ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Ո Ր Ո Շ ՈՒ Մ

14 հոկտեմբերի 2019 թվականի

թիվ 179

քաղ. Մոսկվա

Եվրասիական տնտեսական միության մաքսային օրենսգրքի 22-րդ հոդվածի 1-ին կետի առաջին պարբերությանը համապատասխան՝ Եվրասիական տնտեսական հանձնաժողովի կոլեգիան որոշեց․

1. Հարթիչ-սկրեպերը, որն անվավոր շարժամասով, կցովի տեսակի, ոչ ինքնագնաց, հողափոր տրանսպորտային մեքենա է, որը զուգակցում է հարթիչի և սկրեպերի գործառույթները, կառուցվածքում ունի կտրող դանակներով սկրեպերային շերեփ և հարթաշերեփ, նախատեսված է գրունտի մակերեսի հարթման, դրա շերտային մշակման և հետագա բեռնաթափման ու հարթեցման նպատակով դարսման վայր տեղափոխելու համար՝ Արտաքին տնտեսական գործունեության ապրանքային անվանացանկի մեկնաբանման 1-ին հիմնական կանոնին համապատասխան, դասակարգվում է Եվրասիական տնտեսական միության արտաքին տնտեսական գործունեության միասնական ապրանքային անվանացանկի 8430 ապրանքային դիրքում։

2. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։

Եվրասիական տնտեսական հանձնաժողովի կոլեգիայի նախագահ`

Տ. Սարգսյան

Պաշտոնական հրապարակման օրը՝ 22 հունիսի 2022 թվական: