«Վավերացնում եմ»
Հայաստանի Հանրապետության
Նախագահ Ռ. Քոչարյան
16 նոյեմբերի 2002 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

31 հոկտեմբերի 2002 թվականի N 1740-Ն

ՈՍՏԻԿԱՆՈՒԹՅՈՒՆՈՒՄ ԾԱՌԱՅՈՂԻ ԶԻՆՎՈՐԱԿԱՆ ՀԱՇՎԱՌՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ

Համաձայն «Ոստիկանությունում ծառայության մասին» Հայաստանի Հանրապետության օրենքի 2-րդ հոդվածի չորրորդ մասի՝ Հայաստանի Հանրապետության կառավարությունը որոշում է.

1. Սահմանել ոստիկանությունում ծառայողի զինվորական հաշվառման կարգը՝ համաձայն հավելվածի:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Ա. Մարգարյան
2002 թ. նոյեմբերի 11 Երևան

Հավելված ՀՀ կառավարության 2002 թվականի հոկտեմբերի 31-ի N 1740-Ն որոշման

Կ Ա Ր Գ

ՈՍՏԻԿԱՆՈՒԹՅՈՒՆՈՒՄ ԾԱՌԱՅՈՂԻ ԶԻՆՎՈՐԱԿԱՆ ՀԱՇՎԱՌՄԱՆ

1. Սույն կարգով սահմանվում է ոստիկանության ծառայողին` զինված ուժերի հաշվառումից հանելու և ոստիկանությունում զինվորական հաշվառման վերցնելու կարգը:

2. Ոստիկանությունում ծառայության անցած ոստիկանության բարձրագույն, գլխավոր, ավագ, միջին ու կրտսեր խմբերի պաշտոններում նշանակված և պետական պատվերի ու միջազգային համաձայնագրերի շրջանակներում սովորելու համար ոստիկանության ուսումնական հաստատություն ընդունված Հայաստանի Հանրապետության քաղաքացիները հանվում են զինված ուժերի զինվորական հաշվառումից և վերցվում զինվորական հաշվառման ոստիկանությունում:

3. Ոստիկանության բարձրագույն, գլխավոր, ավագ, միջին և կրտսեր խմբերի պաշտոններում նշանակված կամ սովորելու համար ոստիկանության ուսումնական հաստատություն ընդունված ոստիկանության ծառայողին զինված ուժերի զինվորական հաշվառումից հանելու և ոստիկանությունում զինվորական հաշվառման վերցնելու համար հիմք է հանդիսանում պաշտոնի նշանակելու կամ որպես սովորող հրամանագրելու մասին հրամանը:

4. Ոստիկանության համապատասխան կադրային ծառայությունը քաղաքացուն ոստիկանությունում պաշտոնի նշանակելու, սովորելու համար ոստիկանության ուսումնական հաստատություն ընդունվելու մասին հրամանի արձակման օրվանից 7-օրյա ժամկետում ծառայողի զինվորական հաշվառման վայրի զինվորական կոմիսարիատ է ներկայացնում միջնորդություն՝ նրան զինված ուժերի զինվորական հաշվառումից հանելու և ոստիկանությունում զինվորական հաշվառման վերցնելու համար:

Միջնորդությամբ ներկայացվում են`

ա) ոստիկանությունում պաշտոնի նշանակվելու կամ որպես սովորող հրամանագրվելու մասին հրամանի քաղվածք,

բ) անվանական ցուցակ (ձև N 1),

գ) զինվորական գրքույկ,

դ) ոստիկանության ուսումնական հաստատությունում սովորողի համար՝ զինվորական գրքույկ կամ զորակոչային կցագրման վկայական:

5. Զինվորական կոմիսարիատն անվանական ցուցակների հիմնավորվածությունը ճշտելուց հետո զինվորական հաշվառման փաստաթղթերում կատարում է համապատասխան նշումներ զինված ուժերի հաշվառումից հանելու մասին: Հաշվառման քարտը պահպանվում է զինվորական կոմիսարիատում՝ հատուկ հաշվառման վերցված զինապարտների քարտադարանում, զինվորական գրքույկը կամ զորակոչային կցագրման վկայականը, իսկ պահեստազորի սպաների համար՝ զինվորական կրճատված անձնական գործը փոխանցվում են ոստիկանության համապատասխան կադրային ծառայություն, որտեղ այն պահվում է ծառայողի անձնական գործում` ոստիկանությունում ծառայության ամբողջ ընթացքում:

6. Ոստիկանությունում ծառայությունից և ոստիկանության ուսումնական հաստատությունից ազատված անձի զինվորական գրքույկը կամ զորակոչային կցագրման վկայականը, զինվորական կրճատված անձնական գործը (առկայության դեպքում) զինված ուժերում զինվորական հաշվառման վերցնելու համար ազատման հրամանի արձակման օրվանից հետո 7-օրյա ժամկետում կադրային ծառայության կողմից համապատասխան տեղեկանքի հետ միասին (ձև N 2) ուղարկվում են այն զինվորական կոմիսարիատ, որտեղից ծառայողը հանվել է հաշվառումից: Ծառայության ընթացքում ծառայողի բնակության վայրը փոխվելու դեպքում նշված նյութերն ուղարկվում են նրա բնակության վայրի զինվորական կոմիսարիատ:

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան

Ձև N 1

Ա Ն Վ Ա Ն Ա Կ Ա Ն  Ց ՈՒ Ց Ա Կ

_____________________________   զինկոմիսարիատում զինվորական հաշվառումից
                         

հանելու ենթակա` ոստիկանությունում ծառայության ընդունված անձանց

NN ը/կ	Ազգանունը, անունը, հայրանունը	Ծննդյան տարեթիվը	Պահեստազորի զինվորական կոչումը	Զինվորահրամա- նատարական մասնագիտու- թյունը, թիվը	Ում հրամանով և ինչ պաշտոնի է նշանակվել, որպես սովորող հրամանագրվել, հրամանի համարը, տարեթիվը և ամսաթիվը	Երբ, ում և ինչ ելքի համարով են ուղարկվել հաշվառման փաստաթղթերը

Ձև N 2

__________________ (ելքի համարը)

_________________________  (ո՞ւր է ուղարկվում)

ՏԵՂԵԿԱՆՔ

ՀՀ ոստիկանությունում ծառայությունից ազատված զինապարտի մասին

Տրվում է այն մասին, որ ____________________________________________________________

(անունը, հայրանունը, ազգանունը)

ազատման պահին ունեցել է __________________________________________________ կոչում,

որը շնորհվել է _____ ______________ 20   թ., N ___________ հրամանով։

Ծնված՝ 19     թ., հաշվառման մեջ է գտնվել ՀՀ ոստիկանության համակարգում

_____ _____________        թ-ից N _______ հրաման մինչև _______ ______________ 20    թ.:

Ազատված է _______ ______________ 20    թ. N ________ հրամանով։

Բնակության վայրը _______________________________________________________________

Առդիր __________________________________________________________________________

(զինվորական գրքույկը, զինվորական կրճատված անձնական գործը, զորակոչային կցագրման վկայականը)

(անհրաժեշտը նշել)

Ստորաբաժանման ղեկավար	_______________________________________ (պաշտոնը)
	________________________________________ (կոչումը)
	_________________   _____________________ (ստորագրությունը)               (անունը, ազգանունը)

Կ.Տ.

________ ________________ 200   թ.

(հավելվածը խմբ. 01.09.05 N 1489-Ն)