ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԽՈՐՀՈՒՐԴ

Ո Ր Ո Շ ՈՒ Մ

«ՔԻՄԻԱԿԱՆ ԱՐՏԱԴՐԱՆՔԻ ԱՆՎՏԱՆԳՈՒԹՅԱՆ ՄԱՍԻՆ» ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ՏԵԽՆԻԿԱԿԱՆ ԿԱՆՈՆԱԿԱՐԳԻ ՎԵՐԱԲԵՐՅԱԼ

«Եվրասիական տնտեսական միության մասին» 2014 թվականի մայիսի 29-ի պայմանագրի 52-րդ հոդվածին եւ Եվրասիական տնտեսական բարձրագույն խորհրդի 2014 թվականի դեկտեմբերի 23-ի թիվ 98 որոշմամբ հաստատված` Եվրասիական տնտեսական հանձնաժողովի աշխատանքի կանոնակարգի թիվ 1 հավելվածի 29-րդ կետին համապատասխան` Եվրասիական տնտեսական հանձնաժողովի խորհուրդը որոշեց.

1. Ընդունել կից ներկայացվող՝ «Քիմիական արտադրանքի անվտանգության մասին» Եվրասիական տնտեսական միության տեխնիկական կանոնակարգը (ԵԱՏՄ ՏԿ 041/2017)։

2. Եվրասիական տնտեսական հանձնաժողովին՝ Եվրասիական տնտեսական միության անդամ պետությունների կառավարությունների հետ համատեղ մշակել եւ հաստատել Եվրասիական տնտեսական միության (այսուհետ՝ Միություն)՝ քիմիական նյութերի եւ խառնուրդների ռեեստրի ձեւավորման եւ վարման կարգը եւ նոր քիմիական նյութերի նոտիֆիկացման կարգը՝ ապահովելով դրանց ուժի մեջ մտնելը մինչեւ 2018 թվականի դեկտեմբերի 1-ը:

3. Խնդրել Միության անդամ պետությունների կառավարություններին մինչեւ 2021 թվականի մարտի 1-ն ապահովել Միության՝ քիմիական նյութերի եւ խառնուրդների ռեեստրի ազգային մասերի ձեւավորումը:

4. Սահմանել, որ «Քիմիական արտադրանքի անվտանգության մասին» Միության տեխնիկական կանոնակարգը (ԵԱՏՄ ՏԿ 041/2017) ուժի մեջ է մտնելու 2021 թվականի հունիսի 2-ից՝ սույն Որոշման 2-րդ կետի կատարման պայմանով՝ բացառությամբ թունաքիմիկատների պատրաստուկային ձեւերի եւ դրանց հետ կապված դրանց արտադրության, պահման, փոխադրման (տրանսպորտային փոխադրման), իրացման եւ օգտահանման (վերամշակման) մասով պահանջների: Մինչ Միության տեխնիկական կանոնակարգի ուժի մեջ մտնելը, որով սահմանվում են թունաքիմիկատների պատրաստուկային ձեւերի եւ դրանց հետ կապված դրանց արտադրության, պահման, փոխադրման (տրանսպորտային փոխադրման), իրացման եւ օգտահանման (վերամշակման) մասով պահանջները, այդ արտադրանքի եւ նշված գործընթացների նկատմամբ գործում են Միության մարմինների ակտերի դրույթները կամ Միության անդամ պետությունների օրենսդրությունը:

5. Սույն Որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո:

Եվրասիական տնտեսական հանձնաժողովի խորհրդի անդամներ՝

ԸՆԴՈՒՆՎԱԾ Է