ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

13 մայիսի 2010 թվականի N 562-Ա

 ՆԵՐԴՐՈՒՄԱՅԻՆ ԾՐԱԳՐԻ ՇՐՋԱՆԱԿՆԵՐՈՒՄ «ԳՈԼԴՆ ԳՐԵՅՊ ԱՐՄԱՍ» ՍԱՀՄԱՆԱՓԱԿ ՊԱՏԱՍԽԱՆԱՏՎՈՒԹՅԱՄԲ ԸՆԿԵՐՈՒԹՅԱՆ ԿՈՂՄԻՑ 300 ՄԻԼԻՈՆ ԴՐԱՄԸ ԳԵՐԱԶԱՆՑՈՂ ԱՊՐԱՆՔՆԵՐԻ ՆԵՐՄՈՒԾՄԱՆ ԴԵՊՔՈՒՄ ՄԱՔՍԱՅԻՆ ՄԱՐՄԻՆՆԵՐԻ ԿՈՂՄԻՑ ՀԱՇՎԱՐԿՎԱԾ ԱՎԵԼԱՑՎԱԾ ԱՐԺԵՔԻ ՀԱՐԿԻ ԳՈՒՄԱՐՆԵՐԻ ՎՃԱՐՄԱՆ ԺԱՄԿԵՏԸ ՄԻՆՉԵՎ ԵՐԵՔ ՏԱՐԻ ԺԱՄԿԵՏՈՎ ՀԵՏԱՁԳԵԼՈՒ ՄԱՍԻՆ

Հիմք ընդունելով «Ավելացված արժեքի հարկի մասին» Հայաստանի Հանրապետության օրենքի 6.1-ին հոդվածի 1-ին կետի «գ» ենթակետը և ղեկավարվելով Հայաստանի Հանրապետության կառավարության 2009 թվականի ապրիլի 30-ի N 600-Ն որոշման պահանջներով` Հայաստանի Հանրապետության կառավարությունը որոշում է.

1. Հայաստանի Հանրապետության կառավարության սահմանած կարգով ընտրված «ԳՈԼԴՆ ԳՐԵՅՊ ԱՐՄԱՍ» սահմանափակ պատասխանատվությամբ ընկերության կողմից իրականացվող ներդրումային ծրագրի շրջանակներում 2010 թվականի մայիսի 1-ից մինչև 2013 թվականի փետրվարի 1-ը ներառյալ ներմուծվող 300 միլիոն դրամը գերազանցող արժեքով ապրանքներից` համաձայն N 1 հավելվածի, մաքսային մարմինների կողմից հաշվարկվող ավելացված արժեքի հարկի վճարման ժամկետը հետաձգել մինչև 2013 թվականի մայիսի 1-ը:

(1-ին կետը փոփ. 03.05.12 N 570-Ա)

2. Հավանություն տալ «ԳՈԼԴՆ ԳՐԵՅՊ ԱՐՄԱՍ» սահմանափակ պատասխանատվությամբ ընկերության ներդրումային ծրագրի իրականացման ակնկալվող արդյունքների և մոնիթորինգի համակարգի վերաբերյալ Հայաստանի Հանրապետության էկոնոմիկայի նախարարության և «ԳՈԼԴՆ ԳՐԵՅՊ ԱՐՄԱՍ» սահմանափակ պատասխանատվությամբ ընկերության միջև կնքվելիք պայմանագրի նախագծին` համաձայն N 2 հավելվածի:

3. Հայաստանի Հանրապետության էկոնոմիկայի նախարարին` ապահովել «ԳՈԼԴՆ ԳՐԵՅՊ ԱՐՄԱՍ» սահմանափակ պատասխանատվությամբ ընկերության հետ սույն որոշման 2-րդ կետով հավանության արժանացած պայմանագրի կնքումը:

4. Սույն որոշման N 1 հավելվածում նշված են ապրանքների նախնական արժեքները:

