Հավելված ՀՀ կառավարության 1993 թ. նոյեմբերի 26-ի N 596 որոշման

Կ Ա Զ Մ

ՈՉ ՊԵՏԱԿԱՆ ՁԵՌՆԱՐԿՈՒԹՅՈՒՆՆԵՐԻՆ ՏՐԱՄԱԴՐՎՈՂ ԷԼԵԿՏՐԱԷՆԵՐԳԻԱՅԻ ՔՎՈՏԱՅԻ ԲԱՇԽՄԱՆ ՄՐՑՈՒԹԱՅԻՆ ՀԱՆՁՆԱԺՈՂՈՎԻ

Լ. Բեգլարյան		- ՀՀ կառավարության գործերի կառավարչության 11-րդ վարչության պետ (նախագահ)
Ա. Ղազարյան		- ՀՀ էկոնոմիկայի նախարարության էներգետիկայի և վառելիքի բաժնի պետ (հանձնաժողովի քարտուղար)
Դ. Ասատրյան		- ՀՀ էներգետիկայի և վառելիքի նախարարության վարչության պետ
Կ. Ասլանյան		- էներգապետհսկողության գլխավոր վարչության պետ
Է. Ամատունի		- ՀՀ կառավարության գործերի կառավարչության 11-րդ վարչության առաջատար մասնագետ
Ա. Մարկոսյան		- ՀՀ էկոնոմիկայի նախարարության ձեռնարկատիրական գործունեության կարգավորման բաժնի պետ
Ս. Հակոբյան		- ՀՀ ֆինանսների նախարարության բաժնի պետ

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐԻՉ

Ա. ԽԱՉԱՏՐՅԱՆ

ՀԱՍՏԱՏՎԱԾ է ՀՀ կառավարության 1993 թ. նոյեմբերի 26-ի N 596 որոշմամբ

Կ Ա Ր Գ

ՈՉ ՊԵՏԱԿԱՆ ՁԵՌՆԱՐԿՈՒԹՅՈՒՆՆԵՐԻՆ ՏՐԱՄԱԴՐՎՈՂ ԷԼԵԿՏՐԱԷՆԵՐԳԻԱՅԻ ՍՊԱՌՄԱՆ ՔՎՈՏԱՆԵՐԻ ԲԱՇԽՄԱՆ

1. Էլեկտրաէներգիայի քվոտաներ տրամադրվում են տնտեսական գործունեության հետևյալ տեսակներով զբաղվող ոչ պետական ձեռնարկություններին`

ա) արդյունաբերական գործունեություն իրականացնող.

բ) գյուղատնտեսական արտադրանք թողարկող.

գ) ծառայությունների ոլորտում զբաղված:

2. Էլեկտրաէներգետիկայի սպառման քվոտաները տրամադրվում են այն ոչ պետական ձեռնարկություններին, որոնք 1993 թվականի սեպտեմբերի 1-ի դրությամբ կատարել են`

ա) բոլոր հարկային մուծումները և վճարումները պետական բյուջե.

բ) ժամանակին կատարել են էլեկտրաէներգիայի դիմաց վճարումները և չունեն ժամկետանց պարտքեր:

3. Սույն կարգի առաջին կետում նշված տնտեսական գործունեության ոլորտներում զբաղված ոչ պետական ձեռնարկություններին տրամադրվող էլեկտրաէներգիայի սպառման քվոտայի հատկացման նախապատվությունը տրվում է այն ձեռնարկություններին, որոնք`

ա) կատարում են պետական պատվեր կամ առաջադրանք.

բ) մասնակցում են Հայաստանի Հանրապետության սոցիալ-տնտեսական զարգացման 1993 թվականի ծրագրի կոնկրետ միջոցառումների իրականացմանը.

գ) իրենց տնտեսական գործունեությամբ նպաստում են տվյալ տեսակի արտադրանքի (ծառայության) ներմուծման նվազեցմանը և կայուն տարադրամով այդ արտադրանքի (ծառայության) արտահանման ավելացմանը:

4. Սույն կարգով նախատեսվող էլեկտրաէներգիայի սպառման քվոտայի տրամադրման համար անցկացվում է մրցույթ:

Մրցույթի կազմակերպումը և անցկացումն իրականացնում է մրցութային հանձնաժողովը, որը մրցույթի անցկացման մասին զանգվածային լրատվության միջոցներով հայտարարություն է տալիս:

Հայտարարության մեջ պետք է նշվեն`

ա) մրցույթին ներկայացվող փաստաթղթերի ցանկը (N 1 ձևը կցվում է).

