ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

Ո Ր Ո Շ ՈՒ Մ

    ԿՈԴ

050.0166 Ն. 22.09.23

22 սեպտեմբերի 2023 թվականի

թիվ 166-Ն

Նպատակ ունենալով նախատեսել կարգավորումներ, որոնք ուղղված են կանխարգելելու հանցագործությունների համար դատվածություն ունեցող անձանց մուտքը ֆինանսական կազմակերպություններ,

հիմք ընդունելով «Գրավատների և գրավատնային գործունեության մասին» օրենքի 15-րդ հոդվածի 1-ին մասի «բ․1» ենթակետը,

ղեկավարվելով «Հայաստանի Հանրապետության կենտրոնական բանկի մասին» օրենքի 2-րդ հոդվածի 3-րդ մասով և 20-րդ հոդվածի «ե» կետով, «Նորմատիվ իրավական ակտերի մասին» օրենքի 33-րդ և 34-րդ հոդվածներով՝ Հայաստանի Հանրապետության կենտրոնական բանկի խորհուրդը

1. Հայաստանի Հանրապետության կենտրոնական բանկի խորհրդի 2017 թվականի փետրվարի 3-ի ««Հայաստանի Հանրապետությունում գրավատնային գործունեության լիցենզավորման կարգը» և «Գրավատնային գործունեության լիցենզիայի ձևը» հաստատելու և Հայաստանի Հանրապետության կենտրոնական բանկի խորհրդի 2006 թվականի դեկտեմբերի 19-ի թիվ 738-Ն որոշումն ուժը կորցրած ճանաչելու մասին» թիվ 32-Ն որոշմամբ հաստատված «Հայաստանի Հանրապետությունում գրավատնային գործունեության լիցենզավորման կարգում» (այսուհետ՝ Կարգ) կատարել հետևյալ լրացումները․

1) Կարգը 1-ին կետից հետո լրացնել հետևյալ բովանդակությամբ 1.1 կետով.

«1.1 Սույն Կարգը սահմանում է 10 և ավելի տոկոս ձայնի իրավունք տվող մասնակցություն ունեցող մասնակիցների և ղեկավարի (տնօրենի) դատվածության վերաբերյալ տեղեկության ներկայացման պահանջներ:»:

2) Կարգը 2-րդ կետի 10-րդ ենթակետից հետո լրացնել հետևյալ բովանդակությամբ 11-րդ ենթակետով.

«11) Հաշվետվություն` 10 և ավելի տոկոս ձայնի իրավունք տվող մասնակցություն ունեցող մասնակիցների և ղեկավարի (տնօրենի) վերաբերյալ` համաձայն սույն կարգի Հավելված 7-ի։»։

3) Կարգը 9-րդ կետից հետո լրացնել հետևյալ բովանդակությամբ 9.1-րդ կետով.

«9.1. Գրավատունը Հավելված 7-ով սահմանված տեղեկության փոփոխության դեպքում Կենտրոնական բանկ է ներկայացնում համապատասխան փոփոխության մասին տեղեկանալուց հետո 3 աշխատանքային օրվա ընթացքում:»:

4) Կարգը 5-րդ գլխից հետո լրացնել հետևյալ բովանդակությամբ 6-րդ գլխով.

«ԳԼՈՒԽ 6. ԱՆՑՈՒՄԱՅԻՆ ԴՐՈՒՅԹՆԵՐ

25. Մինչև 2023թ․-ի դեկտեմբերի 31-ը գրավատները պարտավոր են 10 և ավելի տոկոս ձայնի իրավունք տվող մասնակցություն ունեցող մասնակիցների և ղեկավարի (տնօրենի) դատվածություն ունենալու կամ չունենալու վերաբերյալ Կենտրոնական բանկ ներկայացնել հաշվետվություն` համաձայն սույն կանոնակարգի հավելված 7-ի։ Ընդ որում, դատվածությունը պետք է առաջացած լինի 2019 թվականի հուլիսի 27-ից հետո ընկած ժամանակահատվածում։»:

5) Կարգը լրացնել Հավելված 7-ով՝ համաձայն սույն որոշման Հավելված 1-ի:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հայաստանի Հանրապետության կենտրոնական բանկի նախագահ	Մ. Գալստյան
Երևան

Հավելված 1 Հայաստանի Հանրապետության  կենտրոնական բանկի խորհրդի 2023 թվականի սեպտեմբերի 22-ի թիվ 166-Ն որոշման

Հավելված 7 Հայաստանի Հանրապետության կենտրոնական բանկի խորհրդի 2017 թվականի փետրվարի 3-ի թիվ 32-Ն որոշմամբ հաստատված «Հայաստանի Հանրապետությունում գրավատնային գործունեության լիցենզավորման կարգի»

Հայտատուի/գրավատան անվանումը ___________________

1. 10 և ավելի տոկոս ձայնի իրավունք ունեցող անձինք
Անվանումը (Անուն, ազգանուն)	ՀՎՀՀ (անձնագրի տվյալներ)	ՀԾՀ	Գործունեության վայրը (բնակության վայրը)	Մասնակցու թյան չափը	Արդյո՞ք անձն ունի դատվածություն դիտավորությամբ կատարված հանցագործությունների համար, եթե «այո»՝ ներկայացնել մանրամասներ, այդ թվում դատվածությունը օրենքով սահմանված կարգով հանված կամ մարված լինելու վերաբերյալ)
2. Գրավատան ղեկավարի (տնօրենի) վերաբերյալ տեղեկություն
Անուն ազգանուն	Անձնագրի տվյալներ	ՀԾՀ	Բնակության վայրը		Արդյո՞ք անձն ունի դատվածություն դիտավորությամբ կատարված հանցագործությունների համար, եթե «այո»՝ ներկայացնել մանրամասներ, այդ թվում դատվածությունը օրենքով սահմանված կարգով հանված կամ մարված լինելու վերաբերյալ)

Հավաստիացնում ենք, որ սույն փաստաթղթում ներկայացված տեղեկությունն արժանահավատ է և ամբողջական:

Տեղեկացված ենք և տեղեկացրել ենք սույն հաշվետվությունում ներկայացված անձանց առ այն, տեղեկության կեղծ ներկայացումը հանգեցնում է օրենքով սահմանված պատասխանատվության:

Տեղեկացնում ենք, որ ստացել ենք սույն հաշվետվությունում ներկայացված անձանց համաձայնությունն առ այն, որ՝

ա. սույն տեղեկանքով ներկայացված տեղեկատվության իսկությունը ստուգելու նպատակով Կենտրոնական բանկը կարող է դիմել համապատասխան իրավասու մարմիններին՝ պահպանելով տեղեկատվության գաղտնիությունը,

բ. սույն տեղեկանքով ներկայացված տեղեկատվության փոփոխության դեպքում գրավատունը կտեղեկացվի այն տեղի ունենալուց հետո 10 աշխատանքային օրվա ընթացքում:

Պարտավորվում ենք սույն հաշվետվությամբ ներկայացված տեղեկության փոփոխության դեպքում այդ մասին հայտնի դառնալուց հետո 3 աշխատանքային օրվա ընթացքում տեղեկացնել Կենտրոնական բանկին։

Գրավատան ղեկավարի (տնօրենի) անունը, ազգանունը	___________________
Ամսաթիվ`	__________________
	օր/ամիս/տարի
Ստորագրություն`	______________

Պաշտոնական հրապարակման օրը՝ 5 հոկտեմբերի 2023 թվական: