ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԷՆԵՐԳԵՏԻԿԱՅԻ ՀԱՆՁՆԱԺՈՂՈՎ

Ո Ր Ո Շ ՈՒ Մ

25 փետրվարի 2000 թվականի N 3

քաղ. Երևան

ՓՈՔՐ ՀԷԿ-ԵՐԻՑ ԱՌԱՔՎՈՂ ԷԼԵԿՏՐԱԷՆԵՐԳԻԱՅԻ ՍԱԿԱԳՆԵՐԻ ՄԱՍԻՆ

Ղեկավարվելով «Էներգետիկայի մասին» ՀՀ օրենքի 14-րդ հոդվածով և 20-րդ հոդվածի ա) կետով, Հայաստանի Հանրապետության էներգետիկայի հանձնաժողովը որոշում է.

1. Սահմանել հետևյալ փոքր ՀԷԿ-երից առաքվող էլեկտրաէներգիայի սակագները` ներառյալ ավելացված արժեքի հարկը.

«Լուսաղբյուր» ՍՊԸ-ի «Այրում ՀԷԿ»`	9.27 դրամ/կՎտժ
«Երէներգո» ՓԲԸ-ի «Արենի ՀԷԿ» «Ազատեկ ՀԷԿ»`	15.16 դրամ/կՎտժ
«Նիկիտա Գրիգորյանի Մեղրի ՀԷԿ» ԱՁ`	15.14 դրամ/կՎտժ
«Ագարակի ՀԷԿ» ՎՁԱԿ`	15.98 դրամ/կՎտժ
«Մուշեղ ՀԷԿ» ԱԿ (Ջերմուկի ՀԷԿ)`	15.07 դրամ/կՎտժ
«Հակոբջանյանի և Գալստյանի ՀԷԿ» ԼՏԸ (Շաքիի ՀԷԿ)`	14.97 դրամ/կՎտժ
«Էներգիա» ՍՊԸ-ի (հարկային դասիչ` 00402047) «Երևանյան լճի մերձպատվարային ՀԷԿ»`	19.33 դրամ/կՎտժ
«Կապան էնեղժի» ՓԲԸ-ի «Ողջի-2 ՀԷԿ» «Ողջի-3 ՀԷԿ»`	9.6 դրամ/կՎտժ

(1-ին կետն ուժը կորցրել է` «Մուշեղ ՀԷԿ» արտադրական կոոպերատիվից (Ջերմուկի ՀԷԿ) առաքվող էլեկտրաէներգիայի համար սահմանված սակագնի մասով, 13.10.00 N 22)

2. Ուժը կորցրած ճանաչել ՀՀ էներգետիկայի հանձնաժողովի 1998 թ. դեկտեմբերի 1-ի N 56 որոշումը` Այրում, Արենի, Ազատեկ, Շաքի, Ագարակ, Մեղրի, Ջերմուկ ՀԷԿ-երից առաքվող էլեկտրաէներգիայի համար սահմանված սակագների մասով, 1998 թ. դեկտեմբերի 4-ի N 57 որոշման 1-ին կետը և 1999 թ. հուլիսի 31-ի N 18 որոշման 2-րդ կետը:

3. Սույն որոշումն ուժի մեջ է մտնում 2000 թ. ապրիլի 1-ից:

ՀՀ էներգետիկայի հանձնաժողովի նախագահ`

Վ. Մովսեսյան