բ) մրցույթի անցկացման ժամանակը, տեղը և փաստաթղթերի ներկայացման ժամկետը:

5. Պահանջվող փաստաթղթերը պատվիրված նամակով կամ առձեռն հանձնվում են Հայաստանի Հանրապետության էկոնոմիկայի նախարարությանը` ծրարի վրա նշելով սույն կարգի առաջին կետում նշված գործունեության ոլորտները:

6. Հայաստանի Հանրապետության էկոնոմիկայի նախարարությունում մրցութային հանձնաժողովի կողմից հայտերի ներկայացման ժամկետի ավարտից ոչ ուշ, քան 5 օրվա ընթացքում կազմակերպվում է ոչ պետական ձեռնարկություններին տրամադրվող էլեկտրաէներգիայի սպառման քվոտաների բաշխման մրցույթ` մրցութային ընտրության չափանիշներով (N 2 ձևը կցվում է):

7. Հայտը կարող է մերժվել հետևյալ դեպքերում`

ա) ներկայացված փաստաթղթերը չեն բավարարում վերը նշված պայմաններին.

բ) փաստաթղթերի ոչ լրակազմության դեպքում.

գ) փաստաթղթերի սխալներով լրացման դեպքում:

8. Մրցութային ընտրությունն անցած ոչ պետական ձեռնարկությունների ցանկը հաստատվում է մրցութային հանձնաժողովի կողմից:

9. Մրցութային հանձնաժողովն իրավասու է որոշում կայացնելու, եթե աշխատանքներին մասնակցում են նրա անդամների կեսից ավելին: Ձայների հավասարության դեպքում հանձնաժողովի նախագահն ունի վճռորոշ ձայնի իրավունք:

10. Մրցույթում հաղթած ոչ պետական ձեռնարկությունները մրցույթի անցկացման օրվանից հետո, երեք օրվա ընթացքում, մրցութային հանձնաժողովի կողմից ստանում են համապատասխան փաստաթուղթ, որը ներկայացնում են Հայաստանի Հանրապետության էներգետիկայի և վառելիքի նախարարություն:

11. Մրցութային հանձնաժողովի կողմից համապատասխան որոշում կայացնելուց հետո, երեք օրվա ընթացում, ոչ պետական ձեռնարկության և համապատասխան էլեկտրամատակարարող կազմակերպության միջև կնքվում է էլեկտրաէներգիայի օգտագործման մասին պայմանագիր:

N 1 ձև

Ց Ա Ն Կ

ՄՐՑՈՒՅԹԻՆ ՆԵՐԿԱՅԱՑՎՈՂ ՓԱՍՏԱԹՂԹԵՐԻ

1. Հայտը (լրացված և հաստատված ներկայացնողի կողմից):

2. Հիմնադիր փաստաթղթերի և ձեռնարկության գրանցման մասին համապատասխան տեղական խորհրդի գործկոմի որոշման պատճենները:

3. Ոչ պետական ձեռնարկությանը էներգապետհսկողության կողմից տրված թույլտվությունը:

4. Էլեկտրաէներգիայի սպառման քվոտայի օգտագործման ծրագիրը` համապատասխան հիմնավորմամբ` պարտադիր նշում կատարելով մեկ կվտ/ժամի հաշվով ստացվելիք շահույթի մասին:

N 2 ձև

ՄՐՑՈՒԹԱՅԻՆ ԸՆՏՐՈՒԹՅԱՆ ՉԱՓԱՆԻՇՆԵՐԸ

Չափանիշը

Մեծությունը

Հիմնական չափանիշներ Էլեկտրաէներգիայի սպառման քվոտայի օգտագործման արդյունավետությունը` միջին ամսական հաշվեկշռային շահույթի հարաբերությունը պահանջվող էլեկտրաէներգիայի սպառման քվոտայի նկատմամբ Էլեկտրաէներգիայի սակագինը   Լրացուցիչ չափանիշներ   Պետական պատվերով կամ առաջադրանքով արտադրանքի (ծառայության) ծավալի հարաբերությունը թողարկվող ամբողջ արտադրանքի նկատմամբ Հայաստանի Հանրապետության սոցիալ-տնտեսական զարգացման 1993 թվականի ծրագրի կոնկրետ միջոցառումների մեջ մասնակցության ծավալների հարաբերությունը թողարկվող ամբողջ արտադրանքի նկատմամբ Արտահանման համար նախատեսված արտադրանքից ստացված տարադրամային եկամուտի հարաբերությունը ստացվելիք ամբողջ գումարի նկատմամբ