1.

Ծրագրի նպատակը

«Հայաստանի մանուկներ» բարեգործական հիմնադրամը (COAF) նախատեսում է իրականացնել Արցախի հանրապետության քաղաքացիներին անհատույց օգտագործման հանձնված թվով 4 տների բնակելի տարածքների վերանորոգման, բարեկարգման և ցանկապատման աշխատանքներ։ Վերը նշված տները կառուցվել և վերանորոգվել են հիմնադրամի մեկ այլ ծրագրով։ Նախատեսվում է նաև ավելի ապահով դարձնել Դեբետ համայնքում գործող ՍՄԱՐԹ Կենտրոնի խելացի ջերմոցի տարածքը։ Ջերմոցի օդային տարածքով անցնող բարձր լարման էլեկտրական մալուխների տեղափոխումը թույլ կտա ընդլայնել ջերմոցի օգտագործվող տարածքը։ Ինչպես նաև նախատեսվում է ձեռք բերել Լեգո կրթական հավաքածուներ հիմնադրամի շահառու երեխաների համար։ Կրթական հավաքածուները օգտագործվելու են հիմնադրամի թվով 11 ճարտարագիտական խմբակների կրթական ծրագրերում։

2.

Ծրագրի բարեգործական որակման նպատակը

Նախատեսվում է ծրագրի շրջանակներում օրենքով սահմանված կարգով օգտվել ՀՀ հարկերի, տուրքերի, պարտադիր վճարների գծով՝ օրենքով սահմանված արտոնություններից։

3.

Բարեգործը

«Չիլդրեն Օֆ Արմենիա ֆանդ Ինք.», Նյու Յորք, ԱՄՆ, 149 5րդ ավենյու, սենյակ 500 (Children of Armenia Fund Inc. 149 5th Ave., Suite 500, New York 10010, USA. և դոկտոր Գարօ Հ. Արմենը։

4.

Ծրագիրը կատարողը

«Հայաստանի մանուկներ» բարեգործական հիմնադրամ (ՀՀ քաղ. Երևան 0010, Մելիք Ադամյան 2/2, ՀՎՀՀ՝ 02569972)։

5.

Ծրագրի իրականացման վայրը և բնագավառը

ՀՀ Լոռու մարզ, Դեբետ և Դսեղ համայնքներ, բնագավառը՝ համայնքային զարգացում

6.

Ծրագրի բյուջեն

Ծրագրի ընդհանուր բյուջեն կազմում է 31,440,063 (երեսունմեկ միլիոն չորս հարյուր քառասուն հազար վաթսուներեք) ՀՀ դրամ։

7.

Բարեգործություն ստացողը

ՀՀ Լոռու մարզի Դեբետ, Դսեղ համայնքները և ՔՈԱՖ ՍՄԱՐԹ կենտրոնը։

8.

Ծրագրի իրականացման տևողությունը

2021 թվականի օգոստոսի 15-ից մինչև 2021 թվականի դեկտեմբերի 31-ը։

9.

Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը

● Լեգո սփայք պրայմ բեյզ սեթ (Lego education spike prime base set) տեսակի կրթական 30 հատ հավաքածուների ձեռքբերում թվով 11 ճարտարագիտական ակումբների համար։ Ընդամենը 8,250,000 (ութ միլիոն երկու հարյուր հիսուն հազար) ՀՀ դրամ, ծրագրի իրականացման ամբողջ ընթացքում,

● Լոռու մարզի, Դեբետ համայնքի 1-ին փողոց, 31 հողամաս հասցեում գտնվող ՍՄԱՐԹ կենտրոնի այգու (խելացի ջերմոց) տարածքից էլեկտրական օդային մալուխների ապամոնտաժման և վերջիններիս ստորգետնյա ճանապարհով անցկացման աշխատանքների իրականացում ընդամենը 11,670,813 (տասնմեկ միլիոն վեց հարյուր յոթանասուն հազար ութ հարյուր տասներեք) ՀՀ դրամի շրջանակներում, ծրագրի իրականացման ամբողջ ընթացքում։

● Լոռու մարզի, Դսեղ համայնք 49 փողոց 6/2 և 6/3 հասցեներում գտնվող թվով 2 պանելապատ, մոդուլային տների տարածքի բարեկարգման աշխատանքների իրականացում 2,927,360 (երկու միլիոն ինը հարյուր քսանյոթ հազար երեք հարյուր վաթսուն) ՀՀ դրամի շրջանակներում, ծրագրի իրականացման ամբողջ ընթացքում,

● Լոռու մարզի, Դսեղ համայնքի 49 փողոց թիվ 6 և 6/1 բնակելի տների պատշգամբների վերակառուցման, սալվածքների և տարածքի ցանկապատման աշխատանքների իրականացում ընդամենը 8,591,890 (ութ միլիոն հինգ հարյուր իննսունմեկ հազար ութ հարյուր իննսուն) ՀՀ դրամ, ծրագրի իրականացման ամբողջ ընթացքում։

10.

Ձեռք բերվող (ներմուծվող) ապրանքների ու ծառայությունների համառոտ նկարագիրը, ծավալները և նախատեսվող գինը

ՀՀ տարածքում նախատեսվում է ձեռք բերել 8,250,000 ՀՀ դրամին համարժեք լեգո կրթական հավաքածու, ծրագրի իրականացման ամբողջ ընթացքում:

Նախատեսվում է կնքել 23,190,063 ՀՀ դրամին համարժեք կապալի պայմանագրեր՝ ծրագրի իրականացման ամբողջ ընթացքում:

Ներմուծումներ նախատեսված չեն։

11.

Ծրագրի իրականացման հետ

կապված կազմակերպական ծախսերը

Կազմակերպական ծախսեր նախատեսված չեն։

12.

Համագործակցությունը պետական կառավարման, տեղական ինքնակառավարման մարմինների, այլ

կազմակերպությունների հետ

Նախատեսվում է համագործակցել Հայաստանի Հանրապետության կառավարության, Լոռու մարզպետարանի, Դսեղի և Դեբետի համայնքապետարանների հետ։

13.

Ծրագրի արդյունավետության նկատմամբ վերահսկողության մեխանիզմների նկարագրությունը

Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով կներկայացվեն տեղեկություններ: