ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

26 հունվարի 2012 թվականի N 82-Ն

ԱՈՒԴԻՏ ԻՐԱԿԱՆԱՑՆՈՂ ԱՆՁԱՆՑ ԿՈՂՄԻՑ ՆԵՐԿԱՅԱՑՎՈՂ ԵՌԱՄՍՅԱԿԱՅԻՆ ՀԱՇՎԵՏՎՈՒԹՅԱՆ ՁԵՎԸ, ԱՅՆ ԼՐԱՑՆԵԼՈՒ ԵՎ ՆԵՐԿԱՅԱՑՆԵԼՈՒ ԿԱՐԳԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2005 ԹՎԱԿԱՆԻ ՓԵՏՐՎԱՐԻ 24-Ի N 201-Ն ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

«Աուդիտորական գործունեության մասին» Հայաստանի Հանրապետության օրենքի 18-րդ հոդվածի 2-րդ մասի «զ» կետին համապատասխան՝ Հայաստանի Հանրապետության կառավարությունը որոշում է.

1. Հաստատել՝

1) աուդիտ իրականացնող անձանց կողմից ներկայացվող եռամսյակային հաշվետվության ձևը՝ համաձայն N 1 հավելվածի.

2) աուդիտ իրականացնող անձանց կողմից ներկայացվող եռամսյակային հաշվետվության ձևը լրացնելու և ներկայացնելու կարգը՝ համաձայն N 2 հավելվածի:

2. Ուժը կորցրած ճանաչել Հայաստանի Հանրապետության կառավարության 2005 թվականի փետրվարի 24-ի «Աուդիտ իրականացնող անձանց կողմից ներկայացվող եռամսյակային, ինչպես նաև տարեկան հաշվետվությունների ձևերը և դրանց լրացման ու ներկայացման կարգը հաստատելու մասին» N 201-Ն որոշումը:

3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հայաստանի Հանրապետության վարչապետ	Տ. Սարգսյան
2012 թ. փետրվարի 10 Երևան

Հավելված N 1 ՀՀ կառավարության 2012 թվականի հունվարի 26-ի N 82-Ն որոշման

Ձև N 1Ե

Ե Ռ Ա Մ Ս Յ Ա Կ Ա Յ Ի Ն  Հ Ա Շ Վ Ե Տ Վ ՈՒ Թ Յ ՈՒ Ն

ԱՈՒԴԻՏ ԻՐԱԿԱՆԱՑՆՈՂ ԱՆՁԱՆՑ

01.          .20 թ.          - 01.          .20    թ.

(հաշվետու ժամանակաշրջանը)

Կազմակերպության անվանումը		____________________________
Կազմակերպական - իրավական ձևը		____________________________
Պետական գրանցման վկայականի սերիան և համարը
Պետական գրանցման համարը
Պետական գրանցման ամսաթիվը, ամիսը, տարեթիվը
Գտնվելու վայրը	_____________		հեռախոսահամարը, ինտերնետային կայքի հասցեն, կապի այլ միջոցներ
Գործունեության (գրասենյակի գտնվելու) վայրը	_____________
Կազմակերպության գործադիր մարմնի ղեկավարի անունը, ազգանունը				__________________________

Աղյուսակ 1. Կազմակերպության մասնակիցները (բաժնետերերը)

Աղյուսակ 3. Հաշվետու ժամանակաշրջանում կազմակերպության ղեկավարի փոփոխությունը

Աղյուսակ 4. Կազմակերպության աշխատողների թիվը` ըստ տվյալ եռամսյակի ամիսների

Աղյուսակ 5. Հաշվետու ժամանակաշրջանում կազմակերպությունում աշխատող որակավորված աուդիտորները

Աղյուսակ 6. Հաշվետու ժամանակաշրջանում իրականացված աուդիտորական ծառայությունները, դրանց մասնակցած աուդիտորների թիվը և արտահայտված կարծիքները

2. Աուդիտ իրականացնող անձանց կողմից ներկայացվող եռամսյակային հաշվետվության ձևը լրացնելիս՝ անհրաժեշտ է հաշվի առնել, որ՝

1) աուդիտորական կազմակերպությունների մասնակիցների (բաժնետերերի) վերաբերյալ (Հայաստանի Հանրապետության կառավարության 2012 թվականի հունվարի 26-ի «Աուդիտ իրականացնող անձանց կողմից ներկայացվող եռամսյակային հաշվետվության ձևը, այն լրացնելու և ներկայացնելու կարգը հաստատելու և Հայաստանի Հանրապետության կառավարության 2005 թվականի փետրվարի 24-ի N 201-Ն որոշումն ուժը կորցրած ճանաչելու մասին» N 82 - Ն որոշման N 1 հավելվածի (այսուհետ՝ N 1 հավելված) N 1 աղյուսակ) աղյուսակի «Որակավորված աուդիտոր հանդիսացող մասնակիցները» մասի (2-րդ և 3-րդ սյունակներ) համապատասխան տողը լրացնելիս` «Այլ մասնակիցներ» 4-րդ սյունակի համապատասխան տողում նշում չի կատարվում, և հակառակը` «Այլ մասնակիցներ» 4-րդ սյունակի համապատասխան տողը լրացնելիս` նշում չի կատարվում «Որակավորված աուդիտոր հանդիսացող մասնակիցները» մասի (2-րդ և 3-րդ սյունակներ) համապատասխան տողում: «Այլ մասնակիցներ» տողում լրացվում է տվյալ մասնակցի ֆիզիկական անձ լինելու դեպքում` անունը, ազգանունը և սոցիալական քարտի համարը, քարտ չունենալու դեպքում` տեղեկանքի համարը, իսկ իրավաբանական անձ լինելու դեպքում` անվանումը, պետական գրանցման համարը և հարկ վճարողի հաշվառման համարը: Աղյուսակի 7-րդ սյունակում լրացվում են հաշվետու ժամանակաշրջանում կազմակերպության մասնակիցների (բաժնետերերի) կազմից մասնակցի դուրս գալու, նրանց կազմի մեջ մտնելու կամ կանոնադրական կապիտալում մասնակիցների ունեցած բաժնեմասնակցության (փայաբաժնի, բաժնետոմսերի) չափի փոփոխություն կատարելու և փոփոխությունն իրավաբանական անձանց պետական ռեգիստրի գործակալությունում կամ բաժնետոմսերի ռեեստրը վարող անձի մոտ գրանցելու ամսաթվի մասին տեղեկությունները.

2) հաշվետու ժամանակաշրջանում կազմակերպության կանոնադրության մեջ կատարված փոփոխությունների վերաբերյալ (N 1 հավելվածի N 2 աղյուսակ) աղյուսակում լրացվում են կանոնադրության մեջ կատարված փոփոխությունները: Այդպիսի տվյալների բացակայության դեպքում աղյուսակը չի լրացվում և բոլոր սյունակներում դրվում է «-» նշանը.

3) հաշվետու ժամանակաշրջանում կազմակերպության ղեկավարի փոփոխության վերաբերյալ (N 1 հավելվածի N 3 աղյուսակ) աղյուսակի 2-րդ սյունակում լրացվում է կազմակերպության նոր ղեկավարի անունը, ազգանունը, 3-րդ սյունակում` հաշվետու ժամանակաշրջանում կազմակերպության ղեկավարի փոփոխությանն առնչվող տեղեկատվությունը: Եթե հաշվետու ժամանակաշրջանում կազմակերպության ղեկավարի փոփոխություն տեղի չի ունեցել, ապա 3-րդ աղյուսակը չի լրացվում, և բոլոր սյունակներում դրվում է «-» նշանը: Ղեկավարի մասին տվյալները լրացվում են ըստ իրավաբանական անձանց պետական ռեգիստրի գործակալությունում գրանցված տվյալների` ներառյալ ժամանակավոր պաշտոնակատար նշանակելու դեպքերը.

4) կազմակերպության աշխատողների թիվը` ըստ տվյալ եռամսյակի ամիսների (N 1 հավելվածի N 4 աղյուսակ) լրացնելիս՝ աղյուսակի 1-ին տողի համապատասխան սյունակներում յուրաքանչյուր ամսվա համար նշվում է որակավորված աուդիտորների թիվը` հիմնական աշխատողների, համատեղությամբ աշխատողների և ընդամենը կտրվածքով, 2-րդ տողի համապատասխան սյունակներում յուրաքանչյուր ամսվա համար նշվում է փորձագետների թիվը (համաձայն աուդիտի ստանդարտների)` հիմնական աշխատողների, ներգրավված աշխատողների և ընդամենը կտրվածքով, 3-րդ տողի համապատասխան սյունակներում յուրաքանչյուր ամսվա համար նշվում է այլ մասնագետների թիվը, ովքեր մասնակցում են աուդիտորական գործունեության իրականացմանը (համաձայն աուդիտի ստանդարտների)` հիմնական աշխատողների, ներգրավված աշխատողների և ընդամենը կտրվածքով.