Հայաստանի Հանրապետության վարչապետ	Տ. Սարգսյան
2010 թ. մայիսի 18 Երևան

Հավելված N 1 ՀՀ կառավարության 2010 թվականի  մայիսի 13-ի N 562-Ա որոշման

Ց Ա Ն Կ

«ԳՈԼԴՆ ԳՐԵՅՊ ԱՐՄԱՍ» ՍԱՀՄԱՆԱՓԱԿ ՊԱՏԱՍԽԱՆԱՏՎՈՒԹՅԱՄԲ ԸՆԿԵՐՈՒԹՅԱՆ ԿՈՂՄԻՑ ՆԵՐՄՈՒԾՎՈՂ ԱՊՐԱՆՔՆԵՐԻ

NN ը/կ	ԱՏԳ ԱԱ-ի ծածկագիրը	Անվանումը	Ծագման երկիրը	Չափման միավորը	Քանակը	Արժեքը
1	9406 00	Հավաքովի շինարարական կոնստրուկցիաներ	Իտալիա	հատ	1	536667747
2	7610 10	Դռներ, դրանդիներ, պատուհաններ և պատուհանագոգեր	Իտալիա	հատ	130	124924569
3	7610 90	Պատուհանների ալյումինե մասեր	Իտալիա	հատ	8
4	7308 30	Չժանգոտվող մետաղից դռներ	Իտալիա	հատ	10
5	4416 00	Տակառ փայտյա և դրանց մասեր	Իտալիա	հատ	80	606375000
6	8205 90	Գործիքների հավաքածու	Իտալիա	հատ	1	30992500
7	3918 10	Հատակի ծածկ` պոլիվինիլքլորիդով ծածկված կամ ներծծված	Իտալիա	մ.ք.	4000	103010985
8	6907 90	Կրկնակի սալիկներ «շպալտպլատեն»	Իտալիա	մ.ք.	4000	305658276
9	3820 00	Հակասառեցման հեղուկ	Իտալիա	կգ	5000	10780000
10	8426 12	Ամբարձիչ սարքավորումներ	Իտալիա	հատ	3	131516000
11	8705 40	Ավտոբետոնախառնիչ	Իտալիա	հատ	1	94325000
12	4006 90	Ռետինե խողովակներ	Իտալիա	մ	300	2795793
13	8716 39	Կիսակցորդներ	Իտալիա	հատ	4	43120000
14	9402 90	Քիմիական լաբորատորիայի կահույք	Իտալիա	հատ	1	46138400
15	4412 99	Փայտե պանելներ	Իտալիա	կգ	15000	4204200
16	8701 90	Գյուղատնտեսական աշխատանքների համար տրակտոր	Իտալիա	հատ	2	28238210
17	8433 20	Ներտաշման շտկոց	Իտալիա	հատ	5	20676040
18	8432 29	Արմատահանիչ	Իտալիա	հատ	3	1212750
19	8427 20	Ավտոամբարձիչ	Իտալիա	հատ	1	28028000
20	8418 69	Սառեցման սարքավորում	Իտալիա	հատ	1	634942000
21	7309 00	Հեղուկի տարա մինչև 100000 լիտր տարողությամբ	Իտալիա	հատ	1
22	8413 70	Պոմպ բազմաստիճան	Իտալիա	հատ	6
23	7304 90	Չժանգոտվող պողպատե խողովակներ	Իտալիա	մ	1609
24	7307 22	Չժանգոտվող պողպատե արմունկներ, ամրաններ, եռաբաշխիչներ և այլ մասեր	Իտալիա	կգ	8000
25	8419 50	Ջերմափոխանակիչներ	Իտալիա	հատ	3
26	7326 90	Կախիչներ մետաղական	Իտալիա	հատ	5
27	8536 50	Մինչև 60Վ հղորությամբ լարման անջատիչներ	Իտալիա	հատ	6
28	8419 90	Ջերմափոխանակիչի մասեր	Իտալիա	հատ	2
29	8479 89	Ընդարձակման բաք	Իտալիա	հատ	4
30	8481 40	Անվտանգության փական	Իտալիա	հատ	7
31	3917 23	Պոլիվինիլքլորիդային խողովակներ	Իտալիա	մ	21
32	8415 83	Օդորակման սարք	Իտալիա	հատ	5
33	9026 80	Խոնավության հսկողության սարք	Իտալիա	հատ	2
34	8481 80	Կլապաններ, փականներ և խողովակների մասեր	Իտալիա	հատ	23
35	8419 89	Մղիչ սարքավորում	Իտալիա	հատ	1
36	8419 89	Ավտոկլավ	Իտալիա	հատ	1
37	8481 80	Հեղուկի փականներ	Իտալիա	հատ	50
38	8419 89	Ջրի փափկացնող սարք	Իտալիա	հատ	1
39	8414 40	Օդի կոմպրեսոր և մասեր	Իտալիա	հատ	2
40	8421 39	Օդի ֆիլտրման սարքավորում	Իտալիա	հատ	1
41	8481 80	Դարձկեն սահափական	Իտալիա	հատ	15
42	8402 19	Գոլորշու կաթսաներ և մասեր	Իտալիա	հատ	1
43	8416 20	Գազայրոց, ծխնելույզներ և այլ մասեր	Իտալիա	հատ	27
44	8481 30	Հետադարձ փական	Իտալիա	հատ	3
45	9026 20	Մանոմետր	Իտալիա	հատ	1
46	8481 10	Ռեդուկցիոն ճնշման կարգավորման փականներ	Իտալիա	հատ	1
47	8481 40	Անվտանգության փական	Իտալիա	հատ	7
48	3909 50	Պոլիուրետան մեկուսիչ	Իտալիա	կգ	800
49	7219 34	Չժանգոտով մետաղյա թիթեղներ	Իտալիա	կգ	2000
50	7326 90	Այլ ջրահեռացման մասեր	Իտալիա	մ	40
51	8423 90	Կշռման մեքենա	Իտալիա	հատ	1	22691900
52	7219 90	Մետաղյա թիթեղներ այլ	Իտալիա	կգ	415000	781550000
53	8481 80	Փականների, կապույրների ներառյալ ջերմային կառավարմամբ և այլ մասերի հավաքածու	Իտալիա	հատ	1	8624000
54	8515 39	Զոդման մեքենա	Իտալիա	հատ	4	30184000
55	8419 40	Դիստիլացման սարք	Իտալիա	հատ	1	331485000
56	7309 00	Տարաներ	Իտալիա	հատ	60	404250000
57	8435 10	Գինեգործական սարքավորումներ, մամլիչներ, ջարդիչներ և այլ նմանատիպ սարքավորում	Իտալիա	հատ	65	948640000
58	8422 30	Շշալցման սարքավորում	Իտալիա	հատ	1	211288000
59	8705 90	Տելեսկոպիկ ամբարձիչ	Իտալիա	հատ	1	78155000
60	8428 90	Ինքնաշարժ հարթակ	Իտալիա	հատ	1	46354000
61	8504 21	650 կՎ հզորությունը չգերազանցող տրանսֆորմատորներ և դրա բաղկացուցիչ մասեր	Իտալիա	կոմպլեկտ	1	10348800
62	8532 10	Կոնդենսատորներ և դրա բաղկացուցիչ մասեր	Իտալիա	կոմպլեկտ	1	4851000
63	8535 10	Էլ. Ապահովիչներ	Իտալիա	կոմպլեկտ	1	3234000
64	8535 21	Ավտոմատ շղթայի անջատիչներ 72.5 Կվ-ից պակաս և մասեր	Իտալիա	կոմպլեկտ	1	9702000
65	8535 30	Բաժանիչներ, ընդհատիչներ, անջատիչներ 72.5 Կվ-ից պակաս	Իտալիա	կոմպլեկտ	1	9702000
66	8535 40	Շանթարգել, վորլտաժային սահմանափակիչներ, գերլարման սահմանափակիչներ և մասեր	Իտալիա	կոմպլեկտ	1	1293600
67	853610	Էլ. ապահովիչներ	Իտալիա	կոմպլեկտ	3	970200
68	8536 20	Էլ. անջատիչներ	Իտալիա	կոմպլեկտ	2	22638000
69	8536 41	Ռելեներ	Իտալիա	կոմպլեկտ	1	646800
70	8536 61	Լամպի կոթառներ	Իտալիա	կոմպլեկտ	1	64680
71	8536 90	Մետաղալարերի և մալուխների միացման կոնտակտային տարրեր, լարերի միացուցիչների և սեղմակների հավաքածու և մասեր	Իտալիա	կոմպլեկտ	3	43227000
72	8537 10	Թվային վերահսկման պանելներ, ներկառուցված ավտոմատ տվյալների մշակման մեքենաներ, ծրագրավորվող հիշողության հսկիչ սարքեր, որոնք սարքավորված են էլեկտրոնային հաղորդիչներով և միացուցիչներով և մասեր, այդ թվում նաև մետաղյա արկղեր	Իտալիա	կոմպլեկտ	4	29106000
