ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

31 հոկտեմբերի 2013 թվականի N 1196-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՄԻ ՇԱՐՔ ՈՐՈՇՈՒՄՆԵՐՈՒՄ ՓՈՓՈԽՈՒԹՅՈՒՆՆԵՐ ՈՒ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Ղեկավարվելով «Էներգետիկայի բնագավառում և էներգասպառման ոլորտում պետական տեխնիկական վերահսկողության մասին» Հայաստանի Հանրապետության օրենքի 6-րդ հոդվածի 1-ին մասով` Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2005 թվականի հունիսի 1-ի «6 կՎ և բարձր լարման նոր կառուցվող և վերակառուցվող էլեկտրատեղակայանքների գործարկման եզրակացություն տալու կարգի մասին» N 739-Ն որոշման մեջ կատարել հետևյալ փոփոխություններն ու լրացումները`

1) որոշման N 1 հավելվածի`

ա. 6-րդ և 10-րդ կետերում «5» թիվը փոխարինել «հինգ աշխատանքային» բառերով,

բ. 6-րդ կետը լրացնել հետևյալ բովանդակությամբ նոր պարբերությամբ.

«Եթե Հայաստանի Հանրապետության կառավարության 2003 թվականի մայիսի 8-ի «Ավարտված շինարարության շահագործման փաստագրման կարգը հաստատելու մասին» N 626-Ն որոշմամբ սահմանված` օբյեկտը, որի կազմում առկա են 6 կՎ և բարձր լարման էլեկտրատեղակայանքներ, շահագործման ընդունող հանձնաժողովում ներգրավված է լիազոր մարմնի ներկայացուցիչը, և ընդունող հանձնաժողովի ակտում առկա է նրա ստորագրությունը (համաձայնությունը), ապա այդ էլեկտրատեղակայանքների գործարկման եզրակացությունները տրվում են սույն որոշման N 2 հավելվածով պահանջվող միայն ընդհանուր փաստաթղթերը ներկայացնելուց հետո երկու աշխատանքային օրվա ընթացքում:».

2) որոշման N 2 հավելվածի`

ա. 6-րդ կետն ուժը կորցրած ճանաչել,

բ. 7-րդ կետը շարադրել հետևյալ խմբագրությամբ.

«7. Էլեկտրատեղակայանքների` Հայաստանի Հանրապետության կառավարության 2003 թվականի մայիսի 8-ի N 626-Ն որոշմամբ սահմանված ընդունող հանձնաժողովի ակտի պատճենը:»,

գ. V բաժնի վերնագիրն «ԷԼԵԿՏՐԱՇԱՐԺԻՉՆԵՐԻ» բառից հետո լրացնել «ՈՒ ԳԵՆԵՐԱՏՈՐՆԵՐԻ» բառերով:

2. Հայաստանի Հանրապետության կառավարության 2006 թվականի հոկտեմբերի 5-ի «Միջին ու բարձր ճնշման գազի համակարգերի` նոր կառուցվող և վերակառուցվող էներգատեղակայանքների գործարկման եզրակացություն տալու կարգը հաստատելու մասին» N 1423-Ն որոշման մեջ կատարել հետևյալ փոփոխություններն ու լրացումները`

1) որոշման N 1 հավելվածի`

ա. 6-րդ, 8-րդ և 9-րդ կետերում «7» թիվը փոխարինել «հինգ աշխատանքային» բառերով,

բ. 6-րդ կետը լրացնել հետևյալ բովանդակությամբ նոր պարբերությամբ.

«Եթե Հայաստանի Հանրապետության կառավարության 2003 թվականի մայիսի 8-ի «Ավարտված շինարարության շահագործման փաստագրման կարգը հաստատելու մասին» N 626-Ն որոշմամբ սահմանված` օբյեկտը, որի կազմում առկա են գազի միջին ու բարձր ճնշման տեղակայանքներ, շահագործման ընդունող հանձնաժողովում ներգրավված է լիազոր մարմնի ներկայացուցիչը, և ընդունող հանձնաժողովի ակտում առկա է նրա ստորագրությունը (համաձայնությունը), ապա այդ տեղակայանքների գործարկման եզրակացությունները տրվում են սույն որոշման N 2 հավելվածով պահանջվող փաստաթղթերը ներկայացնելուց հետո երկու աշխատանքային օրվա ընթացքում:».

2) որոշման N 2 հավելվածում`

ա. ուժը կորցրած ճանաչել վեցերորդ` «Գազասարքավորումների գործարանային անձնագրերը և օգտագործման հրահանգները» պարբերությունը,

բ. իններորդ պարբերության մեջ «ավարտված շինարարության շահագործման փաստագրման» բառերը փոխարինել «օբյեկտը շահագործման ընդունող հանձնաժողովի» բառերով:

3. Հայաստանի Հանրապետության կառավարության 2006 թվականի հոկտեմբերի 5-ի «5.8 ՄՎտ-ից բարձր դրվածքային հզորության ջերմամատակարարման համակարգերի` նոր կառուցվող և վերակառուցվող էներգատեղակայանքների գործարկման եզրակացություն տալու կարգը հաստատելու մասին» N 1492-Ն որոշման մեջ կատարել հետևյալ փոփոխություններն ու լրացումները`

1) որոշման N 1 հավելվածի`

ա. 6-րդ և 9-րդ կետերում «7» թիվը փոխարինել «հինգ աշխատանքային» բառերով,

բ. 6-րդ կետը լրացնել հետևյալ բովանդակությամբ նոր պարբերությամբ.

«Եթե Հայաստանի Հանրապետության կառավարության 2003 թվականի մայիսի 8-ի «Ավարտված շինարարության շահագործման փաստագրման կարգը հաստատելու մասին» N 626-Ն որոշմամբ սահմանված` օբյեկտը, որի կազմում առկա են 5.8 ՄՎտ-ից բարձր դրվածքային հզորության ջերմատեղակայանքներ, շահագործման ընդունող հանձնաժողովում ներգրավված է լիազոր մարմնի ներկայացուցիչը, և ընդունող հանձնաժողովի ակտում առկա է նրա ստորագրությունը (համաձայնությունը), ապա այդ ջերմատեղակայանքների գործարկման եզրակացությունները տրվում են սույն որոշման N 2 հավելվածով պահանջվող փաստաթղթերը ներկայացնելուց հետո երկու աշխատանքային օրվա ընթացքում:».

2) որոշման N 2 հավելվածում`

ա. ուժը կորցրած ճանաչել չորրորդ պարբերությունը,

բ. յոթերորդ պարբերության մեջ «ավարտված շինարարության շահագործման փաստագրման» բառերը փոխարինել «օբյեկտը շահագործման ընդունող հանձնաժողովի» բառերով: