ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

22 հունիսի 2012 թվականի N 761-Ա

ՆԵՐԴՐՈՒՄԱՅԻՆ ԾՐԱԳՐԻ ՇՐՋԱՆԱԿՆԵՐՈՒՄ «ԱՍՏՐԱ ԿՐԻՍՏԱԼՍ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ԿՈՂՄԻՑ 300 ՄԻԼԻՈՆ ԴՐԱՄԸ ԳԵՐԱԶԱՆՑՈՂ ԱՊՐԱՆՔՆԵՐԻ ՆԵՐՄՈՒԾՄԱՆ ԴԵՊՔՈՒՄ ՄԱՔՍԱՅԻՆ ՄԱՐՄԻՆՆԵՐԻ ԿՈՂՄԻՑ ՀԱՇՎԱՐԿՎԱԾ ԱՎԵԼԱՑՎԱԾ ԱՐԺԵՔԻ ՀԱՐԿԻ ԳՈՒՄԱՐՆԵՐԻ ՎՃԱՐՄԱՆ ԺԱՄԿԵՏԸ ՄԻՆՉԵՎ ԵՐԵՔ ՏԱՐԻ ԺԱՄԿԵՏՈՎ ՀԵՏԱՁԳԵԼՈՒ ՄԱՍԻՆ

Հիմք ընդունելով «Ավելացված արժեքի հարկի մասին» Հայաստանի Հանրապետության օրենքի 6.1-ին հոդվածը և ղեկավարվելով Հայաստանի Հանրապետության կառավարության 2011 թվականի օգոստոսի 4-ի N 1119-Ն որոշման պահանջներով` Հայաստանի Հանրապետության կառավարությունը որոշում է.

1. Հայաստանի Հանրապետության կառավարության սահմանած կարգով ընտրված «Աստրա Կրիստալս» փակ բաժնետիրական ընկերության կողմից իրականացվող ներդրումային ծրագրի շրջանակներում 2012 թվականի հունիսի 1-ից մինչև 2014 թվականի փետրվարի 1-ը ներառյալ ներմուծվող` 300 միլիոն դրամը գերազանցող արժեքով ապրանքների` համաձայն հավելվածի, մաքսային մարմինների կողմից հաշվարկվող ավելացված արժեքի հարկի վճարման ժամկետը հետաձգել մինչև 2015 թվականի հունիսի 1-ը:

2. Հայաստանի Հանրապետության էկոնոմիկայի նախարարին` ապահովել «Աստրա Կրիստալս» փակ բաժնետիրական ընկերության հետ Հայաստանի Հանրապետության կառավարության 2011 թվականի օգոստոսի 4-ի N 1119-Ն որոշման 1-ին կետի 3-րդ ենթակետով հաստատված` ներդրումային ծրագրի իրականացումից ակնկալվող արդյունքների և մոնիթորինգի համակարգի մասին համապատասխան պայմանագրի կնքումը:

3. Սահմանել, որ սույն որոշման հավելվածում նշված են ապրանքների նախնական արժեքները:

Հայաստանի Հանրապետության վարչապետ	Տ. Սարգսյան
2012 թ. հունիսի 26 Երևան

Հավելված  ՀՀ կառավարության 2012 թվականի հունիսի 22-ի N 761-Ա որոշման

Ց Ա Ն Կ

«ԱՍՏՐԱ ԿՐԻՍՏԱԼՍ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ԿՈՂՄԻՑ ՆԵՐՄՈՒԾՎՈՂ ԱՊՐԱՆՔՆԵՐԻ

NN ը/կ	ԱՏԳ ԱԱ-ի ծածկագիրը	Անվանումը	Չափի միավորը	Քանակը	Ծագման/ արտա-հանման երկիրը	Արժեքը (դրամ)
1	2	3	4	5	6	7
1.	8514	Ավտոմատ սարքավորում` սապֆիրի մոնոկրիստալ աճեցնելու համար NIKA M60 (քանդված վիճակում, առանց ջերմային հանգույցի)	հատ	19	ՌԴ	1596000000
2.	8514	Գարնիսաժային վառարան	հատ	1	Չինաստան	194000000
3.	8415	Չիլեր	հատ	2	Չինաստան	38960000
4.	9024	Ռենտգենային սարքավորում` բյուրեղների մեխանիկական հատկությունները որոշելու համար	հատ	4	Չինաստան	224000000
5.	8419	Հովացման աշտարակ (գրադիրնյա)	հատ	4	Թուրքիա	109000000
6.	8419	Ջերմափոխանակիչ	հատ	6	Թուրքիա	79200000
7.	8413	Պոմպակայան	հատ	4	Թուրքիա	66800000
8.	8426	Ձողակառույց կռունկներ (կռան բալկա, քանդված վիճակում)	հատ	2	ՌԴ	114800000
9.	8514	Սապֆիրի մոնոկրիստալ (կորունդ) աճեցնելու վակուումային վառարանի ջերմային հանգույց	հատ	30	Չինաստան	840000000
10.	8537	Էլ. բաշխիչ վահանակ	հատ	35	Թուրքիա	274259200
11.	8504	Անխափան սնուցման սարք	հատ	3	Թուրքիա	156384800
12.	8536	Բաշխիչ հաղորդաձող (քանդված վիճակում)	կգ	18000	Թուրքիա	133860000
13.	8464	Մետաղալարային կտրող մեքենա` միներալ կորունդների համար	հատ	1	Շվեյցարիա, Գերմանիա	200000000
14.	8421	Ուլտրաֆիլտր	հատ	5	Թուրքիա, Շվեդիա	148000000
15.	8427	Ամբարձիչ սարքավորումներ	հատ	10	ԱՄԷ, Չինաստան	16000000
16.	7308	Մալուխի ցինկապատ ուղետար	կգ	4000	Թուրքիա	12800000
17.	3917	Պլաստմասսայե խողովակներ և կցամասեր	կգ	1000	Թուրքիա	41000000
	Ընդամենը					4245064000

Հայաստանի Հանրապետության կառավարության աշխատակազմի ղեկավար

Դ. Սարգսյան