ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

8 դեկտեմբերի 2015 թվականի N 1175-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՏՎԻՐԱԿՈՒԹՅՈՒՆ ՉԻՆԱՍՏԱՆԻ ԺՈՂՈՎՐԴԱԿԱՆ ՀԱՆՐԱՊԵՏՈՒԹՅՈՒՆ ԳՈՐԾՈՒՂԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`

1. Առևտրատնտեսական հարցերով հայ-չինական համատեղ հանձնաժողովի 8-րդ նիստին մասնակցելու նպատակով 2015 թվականի դեկտեմբերի 9-13-ը Չինաստանի Ժողովրդական Հանրապետություն (Պեկին)` գործուղել Հայաստանի Հանրապետության պատվիրակություն` համաձայն հավելվածի:

2. Պատվիրակության անդամների՝ Չինաստանի Ժողովրդական Հանրապետություն (Պեկին) գործուղման հետ կապված ծախսերը կատարել՝

1) Սերգեյ Ավետիսյանինը, Արտաշես Բախշյանինը, Արսեն Ավետիսյանինը, Արմեն Եգանյանինը, Արսեն Մկրտչյանինը, Հասմիկ Սարգսյանինը` Հայաստանի Հանրապետության 2015 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին.

2) Սուրեն Բաղդասարյանինը` Հայաստանի Հանրապետության արտաքին գործերի նախարարության աշխատակազմի պահպանման ծախսերում գործուղումների համար նախատեսված միջոցների հաշվին:

3. Ընդունել ի գիտություն, որ Չինաստանի Ժողովրդական Հանրապետություն (Պեկին) գործուղման հետ կապված ծախսերը կատարվելու են՝

1) Արման Խաչատրյանինը` Հայաստանի զարգացման հիմնադրամի միջոցների հաշվին.

2) Լևոն Դանիելյանինը` Հայաստանի արդյունաբերողների և գործարարների (գործատուների) միության միջոցների հաշվին.

3) Հովհաննես Գևորգյանինը` Հայաստանի Հանրապետության առևտրաարդյունաբերական պալատի միջոցների հաշվին:

4. Հայաստանի Հանրապետության էկոնոմիկայի նախարարին` գործուղումից վերադառնալուց հետո եռօրյա ժամկետում Հայաստանի Հանրապետության կառավարության աշխատակազմ ներկայացնել Չինաստանի Ժողովրդական Հանրապետություն գործուղման արդյունքների մասին հաշվետվությունը:

Հայաստանի Հանրապետության վարչապետ	Հ. Աբրահամյան
2015 թ. դեկտեմբերի 8 Երևան

Հավելված ՀՀ վարչապետի 2015 թ. դեկտեմբերի 8-ի N 1175-Ա որոշման

Կ Ա Զ Մ

2015 ԹՎԱԿԱՆԻ դեկտեմբերի 9-13-Ը Չինաստանի Ժողովրդական Հանրապետություն մեկնող ՊԱՏՎԻՐԱԿՈՒԹՅԱՆ

Ս. Ավետիսյան	- ՀՀ էկոնոմիկայի նախարարի տեղակալ, առևտրատնտեսական հարցերով հայ-չինական համատեղ հանձնաժողովի հայկական կողմի նախագահ (պատվիրակության ղեկավար)
Ա. Բախշյան	- ՀՀ տարածքային կառավարման և արտակարգ իրավիճակների նախարարի տեղակալ
Ա. Ավետիսյան	- ՀՀ գյուղատնտեսության նախարարության աշխատակազմի իրավաբանական վարչության պետ
Ս. Բաղդասարյան	- ՀՀ արտաքին գործերի նախարարության աշխատակազմի Ասիայի, Օվկիանիայի և Աֆրիկայի վարչության Արևելյան Ասիայի և Օվկիանիայի բաժնի պետի ժամանակավոր պաշտոնակատար
Ա. Եգանյան	- ՀՀ էկոնոմիկայի նախարարության աշխատակազմի արդյունաբերության զարգացման վարչության պետ
Ա. Մկրտչյան	- ՀՀ տրանսպորտի և կապի նախարարության աշխատակազմի երկաթուղու վարչության պետի ժամանակավոր պաշտոնակատար
Հ. Սարգսյան	- ՀՀ էկոնոմիկայի նախարարության աշխատակազմի միջազգային տնտեսական համագործակցության վարչության արտաքին կապերի կոորդինացման բաժնի պետ
Ա. Խաչատրյան	- Հայաստանի զարգացման հիմնադրամի գործադիր տնօրեն (համաձայնությամբ)
Լ. Դանիելյան	- Հայաստանի արդյունաբերողների և գործարարների (գործատուների) միության անդամ, «Ալբորա» ՍՊԸ-ի տնօրեն (համաձայնությամբ)
Հ. Գևորգյան	- ՀՀ առևտրաարդյունաբերական պալատի փոքր և միջին բիզնեսի զարգացման հանձնաժողովի նախագահ (համաձայնությամբ)

Հայաստանի Հանրապետության կառավարության աշխատակազմի ղեկավար-նախարար

Դ. Հարությունյան