5) հաշվետու ժամանակաշրջանում կազմակերպությունում աշխատող որակավորված աուդիտորների վերաբերյալ (N 1 հավելվածի N 5 աղյուսակ) աղյուսակի 4-րդ սյունակում կատարվում է «այո» նշագրումը, եթե որակավորված աուդիտորի վկայականը տվյալ աուդիտորական կազմակերպության համար ապահովում է լիցենզավորման պայման, իսկ աղյուսակի 5-րդ սյունակում լրացվում են հաշվետու ժամանակաշրջանում աուդիտորների կազմում կատարված փոփոխությունների (աուդիտորի՝ աշխատանքից ազատվելու կամ աշխատանքի ընդունվելու) մասին տեղեկությունները՝ նշելով փոփոխության բնույթը, փոփոխության ամսաթիվն ու հիմք հանդիսացող փաստաթղթի համարը: Նույն աղյուսակի 6-րդ սյունակը լրացվում է միայն հաշվետու ժամանակաշրջանում աուդիտորական կազմակերպության համար լիցենզավորման պայման ապահովող աուդիտորների կազմում փոփոխության առկայության դեպքում.

6) հաշվետու ժամանակաշրջանում իրականացված աուդիտորական ծառայությունների, դրանց մասնակցած աուդիտորների թվի և արտահայտված կարծիքների (N 1 հավելվածի N 6 աղյուսակ) վերաբերյալ աղյուսակը լրացնելիս՝ հաշվի առնել այն հանգամանքը, որ աղյուսակում նշվում են այն իրավաբանական անձանց, հիմնարկների հետ կապված տեղեկությունները, որոնց մոտ իրականացվել է աուդիտորական ծառայություն՝ աուդիտ և (կամ) աուդիտորական դիտարկում: Աղյուսակի 5-րդ սյունակում լրացվում է, թե որ ժամանակաշրջանի համար է իրականացվել աուդիտորական ծառայությունը, 6-րդ սյունակում լրացվում է իրականացված աուդիտորական ծառայության տեսակը` «աուդիտ» կամ «աուդիտորական դիտարկում»: Աղյուսակի 7-րդ և 8-րդ սյունակներում լրացվում են աուդիտորական ծառայությունների իրականացման ժամկետներն ըստ պայմանագրի` նշելով սկիզբը (7-րդ սյունակ) և ավարտը (8-րդ սյունակ): Եթե աուդիտորական ծառայությունների իրականացման սկզբի ժամկետ պայմանագրով նախատեսված չէ, ապա 7-րդ սյունակում դրվում է «-» նշանը: Աղյուսակի 9-րդ և 10-րդ սյունակներում լրացվում են աուդիտորական ծառայությունների իրականացման փաստացի ժամկետները` նշելով սկիզբը (9-րդ սյունակ) և ավարտը (10-րդ սյունակ): Աղյուսակի 11-րդ, 12-րդ և 13-րդ սյունակներում լրացվում է աուդիտորական ծառայությունների իրականացմանը մասնակցած մասնագետների թիվը` աուդիտորների, փորձագետների և այլ մասնագետների կտրվածքով: Աղյուսակի 14-րդ սյունակում լրացվում են տվյալ տողում նշված՝ աուդիտի ենթարկված անձի մոտ իրականացված աուդիտորական ծառայության արդյունքները՝ բացասական կարծիք արտահայտող եզրակացություն, դրական կարծիք արտահայտող եզրակացություն, վերապահումներով դրական կարծիք արտահայտող եզրակացություն, կարծիք արտահայտելուց հրաժարվելը: Աղյուսակի 15-րդ սյունակում լրացվում է իրականացված աուդիտորական ծառայության դիմաց վճարի գումարը՝ հազ. դրամներով` առանց ավելացված արժեքի հարկի: Աղյուսակի 16-րդ և 17-րդ սյունակներում լրացվում է իրականացված աուդիտի պարտադիր կամ կամավոր լինելը (աուդիտորական դիտարկման դեպքում 16-րդ և 17-րդ սյունակները չեն լրացվում).

7) հաշվետու ժամանակաշրջանում աուդիտորական կազմակերպության կողմից մատուցված հարակից և այլ ծառայությունների վերաբերյալ (N 1 հավելվածի N 7 աղյուսակ) աղյուսակը լրացնելիս՝ 5-րդ սյունակում նշվում են մատուցված հարակից և այլ ծառայությունների տեսակները: Որպես հարակից ծառայություններ նշվում են միայն համաձայնեցված ընթացակարգերը և կոմպիլյացիան, իսկ որպես այլ ծառայությունների տեսակներ պետք է ընդունել «Աուդիտորական գործունեության մասին» Հայաստանի Հանրապետության օրենքի 12-րդ հոդվածի 2-րդ մասով սահմանված ծառայությունները: Աղյուսակի 6-րդ և 7-րդ սյունակներում լրացվում են մատուցված ծառայությունների իրականացման ժամկետներն ըստ պայմանագրի` նշելով սկիզբը (6-րդ սյունակ) և ավարտը (7-րդ սյունակ): Աղյուսակի 8-րդ և 9-րդ սյունակներում լրացվում են մատուցված ծառայությունների իրականացման փաստացի ժամկետները` նշելով սկիզբը (8-րդ սյունակ) և ավարտը (9-րդ սյունակ): Ծառայության ավարտ է համարվում համապատասխան արդյունքի (եզրակացություն, հաշվետվություն, նամակ ղեկավարությանը կամ այլ) տրամադրման օրը՝ անկախ մատուցված ծառայության համար վճարման հաշվի հաստատման ամսաթվից կամ վճարման փաստից: Եթե նույն պայմանագրով նախատեսված է մի քանի ծառայության արդյունք, ապա յուրաքանչյուր ծառայության արդյունքի մասով տողը լրացվում է որպես առանձին ծառայության մասին տեղեկատվություն: Աղյուսակի 10-րդ սյունակում լրացվում է մատուցված ծառայության դիմաց վճարի գումարը՝ հազ. դրամներով` առանց ավելացված արժեքի հարկի: Եթե նշված ժամանակաշրջանում այդպիսի ծառայություններ չեն մատուցվել, ապա 7-րդ աղյուսակը չի լրացվում, և բոլոր սյունակներում դրվում է «-» նշանը:

3. Աուդիտ իրականացնող անձանց կողմից եռամսյակային հաշվետվությունը լիազորված մարմին է ներկայացվում տվյալ եռամսյակին հաջորդող 30 օրացուցային օրվա ընթացքում: Հաշվետվությունը ներկայացնելու օր է համարվում այն լիազորված մարմին հանձնելու, էլեկտրոնային համակարգի միջոցով կամ փոստով ուղարկելու օրը: Ընդ որում, աուդիտ իրականացնող անձը եռամսյակային հաշվետվությունը ներկայացնում է լիազորված մարմին` ուղեկցող գրությամբ, որում անհրաժեշտ համարելու դեպքում կարող է բացահայտել հաշվետվությունում ներկայացված առանձին տեղեկություններ` հստակեցնելու նպատակով: Աուդիտ իրականացնող անձինք, էլեկտրոնային ստորագրության առկայության դեպքում, կարող են (ըստ ցանկության) սույն կետում նշված եռամսյակային հաշվետվությունը ներկայացնել էլեկտրոնային համակարգի միջոցով:

4. Լիազորված մարմինն իրականացնում է ստացված հաշվետվությունների հաշվառում, տվյալների ամփոփում և վերլուծություն:

5. Ներկայացված հաշվետվություններն ուսումնասիրվում են լիազորված մարմնի կողմից: Հաշվետվություններում լրացման թերություններ, ինչպես նաև դրանցում պարունակվող տեղեկատվական տվյալների՝ միմյանց կամ նախորդ հաշվետվություններ տվյալների հետ համադրության արդյունքում պահանջվող տվյալների ակնհայտ բացահայտելի թվաբանական սխալներ, վրիպակներ, անճշտություններ (այսուհետ միասին` անճշտություն) հայտնաբերվելու դեպքում լիազորված մարմինը դրանց մասին տեղեկացնում է աուդիտ իրականացնող անձին` սահմանելով ճշտված հաշվետվությունները ներկայացնելու ժամկետ, որը չի կարող գերազանցել 30 օրացուցային օրը: Աուդիտ իրականացնող անձը պարտավոր է վերացնել հայտնաբերված անճշտությունները և լիազորված մարմնի սահմանած ժամկետում ներկայացնել ճշտված հաշվետվություններ: Լիազորված մարմինն իրավունք չունի չընդունելու նշված բնույթի սխալներով, այդ թվում՝ ջնջումներով կամ քերվածքներով (ուղղումներով) ներկայացված հաշվետվությունները:

6. Աուդիտ իրականացնող անձը ներկայացված հաշվետվություններում ինքնուրույն սխալներ հայտնաբերելու դեպքում կարող է ներկայացնել ճշտված հաշվետվություններ:

7. Հաշվետվություն չներկայացնելու, ինչպես նաև սույն կարգի 6-րդ կետով նախատեսված ճշտված հաշվետվությունը չներկայացնելու դեպքում լիազորված մարմինը հարուցում է հաշվետվությունը չներկայացնելու համար օրենքով սահմանված համապատասխան պատասխանատվության միջոցի կիրառման վարչական վարույթ:

8. Աուդիտ իրականացնող անձանց կողմից ներկայացված եռամսյակային հաշվետվությունում առկա տվյալները հիմք են հանդիսանում լիցենզիայի պայմանների ու պահանջների պահպանման հարցում թույլ տրված խախտումը լիազորված մարմնի կողմից արձանագրելու համար՝ բացառությամբ սույն կարգի 5-րդ կետով սահմանված հատկանիշներով անճշտություն պարունակող հաշվետվությունների:

Հայաստանի Հանրապետության կառավարության աշխատակազմի ղեկավար

Դ. Սարգսյան