«Վավերացնում եմ»
Հայաստանի Հանրապետության
Նախագահ Ռ. Քոչարյան
 15 դեկտեմբերի 2005 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

15 դեկտեմբերի 2005 թվականի N 2109-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 2005 ԹՎԱԿԱՆԻ ՊԵՏԱԿԱՆ ԲՅՈՒՋԵՈՒՄ ՎԵՐԱԲԱՇԽՈՒՄ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2005 ԹՎԱԿԱՆԻ ՓԵՏՐՎԱՐԻ 24-Ի N 265-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՇԻՐԱԿԻ ՄԱՐԶՊԵՏԱՐԱՆԻՆ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ

«Հայաստանի Հանրապետության բյուջետային համակարգի մասին» Հայաստանի Հանրապետության օրենքի 19-րդ հոդվածի 3-րդ մասին և 23-րդ հոդվածի 3-րդ կետին համապատասխան` Հայաստանի Հանրապետության կառավարությունը որոշում է.

1. «Հայաստանի Հանրապետության 2005 թվականի պետական բյուջեի մասին» Հայաստանի Հանրապետության օրենքի N 1 հավելվածում կատարել վերաբաշխում` համաձայն N 1 հավելվածի:

2. Հայաստանի Հանրապետության կառավարության 2005 թվականի փետրվարի 24-ի «Հայաստանի Հանրապետության 2005 թվականի պետական բյուջեի կատարումն ապահովող միջոցառումների մասին» N 265-Ն որոշման N 5 հավելվածում կատարել փոփոխություններ` համաձայն N 1 հավելվածի:

3. «Հայաստանի Հանրապետության 2005 թվականի պետական բյուջեի մասին» Հայաստանի Հանրապետության օրենքի N 1 հավելվածի N 16 աղյուսակում և Հայաստանի Հանրապետության կառավարության 2005 թվականի փետրվարի 24-ի «Հայաստանի Հանրապետության 2005 թվականի պետական բյուջեի կատարումն ապահովող միջոցառումների մասին» N 265-Ն որոշման N 5 հավելվածի N 15 աղյուսակում կատարել փոփոխություններ` համաձայն համապատասխանաբար NN 2 և 3 հավելվածների:

4. Հայաստանի Հանրապետության Շիրակի մարզի Գյումրու քաղաքային համայնքին ստորև նշված նպատակներով սուբվենցիա տրամադրելու համար Հայաստանի Հանրապետության Շիրակի մարզպետարանին հատկացնել 330,000.0 հազ. դրամ` Հայաստանի Հանրապետության 2005 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին (բյուջետային ծախսերի տնտեսագիտական դասակարգման «Պետական բյուջեից համայնքների բյուջեներին տրվող նպատակային հատկացումներ՝ սուբվենցիաներ» հոդվածով), որից` Գյումրի քաղաքի`

ա) քանդման ենթակա շենքերի տարածքների իրացման նպատակով` 42,000.0 հազ. դրամ,

բ) Գորկու փողոցի N 172 անավարտ բնակելի շենքի` առանց ներքին հարդարման աշխատանքների ավարտման նպատակով` 30,000.0 հազ. դրամ,

գ) հատակագծի մշակման աշխատանքների ֆինանսավորման նպատակով` 8,000.0 հազ. դրամ,

դ) քաղաքապետարանի շենքի վերանորոգման աշխատանքների ֆինանսավորման նպատակով` 250,000.0 հազ. դրամ:

Սահմանել, որ սույն կետում նշված սուբվենցիայի գումարի՝ Հայաստանի Հանրապետության Շիրակի մարզի Գյումրու քաղաքային համայնքի կողմից նպատակային օգտագործման նկատմամբ վերահսկողությունն իրականացնում է Հայաստանի Հանրապետության Շիրակի մարզպետը, իսկ սուբվենցիան հատկացվում է Հայաստանի Հանրապետության կառավարության 2005 թվականի փետրվարի 24-ի «Հայաստանի Հանրապետության 2005 թվականի պետական բյուջեի կատարումն ապահովող միջոցառումների մասին» N 265-Ն որոշման 5.11-րդ կետի պահանջներին համապատասխան:

5. Հայաստանի Հանրապետության քաղաքաշինության նախարարությանը Հայաստանի Հանրապետության 2005 թվականի պետական բյուջեով նախատեսված Հայաստանի Հանրապետության կառավարության 2005 թվականի պահուստային ֆոնդից հատկացնել`

ա) կառավարական N 2 շենքի վերանորոգման աշխատանքների ֆինանսավորման նպատակով՝ 112,100.0 հազ. դրամ (բյուջետային ծախսերի տնտեսագիտական դասակարգման «Կապիտալ նորոգումների ծախսեր» հոդվածով),

բ) «Հանարդնախագիծ» բաց բաժնետիրական ընկերության շենքի նոր մուտքի բացման, այդ շենքի` Հայաստանի Հանրապետությանը հանձնված 3-րդ, 4-րդ և 6-րդ հարկերի տարածքների պետական բաժնեմասի, ինչպես նաև 1-6-րդ հարկերի տարածքների պետական բաժնեմասի աստիճանավանդակների վերանորոգման աշխատանքների ֆինանսավորման նպատակով՝ 66,367.0 հազ. դրամ (բյուջետային ծախսերի տնտեսագիտական դասակարգման «Կապիտալ նորոգումների ծախսեր» հոդվածով):

Հայաստանի Հանրապետության վարչապետ	Ա. Մարգարյան
2005 թ. դեկտեմբերի 15  Երևան

Հավելված N 1 ՀՀ կառավարության 2005 թվականի դեկտեմբերի 15-ի N 2109-Ն որոշման

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 2005 ԹՎԱԿԱՆԻ ՊԵՏԱԿԱՆ ԲՅՈՒՋԵԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԻ N 1 ՀԱՎԵԼՎԱԾՈՒՄ ԿԱՏԱՐՎՈՂ ՎԵՐԱԲԱՇԽՈՒՄՆ ՈՒ ՓՈՓՈԽՈՒԹՅՈՒՆՆԵՐԸ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2005 ԹՎԱԿԱՆԻ ՓԵՏՐՎԱՐԻ 24-Ի N 265-Ն ՈՐՈՇՄԱՆ N 5 ՀԱՎԵԼՎԱԾՈՒՄ ԿԱՏԱՐՎՈՂ ՓՈՓՈԽՈՒԹՅՈՒՆՆԵՐԸ

  

Խումբը	Ենթա- խումբը	Բյուջետային ծախսերի գործառական դասակարգման խմբերի և ենթախմբերի, տնտեսագիտական դասակարգման հոդվածների, ֆինանսավորվող ծրագրերի և դրանք իրականացնող մարմինների անվանումները	Ցուցանիշների փոփոխությունները (ավելացումները ներկայացված են դրական նշանով, իսկ նվազեցումները՝ փակագծերում)
			տարի
		ԸՆԴԱՄԵՆԸ` ԾԱԽՍԵՐ	-
		այդ թվում՝
08		ԲՆԱԿԱՐԱՆԱՅԻՆ-ԿՈՄՈՒՆԱԼ ՏՆՏԵՍՈՒԹՅՈՒՆ	(508,467.0)
		այդ թվում`
	02	Բնակարանային տնտեսություն և բնակարանային շինարարություն	(508,467.0)
		այդ թվում`
		07. Բնակարանային ապահովում բնակարանների գնման վկայագրերի տրամադրման միջոցով	(508,467.0)
		ՀՀ քաղաքաշինության նախարարություն	(508,467.0)
		որից`
		բյուջետային ծախսերի տնտեսագիտական դասակարգման «Կապիտալ ներքին տրանսֆերտներ» հոդվածով	(508,467.0)
14		ՀԻՄՆԱԿԱՆ ԽՄԲԻՆ ՉԴԱՍՎՈՂ ԾԱԽՍԵՐ	508,467.0
		այդ թվում`
	06	Այլ ծրագրեր	508,467.0
		այդ թվում`
		01. ՀՀ կառավարության պահուստային ֆոնդ	508,467.0
		ՀՀ կառավարություն	508,467.0

 

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան

Հավելված N 2 ՀՀ կառավարության 2005 թվականի դեկտեմբերի 15-ի N 2109-Ն որոշման

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 2005 ԹՎԱԿԱՆԻ ՊԵՏԱԿԱՆ ԲՅՈՒՋԵԻ ՄԱՍԻՆ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԻ N 1 ՀԱՎԵԼՎԱԾԻ N 16 ԱՂՅՈՒՍԱԿՈՒՄ
ԿԱՏԱՐՎՈՂ ՓՈՓՈԽՈՒԹՅՈՒՆԸ

      

(հազ. դրամ)

Բյուջետային ծախսերի գործառական դասակարգման		Ծրագրերի և կատարողների անվանումները	Ցուցանիշների փոփոխությունը նվազեցումները նշված են փակագծերում)
			կապիտալ ծախսերի ընդհանուր ծավալը	այդ թվում` ըստ ծախսատեսակների
խումբը	ենթա-խումբը			այլ կապիտալ ծախսեր
		ԸՆԴԱՄԵՆԸ այդ թվում`	(508,467.0)	(508,467.0)
		ՀՀ քաղաքաշինության նախարարություն	(508,467.0)	(508,467.0)
		այդ թվում`
08	02	07. Բնակարանային ապահովում բնակարանների գնման վկայագրերի տրամադրման միջոցով	(508,467.0)	(508,467.0)
		այդ թվում`
		Գյումրի քաղաքին բնակարաններ ձեռք բերելու համար սերտիֆիկատների տրամադրում	(508,467.0)	(508,467.0)

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2005 ԹՎԱԿԱՆԻ
ՓԵՏՐՎԱՐԻ 24-Ի N 265-Ն ՈՐՈՇՄԱՆ N 5 ՀԱՎԵԼՎԱԾԻ N 15 ԱՂՅՈՒՍԱԿՈՒՄ
ԿԱՏԱՐՎՈՂ ՓՈՓՈԽՈՒԹՅՈՒՆՆԵՐԸ

(հազ. դրամ)

Խումբը	Ենթա-խումբը	Ծրագրերի և կատարողների անվանումները	Ցուցանիշների փոփոխությունները (նվազեցումները նշված են փակագծերում)
			տարի
		ՀՀ քաղաքաշինության նախարարություն	(508,467.0)
		այդ թվում՝
08	02	07. Բնակարանային ապահովում բնակարանների գնման վկայագրերի տրամադրման միջոցով	(508,467.0)
		այդ թվում՝
		Գյումրի քաղաքին բնակարաններ ձեռք բերելու համար սերտիֆիկատների տրամադրում	(508,467.0)

  

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան