ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
4 ապրիլի 2008 թվականի N 405-Ա
ԹԱԹՈՒԼ ԱՎԱՆՅԱՆԻՆ ԱՆՀԱՏՈՒՅՑ ՊԵՏԱԿԱՆ ՖԻՆԱՆՍԱԿԱՆ ԱՋԱԿՑՈՒԹՅՈՒՆ ՏՐԱՄԱԴՐԵԼՈՒ ՄԱՍԻՆ
Հիմք ընդունելով Հայաստանի Հանրապետության կառավարության 2005 թվականի հունիսի 9-ի «Անհատույց պետական ֆինանսական աջակցություն տրամադրելու մասին» N 947 որոշման 1-ին կետով հաստատված` զոհված (մահացած) կամ հաշմանդամ դարձած զինծառայողների (ազատամարտիկների) կարիքավոր ընտանիքներին բնակարանային հաշվառման վերցնելու և բնակարանային պայմանները բարելավելու նպատակով անհատույց պետական ֆինանսական աջակցություն տրամադրելու կարգի 5-րդ կետի երրորդ պարբերության պահանջները` Հայաստանի Հանրապետության կառավարությունը որոշում է.
1. Երևան քաղաքում երեք սենյականոց բնակարան ձեռք բերելու համար` 2-րդ խմբի հաշմանդամ Թաթուլ Արտուշի Ավանյանին տրամադրել 23.262.000 դրամ գումար:
2. Հայաստանի Հանրապետության պաշտպանության նախարարին` ապահովել Թ. Ավանյանին անհատույց պետական ֆինանսական աջակցության տրամադրումը` «Հայաստանի Հանրապետության 2008 թվականի պետական բյուջեի մասին» Հայաստանի Հանրապետության օրենքի N 1 հավելվածի բյուջետային ծախսերի գործառական դասակարգման 10 բաժնի 06 խմբի 01 դասի «02. Զոհված (մահացած) և առաջին, երկրորդ և երրորդ կարգի հաշմանդամ զինծառայողների անօթևան ընտանիքներին բնակարանով ապահովում և բնակարանային պայմանների բարելավում» ծրագրով նախատեսված գումարի շրջանակներում:
Հայաստանի Հանրապետության |
Տ. Սարգսյան |
|
![loading...](/static/img/loader.gif)