118.0263.05.08.98

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՖԻՆԱՆՍՆԵՐԻ ԵՎ ԷԿՈՆՈՄԻԿԱՅԻ ՆԱԽԱՐԱՐՈՒԹՅՈՒՆ

Հ Ր Ա Մ Ա Ն

«ԿԱԶՄԱԿԵՐՊՈՒԹՅՈՒՆՆԵՐԻ ՏԱՐԵԿԱՆ (ՄԻՋԱՆԿՅԱԼ) ՖԻՆԱՆՍԱԿԱՆ ՀԱՇՎԵՏՎՈՒԹՅՈՒՆՆԵՐԸ ԵՎ ԴՐԱՆՑ ԼՐԱՑՄԱՆ ՀՐԱՀԱՆԳԸ» ՀԱՍՏԱՏԵԼՈՒ ՄԱՍԻՆ

Ելնելով «Հաշվապահական հաշվառման մասին» օրենքի 21-րդ հոդվածի 2-րդ կետից և հիմք ընդունելով ՀՀ կառավարության 1998 թ. հուլիսի 24-ի թիվ 457 որոշումը, հրամայում եմ`

1. Հաստատել կազմակերպությունների տարեկան (միջանկյալ) ֆինանսական հաշվետվությունների ձևերը`

«Հաշվապահական հաշվեկշիռ» Ձև N 1

«Ֆինանսական արդյունքների մասին հաշվետվություն» Ձև N 2

«Սեփական կապիտալի որոշ հոդվածների շարժի մասին հաշվետվություն» Ձև N 3

«Դրամական միջոցների հոսքերի մասին հաշվետվություն» Ձև N 4

«Ֆինանսական հաշվետվություններին կից ծանոթագրություններ» Ձև N 5:

2. Հաստատել «Կազմակերպությունների տարեկան (միջանկյալ) ֆինանսական հաշվետվությունների ձևերի լրացման մասին» հրահանգը:

3. Սահմանել, որ ֆինանսական հաշվետվությունների ձևերը և դրանց լրացման մասին հրահանգը տարածվում է Հայաստանի Հանրապետությունում սահմանված կարգով պետական գրանցում ստացած ձեռնարկությունների, հիմնարկների և կազմակերպությունների, ինչպես նաև օտարերկրյա կազմակերպությունների մասնաճյուղերի և ներկայացուցչությունների (այսուհետ` կազմակերպությունների) վրա (բացի բանկերից, բյուջետային հիմնարկներից և այն կազմակերպություններից, որոնց համար օրենսդրությամբ սահմանված է ֆինանսական հաշվետվությունների այլ ձևեր):

4. Ուժը կորցրած ճանաչել`

ՀՀ ֆինանսների նախարարության 1996 թվականի օգոստոսի 2-ի թիվ 303 հրամանով հաստատված` «Հաշվեկշռային հաշվետվություն» Ձև N 1-ը, «Ֆինանսական հաշվետվություն» Ձև N 2-ը և դրանց լրացման հրահանգը,

ՀՀ ֆինանսների նախարարության 1996 թվականի դեկտեմբերի 11-ի թիվ 537 հրամանով հաստատված «Տարեկան հաշվապահական հաշվետվության բացատրագիր» Ձև N 4-ը և դրա լրացման հրահանգը,

ՀՀ ֆինանսների նախարարության 1997 թվականի հունվարի 21-ի թիվ 15 հրամանով հաստատված` իրավաբանական անձի կարգավիճակ չունեցող ձեռնարկությունների, կազմակերպությունների «Հաշվապահական հաշվեկշիռ» Ձև 1-Ա-ն, «Եկամուտների և ծախսերի մասին հաշվետվություն» Ձև 2-Ա-ն և դրանց լրացման հրահանգը:

5. Սույն հրամանով հաստատված ֆինանսական հաշվետվությունների ձևերը և դրանց լրացման մասին հրահանգը կիրառվում են 1998 թ-ի առաջին կիսամյակից հետո կազմվող ֆինանսական հաշվետվությունների համար:

Ձև N 1

Հ Ա Շ Վ Ա Պ Ա Հ Ա Կ Ա Ն  Հ Ա Շ Վ Ե Կ Շ Ի Ռ

առ 1 __________________ 199 _ թ.

                             - արժեքը* (01)

                             - մաշվածություն* (02)

                                                                        - արժեքը* (03)

                                                                        - մաշվածություն* (02)

                                   - արժեքը* (04)

                                   - ամորտիզացիա* (05)

                                                      - արժեքը* (12,15,16)

                                                      - մաշվածություն* (13)

1. ՀՀ օրենսդրությամբ նախատեսված դեպքերում հաշվապահական հաշվեկշիռը լրացնում են եռամսյակի, կիսամյակի և ինն ամսվա համար:

2. ՀՀ օրենսդրությամբ նախատեսված դեպքերում սույն սյունակում լրացնում են հաշվետու ժամանակաշրջանի վերջի տվյալները:

3. Աստղանիշով նշված հոդվածները չեն մտնում հաշվեկշռի հանրագումարի մեջ:

Ձև N 2

ՖԻՆԱՆՍԱԿԱՆ ԱՐԴՅՈՒՆՔՆԵՐԻ ՄԱՍԻՆ ՀԱՇՎԵՏՎՈՒԹՅՈՒՆ

________________________ 199 _ թ.

(հաշվետու ժամանակաշրջան)

1. ՀՀ օրենսդրությամբ նախատեսված դեպքերում ֆինանսական արդյունքների մասին հաշվետվությունը լրացնում են եռամսյակի, կիսամյակի և ինն ամսվա համար:

Ձև N 3

ՍԵՓԱԿԱՆ ԿԱՊԻՏԱԼԻ ՈՐՈՇ ՀՈԴՎԱԾՆԵՐԻ ՇԱՐԺԻ ՄԱՍԻՆ ՀԱՇՎԵՏՎՈՒԹՅՈՒՆ

________________________ 199 _ թ.

(հաշվետու ժամանակաշրջան)

Կանոնադրական կապիտալ

2. Պահուստային կապիտալ

3. Լրացուցիչ կապիտալ

4. Չբաշխված շահույթ

1. ՀՀ օրենսդրությամբ նախատեսված դեպքերում սեփական կապիտալի շարժի մասին հաշվետվությունը լրացնում են եռամսյակի, կիսամյակի և ինն ամսվա համար:

Ձև N 4

ԴՐԱՄԱԿԱՆ ՄԻՋՈՑՆԵՐԻ ՀՈՍՔԵՐԻ ՄԱՍԻՆ ՀԱՇՎԵՏՎՈՒԹՅՈՒՆ

________________________ 199 _ թ.

(հաշվետու ժամանակաշրջան)

1. ՀՀ օրենսդրությամբ նախատեսված դեպքերում դրամական միջոցների մասին հաշվետվությունը լրացնում են եռամսյակի, կիսամյակի և ինն ամսվա համար:

* Սույն տողերում արտացոլված գումարները չեն հանդիսանում դրամական հոսքեր:

Ձև N 5

ՖԻՆԱՆՍԱԿԱՆ ՀԱՇՎԵՏՎՈՒԹՅՈՒՆՆԵՐԻՆ ԿԻՑ ԾԱՆՈԹԱԳՐՈՒԹՅՈՒՆՆԵՐ

________________________ 199 _ թ.

(հաշվետու ժամանակաշրջան)

I. Հաշվապահական հաշվեկշռին կից ծանոթագրություններ

1. Հիմնական միջոցներ

2. Կապիտալ ներդրումներ եվ տեղակայման ենթակա սարքավորումներ

3. Ոչ նյութական ակտիվներ

4. Ֆինանսական ներդրումներ

4.1. Երկարաժամկետ ֆինանսական ներդրումներ

4.2. Կարճաժամկետ ֆինանսական ներդրումներ

5. Ապրանքանյութական պաշարներ

6. Դեբիտորական ԵՎ կրեդիտորական պարտքեր

7. Դեբիտորական պարտքերի հնարավոր կորուստների պահուստ

8. Փոխառու միջոցներ

8.1 Երկարաժամկետ փոխառու միջոցներ

8.2 Կարճաժամկետ փոխառու միջոցներ

 9. Հաշվարկներ բյուջեի հետ

10. Հաշվարկներ աշխատավարձի, սոցիալական ապահովագրության ԵՎ ապահովության գծով

11. Գալիք ժամանակաշրջանի ծախսերի ԵՎ վճարումների պահուստ

12. Արտահաշվեկշռային հաշիվներ

13. Զուտ ակտիվների հաշվարկ

II. Ֆինանսական արդյունքների մասին հաշվետվությանը կից ծանոթագրություններ

1. Իրացված արտադրանքի, աշխատանքների, ծառայությունների արտադրական ինքնարժեքը

* Տվյալ տողի գումարը աղյուսակի հանրագումարի մեջ չի մտնում

2. Գործառնական այլ գործունեության արդյունքը

3. Ինվեստիցիոն գործունեության արդյունքը

4. Ֆինանսական գործունեության արդյունքը

III. Հաշվապահական հաշվառման քաղաքականությունը

1.  .  .  .  .  .  .
2.  .  .  .  .  .  .
3.  .  .  .  .  .  .
4.  .  .  .  .  .  .
5.  .  .  .  .  .  .
    .  .  .  .  .  .
    .  .  .  .  .  .
    .  .  .  .  .  .

IV. Այլ բացահայտումներ

1.  .  .  .  .  .  .
2.  .  .  .  .  .  .
3.  .  .  .  .  .  .
4.  .  .  .  .  .  .
5.  .  .  .  .  .  .
    .  .  .  .  .  .
    .  .  .  .  .  .
    .  .  .  .  .  .

1. ՀՀ օրենսդրությամբ նախատեսված դեպքերում ֆինանսական հաշվետվություններին կից ծանոթագրությունները լրացնում են եռամսյակի, կիսամյակի և ինն ամսվա համար:

* Տվյալ տողերի գումարները աղյուսակների հանրագումարի մեջ չեն մտնում

Հ Ր Ա Հ Ա Ն Գ

ԿԱԶՄԱԿԵՐՊՈՒԹՅՈՒՆՆԵՐԻ ՏԱՐԵԿԱՆ (ՄԻՋԱՆԿՅԱԼ) ՖԻՆԱՆՍԱԿԱՆ ՀԱՇՎԵՏՎՈՒԹՅՈՒՆՆԵՐԻ ՁԵՎԵՐԻ ԼՐԱՑՄԱՆ ՄԱՍԻՆ

Սույն հրահանգը տարածվում է Հայաստանի Հանրապետությունում սահմանված կարգով պետական գրանցում ստացած ձեռնարկությունների, հիմնարկների և կազմակերպությունների, ինչպես նաև օտարերկրյա կազմակերպությունների մասնաճյուղերի և ներկայացուցչությունների (այսուհետ` կազմակերպություններ) վրա (բացի բանկերից, բյուջետային հիմնարկներից և այն կազմակերպություններից, որոնց համար օրենսդրությամբ սահմանված է ֆինանսական հաշվետվությունների այլ ձևեր):

Կազմակերպությունները կազմում են տարեկան ֆինանսական հաշվետվություններ, իսկ օրենսդրությամբ սահմանված դեպքերում միջանկյալ` եռամսյա, կիսամյա և իննամսյա հաշվետվություններ:

Կազմակերպության ֆինանսական հաշվետվությունները պետք է ներառեն նրա բոլոր կառուցվածքային ստորաբաժանումների, այդ թվում` Հայաստանի Հանրապետության սահմաններից դուրս գտնվող մասնաճյուղերի և ներկայացուցչությունների գործունեության ցուցանիշները:

Կազմակերպությունների համար հաշվետու տարի է համարվում հունվարի 1-ից մինչև տվյալ տարվա դեկտեմբերի 31-ը ներառյալ ընկած ժամանակաշրջանը:

Եթե հաշվետու տարվա ընթացքում կազմակերպությունը օրենսդրությամբ սահմանված դեպքերում ներկայացնում է միջանկյալ ֆինանսական հաշվետվություններ, ապա դրանք կազմվում են աճողական կարգով:

Նոր ստեղծված կազմակերպության համար առաջին հաշվետու տարի (եռամսյակ) է համարվում նրա պետական գրանցման օրվանից մինչև տվյալ տարվա (եռամսյակի) վերջին օրը ներառյալ ընկած ժամանակաշրջանը:

Լուծարվող կազմակերպությունը ներկայացնում է ֆինանսական հաշվետվություններ տարեսկզբից մինչև սահմանված կարգով լուծարման գործընթացի ավարտը ընկած ժամանակաշրջանի համար (ամփոփ լուծարային հաշվեկշիռ):

Ֆինանսական հաշվետվությունները կազմվում են վերլուծական (անալիտիկ) և սինթետիկ հաշվառման տվյալների հիման վրա:

Ներկայացվող ֆինանսական հաշվետվությունների առաջին էջում նշվում են հետևյալ վավերապայմանները.

ա) ֆինանսական հաշվետվության անվանումը

բ) հաշվետու ամսաթիվը կամ ժամանակաշրջանը, որի համար կազմված է ֆինանսական հաշվետվությունը

գ) կազմակերպության ֆիրմային անվանումը և իդենտիֆիկացիոն կոդը` ըստ կոդերի դասակարգչի

դ) գործունեության հիմնական տեսակը և կոդը` ըստ տնտեսական գործունեության բոլոր տեսակների ընդհանուր դասակարգչի

ե) կազմակերպա-իրավական տեսակը և կոդը` ըստ կազմակերպա-իրավական տեսակի

զ) տնտեսական կառավարման մարմինը և կոդը` ըստ տնտեսական կառավարման մարմնի

է) պետական ռեգիստրում գրանցման համարը

ը) հարկ վճարողի հաշվառման համարը

զ) թվային ցուցանիշի ներկայացման չափսը (ֆորմատը)

ե) իրավաբանական հասցեն և հեռախոսի համարը:

Սույն հրահանգին համապատասխան ներկայացվող ֆինանսական հաշվետվություններում տվյալները ցույց են տրվում հազար դրամներով` առանց ստորակետից հետո տասնորդական նիշի:

Ներկայացվող ֆինանսական հաշվետվությունների վերջին էջի համապատասխան մասում նշվում են կազմակերպության ղեկավարի և գլխավոր հաշվապահի (սահմանված կարգով նրանց փոխարինող անձանց) անունը և ազգանունը, որոնք ստորագրում են ֆինանսական հաշվետվությունները: Դրանք կնքվում են կազմակերպության կնիքով:

1. Հաշվապահական հաշվեկշիռ` ՁԵՎ N 1

Հաշվապահական հաշվեկշռի (այսուհետ` հաշվեկշիռ) 3-րդ սյունակում ցույց են տրվում տարեսկզբի մնացորդները, որոնք պետք է համապատասխանեն նախորդ տարվա հաշվեկշռի տարեվերջի մնացորդներին, իսկ 4-րդ սյունակում` տարեվերջի (միջանկյալ հաշվետվությունները կազմելիս` եռամսյակի, կիսամյակի, իննամսյակի) մնացորդները:

Հաշվեկշռի ակտիվների և պասիվների (սեփական կապիտալի և պարտավորությունների) հոդվածների միջև հաշվանցում չի թույլատրվում, բացառությամբ օրենսդրությամբ նախատեսված դեպքերի:

Հաշվեկշռի ակտիվի և պասիվի հանրագումարից նվազեցվող գումարները ցույց են տրվում փակագծերի մեջ:

Աստղանիշով նշված հոդվածները հաշվեկշռի հանրագումարի մեջ չեն մտնում:

Հաշվեկշռի ակտիվի հոդվածները

1.1 Հաշվեկշռի «Ոչ ընթացիկ ակտիվներ» I-ին բաժնի «Հիմնական միջոցներ» հոդվածում (տող 010) ցույց է տրվում ինչպես գործող, այնպես էլ կոնսերվացված կամ պահեստում գտնվող (բացի տեղակայման ենթակա սարքավորումներից) հիմնական միջոցների մնացորդային արժեքը (01 «Հիմնական միջոցներ» հաշվի և 02-1 «Սեփական հիմնական միջոցների մաշվածություն» ենթահաշվի տարբերությունը):

011 տողով` ցույց է տրվում այդ հիմնական միջոցների արժեքը առանց մաշվածության նվազեցման (01 «Հիմնական միջոցներ» հաշվի մնացորդը), իսկ 012 տողով` հիմնական միջոցների մաշվածության գումարը (02-1 «Սեփական հիմնական միջոցների մաշվածություն» ենթահաշվի մնացորդը), որոնք հաշվեկշռի հանրագումարի մեջ չեն մտնում:

1.2 «Երկարաժամկետ վարձակալված հիմնական միջոցներ» հոդվածում (տող 020) ցույց է տրվում կազմակերպության կողմից երկարաժամկետ վարձակալված հիմնական միջոցների մնացորդային արժեքը (03 «Երկարաժամկետ վարձակալված հիմնական միջոցներ» հաշվի և 02-2 «Երկարաժամկետ վարձակալված հիմնական միջոցների մաշվածություն» ենթահաշվի տարբերությունը):

021 տողով` ցույց է տրվում երկարաժամկետ վարձակալված հիմնական միջոցների արժեքը առանց մաշվածության նվազեցման (03 «Երկարաժամկետ վարձակալված հիմնական միջոցներ» հաշվի մնացորդը), իսկ 022 տողով` երկարաժամկետ վարձակալված հիմնական միջոցների մաշվածության գումարը (02-2 «Երկարաժամկետ վարձակալված հիմնական միջոցների մաշվածություն» ենթահաշվի մնացորդը), որոնք հաշվեկշռի հանրագումարի մեջ չեն մտնում:

1.3 «Տեղակայման ենթակա սարքավորումներ» հոդվածում (տող 030) ցույց է տրվում տեղակայման ենթակա առկա տեխնոլոգիական, էներգետիկ, արտադրական և այլ սարքավորումների (07 «Տեղակայման ենթակա սարքավորումներ» հաշվի մնացորդը) արժեքը:

1.4 «Կապիտալ ներդրումներ» հոդվածում (տող 040) ցույց է տրվում անավարտ շինարարության, հիմնական հոտի կազմավորման անավարտ ծախսերի, և կապիտալ այլ ներդրումների (08 «Կապիտալ ներդրումներ» հաշվի մնացորդը) արժեքը:

1.5 Հաշվեկշռի ակտիվի (50 տողում ցույց է տրվում I-ին բաժնի 1-ին ենթաբաժնի` տող 010, տող 020, տող 030 և տող 040-ի հանրագումարը:

1.6 «Ոչ նյութական ակտիվներ» ենթաբաժնում (տող 060) ցույց է տրվում կազմակերպության տնտեսական գործունեության մեջ օգտագործվող ոչ նյութական ակտիվների մնացորդային արժեքը (04 «Ոչ նյութական ակտիվներ» հաշվի և 05 «Ոչ նյութական ակտիվների ամորտիզացիա» հաշվի տարբերությունը):

061 տողով` ցույց է տրվում ոչ նյութական ակտիվների արժեքը առանց ամորտիզացիայի նվազեցման (04 «Ոչ նյութական ակտիվներ» հաշվի մնացորդը), իսկ 062 տողով` ոչ նյութական ակտիվների ամորտիզացիայի գումարը (05 «Ոչ նյութական ակտիվների ամորտիզացիա» հաշվի մնացորդը), որոնք հաշվեկշռի հանրագումարի մեջ չեն մտնում:

1.7 Հաշվեկշռի ակտիվի 070 տողում ցույց է տրվում 1-ին բաժնի 2-րդ ենթաբաժնի տող 060-ի գումարը:

1.8 «Երկարաժամկետ ֆինանսական ներդրումներ» հոդվածում (տող 080) ցույց է տրվում դուստր (կախյալ) և այլ կազմակերպությունների կանոնադրական կապիտալում (բաժնեմասերում և բաժնետոմսերում) ներդրած գումարների և այլ երկարաժամկետ ներդրումների մնացորդները` այն մասի չափով, որոնց մարման ժամկետները հաշվետու ժամանակաշրջանի վերջին օրվա դրությամբ գերազանցում են մեկ տարին (06 «Երկարաժամկետ ֆինանսական ներդրումներ» հաշվի մնացորդի համապատասխան մասը):

1.9 «Սպասվելիք մուտքեր վարձակալական պարտավորություններից» հոդվածում (տող 090) ցույց է տրվում վարձակալական պայմանագրի հիման վրա վարձատուի կողմից երկարաժամկետ վարձակալության տրված հիմնական միջոցների դիմաց ստացման ենթակա գումարները (09 «Սպասվելիք մուտքեր վարձակալական պարտավորություններից» հաշվի մնացորդը):

1.10 Հաշվեկշռի ակտիվի 100 տողում ցույց է տրվում 1-ին բաժնի 3-րդ ենթաբաժնի տող 080 և տող 090-ի հանրագումարը:

1.11 «Երկարաժամկետ դեբիտորական պարտքեր» ենթաբաժնում (տող 110) ցույց է տրվում հաշվապահական հաշվառման 61 «Հաշվարկներ տրված կանխավճարների գծով», 62 «Հաշվարկներ գնորդների և պատվիրատուների հետ», 76 «Հաշվարկներ տարբեր դեբիտորների և կրեդիտորների հետ», 78 «Հաշվարկներ դուստր (կախյալ) ձեռնարկությունների հետ» հաշիվների գծով առաջացած դեբիտորական պարտքերի հանրագումարը այն մասի չափով, որոնց վճարման (մարման) ժամկետները հաշվետու ժամանակաշրջանի վերջին օրվա դրությամբ գերազանցում են մեկ տարին:

Վերոհիշյալ հաշիվների մնացորդների այն մասը, որոնց վճարման ժամկետները հաշվետու ժամանակաշրջանի վերջին օրվա դրությամբ չեն գերազանցում մեկ տարին, ցույց է տրվում հաշվեկշռի ակտիվի «Ընթացիկ ակտիվներ» բաժնի 2-րդ` «Կարճաժամկետ դեբիտորական պարտքեր» ենթաբաժնի համապատասխան հոդվածներում:

1.12 «Ոչ ընթացիկ այլ ակտիվներ» ենթաբաժնում (տող 120) ցույց է տրվում հաշվեկշռի ակտիվի առաջին բաժնի 1, 2, 3, 4 ենթաբաժիններում չարտացոլված ոչ ընթացիկ այլ ակտիվների մնացորդների հանրագումարը:

1.13 Հաշվեկշռի ակտիվի 130 տողում ցույց է տրվում 1-ին բաժնի` 1 (տող 050), 2 (տող 070), 3 (տող 100), 4 (տող 110) և 5-րդ (տող 120) ենթաբաժինների հանրագումարը:

1.14 Հաշվեկշռի «Ընթացիկ ակտիվներ» II-րդ բաժնի «Նյութեր» հոդվածում (տող 140) ցույց է տրվում մուտքագրված և ճանապարհին գտնվող հումքի, նյութերի, վառելիքի, պահեստամասերի, տարայի և այլ նյութական արժեքների (10 «Նյութեր» հաշվի մնացորդը և 15 «Նյութերի մթերում և ձեռք բերում» հաշվի մնացորդի համապատասխան մասը) հանրագումարը:

Այն դեպքում, երբ կազմակերպությունը նյութերի հաշվառումը վարում է հաշվարկային գներով, ապա 16-1 «Շեղումներ նյութերի արժեքից» ենթահաշվի դեբետային մնացորդի համապատասխան մասը գումարվում է վերը նշված հանրագումարին, իսկ կրեդիտային մնացորդի համապատասխան մասը նվազեցվում է վերը նշված հանրագումարից:

1.15 «Աճեցվող և բտվող կենդանիներ» հոդվածում (տող 150) ցույց է տրվում մուտքագրված և ճանապարհին գտնվող մատղաշ և հասուն կենդանիների, գիրացվող կենդանիների, թռչունների, գազանների, մեղվաընտանիքների և այլնի, ինչպես նաև հիմնական հոտից խոտանված և բնակչությունից վաճառքի համար գնված կենդանիների (11 «Աճեցվող և բտվող կենդանիներ» հաշվի մնացորդը և 15 «Նյութերի մթերում և ձեռք բերում» հաշվի մնացորդի համապատասխան մասը) արժեքների հանրագումարը:

Այն դեպքում, երբ կազմակերպությունը աճեցվող և բտվող կենդանիների հաշվառումը վարում է հաշվարկային գներով, ապա 16-1 «Շեղումներ նյութերի արժեքից» ենթահաշվի դեբետային մնացորդի համապատասխան մասը գումարվում է վերը նշված հանրագումարին, իսկ կրեդիտային մնացորդի համապատասխան մասը նվազեցվում է վերը նշված հանրագումարից:

1.16 «Փոքրարժեք և արագամաշ առարկաներ» հոդվածում (տող 160) ցույց է տրվում մուտքագրված և ճանապարհին գտնվող փոքրարժեք և արագամաշ առարկաների մնացորդային արժեքը (12 «Փոքրարժեք և արագամաշ առարկաներ» հաշվի մնացորդի, 15 «Նյութերի մթերում և ձեռք բերում» հաշվի մնացորդի համապատասխան մասի հանրագումարի և 13 «Փոքրարժեք և արագամաշ առարկաների մաշվածություն» հաշվի մնացորդի համապատասխան մասի տարբերությունը):

Այն դեպքում, երբ կազմակերպությունը փոքրարժեք և արագամաշ առարկաների հաշվառումը վարում է հաշվարկային գներով, ապա 16-2 «Շեղումներ փոքրարժեք և արագամաշ առարկաների արժեքից» ենթահաշվի դեբետային մնացորդի համապատասխան մասը գումարվում է վերը նշված հանրագումարին, իսկ կրեդիտային մնացորդի համապատասխան մասը նվազեցվում է վերը նշված հանրագումարից:

161 տողով ցույց է տրվում փոքրարժեք և արագամաշ առարկաների արժեքը առանց մաշվածության նվազեցման (12 «Փոքրարժեք և արագամաշ առարկաներ» հաշվի մնացորդը), իսկ 162 տողով` փոքրարժեք և արագամաշ առարկաների մաշվածության գումարը (13 «Փոքրարժեք և արագամաշ առարկաների մաշվածություն» հաշվի մնացորդը), որոնք հաշվեկշռի հանրագումարի մեջ չեն մտնում:

1.17 «Անավարտ արտադրություն» հոդվածում (տող 170) ցույց է տրվում կազմակերպության հիմնական գործունեության արդյունք հանդիսացող արտադրանքի, աշխատանքների, ծառայությունների վրա կատարված անավարտ արտադրության, սեփական արտադրության կիսապատրաստուքների և հիմնական արտադրության համար օժանդակ համարվող անավարտ արտադրության (20 «Հիմնական արտադրություն», 21 «Սեփական արտադրության կիսապատրաստուքներ», 23 «Օժանդակ արտադրություն» հաշիվների մնացորդները) մնացորդների հանրագումարը:

1.18 «Այլ անավարտ արտադրություն» հոդվածում (տող 180) ցույց է տրվում կազմակերպության սպասարկող տնտեսությունների և ծառայությունների կողմից թողարկվող արտադրանքի, աշխատանքների, ծառայությունների վրա կատարված անավարտ արտադրության, ժամանակավոր տիտղոսացուցակային, ոչ տիտղոսացուցակային կառույցների և այլ ոչ կապիտալ աշխատանքների (29 «Սպասարկող արտադրություններ և տնտեսություններ», 30 «Ոչ կապիտալ աշխատանքներ» հաշիվների մնացորդը) մնացորդների հանրագումարը:

1.19 «Գալիք ժամանակաշրջանի ծախսեր» հոդվածում (տող 190) ցույց է տրվում այն ծախսերի մնացորդը, որոնք կատարվել են տվյալ հաշվետու ժամանակաշրջանում, բայց վերաբերվում են գալիք ժամանակաշրջանին (31 «Գալիք ժամանակաշրջանի ծախսեր» հաշվի մնացորդը):

1.20 «Անավարտ աշխատանքների կատարված փուլեր» հոդվածում (տող 200) ցույց է տրվում բազմափուլ, երկարաժամկետ բնույթի (շինարարական, գիտական, նախագծային և այլն) աշխատանքների ավարտված փուլերի արժեքի դուրս չգրված գումարը (36 «Անավարտ աշխատանքների կատարված փուլեր» հաշվի մնացորդը):

1.21 «Պատրաստի արտադրանք» հոդվածում (տող 210) ցույց է տրվում նյութական արտադրության ճյուղերի կազմակերպությունների սեփական արտադրանքը` փաստացի կամ նորմատիվային (պլանային) արտադրական ինքնարժեքով (40 «Պատրաստի արտադրանք» հաշվի մնացորդը):

1.22 «Ապրանքներ» հոդվածում (տող 220) ցույց է տրվում վաճառքի համար ձեռք բերված ապրանքները` ձեռք բերման արժեքով, ձեռք բերման կրճատ արժեքով կամ վաճառքի գներով (41 «Ապրանքներ» հաշվի մնացորդը): Ընդ որում, եթե այս հոդվածի մնացորդում ներառվում է վարձույթի առարկաների արժեքը (41-5 «Վարձույթի առարկաներ» ենթահաշվի մնացորդը), ապա այն «Ապրանքներ» հոդվածում ցույց է տրվում մնացորդային արժեքով:

1.23 «Առևտրային հավելագին» հոդվածում (տող 230) ցույց է տրվում ապրանքների առևտրային հավելագների (զեղչերի, հավելումների) մնացորդը, եթե ապրանքների հաշվառումը տարվում է վաճառքի գներով (42 «Առևտրային հավելագին» հաշվի մնացորդը): Այս հոդվածը (որպես նվազեցվող գումար) ցույց է տրվում փակագծերի մեջ:

1.24 «Շրջանառության ծախսեր» հոդվածում (տող 240) ցույց է տրվում մատակարարող, վաճառահանող, առևտրի, միջնորդ և այլ նմանատիպ կազմակերպությունների ապրանքների գնման, մինչև կազմակերպություն (կազմակերպության պահեստ) հասցնելու և պատշաճ վիճակի բերելու հետ կապված այն ծախսերի (44 «Շրջանառության ծախսեր» հաշվի) մնացորդը, որոնք չեն ներառվել ձեռք բերման արժեքի մեջ (որոնք չեն հաշվառվել 41 «Ապրանքներ» հաշվում):

1.25 «Առաքված ապրանքներ» հոդվածում (տող 250) ցույց է տրվում առաքված այն արտադրանքի, ապրանքների, աշխատանքների ու ծառայությունների փաստացի կամ նորմատիվային (պլանային) ինքնարժեքը, որոնց տիրապետման, տնօրինման, օգտագործման իրավունքի և պատահական կորստի ռիսկը գնորդին (պատվիրատուին) չի փոխանցվել (45 «Առաքված ապրանքներ» հաշվի մնացորդը):

1.26 Հաշվեկշռի ակտիվի 260 տողում ցույց է տրվում II-րդ բաժնի 1-ին ենթաբաժնի` տող 140, տող 150, տող 160, տող 170, տող 180, տող 190, տող 200, տող 210, տող 220, տող 230, տող 240 և տող 250-ի հանրագումարը:

1.27 «Հաշվարկներ տրված կանխավճարների գծով» հոդվածում (տող 270) ցույց է տրվում ապրանքանյութական արժեքների ստացման, աշխատանքների կատարման և ծառայությունների մատուցման համար տրված կանխավճարները (61 «Հաշվարկներ տրված կանխավճարների գծով» հաշվի մնացորդը):

1.28 «Հաշվարկներ գնորդների և պատվիրատուների հետ» հոդվածում (տող 280) ցույց է տրվում գնորդներին և պատվիրատուներին իրացված արտադրանքի, կատարված աշխատանքների, մատուցված ծառայությունների գծով առաջացած դեբիտորական պարտքերը (62 «Հաշվարկներ գնորդների և պատվիրատուների հետ» հաշվի մնացորդը):

1.29 «Դեբիտորական պարտքերի հնարավոր կորուստների պահուստ» հոդվածում (տող 290) ցույց է տրվում կազմակերպություններին և քաղաքացիներին առաքված արտադրանքի (ապրանքների), կատարված աշխատանքների և մատուցված ծառայությունների գծով ստեղծված դեբիտորական պարտքերի հնարավոր կորստի պահուստի մեծությունը (82 «Դեբիտորական պարտքերի հնարավոր կորուստների պահուստ» հաշվի մնացորդը): Այս հոդվածը (որպես նվազեցվող գումար) ցույց է տրվում փակագծերի մեջ:

1.30 «Հաշվարկներ բյուջեի հետ` հետաձգված հարկերի գծով» հոդվածում (տող 300) ցույց է տրվում բյուջեից կազմակերպությանը փոխհատուցման (հաշվանցման, պակասեցման) ենթակա այն հարկերի և պարտադիր վճարների մնացորդը, որի փոխհատուցման (հաշվանցման, պակասեցման) ժամկետն օրենսդրությամբ սահմանված կարգով հետաձգված է (66 «Հաշվարկներ բյուջեի հետ` հետաձգված հարկերի գծով» հաշվի դեբետային մնացորդը` բյուջեից փոխհատուցման ենթակա գումարի չափով):

1.31 «Հաշվարկներ բյուջեի հետ» հոդվածում (տող 310) ցույց է տրվում հասանելիքից ավելի բյուջե մուծված, ինչպես նաև կազմակերպությանը բյուջեից փոխհատուցման (հաշվանցման, պակասեցման) ենթակա այլ գումարները (68 «Հաշվարկներ բյուջեի հետ» հաշվի դեբետային մնացորդը` բյուջեից փոխհատուցման ենթակա գումարի չափով):

