«Գրանցված է»
ՀՀ արդարադատության
նախարարության կողմից
17 դեկտեմբերի 2002 թ.
Պետական գրանցման թիվ 60302369

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

9 օգոստոսի 2002 թ. ք. Երևան

N 121-Ն

Ո Ր Ո Շ ՈՒ Մ

«ՀԱՇՎԵՏՎՈՒԹՅՈՒՆ ԲԵՐՔԱՀԱՎԱՔԻ, ԿԵՐԵՐԻ ԿՈՒՏԱԿՄԱՆ, ԱՇՆԱՆԱՑԱՆԻ ԵՎ ՑՐՏԱՀԵՐԿԻ ԲԱՐՁՐԱՑՄԱՆ ԸՆԹԱՑՔԻ ՄԱՍԻՆ» ՁԵՎ ԹԻՎ 29-ԳՏ (ԸՆԹԱՑԻԿ) ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎԸ ԵՎ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Պետական վիճակագրության մասին» ՀՀ օրենքի 10 հոդվածի երրորդ մասի ե) կետով` Հայաստանի Հանրապետության վիճակագրության պետական խորհուրդը որոշում է.

Հաստատել «Հաշվետվություն բերքահավաքի, կերերի կուտակման, աշնանացանի և ցրտահերկի բարձրացման ընթացքի մասին» Ձև թիվ 29-ԳՏ (ընթացիկ) պետական վիճակագրական հաշվետվության ձևը և լրացման հրահանգը համաձայն թիվ 1 հավելվածի:

Նախագահ

Ս. Մնացականյան

Հավելված 1 Հաստատված է ՀՀ վիճակագրության պետական խորհրդի 9 օգոստոսի 2002 թ. թիվ 121-Ն որոշմամբ

Հ Ր Ա Հ Ա Ն Գ

«ՀԱՇՎԵՏՎՈՒԹՅՈՒՆ ԲԵՐՔԱՀԱՎԱՔԻ, ԿԵՐԵՐԻ ԿՈՒՏԱԿՄԱՆ, ԱՇՆԱՆԱՑԱՆԻ ԵՎ ՑՐՏԱՀԵՐԿԻ ԲԱՐՁՐԱՑՄԱՆ ԸՆԹԱՑՔԻ ՄԱՍԻՆ» ՁԵՎ ԹԻՎ 29-ԳՏ (ԸՆԹԱՑԻԿ) ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ

1. ԸՆԴՀԱՆՈՒՐ ԴՐՈՒՅԹՆԵՐ

1. Հրահանգը սահմանում է «Հաշվետվություն բերքահավաքի, կերերի կուտակման, աշնանացանի և ցրտահերկի բարձրացման ընթացքի մասին» ձև թիվ 29-գտ (ընթացիկ) պետական վիճակագրական հաշվետվության լրացման կարգը:

2. Հաշվետվությունը լրացվում է գյուղական համայնքների և բուսաբուծությամբ զբաղվող կազմակերպությունների կողմից, որոնք այդ մասին նախապես տեղեկացվում են և վիճակագրական մարմիններին է ներկայացվում հաշվետվության ձևի վրա նշված ժամկետներին և պարբերականությամբ:

3. Հաշվետվության ցուցանիշները լրացվում են աճողական կարգով, տարվա սկզբից:

4. Վիճակագրական տեղեկությունների ներկայացման հետ կապված խնդիրները կարգավորվում են Հայաստանի Հանրապետության օրենսդրությամբ:

2. ԼՐԱՑՄԱՆ ԿԱՐԳԸ

5. «Ընդամենը հնձված է հացահատիկային և հատիկաընդեղենային մշակաբույսեր» թիվ 01 տողով, լրացվում է հաշվետու ժամկետում, հատիկ ստանալու համար, փաստացի հնձված բոլոր տեսակի աշնանացան և գարնանացան հացահատիկային և հատիկաընդեղենային մշակաբույսերի տարածությունները, ներառյալ լրիվ հասունության շրջանում, հատիկի համար, հնձված եգիպտացորենը:

6. «Արտադրվել է հացահատիկ» թիվ 02 տողով լրացվում է հաշվետու ժամկետում կալսված բոլոր տեսակի հացահատիկային և հատիկաընդեղենային մշակաբույսերից և հատիկի համար հնձված եգիպտացորենից ստացված համախառն բերքը` սկզբնական մուտքագրման քաշով:

7. «Կարտոֆիլ» թիվ 03 տողով, լրացվում է հաշվետու ժամկետում կարտոֆիլի քանդված տարածությունից կուտակված համախառն բերքը:

8. «Բանջարեղեն» թիվ 04 տողով լրացվում է հաշվետու ժամանակահատվածում բոլոր տեսակի վաղահաս և ուշահաս բանջարանոցային մշակաբույսերից հավաքված բերքը:

9. «Բոստան» թիվ 05 տողով լրացվում է բոլոր տեսակի ձմերուկի և սեխի մշակաբույսերից հաշվետու ժամանակահատվածում հավաքված բերքը: Այս տողում չի լրացվում անասունների համար ցանված բոստանային մշակաբույսերի բերքը:

10. «Ծխախոտ» թիվ 06 տողով լրացվում է հաշվետու ժամանակահատվածում հավաքված ծխախոտի կանաչ տերևները թելամետրերով համապատասխան գործակիցներով չոր ծխախոտի վերահաշվարկելուց հետո: (Այսպես` Սամսուն 36 տեսակի ծխախոտի 1 թելամետր կանաչ զանգվածը չորացնելուց հետո կազմում է 100 գրամ չոր ծխախոտի զանգված, համապատասխանաբար Սամսուն 49 տեսակի ծխախոտը` 120 գրամ, Տրապիզոն տեսակի ծխախոտը` 150 գրամ և Օստրոլիստ տեսակի ծխախոտը` 170 գրամ չոր ծխախոտի զանգված):

11. «Խորդենի» թիվ 07 տողով լրացվում է հաշվետու ժամանակահատվածում հավաքված խորդենու կանաչ մասսայի քանակը:

12. «Պտուղ» թիվ 08 տողով լրացվում է հաշվետու ժամանակահատվածում հավաքված բոլոր տեսակի պտուղների և հատապտուղների (ելակ, գետնամորի, մոշ և այլն) քանակը (անկախ հասունացման աստիճանից):

13. «Խաղող» թիվ 09 տողով լրացվում է հաշվետու ժամանակահատվածում բոլոր տեսակի վաղահաս և ուշահաս խաղողի հավաքված բերքը: Այս տողով պետք է հաշվի առնվի նաև առանձին թփերից (թարմաներից) հավաքված բերքը:

14. «Կուտակվել է ցանովի և բնական խոտ ընթացիկ տարվա բերքից» թիվ 10 տողով լրացվում է ցանովի և բնական խոտհարքներից տվյալ տարում հնձված և կուտակված չոր խոտը: Այս տողով չի լրացվում նախորդ տարիներից մնացած չոր խոտի քանակությունը: Կանաչ վիճակում անասուններին կերակրված խոտը այս տողի մեջ լրացվում է չոր խոտի վերածելուց հետո (կանաչ զանգվածի 30%-ը):

15. «Պատրաստվել է սենաժ» թիվ 11 տողով լրացվում է ցանովի և բնական խոտերի կանաչ զանգվածից համապատասխան աշտարակներում և հորերում դրված կանաչ մասսայի քանակը:

16. «Պատրաստվել է խոտալյուր» թիվ 12 տողով լրացվում է ցանովի և բնական խոտերից խոտալյուրի գործարանների կողմից արտադրված քանակությունը:

17. «Կուտակվել է ծղոտ» թիվ 13 տողով լրացվում է աշնանացան և գարնանացան հացահատիկային մշակաբույսերի բերքահավաքից հետո կուտակված ծղոտի քանակը: Նախորդ տարիներից կուտակված ծղոտի մնացորդը այս տողում չի լրացվում: Այս տողով ցույց է տրվում նաև սերմի համար կալսված բազմամյա խոտաբույսերից ստացված ծղոտը:

18. «Ստացվել է պատրաստի սիլոս» թիվ 14 տողով լրացվում է ցանովի և բնական խոտերից սիլոսի համար ցանված մշակաբույսերից, արևածաղկի և եգիպտացորենի կանաչ զանգվածից համապատասխան աշտարակներում և հորերում դրված կանաչ մասսան 20 օր հետո կատարվող համապատասխան չափումների միջոցով:

19. «Արտադրվել է կերի արմատապտուղ» թիվ 15 տողով լրացվում է հաշվետու ժամանակահատվածում անասնակերի համար արտադրված կերի ճակնդեղի (ներառյալ անասնակերի համար ցանված շաքարի ճակնդեղը) քանակը:

20. «Ընդամենը կուտակվել են կերեր, կերամիավորներով» թիվ 16 տողով լրացվում է արտադրված բոլոր տեսակի անասնակերերի քանակը վերածած կերամիավորների հետևյալ գործակիցներով. խոտ` 0,48, ծղոտ` 0,31, սիլոս` 0,21, սենաժ` 0,35, խտացրած կերեր` 1,0 կերի արմատապտուղ` 0,12:

21. «Ցանվել է աշնանացան հատիկի և կանաչ կերի համար» թիվ 17 տողով լրացվում է տվյալ տարվա բերքի տակ նախորդ տարվա աշնանը ցանված աշնանացան ցորենի, տարեկանի և գարու ինչպես հատիկի, այնպես էլ խոտի և կանաչ կերի համար ցանված տարածությունները:

22. «Որից` հատիկի համար» թիվ 18 տողով լրացվում է միայն հատիկի համար տվյալ տարվա բերքի տակ ցանված ցորենի, տարեկանի և գարու տարածությունները:

23. «Կատարվել է ցրտահերկ» թիվ 19 տողով լրացվում է այն տարածությունը, որը վարել են նախորդ տարվա աշնանը` գարնանացան կատարելու նպատակով:

ՀՀ ԱԶԳԱՅԻՆ ՎԻՃԱԿԱԳՐԱԿԱՆ ԾԱՌԱՅՈՒԹՅՈՒՆ ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅՈՒՆ

Ներկայացվում է համաձայն՝ «Պետական վիճակագրության մասին» ՀՀ օրենքի, ՀՀ վիճակագրության պետական խորհրդի կողմից հաստատված «Պետական վիճակագրական աշխատանքների ծրագրի» և «Վիճակագրական տեղեկությունների ներկայացման» կարգի

Ում է ներկայացվում (անվանումը)______________________   Ով է ներկայացնում (անվանումը)______________________   ___________________________________________   Հիմնադիրները (մասնակիցները)**  □ 1  □ 2  □ 3  □ 4   1. պետություն 2.համայնք 3. իրավաբանական անձ 4. քաղաքացի   Օտարերկրյա մասնակցի առկայության դեպքում անհրաժեշտ է կատարել նշում   Կազմակերպական-իրավական ձևը _______________  □   ծածկագիրը՝*   I_I_I_I   Փաստացի գործունեության հիմնական տեսակը _____________   _________________________  ծածկագիրը՝*   I_I_I_I   Իրավաբանական անձանց պետռեգիստրում գրանցման համարը*   I_I_I_I_I_I_I_I_I_I_I_I     Նույնականացման (իդենտիֆիկացիոն) կոդը * _I_I_I_I_I_I_I   Մարզը ________________________________  I_I_I   Գտնվելու վայրը_________________________________   *) Լրացվում է իրավաբանական անձանց պետռեգիստրի կողմից տրված գրանցման վկայականից : **) Մի քանի հիմնադրի (մասնակցի) դեպքում նշումները կատարվում են միաժամանակ՝ համապատասխան վանդակներում:

Ձև N 29-գտ (ընթացիկ) տարեկան 5 անգամ Հաստատված է ՀՀ Վիճակագրության պետական խորհրդի _09__օգոստոսի 2002 թ. թիվ __121-Ն ___ որոշմամբ   Ներկայացվում է՝   ՀՀ Ազգային վիճակագրական ծառայության մարզային գործակալություն կամ տարածքային բաժանմունք Ներկայացնում են՝ իրավաբանական անձինք, հիմնարկները, անհատ ձեռնարկատերերը, գյուղական և քաղաքային համայնքները   Հաշվետվության ներկայացման ժամկետը՝   օգոստոսի 4-ին, սեպտեմբերի 4-ին, հոկտեմբերի 5-ին, նոյեմբերի 3-ին, դեկտեմբերի 4-ին

Հաշվետվությունում ներառված տեղեկությունների գաղտնիությունը երաշխավորվում է դրանք ստացող վիճակագրական մարմնի կողմից: Իրավաբանական անձանց, հիմնարկների պաշտոնատար անձանց կողմից պետական վիճակագրական դիտարկումների համար անհրաժեշտ վիճակագրական հաշվետվությունները և տեղեկատվությունը սահմանված ժամկետներում և ամբողջ ծավալով չներկայացնելը, դրանք ոչ սահմանված ձևով, աղավաղումներով և անստորագիր ներկայացնելն առաջացնում են պատասխանատվություն՝ Հայաստանի Հանրապետության օրենսդրությամբ սահմանված կարգով:

ՀԱՇՎԵՏՎՈՒԹՅՈՒՆ ԲԵՐՔԱՀԱՎԱՔԻ, ԿԵՐԵՐԻ ԿՈՒՏԱԿՄԱՆ, ԱՇՆԱՆԱՑԱՆԻ ԵՎ ՑՐՏԱՀԵՐԿԻ ԲԱՐՁՐԱՑՄԱՆ ԸՆԹԱՑՔԻ ՄԱՍԻՆ

Առ 1-ը____ __________ 200__թ

Տողի N  Ցուցանիշների անվանումը  Չափի միավորը  Քանակը  Ա  Բ  Գ  1  01 Ընդամենը հնձված է հացահատիկային և հատիկաընդեղենային մշակաբույսեր  հա    02 Արտադրվել է` հացահատիկ  ցենտներ    03 կարտոֆիլ  -//-    04 բանջարեղեն  -//-    05 բոստան  -//-    06 ծխախոտ  -//-    07 խորդենի  -//-    08 պտուղ  -//-    09 խաղող  -//-    10 Կուտակվել է ցանովի և բնական խոտ ընթացիկ տարվա բերքից  -//-    11 Պատրաստվել է սենաժ  ցենտներ    12 Պատրաստվել է խոտալյուր  -//-    13 Կուտակվել է ծղոտ  -//-    14 Ստացվել է պատրաստի սիլոս  -//-    15 Արտադրվել է կերի արմատապտուղ  -//-    16 Ընդամենը կուտակվել են կերեր, կերամիավորներով*)  -//-    17 Ցանվել է աշնանացան հատիկի և կանաչ կերի համար  հա    18 որից` հատիկի համար  -//-    19 Կատարվել է ցրտահերկ  -//-

(աճողական, աշխատանքների սկզբից)

*) Լրացվում է վիճակագրության մարզային վարչությունում Աշխատողների միջին ցուցակային թվաքանակը*)                 (20) __  ______ մարդ   *) լրացնում են միայն իրավաբանական անձինք և հիմնարկները
____  ________________ 200  թ.	Ղեկավար՝ _______________________
___________________________________ կատարողի ազգանունը և հեռախոսի համարը