73	8537 20	Թվային վերահսկման պանելներ, ներկառուցված ավտոմատ տվյալների մշակման մեքենաներ, ծրագրավորվող հիշողության հսկիչ սարքեր, որոնք սարքավորված են էլեկտրոնային հաղորդիչներով և միացուցիչներով և մասեր` 1000Վ գերազանցությամբ	Իտալիա	կոմպլեկտ	1	22638000
74	8539 10	Հերմետիկ լամպեր	Իտալիա	կոմպլեկտ	1	5174400
75	8539 21	Հալոգենային լամպեր	Իտալիա	կոմպլեկտ	1	8408400
76	8539 22	Ռեֆլեկտորային լամպեր	Իտալիա	կոմպլեկտ	1	22638000
77	8539 39	Ռեֆլեկտորային լամպեր 200Վ հղորությունից բարձր	Իտալիա	կոմպլեկտ	1	22907500
78	8544 42	Մալուխների և լարերի կոմպլեկտներ	Իտալիա	կոմպլեկտ	2	3234000
79	8544 49	Այլ մալուխներ և լարեր	Իտալիա	կոմպլեկտ	1	63602000
80	8544 60	1000Վ հզորությամբ պղնձյա հաղորդիչներ	Իտալիա	կոմպլեկտ	1	9702000
81	8547 20	Պլաստմասայից մեկուսացնող ամրաններ	Իտալիա	կոմպլեկտ	1	4527600
82	3917 23	Պլաստմասայե խողովակների և ֆիտինգների հավաքածու	Իտալիա	կոմպլեկտ	1	18110400
83	7907 00	Ցինկե փողակներ, խողովակներ, միացումներ, արմունկներ, ճկափողեր և մասեր	Իտալիա	կոմպլեկտ	1	26518800
84	8431 49	Հիդրոմուրճ, կոմպլեկտավորող մասերով	ԱՄՆ	հատ	1	4870000
85	8716 20	Անիվավոր կցորդ	ԱՄՆ	հատ	12	28800000
86	8431 41	Մետաղական կովշ, կոմպլեկտավորող մասերով	ԱՄՆ	հատ	5	10000000
87	8431 49	Էքսկավատորի մետաղական թրթուռ, կոմպլեկտավորող մասերով	ԱՄՆ	հատ	1	1566000
88	8701 20	Տրակտոր 32 ձիաուժ գյուղատնտեսական նշանակության, կոմպլեկտավորող մասերով	Ճապոնիա	հատ	4	40000000
89	8432 29	Կցորդիչ փոցխ, հարթեցնող սարքավորում, կոմպլեկտավորող մասերով	ԱՄՆ	հատ	10	14000000
90	8467 89	Հեղուկ վառելիքային շարժիչով հող հարթեցնող գործիք, կոմպլեկտավորող մասերով	ԱՄՆ	հատ	20	6000000
91	4011 10	Մարդատար ավտոմեքենայի անվադողեր	ԱՄՆ	հատ	12	1600000
92	4016 99	Մետաղյա հիմքով ռետինե խցուկ	ԱՄՆ	հատ	1	26800
93	8421 23	Բենզինի ֆիլտր	ԱՄՆ	հատ	1	19200
94	4016 99	Կարբյուրատորի ռեմ.կոմպլեկտ, միջնաշերտ	ԱՄՆ	հատ	1	106000
95	8305 20	Թղթյա միջնաշերտ ամրանի համար	Չինաստան	հատ	500	10000000
96	8305 20	Ստեպլերի մետաղական լիցքեր	Չինաստան	հատ	100	1600000
97	8205 51	Խաղողի վազի ստեպլեր	Չինաստան	հատ	30	800000
98	82015000-6000	Մկրատներ սեկատորներ	Չինաստան	հատ	50	1000000
99	8211 92	Խաղող կտրելու դանակ	Չինաստան	հատ	100	400000
100	3926 99	Թղթյա ժապավեններ	Չինաստան	հատ	200	400000
101	8201 90	Ձեռքի մեխանիկական գյուղատնտեսական գործիքներ	Չինաստան	հատ	250	4000000
101.1.	8423 82	Էլեկտրական կշեռք	Իտալիա, ԱՄՆ, Չինաստան	հատ	10	1900000
101.2.	8425 11	էլեկտրական ամբարձիչ մեխանիզմ` մկրատային տիպի	Իտալիա, ԱՄՆ, Չինաստան	հատ	4	7600000
101.3.	4011 61	Տրակտորների անվադողեր	Իտալիա, ԱՄՆ, Չինաստան	հատ	50	5700000
101.4.	8424 81	Սրսկիչներ	Իտալիա, ԱՄՆ, Չինաստան	հատ	5	1950000
101.5.	8432 10	Հողը վարելու գութան	Իտալիա, ԱՄՆ, Չինաստան	հատ	5	5900000
101.6.	7308 40	Կաղապարամատ լրակազմով` պլաստմասսայե և երկաթյա	Իտալիա, ԱՄՆ, Չինաստան	կգ	2000000	5000000
101.7.	8481 80	Ամրան	Իտալիա, ԱՄՆ, Չինաստան	կգ	200000	68400000
101.8.	8413 40	Բետոնամղիչ` Bօbcat	Իտալիա, ԱՄՆ, Չինաստան	հատ	1	11400000
101.9.	4009 12	Բետոնամղիչի խողովակներ ռետինե` կցամասերով	Իտալիա, ԱՄՆ, Չինաստան	կգ	700	1900000
101.10.	8413 91	Բետոնամղիչի խողովակների հավաքածու	Իտալիա, ԱՄՆ, Չինաստան	կգ	30	722000
101.11.	8465	Փայտյա իրերի և թափոնների մանրացման սարք` կցամասերով	Իտալիա, ԱՄՆ, Չինաստան	հատ	2	19000000
101.12	4416	Փայտե տակառներ և դրանց մասեր	ԱՄՆ, Ֆրանսիա, Իտալիա	կգ	22500	33696000
101.13	8427	Ավտոբեռնիչ` եղանիկային բռնիչով		հատ	2	5720000
101.14	8432	Հողի մշակման սարքավորումներ		հատ	8	11200000
101.15	8436	Շրեդերային ջարդիչ` ճյուղերի մանրացման համար		հատ	1	5850000
101.16	9405	Հրակայուն լուսարձակներ, լուսատուներ և դրանց մասեր		կգ	335	491000
101.17	8701	Տրակտորներ		հատ	2	14040000
101.18	8716	Կցորդներ և կիսակցորդներ		հատ	8	19200000
101.19	8431	Շերեփ` տրակտորի		հատ	5	9750000
101.20	8201	Գյուղատնտեսական գործիքներ		հատ	500	8000000
101.21	4011	Տրակտորների անվադողեր		հատ	30	3450000
101.22	9027, 9018, 7017, 9024, 9011, 8421, 8419, 9016, 9025, 8423, 8479, 8418, 9031, 8514, 8418, 3926, 7017, 3923	Լաբորատոր սարքավորումներ և պարագաներ, այդ թվում` քարշիչ պահարան, անալիտիկ և տեխնիկական կշեռքներ, սառնարան, ջերմաչափեր, գոլորշացուցիչ, ջրի մաքրման սարք, չորանոց, էքսիկատորներ, ջրի թորման սարք, ֆոտոէլեկտրակալորիմետր, մուֆելային վառարան, pH-մետր, իոնոմետր, ավտոկլավ, մանրադիտակ, էլեկտրական սալիկներ, պահարաններ, սեղաններ, վայրկյանաչափ, ավազի ժամացույցներ, մանրադիտակ, գորյաևի խցիկ, չորացման պահարան, բակտերիոցիդ լամպ, սպեկտրոֆոտոմետր, պոլյարոգրաֆ, ֆոտոէլեկտրալուսաչափ, քրոմոտոգրաֆ		լրա-կազմ	1	7500000
101.23	8431	Էքսկավատորի շղթա		կգ	1500	2340000
101.24	7309	Մետաղական տարա գինեգործության համար` 100 հազ. լ-ից ոչ ավելի		կգ	1150	18721114
101.25	8424	Հեղուկացիր սարք` արտադրամասի խոնավության պահպանման համար		հատ	1	4183071
101.26	7304	Չժանգոտվող պողպատե խողովակներ		կգ	6482	125518487
101.27	9406	Մետաղյա շինարարական հավաքովի կոնստրուկցիա		կգ	3700	52563255
101.28	7216	Սև մետաղյա պրոֆիլներ		կգ	894	5299208
101.29	8415	Օդափոխության համակարգ		հատ	1	6362060
101.30	8414	Կոմպրեսոր` օդի		հատ	1	21050288
101.31	8423	Հատակի էլեկտրական կշեռք		հատ	1	15144386
102	Ընդամենը					6584811419

(Հավելվածը փոփ., լրաց. 23.06.11 N 848-Ա, 03.05.12 N 570-Ա)

Հայաստանի Հանրապետության կառավարության աշխատակազմի ղեկավար

Դ. Սարգսյան

Հավելված N 2 ՀՀ կառավարության 2010 թվականի  մայիսի 13-ի N 562-Ա որոշման

Պ Ա Յ Մ Ա Ն Ա Գ Ի Ր  N

«ԳՈԼԴՆ ԳՐԵՅՊ ԱՐՄԱՍ» ՍԱՀՄԱՆԱՓԱԿ ՊԱՏԱՍԽԱՆԱՏՎՈՒԹՅԱՄԲ ԸՆԿԵՐՈՒԹՅԱՆ ՆԵՐԴՐՈՒՄԱՅԻՆ ԾՐԱԳՐԻ ԻՐԱԿԱՆԱՑՄԱՆ ԱԿՆԿԱԼՎՈՂ ԱՐԴՅՈՒՆՔՆԵՐԻ ԵՎ ՄՈՆԻԹՈՐԻՆԳԻ ՀԱՄԱԿԱՐԳԻ ՎԵՐԱԲԵՐՅԱԼ

քաղ. Երևան ____

________ 2010թ.

 Հայաստանի Հանրապետությունը, որի անունից հանդես է գալիս Հայաստանի Հանրապետության էկոնոմիկայի նախարարությունը (այսուհետ` նախարարություն), ի դեմս ___________, մի կողմից, և «ԳՈԼԴՆ ԳՐԵՅՊ ԱՐՄԱՍ» սահմանափակ պատասխանատվությամբ ընկերության, ի դեմս _________ (այսուհետ` ընկերություն), մյուս կողմից (նախարարությունը և ընկերությունը միասին հիշատակելու դեպքում, այսուհետ` կողմեր), հիմք ընդունելով Հայաստանի Հանրապետության կառավարության 2010 թվականի մայիսի 13-ի N 562-Ա որոշումը, կնքեցին սույն պայմանագիրը (այսուհետ` պայմանագիր) հետևյալի մասին.

1. Պայմանագրի առարկան

Պայմանագրով ընկերությունը պարտավորվում է կատարել Հայաստանի Հանրապետության կառավարության 2009 թվականի ապրիլի 30-ի «Ավելացված արժեքի հարկի մասին» Հայաստանի Հանրապետության օրենքի 6.1-ին հոդվածով սահմանված կազմակերպությունների և անհատ ձեռնարկատերերի ընտրության կարգը հաստատելու մասին» N 600-Ն որոշմամբ սահմանված կարգով ընտրված ընկերության կողմից իրականացվող ներդրումային ծրագրով (այսուհետ` ծրագիր) նախատեսված աշխատանքները, իսկ նախարարությունը պարտավորվում է իր իրավասությունների շրջանակներում աջակցել ընկերությանը ծրագրի իրականացման գործընթացում:

2. Կողմերի իրավունքներն ու պարտավորությունները

2.1. Նախարարությունը պարտավոր է`

2.1.1. կատարել ծրագրի իրականացման մոնիթորինգ:

2.2. Նախարարությունն իրավունք ունի`

2.2.1. կատարելու ընկերության կողմից իրականացվող ծրագրի նկատմամբ վերահսկողություն.

2.2.2. պահանջելու ընկերությունից ներկայացնել պայմանագրի 3.6-րդ կետով սահմանված հաշվետվությունները:

2.3. Ընկերությունը պարտավոր է`

2.3.1. մինչև 2011 թվականի փետրվարի 1-ն ավարտել ընկերության կողմից Հայաստանի Հանրապետության կառավարությանը ներկայացված ներդրումային ծրագրում նշված խաղողի վերամշակման, գինու և կոնյակի արտադրության կազմակերպումը.

2.3.2. պայմանագրի 2.3.1-ին ենթակետով նշված ծրագրի շրջանակներում ստեղծել առնվազն 80 նոր աշխատատեղ` ապահովելով վերջիններիս մոտ 70 հազ. դրամ միջին աշխատավարձով.

2.3.3. հարկային պարտավորությունները և սոցիալական ապահովության վճարներն ավելացնել աշխատողների թվաքանակի և արտադրանքի իրացման ծավալների ավելացմանը համապատասխան.

2.3.4. կատարել Հայաստանի Հանրապետության էկոնոմիկայի նախարարության կողմից բացահայտված թերությունների վերացման ուղղությամբ տրված ցուցումները.

2.3.5. իրականացնել ծրագրով նախատեսված այլ անհրաժեշտ աշխատանքներ:

2.4. Ընկերությունն իրավունք ունի`

2.4.1. ինքնուրույն որոշելու ծրագրի իրականացման մեխանիզմները.

2.4.2. ծրագրի իրականացմանը ներգրավել այլ կազմակերպությունների և անհատ փորձագետների, որոնց կողմից իրականացվող աշխատանքների որակի պատասխանատվությունը կրում է ընկերությունը:

3. Հաշվետվություն և մոնիթորինգ

3.1. Ընկերության կողմից ծրագրի իրականացման նախնական, ընթացիկ և վերջնական արդյունքների համապատասխանության գնահատման նպատակով իրականացվում է մոնիթորինգ:

3.2. Նախարարությունը ցանկացած ժամանակ կարող է իրականացնել ծրագրի շրջանակներում մոնիթորինգ, ինչպես նաև ուսումնասիրել ընկերության կողմից իրականացված մոնիթորինգը և ծրագրին առնչվող ցանկացած փաստաթղթեր ու նյութեր:

3.3. Մոնիթորինգի ընթացքում բացահայտված թերացումների և բացթողումների շտկման նպատակով նախարարության կողմից ընկերությանը տրվում են ցուցումներ և կատարվում են առաջարկություններ:

3.4. Նախարարության կողմից իրականացվող մոնիթորինգի ընթացքում ընկերությունից կարող են պահանջվել գրավոր և բանավոր պարզաբանումներ և բացատրություններ:

3.5. Մոնիթորինգն իրականացվում է ծրագրով ստանձնած պարտավորությությունների կատարման ընթացքը գնահատելու նպատակով:

