ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐ

24 մարտի 2009 թ.

թիվ 200-Ա/Ք

Հ Ր Ա Մ Ա Ն

««Հայբուսակ» համալսարանի «Հ. Լազարյանի անվ. միջազգային հարաբերությունների ինստիտուտ» սահմանափակ պատասխանատվությամբ ընկերության բարձրագույն մասնագիտական կրթական ծրագրով գործունեության լիցենզիան ««Հայբուսակ» համալսարան» սահմանափակ պատասխանատվությամբ ընկերության» անվանմամբ վերաձևակերպելու և ՀՀ կրթության և գիտության նախարարության 2003 թ. մայիսի 13-ի N 315-Ա/Ք, 2003 թ. հուլիսի 31-ի N 553-Ա/ք և 2004 թ. սեպտեմբերի 14-ի N 640-Ա/Ք հրամաններում փոփոխություններ կատարելու մասին

Ղեկավարվելով «Լիցենզավորման մասին» ՀՀ օրենքի 8 հոդվածի 2-րդ մասով, 32 հոդվածով և «Իրավական ակտերի մասին» ՀՀ օրենքի 70 և քաղաքացիական օրենսգրքի 64 հոդվածներով, հիմք ընդունելով նախարարության «Լիցենզավորման և հավատարմագրման ծառայություն» գործակալության առաջարկությունը.

Հրամայում եմ`

1. ««Հայբուսակ» համալսարանի «Հ. Լազարյանի անվ. միջազգային հարաբերությունների ինստիտուտ» սահմանափակ պատասխանատվությամբ ընկերության բարձրագույն մասնագիտական կրթական ծրագրով գործունեության լիցենզիայի վկայականը վերաձևակերպել ««Հայբուսակ» համալսարան» սահմանափակ պատասխանատվությամբ ընկերության» անվանմամբ, և այդ կապակցությամբ, ՀՀ կրթության և գիտության նախարարության 2003թ. մայիսի 13-ի N 315-Ա/Ք, 2003թ. հուլիսի 31-ի N 553-Ա/ք և 2004թ. սեպտեմբերի 14-ի N 640-Ա/Ք հրամաններում ««Հայբուսակ» համալսարանի «Հ. Լազարյանի անվ. միջազգային հարաբերությունների ինստիտուտ» բառերը փոխարինել ««Հայբուսակ» համալսարան» բառերով:

2. Սույն հրամանի կատարման կազմակերպումը հանձնարարել նախարարության Լիցենզավորման և հավատարմագրման ծառայություն» գործակալությանը:

Նախարար`

Ս. Սեյրանյան