1.32 «Հաշվարկներ սոցիալական ապահովագրության և ապահովության գծով» հոդվածում (տող 320) ցույց է տրվում հասանելիքից ավելի կազմակերպության անձնակազմի համար սոցիալական ապահովագրության, կենսաթոշակային և զբաղվածության հիմնադրամին, բժշկական ապահովագրության գծով վճարված (փոխհատուցման ենթակա) գումարը (69 «Հաշվարկներ սոցիալական ապահովագրության և ապահովության գծով» հաշվի դեբետային մնացորդը):

1.33 «Հաշվարկներ անձնակազմի հետ» հոդվածում (տող 330) ցույց է տրվում կազմակերպության անձնակազմին հասանելիքից ավելի վճարված աշխատավարձի և այլ եկամուտների, ինչպես նաև անձնակազմի հետ այլ գործառնությունների` ապառիկ վաճառված ապրանքների, տրամադրված փոխառությունների, նյութական վնասի հատուցման գծով (70 «Հաշվարկներ անձնակազմի հետ եկամուտների վճարման գծով», 73 «Հաշվարկներ անձնակազմի հետ այլ գործառնությունների գծով» հաշիվների դեբետային մնացորդները) մնացորդների հանրագումարը:

1.34 «Հաշվարկներ հաշվետու անձանց հետ» հոդվածում (տող 340) ցույց է տրվում կազմակերպության աշխատողներին վարչատնտեսական, գործառնական ծախսերի, ինչպես նաև գործուղման համար առհաշիվ տրված գումարը (71 «Հաշվարկներ հաշվետու անձանց հետ» հաշվի դեբետային մնացորդը):

1.35 «Հաշվարկներ տարբեր դեբիտորների հետ» հոդվածում (տող 350) ցույց է տրվում դեբիտորների հետ տարաբնույթ գործառնությունների գծով հաշվարկների մնացորդը (76 «Հաշվարկներ տարբեր դեբիտորների և կրեդիտորների հետ» հաշվի դեբետային մնացորդը):

1.36 «Հաշվարկներ դուստր (կախյալ) ձեռնարկությունների հետ» հոդվածում (տող 360) ցույց է տրվում դուստր (կախյալ) ձեռնարկությունների հետ բոլոր տեսակի ընթացիկ հաշվարկների դեբետային մնացորդը (78 «Հաշվարկներ դուստր (կախյալ) ձեռնարկությունների հետ» հաշվի դեբետային մնացորդը):

1.37 «Պակասորդներ և արժեքների փչացումից կորուստներ» հոդվածում (տող 370) ցույց է տրվում հիմնական միջոցների, հումքի, նյութերի, դրամական միջոցների, ապրանքների և այլ արժեքների մթերման, պահպանման և իրացման պրոցեսում բացահայտված պակասորդների, հափշտակումների, փչացումներից կորուստների մեծությունը (84 «Պակասորդների և արժեքների փչացումից կորուստներ» հաշվի դեբետային մնացորդը):

1.38 «Այլ դեբիտորական պարտքեր» հոդվածում (տող 380) ցույց է տրվում տրվում II-րդ բաժնի 2-րդ ենթաբաժնում չարտացոլված այլ դեբիտորական պարտքերի (63 «Հաշվարկներ ըստ բողոքարկումների», 65 «Հաշվարկներ այլ ապահովագրության գծով», 67 «Հաշվարկներ արտաբյուջետային վճարումների գծով» և այլ հաշիվներ) մնացորդների հանրագումարը:

1.39 Հաշվեկշռի ակտիվի 390 տողում ցույց է տրվում II-րդ բաժնի 2-րդ ենթաբաժնի` տող 270, տող 280, տող 290, տող 300, տող 310, տող 320, տող 330, տող 340, տող 350, տող 360, տող 370 և տող 380-ի հանրագումարը:

1.40 «Կարճաժամկետ ֆինանսական ներդրումներ» ենթաբաժնում (տող 400) ցույց է տրվում այլ կազմակերպությունների արժեթղթերում (պարտատոմսեր, առևտրային արժեթղթեր, մուրհակներ, ավանդային սերտիֆիկատներ և այլն) ներդրումների, ինչպես նաև այլ կազմակերպություններին տրված փոխատվությունների գումարները, որոնք ներդրված (տրամադրված) են մինչև մեկ տարի ժամկետով (58 «Կարճաժամկետ ֆինանսական ներդրումներ» հաշվի մնացորդը):

Այս հոդվածում արտացոլվում է նաև երկարաժամկետ ֆինանսական ներդրումների այն մասը, որոնց մարման ժամկետները հաշվետու ժամանակաշրջանի վերջին օրվա դրությամբ չեն գերազանցում մեկ տարին (06 «Երկարաժամկետ ֆինանսական ներդրումներ» հաշվի համապատասխան մասը):

1.41 «Դրամարկղ» (տող 410), «Հաշվարկային հաշիվ» (տող 420), «Արտարժութային հաշիվ» (430) հոդվածներում ցույց են տրվում կազմակերպության դրամարկղներում, բանկերի հաշվարկային և արտարժութային հաշիվներում դրամական միջոցների մնացորդները (համապատասխանաբար 50 «Դրամարկղ», 51 «Հաշվարկային հաշիվ», 52 «Արտարժութային հաշիվ» հաշիվների մնացորդները):

1.42 «Հատուկ հաշիվներ բանկերում» հոդվածում (տող 440) ցույց է տրվում ակրեդիտիվներում, չեկային (վճարագիր) գրքույկներում, այլ վճարային փաստաթղթերում, ընթացիկ և այլ հատուկ հաշիվներում առկա դրամական միջոցների մնացորդը (55 «Հատուկ հաշիվներ բանկերում» հաշվի մնացորդը):

1.43 «Դրամական փաստաթղթեր» հոդվածում (տող 450) ցույց է տրվում կազմակերպության դրամարկղում առկա փոստային նամականիշների, պետական մաքսային նամականիշների, ավիատոմսերի և այլ դրամական փաստաթղթերի արժեքը (56 «Դրամական փաստաթղթեր» հաշվի մնացորդի համապատասխան մասը):

Ընդ որում հետ գնված սեփական բաժնետոմսերի (բաժնեմասերի) արժեքը այս հոդվածում ցույց չի տրվում (տես տող 520):

1.44 «Դրամական փոխանցումներ ճանապարհին» հոդվածում (տող 460) ցույց է տրվում ճանապարհին գտնվող Հայաստանի Հանրապետության արժույթով և արտարժույթով դրամական միջոցների մնացորդը, այսինքն կազմակերպության հաշվարկային կամ այլ հաշիվներ մուտքագրելու համար (սակայն դեռևս չմուտքագրված) բանկերի, փոստային բաժանմունքների դրամարկղների կամ խնայդրամարկղների անդորրագրերի գումարը (57 «Դրամական փոխանցումներ ճանապարհին» հաշվի մնացորդը):

