1.

Ծրագրի նպատակը

Աջակցել Իջևան քաղաքում աղբահանության իրականացման որակի բարձրացմանը՝ տեխնիկական և էկոլոգիական բարձր տեխնոլոգիաների՝ տվյալ դեպքում աղբատար մեքենայի տրամադրման և դրան համապատասխանող աղբարկղերի տեղադրման միջոցով:

2.

Ծրագրի բարեգործական

որակման նպատակը

ՀՀ օրենքներով սահմանված կարգով հարկային արտոնություններից օգտվելու նպատակով:

3.

Բարեգործը

ՀՀ-ում Ճապոնիայի դեսպանատուն, ք. Երևան, Բաբայան 23/4

Հեռախոս՝(+374 11) 52 30 10

4.

Ծրագիրը կատարողը

Հայկական Կարմիր խաչի ընկերություն, Պարոնյան 21/1, ՀՎՀՀ 00006023

5.

Ծրագրի իրականացման վայրը

և բնագավառը

ՀՀ Տավուշի մարզ, քաղաք Իջևան, բնագավառը` բնապահպանական

6.

Ծրագրի բյուջեն

40 540 000 դրամ

7.

Բարեգործություն ստացողը

Տավուշի մարզ, Իջևանի քաղաքային համայնք

8.

Ծրագրի իրականացման

տևողությունը

28 հունիսի 2021 – 25 հունվարի 2022

9.

Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը

Ծրագրի շրջանակներում նախատեսվում է աղբահան մեքենայի և աղբարկղերի ձեռքբերում՝ Իջևան քաղաքում թափոնների կառավարման կարողությունների արդիականացման նպատակով: Ժամկետ՝ 28.06.2021-25.01.2022

Բյուջե՝ 40 540 000 դրամ

Ծրագրի ընթացքում ծավալվող գործողությունները լինելու են հետևյալ ուղղություններով`

1. Տեղեկատվական պաստառների նախապատրաստում 28.06-28.07.2021 թթ.

2. անհրաժեշտ տեխնիկայի և պարագաների ձեռք բերում 28.06-28.07.2021 թթ.

3. ձեռք բերված միջոցների տեղաբաշխում ք. Իջևանում 28.07-28.08.2021 թթ.

4. Մոնիթորինգ և գնահատում 28.08-28.12.2021 թթ.

10.

Ձեռք բերվող (ներմուծվող) ապրանքների ու ծառայությունների համառոտ նկարագիրը, ծավալները և նախատեսվող գինը

Ձեռք բերվող ապրանքների և ծառայությունների համառոտ նկարագիր`

1. Աղբահան մեքենա՝ 1 հատ` 25 900 000 դրամ արժողությամբ

2. Աղբարկղեր՝ 240 հատ՝ 13 776 000 դրամ արժողությամբ

3. Իրազեկող պաստառներ՝ 500 հատ` 64.000 դրամ արժողությամբ

4. Աուդիտորական ծառայության արժեքը՝ 800 000 դրամ արժողությամբ

11.

Ծրագրի իրականացման հետ կապված կազմակերպական

ծախսերը

Կազմակերպական ծախսերը կազմում են 491 400 դրամ: Դրանք ներառում են ծրագրի իրականացման համար նախատեսված կոմունալ և ադմինիստրատիվ ծախսեր, որոնք ընդգրկված

չեն ծրագրի բյուջեում և իրականացվում են ՀԿԽԸ-ի կողմից:

12.

Համագործակցությունը պետական կառավարման, տեղական ինքնակառավարման մարմինների, այլ

կազմակերպությունների հետ

Ծրագրի շրջանակներում հաստատվելու է սերտ համագործակցություն ՀՀ Տարածքային կառավարման և ենթակառուցվածքների նախարարության, Տավուշի մարզպետարանի և Իջևան քաղաքի, ինչպես նաև ոլորտում գործող տեղական և միջազգային կազմակերպությունների հետ սերտ համագործակցությամբ:

13.

Ծրագրի արդյունավետության նկատմամբ վերահսկողության մեխանիզմների նկարագրությունը

Նախատեսվում է տրամադրել հաշվետվություններ ՀՀ-ում Ճապոնիայի դեսպանատանը, ինչպես նաև կատարվելու են պարբերաբար մոնիթորինգային այցեր: Հայկական Կարմիր խաչի ընկերության Գործադիր կոմիտեի կողմից նույնպես իրականացվելու է գործունեության անմիջական վերահսկում: Նաև ՀՀ Կառավարության 2003 թ. հունվարի 16 N 66-Ն որոշմամբ հաստատված Բարեգործական ծրագրերը բարեգործական որակելու և գրանցելու կարգի 25-րդ

կետով սահմանված կարգով կներկայացվեն տեղեկություններ: