ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

27 սեպտեմբերի 2007 թվականի N 1130-Ն

ԻՐԱՆ-ՀԱՅԱՍՏԱՆ ԳԱԶԱՄՈՒՂԻ ՔԱՋԱՐԱՆ-ԱՐԱՐԱՏ ՀԱՏՎԱԾԻ ԾՐԱԳԾԻ ՄԱՍԻՆ

Իրան-Հայաստան գազամուղի Քաջարան-Արարատ հատվածի շինարարական աշխատանքներն իրականացնելու նպատակով Հայաստանի Հանրապետության կառավարությունը որոշում է.

1. Հաստատել Իրան-Հայաստան գազամուղի Քաջարան-Արարատ հատվածի և դրա անվտանգության գոտիների ծրագիծը` 197,4 կիլոմետր երկարությամբ և 987 հեկտար ընդհանուր մակերեսով` համաձայն հավելվածի:

2. Հայաստանի Հանրապետության էներգետիկայի նախարարին, Հայաստանի Հանրապետության բնապահպանության նախարարին, Հայաստանի Հանրապետության գյուղատնտեսության նախարարին, Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի նախագահին և Հայաստանի Հանրապետության Սյունիքի, Վայոց ձորի ու Արարատի մարզպետներին`

1) երկամսյա ժամկետում Քաջարանի, Ջերմուկի, Եղեգնաձորի քաղաքային համայնքների և Փայահանի, Շենաթափի, Գեղիի, Լեռնաձորի, Որոտանի, Լորի, Գետաթաղի, Դարբասի, Հերհերի, Կարմրաշենի, Մալիշկայի, Գլաձորի, Վերնաշենի, Գետափի, Աղավնաձորի, Ռինդի, Չիվայի, Ելփինի, Զանգակատան, Վարդաշատի, Ուրցալանջի, Լանջառի, Լուսաշողի, Լանջանիստի, Շաղափի, Նորավանի, Շաքիի, Սպանդարյանի, Անգեղակոթի, Սառնակունքի, Ծղուկի, Գորայքի, Ուրցաձորի և Գոռավանի գյուղական համայնքների ղեկավարների հետ համատեղ ուսումնասիրել և սահմանված կարգով Հայաստանի Հանրապետության կառավարություն ներկայացնել առաջարկություններ նշված տարածքներում գտնվող հողերի (այդ թվում` անտառային ֆոնդի հողերի) կատեգորիաների անհրաժեշտ փոփոխություն կատարելու, գազամուղի սահմանափակումների գոտիները և այդ գոտիներում հողօգտագործման նկատմամբ սահմանափակումները սահմանելու, ինչպես նաև այլ անձանց սեփականությունը հանդիսացող հողամասերի դիմաց փոխհատուցում կատարելու վերաբերյալ.

2) ելնելով բնապահպանական խնդիրներից` անհրաժեշտության դեպքում` սահմանված կարգով Հայաստանի Հանրապետության կառավարություն ներկայացնել առաջարկություն գազամուղի ծրագծում փոփոխություն կատարելու վերաբերյալ.

3) Իրան-Հայաստան գազամուղի Քաջարան-Արարատ հատվածի շինարարության ժամկետները չխախտելու նպատակով «ՀայՌուսգազարդ» փակ բաժնետիրական ընկերությանը, որպես պատվիրատուի, առաջարկել կապալառուների հետ կնքվելիք պայմանագրերով շինարարական և նախագծման աշխատանքներն իրականացնել զուգընթաց, ըստ փուլերի` ապահովելով նախագծերի բնապահպանական փորձաքննությունը:

4. Աշխատանքների ավարտը սահմանել մինչև 2009 թվականի հունվար ամիսը:

5. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Ծ Ր Ա Գ Ի Ծ

ՔԱՋԱՐԱՆ-ԱՐԱՐԱՏ ԳԱԶԱՏԱՐԻ D=720 ՄՄ (ՔԱՋԱՐԱՆ-ՍԻՍԻԱՆ, ԱՆԳԵՂԱԿՈԹ-ՋԵՐՄՈՒԿ, ՋԵՐՄՈՒԿ-ԱՐԱՐԱՏ)