3.6. Ընկերությունը նախարարությանը ներկայացնում է եռամսյակային, կիսամյակային և տարեկան հաշվետվություններ (տեքստային և ֆինանսական):

4. Կողմերի պատասխանատվությունը

4.1. Ընկերությունը պայմանագրով և ծրագրով սահմանված պարտավորությունները չկատարելու կամ ոչ պատշաճ կատարելու, նախարարության վերահսկողությունից խուսափելու դեպքում նախարարությունն իրավունք ունի միակողմանի լուծելու պայմանագիրը և պահանջելու ընկերությունից վճարելու հետաձգված` Հայաստանի Հանրապետության կառավարության 2010 թվականի մայիսի 13-ի N 562 -Ա որոշման N 1 հավելվածով սահմանված` ընկերության կողմից ներմուծվող ապրանքների ընդհանուր գումարից հաշվարկված ԱԱՀ-ի գումարները և դրանք սահմանված ժամկետից ուշ վճարելու համար օրենքով սահմանված տույժերը՝ ԱԱՀ-ի վճարման ժամկետի հետաձգման օրվանից մինչև գործարքն իրականացնելու հաշվետու ժամանակաշրջանի ավարտը` «Ավելացված արժեքի մասին» Հայաստանի Հանրապետության օրենքով սահմանված կարգով:

4.2. Կողմերը համաձայնվում են պայմանագրի շուրջ ծագող տարաձայնությունները կարգավորել բանակցությունների միջոցով: Համաձայնություն ձեռք չբերելու դեպքում վեճերը լուծվում են դատական կարգով:

5. Պայմանագրի գործողության ժամկետը

5.1. Պայմանագիրն ուժի մեջ է մտնում կողմերի ստորագրման պահից և գործում է մինչև ծրագրի պատշաճ իրականացման ավարտը:

5.2. Ծրագիրը համարվում է կատարված պայմանագրով սահմանված պարտավորությունների կատարման դեպքում:

6. Անհաղթահարելի ուժի ազդեցություն (ՖՈՐՍ-ՄԱԺՈՐ)

 Պայմանագրով պարտավորություններն ամբողջությամբ կամ մասնակիորեն չկատարելու համար կողմերն ազատվում են պատասխանատվությունից, եթե դա եղել է անհաղթահարելի ուժի ազդեցության հետևանքով, որը ծագել է պայմանագիրը կնքելուց հետո, և որը կողմերը չէին կարող կանխատեսել կամ կանխարգելել: Այդպիսի իրավիճակներն են երկրաշարժը, ջրհեղեղը, հրդեհը, պատերազմը, ռազմական և արտակարգ դրություն հայտարարելը, հաղորդակցության միջոցների աշխատանքի դադարեցումը, պետական մարմինների ակտերը և այլն, որոնք անհնարին են դարձնում պայմանագրով պարտավորությունների կատարումը: Եթե արտակարգ ուժի ազդեցությունը շարունակվում է 3 (երեք) ամսվանից ավելի, ապա կողմերից յուրաքանչյուրն իրավունք ունի լուծելու պայմանագիրը` դրա մասին նախապես տեղյակ պահելով մյուս կողմին:

7. Եզրափակիչ դրույթներ

7.1. Պայմանագրում կատարվող փոփոխությունները կամ լրացումներն իրավաբանական ուժ ունեն, եթե կազմված են գրավոր և ստորագրված են կողմերի կողմից:

7.2. Պայմանագրով չնախատեսված հարաբերությունները ենթակա են կարգավորման Հայաստանի Հանրապետության օրենսդրությամբ սահմանված կարգով:

7.3. Պայմանագիրը կնքված է հայերենով` 2 օրինակով, որոնք ունեն հավասարազոր իրավաբանական ուժ: Յուրաքանչյուր կողմին տրվում է պայմանագրի մեկ օրինակ:

8. Կողմերի հասցեները, բանկային վավերապայմանները և ստորագրությունները

Հայաստանի Հանրապետության կառավարության աշխատակազմի ղեկավար

Դ. Սարգսյան