1.45 Հաշվեկշռի ակտիվի 470 տողում ցույց է տրվում II-րդ բաժնի 4-րդ ենթաբաժնի` տող 410, տող 420, տող 430, տող 440, տող 450 և տող 460-ի հանրագումարը:

1.46 Հաշվեկշռի ակտիվի 480 տողում ցույց է տրվում II-րդ բաժնի` 1 (տող 260), 2 (տող 390), 3 (տող 400) և 4-րդ (տող 470) ենթաբաժինների հանրագումարը:

1.47 Հաշվեկշռի ակտիվի 490 տողում ցույց է տրվում I-ին (տող130) և II-րդ (տող 480) բաժինների հանրագումարը:

Հաշվեկշռի պասիվի հոդվածները

1.48 Հաշվեկշռի պասիվի «Սեփական կապիտալ» I-ին բաժնի «Կանոնադրական կապիտալ» հոդվածում (տող 500) ցույց է տրվում կազմակերպության կանոնադրական կապիտալի մեծությունը, որը պետք է համապատասխանի հիմնադիր փաստաթղթերում նշված գումարին (85 «Կանոնադրական կապիտալ» հաշվի մնացորդը):

1.49 «Չվճարված կանոնադրական կապիտալ» հոդվածում (տող 510) ցույց է տրվում հիմնադիրների (մասնակիցների) պարտքը կազմակերպության կանոնադրական կապիտալին (75-1 «Հաշվարկներ կանոնադրական (բաժնեգումարի) կապիտալում ներդրումների գծով» ենթահաշվի մնացորդը): Այս հոդվածը (որպես նվազեցվող գումար) ցույց է տրվում փակագծերի մեջ:

1.50 «Հետ գնված (ձեռք բերված) սեփական բաժնետոմսեր» հոդվածում (տող 520) ցույց է տրվում կազմակերպության կողմից հետ գնված սեփական բաժնետոմսերի, բաժնեմասերի արժեքը (56 «Դրամական փաստաթղթեր» հաշվի մնացորդը հետ գնված սեփական բաժնետոմսերի մասով): Այս հոդվածը (որպես նվազեցվող գումար) ցույց է տրվում փակագծերի մեջ:

1.51 «Պահուստային կապիտալ» հոդվածում (տող 530) ցույց է տրվում օրենսդրությամբ սահմանված կարգով և հիմնադիր փաստաթղթերի հիման վրա ստեղծված պահուստային կապիտալի մնացորդը (86 «Պահուստային կապիտալ» հաշվի մնացորդը):

1.52 «Լրացուցիչ կապիտալ» հոդվածում (տող 540) ցույց է տրվում վերագնահատման արդյունքում առաջացած հիմնական միջոցների արժեքի աճի, էմիսիոն եկամուտների և հաշվապահական հաշվառումը կարգավորող իրավական ակտերով անմիջականորեն սեփական կապիտալին վերագրվող այլ եկամուտների հանրագումարը (87 «Լրացուցիչ կապիտալ» հաշվի մնացորդը):

1.53 «Հաշվետու տարվա շահույթ» հոդվածում (տող 550) ցույց է տրվում հաշվետու տարվա ընթացքում ստացված շահույթը, որը տարեսկզբի և տարեվերջի մնացորդ չի ունենում: Միջանկյալ` եռամսյակային, կիսամյակային, իննամսյա հաշվետվություններ կազմելիս հաշվետու տարվա ընթացքում ստացված շահույթը (80 «Շահույթ և վնաս» հաշվի կրեդիտային մնացորդը) լրացվում է միայն 4-րդ սյունակում:

1.54 «Հաշվետու տարվա շահույթի օգտագործում» հոդվածում (տող 560) ցույց է տրվում հաշվետու տարում օգտագործված շահույթը, որը տարեսկզբի և տարեվերջի մնացորդ չի ունենում: Միջանկյալ` եռամսյակային, կիսամյակային, իննամսյա հաշվետվություններ կազմելիս հաշվետու տարում օգտագործված շահույթը (81 «Շահույթի օգտագործում» հաշվի մնացորդը) լրացվում է միայն 4-րդ սյունակում: Այս հոդվածը (որպես նվազեցվող գումար) ցույց է տրվում փակագծերի մեջ:

1.55 «Հաշվետու տարվա վնաս» հոդվածում (տող 570) ցույց է տրվում հաշվետու տարվա ընթացքում առաջացած վնասը (80 «Շահույթ և վնաս» հաշվի դեբետային մնացորդը), որը լրացվում է միայն 4-րդ սյունակում: Այս հոդվածը (որպես նվազեցվող գումար) ցույց է տրվում փակագծերի մեջ: Ընդ որում այդ մնացորդը տեղափոխվում է հաջորդ տարի, գումարվում է նախորդ տարիներում առաջացած վնասին և ցույց է տրվում հաջորդ տարվա հաշվեկշռի` «Նախորդ տարվա վնաս» հոդվածի 3-րդ սյունակում:

1.56 «Նախորդ տարվա վնաս» հոդվածում (տող 580) ցույց է տրվում նախորդ տարիներին առաջացած վնասը (80 «Շահույթ և վնաս» հաշվի դեբետային մնացորդը): Այս հոդվածը (որպես նվազեցվող գումար) ցույց է տրվում փակագծերի մեջ:

1.57 «Հաշվետու տարվա չօգտագործված զուտ շահույթ (վնաս)» հոդվածում (տող 590) ցույց է տրվում հաշվետու տարվա ընթացքում ստացված և չօգտագործված զուտ շահույթի մնացորդը (88-1 «Հաշվետու տարվա չբաշխված շահույթի ազատ մնացորդ» ենթահաշվի կրեդիտային մնացորդը), որը տարեսկզբի մնացորդ չի ունենում և լրացվում է միայն 4-րդ սյունակում: Ընդ որում այդ մնացորդը տեղափոխվում է հաջորդ տարի, գումարվում է նախորդ տարվա չօգտագործված զուտ շահույթին (վնասին) և ցույց է տրվում հաջորդ տարվա հաշվեկշռի` «Նախորդ տարվա չօգտագործված զուտ շահույթ (վնաս)» հոդվածի 3-րդ սյունակում:

Հաշվետու տարվա զուտ շահույթի գերածախսը (88-1 «Հաշվետու տարվա չբաշխված շահույթի ազատ մնացորդ» ենթահաշվի դեբետային մնացորդը) ցույց է տրվում փակագծերի մեջ (որպես նվազեցվող գումար):

