ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

Ընդունված է 2022 թվականի հունվարի 18-ին

Հոդված 1. «Հաշվեքննիչ պալատի մասին» 2018 թվականի հունվարի 16-ի ՀՕ-58-Ն օրենքի (այսուհետ՝ Օրենք) 1-ին հոդվածի 1-ին մասը լրացնել հետևյալ բովանդակությամբ 16-րդ և 17-րդ կետերով.

«16) ընթացիկ եզրակացություն՝ սույն օրենքով սահմանված կարգով իրականացված հաշվեքննության արդյունքում կազմված և հաշվեքննիչ պալատի կողմից հաստատված փաստաթուղթ.

17) հաշվեքննության արձանագրություն՝ սույն օրենքով սահմանված կարգով հաշվեքննողի կողմից հաշվեքննության արդյունքների վերաբերյալ կազմված և իր ստորագրությամբ հաստատված փաստաթուղթ:»:

Հոդված 2. Օրենքի 6-րդ հոդվածը շարադրել հետևյալ խմբագրությամբ.

«Հոդված 6.

Միջազգային համագործակցությունը և ստանդարտները

1. Հաշվեքննիչ պալատը հաշվեքննության մեթոդաբանության և դրա իրականացման առաջավոր փորձի փոխանակման նպատակով համագործակցում է արտաքին պետական հաշվեքննություն իրականացնող բարձրագույն աուդիտորական մարմինների և դրանց միջազգային կազմակերպությունների հետ:

2. Հաշվեքննիչ պալատը կարող է մշակել ուղեցույցներ, մեթոդաբանություն՝ առաջնորդվելով Աուդիտի բարձրագույն մարմինների միջազգային կազմակերպության (INTOSAI) ստանդարտներով:»:

Հոդված 3. Օրենքի 9-րդ հոդվածը շարադրել հետևյալ խմբագրությամբ.

«Հոդված 9.

Օրինականության և գաղտնիության սկզբունքները

1. Հաշվեքննիչ պալատի անդամները և հաշվեքննողները՝

1) գործում են միայն օրենքով իրենց վերապահված լիազորությունների շրջանակում.

2) չեն կարող տարածել իրենց հասանելի՝ օրենքով գաղտնիք համարվող տեղեկատվությունը:»:

Հոդված 4. Օրենքի 10-րդ հոդվածն ուժը կորցրած ճանաչել:

Հոդված 5. Օրենքի 16-րդ հոդվածի 9-րդ մասը լրացնել հետևյալ բովանդակությամբ 21-րդ կետով.

«21) հաշվեքննիչ պալատի կառուցվածքային ստորաբաժանումներում աշխատանքի ընդունվողների համար չափորոշիչները։»։

Հոդված 6. Օրենքի 38-րդ հոդվածի 5-րդ մասը «քաղաքացիական ծառայողների» բառերից հետո լրացնել «, փորձագետների և մասնագետների» բառերով:

Հոդված 7. Օրենքի 39-րդ հոդվածի 1-ին մասն ուժը կորցրած ճանաչել:

Հոդված 8. Օրենքի 40-րդ հոդվածի 1-ին մասից հանել երկրորդ նախադասությունը:

Հոդված 9. Սույն օրենքն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հանրապետության նախագահի լիազորությունները կատարող	Ա. Սիմոնյան
2022 թ. փետրվարի 8 Երևան ՀՕ-1-Ն

Պաշտոնական հրապարակման օրը՝ 8 փետրվարի 2022 թվական: