ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

23 փետրվարի 2017 թվականի N 157-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2002 ԹՎԱԿԱՆԻ ԱՊՐԻԼԻ 20-Ի N 438 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2002 թվականի ապրիլի 20-ի «Պատմության և մշակույթի անշարժ հուշարձանների պետական հաշվառման, ուսումնասիրման, պահպանության, ամրակայման, նորոգման, վերականգնման և օգտագործման կարգը հաստատելու մասին» N 438 որոշմամբ հաստատված կարգում կատարել հետևյալ փոփոխությունները`

1) 6-րդ կետը շարադրել հետևյալ խմբագրությամբ.

«6. Գիտարշավի ընթացքում հայտնաբերված պատմամշակութային արժեք ունեցող անշարժ օբյեկտին վերաբերող հաշվառման փաստաթղթերի (վկայագիր, վավերագրեր և ցուցակ) կազմման կամ ճշգրտման նպատակով տեղում, ըստ անհրաժեշտության, գրառվում են նկարագրական, տեղագրական, բնութագրական տվյալները, սխեմատիկ կերպով չափագրվում է օբյեկտը (համալիրները` 1:200 կամ 1:500, առանձին կառույցները` 1:50 կամ 1:100 մասշտաբներով), լուսանկարվում և ազգային գեոդեզիական կոորդինատային համակարգում (WGS-84 (ՎԻ ՋԻ ԷՍ-84) (ARMREF 02) ներառման նպատակով կադաստրի պետական լիազոր մարմնից ստացված 1:10000 մասշտաբի տեղագրական հիմքի վրա նշվում է օբյեկտի տեղը (մոնումենտալ արվեստի բնույթի օբյեկտի դեպքում), արտաքին չափսերը և տարածքի սահմանը կոորդինատային տվյալներով (ճշտությամբ): Հնագիտական հուշարձաններում, վերգետնյա հետազոտություններից բացի, անհրաժեշտության դեպքում, սահմանված կարգով կատարվում են նաև փոքրածավալ հետախուզական պեղումներ:».

2) 34-րդ կետը շարադրել հետևյալ խմբագրությամբ.

«34. Հուշարձանի տարածքի շուրջը սահմանվող պահպանական գոտիների նախագծերում (N 3 ձևը կցվում է) նշվում են հուշարձանի համառոտ բնութագիրը, ազգային գեոդեզիական կոորդինատային համակարգում (WGS-84 (ՎԻ ՋԻ ԷՍ-84) (ARMREF 02) ներառման նպատակով կադաստրի պետական լիազոր մարմնից ստացված 1:10000 մասշտաբի կադաստրային քարտեզի վրա՝ կոորդինատային տվյալներով, պահպանական գոտիների սահմանները (որոնց ճշտությունը կարող է լինել մինչև 3 մետր), պայմանակարգը և մոտենալու ուղիները:».

3) NN 1 և 3 ձևերը շարադրել նոր խմբագրությամբ` համաձայն հավելվածի.

4) 109-րդ կետում «տրամադրելիս» բառից հետո հանել «բացառությամբ զբոսաշրջությունը խթանող դեպքերի» բառերը:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

 «Ձև N 1

001 Տիպային անվանումը

002 Հատուկ անունը

003 Այլ անվանումներ

004 Օգտագործումը՝ սկզբնական, հաջորդական և ժամանակակից

005 Սկզբնական պատկանելությունը

006 Պահպանական միավորի անվանումը

007 Պահպանական միավորի առանձին վկայագրվող մասերը

 ՏԵՂԱԳՐԱԿԱՆ ՏԵՂԵԿԱՆՔ

008 Մարզը-ենթատարածքը-համայնքը-բնակավայրը

009 Հասցեն

010 Տեղագրությունը, տեղական տոպոնիմները

011 Հեռավորությունը և դիրքը բնակավայրից

012 Աշխարհագրական կոորդինատները (WGS-84 (ՎԻ ՋԻ ԷՍ-84) (ARMREF 02) ազգային գեոդեզիական կոորդինատային համակարգով)

013 Տեղանքի բարձրությունը ծովի մակերևույթից

014 Տեղանքի սեյսմիկությունը

015 Կադաստրը (տարեթիվը – սեկցիան)

016 Ջրագրությունը

017 Համառոտ նկարագրությունը

ՊԱՏՄԱԿԱՆ ՏԵՂԵԿԱՆՔ

018 Մշակութային պատկանելությունը, դարաշրջանը, դարը (դարերը)

019 Կառուցման ժամանակը՝ տարեթվերով

020 Թվագրման հիմնավորում

021 Հեղինակը (հեղինակները) (անունը, ազգանունը (մասնագիտությունը)

022 Հեղինակի որոշման աղբյուրը

023 Հուշարձանի ժամանակագրական աղյուսակ (ժամանակը - հեղինակը - աշխատանքները)

024 Հուշարձանի ուսումնասիրման ժամանակագրական աղյուսակ (ժամանակը - հեղինակը - աշխատանքները)

025 Պատմական համառոտ տեղեկանք

 ՆԿԱՐԱԳՐԱԿԱՆ - ԲՆՈՒԹԱԳՐԱԿԱՆ ՏԵՂԵԿԱՆՔ

026 ա. հնագիտական մաս` շերտագրությունը, գտածոները  

027 Շինանյութը (տեսակը, գույնը)

028 Բացվածքները

029 Հարկայնությունը

030 Կոնստրուկցիաները

031 Տանիքը՝ նյութը, ձևը

032 Իրականացման տեխնիկան

033 Հարդարանքը

034 Պատկերագրությունը, բովանդակությունը

035 Չափերը

036 Պահպանվածությունը

 Որակական

037 Արժեքավորումը

  ՀԻՄՆԱԿԱՆ ՄԱՏԵՆԱԳՐՈՒԹՅՈՒՆ

 038

 ԻՐԱՎԱԲԱՆԱԿԱՆ ՏԵՂԵԿԱՆՔ

039 Նշանակությունը

040 Սեփականության ձևը

041 Սեփականատերը

 Օգտագործողը

 Վարձակալը

043 ՎԿԱՅԱԳՐԻՆ ԿԻՑ ՎԱՎԵՐԱԳՐԱԿԱՆ ՆՅՈՒԹԵՐ

ՎԿԱՅԱԳՐՄԱՆ ՏԵՂԵԿԱՆՔ

044 Հաշվառող, ուսումնասիրող կազմակերպությունը

Ձև N 3

Հուշարձանի պահպանության գոտիների համակարգի օգտագործման պայմանակարգը (ռեժիմ)

* Աղյուսակի անվանումը և բնույթը սյունակը կարող է լրացվել համապատասխան տողերով»: