ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Ո Ր Ո Շ ՈՒ Մ

Եվրասիական տնտեսական միության մաքսային օրենսգրքի 168-րդ հոդվածի 3-րդ կետին համապատասխան՝ Եվրասիական տնտեսական հանձնաժողովի կոլեգիան որոշեց.

1. Մաքսային միության հանձնաժողովի՝ 2010 թվականի սեպտեմբերի 20-ի թիվ 375 որոշման անվանման մեջ «որոշ հարցերի մասին» բառերը փոխարինել «առանձին հարցերի մասին» բառերով:

2. Եվրասիական տնտեսական հանձնաժողովի կոլեգիայի՝ 2018 թվականի դեկտեմբերի 11-ի «Մաքսային ընթացակարգերի կիրառման որոշ հարցերի մասին» թիվ 203 որոշման մեջ կատարել հետևյալ փոփոխությունները՝

ա) նախաբանը «163-րդ հոդվածի 4-րդ կետին,» բառերից հետո լրացնել «168-րդ հոդվածի 3-րդ կետին,» բառերով.

բ) լրացնել հետևյալ բովանդակությամբ 11-ին կետով՝

«11. Սահմանել, որ քաղաքացիական ավիաշինության և նավաշինության արտադրանք (օդանավեր, նավեր), ռազմական նշանակության արտադրանք և մեքենատեխնիկական արտադրանք հանդիսացող ապրանքները՝ Եվրասիական տնտեսական միության մաքսային տարածքում վերամշակելու ժամկետը, դրանց որևէ մասի պատրաստման արտադրական գործընթացի կամ վերանորոգման տևողությունը գերազանցում է Եվրասիական տնտեսական միության մաքսային օրենսգրքի 168-րդ հոդվածի 3-րդ կետով սահմանված ժամկետը, ինչպես նաև դրանց պատրաստման, վերանորոգման և (կամ) արդիականացման համար նախատեսված ապրանքների համար այն չի կարող գերազանցել 5 տարին:»:

3. Ուժը կորցրած ճանաչել՝

Մաքսային միության հանձնաժողովի՝ 2010 թվականի սեպտեմբերի 20-ի «Մաքսային ընթացակարգերի կիրառմանն առնչվող որոշ հարցերի մասին» թիվ 375 որոշման 1-ին կետի 3-րդ ենթակետը.

Եվրասիական տնտեսական հանձնաժողովի կոլեգիայի՝ 2012 թվականի դեկտեմբերի 11-ի «Մաքսային միության հանձնաժողովի՝ 2010 թվականի սեպտեմբերի 20-ի թիվ 375 որոշման մեջ փոփոխություններ կատարելու մասին» թիվ 267 որոշումը.

Մաքսային միության հանձնաժողովի և Եվրասիական տնտեսական հանձնաժողովի կոլեգիայի որոշումներում կատարվող փոփոխությունների (Եվրասիական տնտեսական հանձնաժողովի կոլեգիայի 2017 թվականի նոյեմբերի 14-ի թիվ 147 որոշման հավելված) 1-ին կետի «ա» ենթակետի երկրորդ պարբերությունը և «դ» ենթակետը:

4. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։

Պաշտոնական հրապարակման օրը՝ 22 հունիսի 2022 թվական: