ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

28 հունիսի 2013 թվականի N 518-Ա

ՀԱՅԱՍՏԱՆԻ ԱԶԳԱՅԻՆ ԱՏԼԱՍԻ ԹԱՐՄԱՑՄԱՆ, ԱՆԳԼԵՐԵՆՈՎ ՀՐԱՏԱՐԱԿՄԱՆ ՆՊԱՏԱԿՈՎ ԽՄԲԱԳՐԱԿԱՆ ԽՈՐՀՈՒՐԴ ՍՏԵՂԾԵԼՈՒ ԵՎ ԽՈՐՀՐԴԻ ԱՆՀԱՏԱԿԱՆ ԿԱԶՄԸ ՀԱՍՏԱՏԵԼՈՒ ՄԱՍԻՆ

Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 121-րդ կետի 2-րդ ենթակետին համապատասխան և Հայաստանի ազգային ատլասի թարմացման և անգլերենով ստեղծման և հրատարակման նպատակով`

1. Հայաստանի ազգային ատլասի թարմացման և անգլերենով հրատարակման նպատակով ստեղծել խմբագրական խորհուրդ և հաստատել դրա անհատական կազմը` համաձայն հավելվածի:

2. Հանձնարարել հանրապետական գործադիր և տարածքային մարմինների ղեկավարներին և առաջարկել Երևանի քաղաքապետին Հայաստանի ազգային ատլասի թարմացման և անգլերենով ստեղծման գործընթացի իրականացումն ապահովելու նպատակով աջակցել Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեին` անհրաժեշտության դեպքում տրամադրելով համապատասխան նյութեր և տվյալներ:

Հայաստանի Հանրապետության վարչապետ	Տ. Սարգսյան
2013 թ. հունիսի 28 Երևան

Հավելված ՀՀ վարչապետի 2013 թ. հունիսի 28-ի N 518-Ա որոշման

Ա Ն Հ Ա Տ Ա Կ Ա Ն    Կ Ա Զ Մ

Հայաստանի ազգային ատլասի թարմացման ԵՎ անգլերենով հրատարակման նպատակով ՍՏԵՂԾՎՈՂ ԽՄԲԱԳՐԱԿԱՆ ԽՈՐՀՐԴԻ

Ե. Զախարյան	-ՀՀ կառավարությանն առընթեր անշարժ գույքի կադաստրի պետական կոմիտեի նախագահ, տնտեսագիտական գիտությունների դոկտոր (խորհրդի նախագահ-գլխավոր խմբագիր)
Հ. Այվազյան	-«Հայկական հանրագիտարան» հրատարակչության գլխավոր խմբագիր, քիմիական գիտությունների դոկտոր (համաձայնությամբ)
Պ. Ավետիսյան	-ՀՀ գիտությունների ազգային ակադեմիայի հնագիտության և ազգագրության ինստիտուտի տնօրեն, պատմական գիտությունների թեկնածու (համաձայնությամբ)
Մ. Գրիգորյան	-ԵՊՀ-ի աշխարհագրության և երկրաբանության ֆակուլտետի դեկան, երկրաբանական գիտությունների թեկնածու, դոցենտ (համաձայնությամբ)
Վ. Կարագյոզյան	-ՀՀ կառավարությանն առընթեր անշարժ գույքի կադաստրի պետական կոմիտեի «Գեոդեզիա և քարտեզագրություն» ՊՈԱԿ-ի գործադիր տնօրեն (համաձայնությամբ)
Ա. Կարախանյան	-ՀՀ գիտությունների ազգային ակադեմիայի երկրաբանության ինստիտուտի տնօրեն, երկրաբանական գիտությունների դոկտոր (համաձայնությամբ)
Ռ. Մարտիրոսյան	-ՀՀ գիտությունների ազգային ակադեմիայի նախագահ, ֆիզիկամաթեմատիկական գիտությունների դոկտոր, պրոֆեսոր, ՀՀ գիտությունների ազգային ակադեմիայի ակադեմիկոս (համաձայնությամբ)
Ա. Մելքոնյան	-ՀՀ գիտությունների ազգային ակադեմիայի պատմության ինստիտուտի տնօրեն, պատմական գիտությունների դոկտոր, պրոֆեսոր (համաձայնությամբ)
Է. Մինասյան	-ԵՊՀ-ի պատմության ֆակուլտետի դեկան, պատմական գիտությունների դոկտոր, պրոֆեսոր (համաձայնությամբ)
Ա. Սիմոնյան	-ԵՊՀ-ի ռեկտոր, պատմական գիտությունների դոկտոր, պրոֆեսոր, ՀՀ գիտությունների ազգային ակադեմիայի թղթակից անդամ (համաձայնությամբ)
Ա. Սուքիասյան	-Երևանի քաղաքապետի տեղակալ, ՀՀ արվեստի վաստակավոր գործիչ (համաձայնությամբ)
Ա. Ավդալյան	-ՀՀ կառավարությանն առընթեր անշարժ գույքի կադաստրի պետական կոմիտեի աշխատակազմի գեոդեզիայի և քարտեզագրության վարչության քարտեզագրության բաժնի պետ (խորհրդի քարտուղար)

Հայաստանի Հանրապետության կառավարության աշխատակազմի ղեկավար

Վ. Գաբրիելյան