«Գրանցված է»
ՀՀ արդարադատության
նախարարության կողմից
10 հունիսի 2004 թ.
Պետական գրանցման թիվ 05004156

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

19 մայիսի 2004 թ.

N 126-Ն

Ո Ր Ո Շ ՈՒ Մ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԿՈՂՄԻՑ ԹՈՂԱՐԿՎԵԼԻՔ ՀՈՒՇԱԴՐԱՄՆԵՐԻ ԹԵՄԱՆԵՐԻ ՑԱՆԿԸ, ԻՆՉՊԵՍ ՆԱԵՎ 2004-2005 ԹՎԱԿԱՆՆԵՐԻ ՀՈՒՇԱԴՐԱՄՆԵՐԻ ԹՈՂԱՐԿՄԱՆ ԾՐԱԳԻՐԸ ԵՎ ՀՈՒՇԱԴՐԱՄՆԵՐԻ ՉԱՓԱՆԻՇՆԵՐԸ ՀԱՍՏԱՏԵԼՈՒ ՄԱՍԻՆ

Հիմք ընդունելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «է» կետը` Հայաստանի Հանրապետության կենտրոնական բանկի խորհուրդը որոշում է.

1. Հաստատել Հայաստանի Հանրապետության կենտրոնական բանկի կողմից թողարկվելիք հուշադրամների թեմաների ցանկը` համաձայն հավելված 1-ի (կցվում է):

2. Հաստատել Հայաստանի Հանրապետության կենտրոնական բանկի 2004-2005 թվականների հուշադրամների թողարկման ծրագիրը և հուշադրամների չափանիշները` համաձայն հավելված 2-ի (կցվում է):

3. Հանձնարարել Հայաստանի Հանրապետության կենտրոնական բանկի էմիսիոն գործառնությունների վարչությանը` մեկամսյա ժամկետում Հայաստանի Հանրապետության կենտրոնական բանկի նախագահի հաստատմանը ներկայացնել հուշադրամների ուրվագծերի ընտրության և հուշադրամների հատման ու մատակարարման մրցութային պայմանները:

4. Սույն որոշումն ուժի մեջ է մտնում հրապարակմանը հաջորդող տասներորդ օրվանից:

ՀՀ կենտրոնական բանկի նախագահ	Տ. Սարգսյան
2004 թ. մայիսի 26 Երևան

Հավելված 1   Հաստատված է ՀՀ կենտրոնական բանկի խորհրդի 2004 թվականի մայիսի 19-ի թիվ 126-Ն որոշմամբ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԿՈՂՄԻՑ ԹՈՂԱՐԿՎԵԼԻՔ ՀՈՒՇԱԴՐԱՄՆԵՐԻ ԹԵՄԱՆԵՐԻ ՑԱՆԿ

1. Անվանի անհատներ, հայտնի դեմքեր

1.1 Մշակույթի, արվեստի և գիտության գործիչներ

1.2 Քաղաքական, պետական, հասարակական և եկեղեցական գործիչներ

2. Պատմություն

2.1 Հայոց պատմություն

2.2 Հայ մշակույթի պատմություն

3. Հայկական մշակույթ և արվեստ

3.1 Կերպարվեստ, քանդակագործություն

3.2 Թատրոն, կինո

3.3 Գրականություն

3.4 Երաժշտություն

4. Գիտություն և տեխնիկա

5. Ճարտարապետություն

5.1 Եկեղեցական ճարտարապետություն

5.2 Քաղաքացիական կառույցներ և հուշարձաններ

6. Հայաստանի բուսական և կենդանական աշխարհ

7. Բնաշխարհ

7.1 Հանքանյութեր

7.2 Տեսարժան վայրեր

8. Սպորտ

Հավելված 2   Հաստատված է ՀՀ կենտրոնական բանկի խորհրդի 2004 թվականի մայիսի 19-ի թիվ 126-Ն որոշմամբ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ 2004-2005 ԹՎԱԿԱՆՆԵՐԻ ՀՈՒՇԱԴՐԱՄՆԵՐԻ ԹՈՂԱՐԿՄԱՆ ԾՐԱԳԻՐ

2004 թ.

1. Արշիլ Գորկու 100-ամյակ (ոսկի)

2. Գանձասար (արծաթ)

3. 2006 թ. ֆուտբոլի աշխարհի գավաթ (արծաթ)

4. Չնախատեսված թողարկում

ՀՈՒՇԱԴՐԱՄՆԵՐԻ ՉԱՓԱՆԻՇՆԵՐԸ

Հուշադրամի անվանումը	Անվա- նական արժեքը	Մետաղը և հարգը	Քաշը (գրամ)	Տրամա- գիծը (մմ)	Դրամաշուրթը	Որակը	Տպաքա- նակը (հատ)
Արշիլ Գորկու 100-ամյակ	10.000 դրամ	Ոսկի, 999օ	8,6	22,0	Ատամ- նավոր	Պրուֆ	1000
Գանձասար	100 դրամ	Արծաթ, 999օ	31,1	38,0	Ատամ- նավոր	Պրուֆ	500
2006 թ. ֆուտբոլի աշխարհի գավաթ	100 դրամ	Արծաթ, 925օ	28,28	38,61	Հարթ	Պրուֆ	Մինչև 50.000

2005 թ.

1. Մարտիրոս Սարյանի 125-ամյակ (ոսկի)

2. Անանիա Շիրակացու 1400-ամյակ (արծաթ)

3. Չնախատեսված թողարկում

ՀՈՒՇԱԴՐԱՄՆԵՐԻ ՉԱՓԱՆԻՇՆԵՐԸ

Հուշադրամի անվանումը	Անվանական արժեքը	Մետաղը և հարգը	Քաշը (գրամ)	Տրամա- գիծը (մմ)	Դրամա- շուրթը	Որակը	Տպաքա- նակը (հատ)
Մարտիրոս Սարյանի 125- ամյակ	10.000 դրամ	Ոսկի, 999օ	8,6	22,0	Ատամնավոր	Պրուֆ	1000
Անանիա Շիրակացու 1400-ամյակ	100 դրամ	Արծաթ, 925օ	31,1	40,0	Ատամնավոր	Պրուֆ	500