«Գրանցված է»

ՀՀ արդարադատության

նախարարության կողմից

22 հուլիսի 2009 թ.

Պետական գրանցման թիվ 11809248

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՖԻՆԱՆՍՆԵՐԻ ՆԱԽԱՐԱՐ

Հ Ր Ա Մ Ա Ն

«ՖԻՆԱՆՍԱԿԱՆ ՀԱՄԱՀԱՐԹԵՑՄԱՆ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՈՎ ՍԱՀՄԱՆՎԱԾ ԿԱՐԳՈՎ ՖԻՆԱՆՍԱԿԱՆ ՀԱՄԱՀԱՐԹԵՑՄԱՆ ԴՈՏԱՑԻԱՆԵՐԻ 2010 ԹՎԱԿԱՆԻ ԳՈՒՄԱՐՆԵՐԻ ՀԱՇՎԱՐԿՆԵՐՈՒՄ ՕԳՏԱԳՈՐԾՎՈՂ ՀՈՂԻ ՀԱՐԿԻ ԵՎ ԳՈՒՅՔԱՀԱՐԿԻ ԳԾՈՎ 2008 ԹՎԱԿԱՆԻ ՀԱՇՎԱՐԿԱՅԻՆ ՑՈՒՑԱՆԻՇՆԵՐԻ ՏՐԱՄԱԴՐՄԱՆ ՁԵՎԵՐԸ ԼՐԱՑՆԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՖԻՆԱՆՍՆԵՐԻ ՆԱԽԱՐԱՐՈՒԹՅՈՒՆ ՆԵՐԿԱՅԱՑՆԵԼՈՒ ԿԱՐԳԸ ՀԱՍՏԱՏԵԼՈՒ ՄԱՍԻՆ

Հիմք ընդունելով «Հայաստանի Հանրապետության բյուջետային համակարգի մասին» Հայաստանի Հանրապետության օրենքի 21-րդ հոդվածի 3-րդ մասը և ղեկավարվելով Հայաստանի Հանրապետության վարչապետի 2008 թվականի դեկտեմբերի 17-ի N 1033-Ն որոշմամբ հաստատված ժամանակացույցի 13.1, 13.3, 14-րդ և 34-րդ կետերով, ինչպես նաև Հայաստանի Հանրապետության կառավարության 2008 թվականի մայիսի 15-ի N 503-Ն որոշմամբ հաստատված Հայաստանի Հանրապետության ֆինանսների նախարարության կանոնադրության 8-րդ կետի 3-րդ ենթակետով

Հրամայում եմ՝

Հաստատել «Ֆինանսական համահարթեցման մասին» Հայաստանի Հանրապետության օրենքով սահմանված կարգով ֆինանսական համահարթեցման դոտացիաների 2010 թվականի գումարների հաշվարկներում օգտագործվող հողի հարկի և գույքահարկի գծով 2008 թվականի հաշվարկային ցուցանիշների տրամադրման ձևերը լրացնելու և Հայաստանի Հանրապետության ֆինանսների նախարարություն ներկայացնելու կարգը համաձայն հավելվածի:

Կ Ա Ր Գ

«Ֆինանսական համահարթեցման մասին» ՀՀ օրենքով սահմանված կարգով ֆինանսական համահարթեցման դոտացիաների 2010 թվականի գումարների հաշվարկներում օգտագործվող հողի հարկի ԵՎ գույքահարկի գծով 2008 թվականի հաշվարկային ցուցանիշների տրամադրման ձԵՎերը լրացնելու ԵՎ Հայաստանի Հանրապետության ֆինանսների նախարարություն ներկայացնելու

1. Սույն կարգի նպատակն է կանոնակարգել «Ֆինանսական համահարթեցման մասին» ՀՀ օրենքով սահմանված կարգով ֆինանսական համահարթեցման դոտացիաների 2010 թվականի գումարների հաշվարկներում օգտագործվող հողի հարկի և գույքահարկի գծով 2008 թվականի հաշվարկային ցուցանիշների (այսուհետև` ելակետային տվյալներ) տրամադրման ձևերը լրացնելու և Հայաստանի Հանրապետության ֆինանսների նախարարություն (այսուհետև` լիազորված մարմին) ներկայացնելու գործընթացը:

2. ՀՀ կառավարությանն առընթեր պետական եկամուտների կոմիտեն իր կողմից հաշվառվող 2008 թվականի հողի հարկի գծով ելակետային տվյալները մինչև 2009 թվականի օգոստոսի 11-ը լիազորված մարմին է ներկայացնում սույն կարգի N 2 հավելվածում բերված N 1-ՀՀ-ամփոփ ձևով:

3. Տեղական ինքնակառավարման մարմինները իրենց կողմից հաշվառվող 2008 թվականի գույքահարկի գծով ելակետային տվյալները ՀՀ տարածքային կառավարման նախարարության կողմից սահմանված ժամկետում իրենց մարզի մարզպետարանին են տրամադրում սույն կարգի N 3 հավելվածում բերված N 2-ԳՀ ձևով:

4. Տեղական ինքնակառավարման մարմինները 2008 թվականի հողի հարկի գծով ելակետային տվյալները ՀՀ տարածքային կառավարման նախարարության կողմից սահմանված ժամկետում իրենց մարզի մարզպետարան են տրամադրում սույն կարգի N 4 հավելվածում բերված N 2-ՀՀ ձևով, բացառությամբ սույն կարգի N 5 հավելվածում նշված` 2009 թվականի հունիսի 1-ի դրությամբ հողի հարկ վճարողների հաշվառող մարմին չհանդիսացող համայնքների, որոնց մասով ելակետային տվյալները սույն կարգի 2-րդ կետում նշված ժամկետներում լիազորված մարմին է ներկայացնում ՀՀ կառավարությանն առընթեր պետական եկամուտների կոմիտեն:

5. Սույն կարգի իմաստով ելակետային տվյալ է համարվում նաև դրանք հաշվառող մարմինների կողմից սույն կարգին համապատասխան տրամադրված տեղեկատվությունն այն մասին, որ իրենց կողմից այդ հարկերի գծով հաշվառման ենթակա որևէ տվյալ առկա չէ:

6. Մարզպետարաններն ուսումնասիրում են տեղական ինքնակառավարման մարմիններից ստացված ելակետային տվյալների համապատասխանությունը սույն կարգով սահմանած ներկայացման ձևերին և լրացնելու կարգին: Եթե ուսումնասիրության արդյունքում մարզպետարանը որևէ համայնքի գծով հայտնաբերում է անհամապատասխանություն, ապա այդ մասին նա անհապաղ պաշտոնապես տեղեկացնում է տվյալ համայնքի ղեկավարին:

7. Եթե մարզպետարանի հայտնաբերած խախտումը տվյալ տեղական ինքնակառավարման մարմինը մինչև ՀՀ տարածքային կառավարման նախարարության կողմից սույն կարգի 8-րդ կետի համաձայն սահմանված ժամկետի ավարտը չի վերացնում, ապա այդ ժամկետը լրանալուց հետո երեք օրվա ընթացքում մարզպետարանը տվյալ տեղական ինքնակառավարման մարմնից ստացված ելակետային տվյալները վերադարձնում է վերջինիս` նշելով վերադարձման հիմքը:

8. Մարզպետարաններն ամփոփում են իրենց մարզի տարածքի համայնքների տեղական ինքնակառավարման մարմինների կողմից տրամադրված ելակետային տվյալները և սույն կարգի N 1 և N 2 հավելվածներում բերված համապատասխանաբար` N 1-ԳՀ-ամփոփ և N 1-ՀՀ-ամփոփ ձևերով ներկայացնում ՀՀ տարածքային կառավարման նախարարություն` վերջինիս կողմից սահմանված ժամկետում:

9. ՀՀ տարածքային կառավարման նախարարությունը մարզպետարաններից ստացված տեղական ինքնակառավարման մարմինների կողմից հաշվառվող ելակետային տվյալների գծով սույն կարգի 8-րդ կետում նշված ամփոփ ձևերը լիազորված մարմին ներկայացնում է մինչև 2009 թվականի օգոստոսի 22-ը:

10. Սույն կարգով և ժամկետներում մարզպետարաններին ելակետային տվյալներ տրամադրած տեղական ինքնակառավարման մարմինները կարող են ճշգրտել դրանք: Տեղական ինքնակառավարման մարմինների կողմից ճշգրտված ելակետային տվյալների մարզպետարաններում ստացման, ինչպես նաև մարզպետարանների կողմից կազմված ճշգրտված ելակետային տվյալների գծով ամփոփ ձևերը (որոնցում արտացոլվում են միայն ըստ առանձին համայնքների ճշգրտված ելակետային տվյալները) ՀՀ տարածքային կառավարման նախարարությունում ստացման ժամկետները սահմանում է ՀՀ տարածքային կառավարման նախարարությունը:

11. Ելակետային տվյալները հաշվառող մարմնի կողմից սույն կարգին համապատասխան տրամադրված ելակետային տվյալները կարող է փոփոխել միայն այդ մարմինը (այսինքն` համապատասխան տեղական ինքնակառավարման մարմինները և ՀՀ կառավարությանն առընթեր պետական եկամուտների կոմիտեն)։

12. Ճշգրտված ելակետային տվյալները ՀՀ տարածքային կառավարման նախարարության և ՀՀ կառավարությանն առընթեր պետական եկամուտների կոմիտեի կողմից լիազոր մարմին են ներկայացվում սույն կարգի 2-8-րդ կետերով նախատեսված ընթացակարգով մինչև 2009 թվականի սեպտեմբերի 1-ը:

13. Սույն կարգի N 2 և N 4 հավելվածներում բերված N 1-ՀՀ-ամփոփ և N 2-ՀՀ ձևերի 1-ին և 2-րդ սյունակներում լրացվում են յուրաքանչյուր համայնքի գծով ՀՀ օրենսդրությամբ սահմանված կարգով հաշվարկված` այդ համայնքի բյուջե 2008 թվականի համար հաշվարկված հողի հարկի տարեկան գումարները (առանց հողի հարկի գծով 2008 թվականի հունվարի 1-ի դրությամբ առկա չմարված ապառքների, տույժերի և տուգանքների, 2008 թվականին հաշվարկված տույժերի և տուգանքների գումարների, ինչպես նաև օրենքով (կազմակերպությունների և ֆիզիկական անձանց համար) սահմանված հողի հարկի արտոնությունների տարեկան գումարների):

14. Սույն կարգի N 1 և N 3 հավելվածներում բերված N 1-ԳՀ-ամփոփ և N 2-ԳՀ ձևերի`

ա) 1-ին և 2-րդ սյունակներում լրացվում են յուրաքանչյուր համայնքի գծով ՀՀ օրենսդրությամբ սահմանված կարգով հաշվարկված` այդ համայնքի բյուջե 2008 թվականին վճարման ենթակա գույքահարկի տարեկան գումարները (առանց հողի հարկի գծով 2008 թվականի հունվարի 1-ի դրությամբ առկա չմարված ապառքների, տույժերի և տուգանքների, 2008 թվականին հաշվարկված տույժերի և տուգանքների գումարների, ինչպես նաև օրենքով և համայնքի ավագանու կողմից կազմակերպությունների և ֆիզիկական անձանց համար սահմանված գույքահարկի արտոնությունների տարեկան գումարների).

բ) 3-րդ և 4-րդ սյունակներում լրացվում են համապատասխանաբար` համայնքի ավագանու կողմից կազմակերպությունների համար սահմանված գույքահարկի արտոնությունների և համայնքի ավագանու կողմից ֆիզիկական անձանց համար սահմանված գույքահարկի արտոնությունների տարեկան գումարները:

ՀԱՎԵԼՎԱԾ N 1

Ձև N 1-ԳՀ-ամփոփ

Տ Ե Ղ Ե Կ Ա Ն Ք

Հայաստանի Հանրապետության 2010 թվականի պետական բյուջեից ՀՀ համայնքների բյուջեներին «Ֆինանսական համահարթեցման մասին» ՀՀ օրենքով սահմանված կարգով ֆինանսական համահարթեցման դոտացիաների գումարների հաշվարկներում օգտագործվող գույքահարկի գծով 2008 թվականի ելակետային տվյալների մասին

ՀԱՎԵԼՎԱԾ N 2

Ձև N 1-ՀՀ-ամփոփ

Տ Ե Ղ Ե Կ Ա Ն Ք

Հայաստանի Հանրապետության 2010 թվականի պետական բյուջեից ՀՀ համայնքների բյուջեներին «Ֆինանսական համահարթեցման մասին» ՀՀ օրենքով սահմանված կարգով ֆինանսական համահարթեցման դոտացիաների գումարների հաշվարկներում օգտագործվող հողի հարկի գծով 2008 թվականի ելակետային տվյալների մասին

ՀԱՎԵԼՎԱԾ N 3

Ձև N 2-ԳՀ

Տ Ե Ղ Ե Կ Ա Ն Ք

Հայաստանի Հանրապետության 2010 թվականի պետական բյուջեից ՀՀ համայնքների բյուջեներին «Ֆինանսական համահարթեցման մասին» ՀՀ օրենքով սահմանված կարգով ֆինանսական համահարթեցման դոտացիաների գումարների հաշվարկներում օգտագործվող գույքահարկի գծով 2008 թվականի ելակետային տվյալների մասին

«___» _____________ 2009 թ.

ՀԱՎԵԼՎԱԾ N 4

Ձև N 2-ՀՀ

Տ Ե Ղ Ե Կ Ա Ն Ք

Հայաստանի Հանրապետության 2010 թվականի պետական բյուջեից ՀՀ համայնքների բյուջեներին «Ֆինանսական համահարթեցման մասին» ՀՀ օրենքով սահմանված կարգով ֆինանսական համահարթեցման դոտացիաների գումարների հաշվարկներում օգտագործվող հողի հարկի գծով 2008 թվականի ելակետային տվյալների մասին

«___» _____________ 2009 թ.

2009 թ. հունիսի 1-ի դրությամբ հողի հարկ վճարողներին հաշվառող մարմին չհանդիսացող համայնքների ցանկը
(վերնագիրը խմբ. 10.08.09 N 732-Ն)

(հավելվածը խմբ. 10.08.09 N 732-Ն)