«Գրանցված է»

ՀՀ արդարադատության

նախարարության կողմից

21 հուլիսի 2012 թ.

Պետական գրանցման թիվ 12412279

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԱՌԱՎԱՐՈՒԹՅԱՆՆ ԱՌԸՆԹԵՐ

ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵ

Հ Ր Ա Մ Ա Ն

ՎՃԱՐՈՂԻ ԱՅԼ ՊԱՐՏԱՎՈՐՈՒԹՅՈՒՆՆԵՐԻ ԴԻՄԱՑ ՀԱՇՎԱՆՑՄԱՆ ԵՎ (ԿԱՄ) ՎԵՐԱԴԱՐՁՄԱՆ ԵՆԹԱԿԱ ԳՈՒՄԱՐՆԵՐԻ ՀԱՇՎԱՆՑՄԱՆ ԿԱՄ ՎԵՐԱԴԱՐՁՄԱՆ ՀԱՄԱՐ ՆԱԽԱՏԵՍՎԱԾ ԴԻՄՈՒՄԻ, ԵԶՐԱԿԱՑՈՒԹՅԱՆ ԵՎ ԱՄՓՈՓ ՏԵՂԵԿԱՆՔԻ ՁԵՎԵՐԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՀԱՐԿԱՅԻՆ ՊԵՏԱԿԱՆ ԾԱՌԱՅՈՒԹՅԱՆ 2007 ԹՎԱԿԱՆԻ ԴԵԿՏԵՄԲԵՐԻ 17-Ի N 16-Ն ՀՐԱՄԱՆՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

Հիմք ընդունելով «Հարկերի մասին» Հայաստանի Հանրապետության օրենքի N 1 հավելվածի 6.2-րդ, 16-րդ և 17.1-րդ կետերը, «Պարտադիր սոցիալական ապահովության վճարների մասին» Հայաստանի Հանրապետության օրենքի N 1 հավելվածի 6.2-րդ, 15-րդ և 16.1-րդ կետերը, «Ավելացված արժեքի հարկի մասին» Հայաստանի Հանրապետության օրենքի 33-րդ հոդվածը և N 1 հավելվածի 4-րդ և 20-րդ կետերը, «Ակցիզային հարկի մասին» Հայաստանի Հանրապետության օրենքի 9-րդ և 11-րդ հոդվածները, «Իրավական ակտերի մասին» Հայաստանի Հանրապետության օրենքի 70-րդ հոդվածի 1-ին մասը և ղեկավարվելով Հայաստանի Հանրապետության կառավարության 2008 թվականի սեպտեմբերի 4-ի N 1005-Ն որոշմամբ հաստատված Հայաստանի Հանրապետության կառավարությանն առընթեր պետական եկամուտների կոմիտեի կանոնադրության 18-րդ կետի 4-րդ ենթակետով`

ՀՐԱՄԱՅՈՒՄ ԵՄ՝

1. Հաստատել վճարողի գերավճարների (այդ թվում` անուղղակի հարկերի) կամ գերավճարից տարբերվող գումարների (բացառությամբ` անուղղակի հարկերի) հաշվին նրա այլ պարտավորությունների դիմաց հաշվանցման և (կամ) վերադարձի համար դիմումի ձևը (Ձև N ՀՎ1), վճարողի գերավճարների (այդ թվում` անուղղակի հարկերի) կամ գերավճարից տարբերվող գումարների (բացառությամբ` անուղղակի հարկերի) հաշվին նրա այլ պարտավորությունների դիմաց հաշվանցում և (կամ) վերադարձ կատարելու մասին եզրակացության ձևը (Ձև N ՀՎ2) և վճարողի գերավճարների (այդ թվում` անուղղակի հարկերի) կամ գերավճարից տարբերվող գումարների (բացառությամբ` անուղղակի հարկերի) հաշվին նրա այլ պարտավորությունների դիմաց կատարված հաշվանցումների և (կամ) վերադարձների մասին ամփոփ տեղեկանքի ձևը (Ձև N ՀՎ3)` համաձայն հավելվածի:

2. Անուղղակի հարկերի (ավելացված արժեքի հարկ, ակցիզային հարկ) գծով գերավճարից տարբերվող գումարների հաշվանցման և (կամ) վերադարձի դեպքերում կիրառվում են`

1) Հայաստանի Հանրապետության կառավարությանն առընթեր պետական եկամուտների կոմիտեի նախագահի 2011 թվականի օգոստոսի 16-ի «Ավելացված արժեքի հարկի հաշվարկի և ավելացված արժեքի հարկի զրոյական դրույքաչափով հարկվող գործարքների մասով գումարների հաշվանցման և (կամ) վերադարձի դիմումի ձևերը, դրանց լրացման կարգերը հաստատելու և Հայաստանի Հանրապետության կառավարությանն առընթեր պետական եկամուտների կոմիտեի նախագահի 2010 թվականի հունիսի 14-ի N 1423-Ն հրամանն ուժը կորցրած ճանաչելու մասին» N 2034-Ն հրամանով հաստատված «Ավելացված արժեքի հարկի զրոյական դրույքաչափով հարկվող գործարքների մասով գումարների հաշվանցման և (կամ) վերադարձի» դիմումը.

2) Հայաստանի Հանրապետության կառավարությանն առընթեր պետական եկամուտների կոմիտեի նախագահի 2010 թվականի հունիսի 4-ի «Ակցիզային հարկի մասին» Հայաստանի Հանրապետության օրենքի որոշ դրույթների վերաբերյալ» հրահանգը հաստատելու և Հայաստանի Հանրապետության պետական եկամուտների նախարարի 2000 թվականի հոկտեմբերի 20-ի N 02/1291 հրամանն ուժը կորցրած ճանաչելու մասին» N 1417-Ն հրամանով հաստատված «Ակցիզային հարկի մասին» Հայաստանի Հանրապետության օրենքի որոշ դրույթների վերաբերյալ» հրահանգի «Արտահանված` ակցիզային հարկով հարկված ապրանքների դիմաց վճարված ակցիզային հարկի գումարների վերադարձման» դիմումը (Ձև N 2):

2. Ուժը կորցրած ճանաչել Հայաստանի Հանրապետության կառավարությանն առընթեր հարկային պետական ծառայության 2007 թվականի դեկտեմբերի 17-ի «Հարկ վճարողի այլ հարկային պարտավորությունների դիմաց հաշվանցման և (կամ) վերադարձման ենթակա գումարների հաշվանցման կամ վերադարձման համար նախատեսված եզրակացությունների և ամփոփ տեղեկանքների ձևերը հաստատելու մասին» N 16-Ն հրամանը:

3. Սույն հրամանն ուժի մեջ է մտնում 2012 թվականի հոկտեմբերի 1-ից և տարածվում է 2012 թվականի հոկտեմբերի 1-ից հետո առաջացող գերավճարների (այդ թվում` անուղղակի հարկերի) կամ գերավճարից տարբերվող գումարների (բացառությամբ` անուղղակի հարկերի) հաշվին առանց վճարողի դիմումի կատարվող հաշվանցումներին, ինչպես նաև վճարողների կողմից 2012 թվականի հոկտեմբերի 1-ից հետո ներկայացված դիմումներով գերավճարների և գերավճարներից տարբերվող գումարների հաշվին կատարվող հաշվանցումներին և (կամ) վերադարձներին:

ՎՃԱՐՈՂԻ ԱՅԼ ՊԱՐՏԱՎՈՐՈՒԹՅՈՒՆՆԵՐԻ ԴԻՄԱՑ ՀԱՇՎԱՆՑՄԱՆ ԵՎ (ԿԱՄ) ՎԵՐԱԴԱՐՁՄԱՆ ԵՆԹԱԿԱ ԳՈՒՄԱՐՆԵՐԻ ՀԱՇՎԱՆՑՄԱՆ ԿԱՄ ՎԵՐԱԴԱՐՁՄԱՆ ՀԱՄԱՐ ՆԱԽԱՏԵՍՎԱԾ ԴԻՄՈՒՄԻ, ԵԶՐԱԿԱՑՈՒԹՅԱՆ ԵՎ ԱՄՓՈՓ ՏԵՂԵԿԱՆՔԻ ՁԵՎԵՐ

1. Դիմում` վճարողի գերավճարների (այդ թվում` անուղղակի հարկերի) կամ գերավճարից տարբերվող գումարների (բացառությամբ` անուղղակի հարկերի) հաշվին նրա այլ պարտավորությունների դիմաց հաշվանցման և (կամ) վերադարձի համար (Ձև N ՀՎ1):

2. Եզրակացություն` վճարողի գերավճարների (այդ թվում` անուղղակի հարկերի) կամ գերավճարից տարբերվող գումարների (բացառությամբ` անուղղակի հարկերի) հաշվին նրա այլ պարտավորությունների դիմաց հաշվանցում և (կամ) վերադարձ կատարելու մասին (Ձև N ՀՎ2):

3. Ամփոփ տեղեկանք վճարողի գերավճարների (այդ թվում` անուղղակի հարկերի) կամ գերավճարից տարբերվող գումարների (բացառությամբ` անուղղակի հարկերի) հաշվին նրա այլ պարտավորությունների դիմաց կատարված հաշվանցումների և (կամ) վերադարձների մասին (Ձև N ՀՎ3):

Ձև N ՀՎ1

___________________________________

(տարածքային) հարկային տեսչություն

Վճարողի գերավճարների (այդ թվում` անուղղակի հարկերի) կամ գերավճարից տարբերվող գումարների (բացառությամբ` անուղղակի հարկերի) հաշվին նրա այլ պարտավորությունների դիմաց հաշվանցման և (կամ) վերադարձի համար

1. Խնդրում եմ կատարել դրամով նշված գումարների հաշվանցում անձնական հաշվի քարտերից հետևյալ անձնական հաշվի քարտեր`

2. Խնդրում եմ գերավճարի կամ գերավճարից տարբերվող գումարի մնացորդից վերադարձնել դրամով նշված գումարները`

ԵԶՐԱԿԱՑՈՒԹՅՈՒՆ N _______________________

Վճարողի գերավճարների (այդ թվում` անուղղակի հարկերի) կամ գերավճարից տարբերվող գումարների (բացառությամբ` անուղղակի հարկերի) հաշվին նրա այլ պարտավորությունների դիմաց հաշվանցում և (կամ) վերադարձ կատարելու մասին

Վճարողի ___ ______________ 20__ թ. ներկայացված դիմումի համաձայն`

1. ինչպես նաև առանց վճարողի դիմումի, կամերալ ուսումնասիրությամբ (կամ առանց ուսումնասիրության) վճարողի անձնական հաշվի քարտերից հետևյալ անձնական հաշվի քարտեր կատարվող հաշվանցումներ`

2. վճարողի գերավճարի կամ գերավճարից տարբերվող գումարի մնացորդից ենթակա է վերադարձման (հարկային և պարտադիր սոցիալական ապահովության վճարների պարտավորությունները մարված են)`

Վճարողին վերադարձման ենթակա գումարն արձանագրվել է առանց ուսումնասիրության, կամերալ ուսումնասիրությամբ, հարկային հաշվանցումների և (կամ) վերադարձի ուսումնասիրությամբ, պետական բյուջեի հետ փոխհարաբերությունների ճշտության կամ հարկային հաշվանցումների և (կամ) վերադարձի ստուգմամբ` իրականացված ______ _____________ 20 թ. N _______________ հանձնարարագրով (անհրաժեշտն ընդգծել և լրացնել):

1. Հայաստանի Հանրապետության կառավարությանն առընթեր պետական եկամուտների կոմիտեն ամփոփելով 20 __ թ.____________ -ի -ից մինչև 20__ թ. __________ -ի ___-ը հարկային մարմիններից ստացված եզրակացությունները, տեղեկացնում է, որ պետական բյուջեի հետևյալ հաշիվներից ստորև նշված գումարները ենթակա են հաշվանցման պետական բյուջեի հետևյալ հաշիվներին.

2. Հայաստանի Հանրապետության կառավարությանն առընթեր պետական եկամուտների կոմիտեն ամփոփելով 20__ թ. ___________ -ի ____ -ից մինչև 20__ թ. ____________-ի ___-ը հարկային մարմիններից ստացված եզրակացությունները, տեղեկացնում է, որ պետական բյուջեի հետևյալ հաշիվներից ստորև նշված գումարները ենթակա են վերադարձման հարկ վճարողների հետևյալ հաշվարկային հաշիվներին.