդյունաբերության և առևտրի նախարարի տեղակալ | |
| Գ. Գևորգյան | - ՀՀ վիճակագրության, պետական ռեգիստրի և վերլուծության նախարարի տեղակալ | |
| Ռ. Զարգարյան | - ՀՀ կրթության և գիտության նախարարի տեղակալ | |
| Գ. Հարությունյան | - ՀՀ պաշտպանության նախարարի տեղակալ | |
| Դ. Մարգարյան | - ՀՀ փոստի և հեռահաղորդակցության նախարարի տեղակալ | |
| Ա. Մարտիրոսյան | - ՀՀ արտաքին գործերի նախարարի տեղակալ | |
| Ա. Ջանջուղազյան | - ՀՀ ֆինանսների նախարարի տեղակալ, գլխավոր գանձապետ | |
| Հ. Վարյան | - ՀՀ ներքին գործերի նախարարի տեղակալ | |
| Գ. Եգանյան | - ՀՀ կառավարությանն առընթեր միգրացիայի և փախստականների վարչության պետ | |
| Կ. Արեյան | - Երևանի քաղաքապետի տեղակալ | |
| Կ. Հայրապետյան | - ՀՀ կառավարության աշխատակազմի սոցիալական հարցերի վարչության պետ | |
| Է. Միլիտոնյան | - ՀՀ կառավարության աշխատակազմի տեղեկատվության և հասարակայնության հետ կապերի վարչության պետ | |
| Վ. Խոջաբեկյան | - ՀՀ գիտությունների ազգային ակադեմիայի տնտեսագիտության ինստիտուտի տնօրեն | |
| Գ. Կիրակոսյան | - Երևանի ժողովրդական տնտեսության ինստիտուտի ռեկտոր | |
| Ս. Գալստյան | - ՀՀ էկոնոմիկայի նախարարության տնտեսության ընթացիկ կարգավորման գլխավոր վարչության պետ | |
| Ա. Հարությունյան | - ՀՀ կենտրոնական բանկի վիճակագրության վարչության պետ | |
| Ս. Ներսիսյան | - ՀՀ վիճակագրության, պետական ռեգիստրի և վերլուծության նախարարության մարդահամարի վարչության պետ |
| Փոփոխող ակտ | Համապատասխան ինկորպորացիան | |
|---|---|---|
| 17.02.2001, N 113 | 17.02.2001, N 78 | |
| 15.08.2000, N 475 | 15.08.2000, N 78 | |
| 11.04.2000, N 164 | 08.05.2000, N 78 |
| Փոփոխող ակտ | Համապատասխան ինկորպորացիան |
|---|