ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
2 սեպտեմբերի 2016 թվականի N 947-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 2016 ԹՎԱԿԱՆԻ ՊԵՏԱԿԱՆ ԲՅՈՒՋԵՈՒՄ ՎԵՐԱԲԱՇԽՈՒՄ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2015 ԹՎԱԿԱՆԻ ԴԵԿՏԵՄԲԵՐԻ 24-Ի N 1555-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ՈՒ ԼՐԱՑՈՒՄՆԵՐ ԿԱՏԱՐԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ ԵՎ ԳԻՏՈՒԹՅԱՆ ՈՒ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՇԻՆՈՒԹՅԱՆ ՆԱԽԱՐԱՐՈՒԹՅՈՒՆՆԵՐԻՆ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ
«Հայաստանի Հանրապետության բյուջետային համակարգի մասին» Հայաստանի Հանրապետության օրենքի 19-րդ հոդվածի 3-րդ կետին և 23-րդ հոդվածի 3-րդ մասին համապատասխան՝ Հայաստանի Հանրապետության կառավարությունը որոշում է.
1. «Հայաստանի Հանրապետության 2016 թվականի պետական բյուջեի մասին» Հայաստանի Հանրապետության օրենքի N 1 հավելվածում կատարել վերաբաշխում և Հայաստանի Հանրապետության կառավարության 2015 թվականի դեկտեմբերի 24-ի «Հայաստանի Հանրապետության 2016 թվականի պետական բյուջեի կատարումն ապահովող միջոցառումների մասին» N 1555-Ն որոշման NN 5, 11 և 12 հավելվածներում կատարել փոփոխություններ ու լրացումներ` համաձայն NN 1, 2, 3 և 4 հավելվածների:
2. Հայաստանի Հանրապետության 2016 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին Հայաստանի Հանրապետության կրթության և գիտության նախարարությանը 2016 թվականի ինն ամսում հատկացնել 41373.9 հազ. դրամ, որից՝ 40818.9 հազ. դրամը` «Երևանի Ս. Հովսեփյանի անվան N 115 ավագ դպրոց» պետական ոչ առևտրային կազմակերպության N 3 մասնաշենքի տանիքի վերանորոգման աշխատանքների իրականացման նպատակով (բյուջետային ծախսերի տնտեսագիտական դասակարգման «Շենքերի և շինությունների կապիտալ վերանորոգում» հոդվածով) ու 555.0 հազ. դրամը՝ Երևանի Կարմիր բլուր, 2-րդ նրբանցքի N 118 բնակելի տան՝ սույն թվականի մայիսի 23-ի ուժեղ քամուց վնասված 41 քառ. մետր մակերեսով տանիքի վերականգնման աշխատանքների փոխհատուցման նպատակով (բյուջետային ծախսերի տնտեսագիտական դասակարգման «Բնական աղետներից առաջացած վնասվածքների կամ վնասների վերականգնում» հոդվածով) և Հայաստանի Հանրապետության քաղաքաշինության նախարարությանը ինն ամսում՝ 1029.6 հազ. դրամ՝ դպրոցի N 3 մասնաշենքի տանիքի վերանորոգման աշխատանքների տեխնիկական և հեղինակային հսկողության իրականացման նպատակով (բյուջետային ծախսերի տնտեսագիտական դասակարգման «Շենքերի և շինությունների կապիտալ վերանորոգում» հոդվածով):
3. Հայաստանի Հանրապետության կրթության և գիտության նախարարին` սույն որոշման 2-րդ կետով նախատեսված 555.0 հազ. դրամ գումարը նվիրաբերության պայմանագրի հիման վրա տրամադրել Երևանի Կարմիր բլուր, 2-րդ նրբանցքի N 118 բնակելի տան բնակիչ Նաիրա Սերյոժայի Վարդանյանին՝ սույն թվականի մայիսի 23-ի ուժեղ քամուց վնասված 41 քառ. մետր մակերեսով տանիքի վերականգնման աշխատանքների փոխհատուցման նպատակով:
4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
Հայաստանի Հանրապետության 2016 թ. սեպտեմբերի 8 Երևան
վարչապետՀ. Աբրահամյան