1.58 «Նախորդ տարվա չօգտագործված զուտ շահույթ (վնաս)» հոդվածում (տող 600) ցույց է տրվում նախորդ տարիների չօգտագործված զուտ շահույթը (վնասը) (88 «Չբախշված շահույթ» հաշվի մնացորդը»): Ընդ որում, առկա շահույթից ավելի օգտագործված զուտ շահույթը (88-2 «Նախորդ տարիների չբաշխված շահույթի ազատ մնացորդ» ենթահաշվի դեբետային մնացորդը) ցույց է տրվում փակագծերի մեջ (որպես նվազեցվող գումար):

1.59 «Նպատակային ֆինանսավորում և մուտքեր» հոդվածում (տող 610) ցույց է տրվում նպատակային միջոցառումների ֆինանսավորման համար կառավարման մարմիններից և այլ կազմակերպություններից ստացված գումարների մնացորդը (96 «Նպատակային ֆինանսավորում և մուտքեր» հաշվի մնացորդի համապատասխան մասը), որի ստացումը երրորդ անձանց նկատմամբ պարտավորություն (կրեդիտորական պարտք) չի առաջանում:

1.60 Հաշվեկշռի պասիվի 620 տողում ցույց է տրվում I-ին բաժնի` տող 500, տող 510, տող 520, տող 530, տող 540, տող 550, տող 560, տող 570, տող 580, տող 590, տող 600 և տող 610-ի հանրագումարը: Բացասական արդյունքի դեպքում այդ գումարը ցույց է տրվում փակագծերի մեջ (որպես նվազեցվող գումար) և հանվում է հաշվեկշռի հանրագումարից:

1.61 Հաշվեկշռի պասիվի «Երկարաժամկետ պարտավորություններ» II-րդ բաժնի «Բանկերի երկարաժամկետ վարկեր» հոդվածում (տող 630) ցույց է տրվում բանկերից ստացված երկարաժամկետ վարկերի չմարված մնացորդի այն մասը (92 «Բանկերի երկարաժամկետ վարկեր» հաշվի մնացորդի համապատասխան մասը), որի մարման ժամկետը հաշվետու ժամանակաշրջանի վերջին օրվա դրությամբ գերազանցում է մեկ տարին:

Ընդ որում այդ վարկերը ցույց են տրվում առանց հաշվարկված տոկոսների:

1.62 «Երկարաժամկետ փոխառություններ» հոդվածում (տող 640) ցույց է տրվում փոխատուներից (բացի բանկերից) ստացված երկարաժամկետ փոխառությունների չմարված մնացորդի այն մասը (95 «Երկարաժամկետ փոխառություններ» հաշվի մնացորդի համապատասխան մասը), որի մարման ժամկետը հաշվետու ժամանակաշրջանի վերջին օրվա դրությամբ գերազանցում է մեկ տարին:

Ընդ որում այդ փոխառությունները ցույց են տրվում առանց հաշվարկված տոկոսների:

1.63 «Վարձակալական պարտավորություններ» հոդվածում (տող 650) ցույց է տրվում երկարաժամկետ վարձակալության պայմանով ստացված հիմնական միջոցների դիմաց առաջացած պարտքի չմարված մնացորդը (97 «Վարձակալական պարտավորություններ» հաշվի մնացորդը):

Ընդ որում երկարաժամկետ վարձակալության պարտքի չմարված մնացորդը ցույց է տրվում առանց հաշվարկված տոկոսների:

1.64 «Երկարաժամկետ ֆինանսական այլ պարտավորություններ» հոդվածում (տող 660) ցույց է տրվում հաշվեկշռի պասիվի երկրորդ բաժնի առաջին ենթաբաժնի հոդվածներում չարտացոլված ֆինանսական այլ պարտավորությունների հանրագումարը:

Ընդ որում երկարաժամկետ ֆինանսական այլ պարտավորությունները ցույց են տրվում առանց հաշվարկված տոկոսների:

1.65 Հաշվեկշռի պասիվի 670 տողում ցույց է տրվում II-րդ բաժնի 1-ին ենթաբաժնի` տող 630, տող 640, տող 650 և տող 660-ի հանրագումարը:

1.66 «Երկարաժամկետ կրեդիտորական պարտքեր» հոդվածում (տող 680) ցույց է տրվում հաշվապահական հաշվառման 60 «Հաշվարկներ մատակարարների և կապալառուների հետ», 64 «Հաշվարկներ ստացված կանխավճարների գծով», 65 «Հաշվարկներ այլ ապահովագրության գծով», 67 «Հաշվարկներ արտաբյուջետային վճարումների գծով», 71 «Հաշվարկներ հաշվետու անձանց հետ», 76 «Հաշվարկներ տարբեր դեբիտորների և կրեդիտորների հետ», 78 «Հաշվարկներ դուստր (կախյալ) ձեռնարկությունների հետ» հաշիվների գծով պարտավորությունները այն մասի չափով, որոնց մարման ժամկետները` հաշվետու ժամանակաշրջանի վերջին օրվա դրությամբ գերազանցում են մեկ տարին:

1.67 «Երկարաժամկետ այլ պարտավորություններ» հոդվածում (տող 690) ցույց է տրվում 670 տողում չարտացոլված երկարաժամկետ այլ պարտավորությունների մնացորդների հանրագումարը:

1.68 Հաշվեկշռի պասիվի 700 տողում ցույց է տրվում II-րդ բաժնի 2-րդ ենթաբաժնի` տող 680 և տող 690-ի հանրագումարը:

1.69 Հաշվեկշռի պասիվի 710 տողում ցույց է տրվում II-րդ բաժնի 1-ին (տող 670) և 2-րդ (տող 700) ենթաբաժինների հանրագումարը:

1.70 Հաշվեկշռի պասիվի «Կարճաժամկետ պարտավորություններ» III-րդ բաժնի «Բանկերի կարճաժամկետ վարկեր» հոդվածում (տող 720) ցույց է տրվում բանկերից ստացված կարճաժամկետ վարկերի չմարված մնացորդը (90 «Բանկերի կարճաժամկետ վարկեր» հաշվի մնացորդը):

Ընդ որում այդ վարկերը ցույց են տրվում առանց հաշվարկված տոկոսների:

1.71 «Բանկերի երկարաժամկետ վարկերի ընթացիկ մասը» հոդվածում (տող 730) ցույց է տրվում բանկերից ստացված երկարաժամկետ վարկերի չմարված մնացորդների այն մասը (92 «Բանկերի երկարաժամկետ վարկեր» հաշվի մնացորդի համապատասխան մասը), որի մարման ժամկետը հաշվետու ժամանակաշրջանի վերջին օրվա դրությամբ չի գերազանցում մեկ տարին:

Ընդ որում այդ վարկերը ցույց են տրվում առանց հաշվարկված տոկոսների:

1.72 «Երկարաժամկետ փոխառությունների ընթացիկ մասը» հոդվածում (տող 740) ցույց է տրվում փոխատուներից (բացի բանկերից) ստացված երկարաժամկետ փոխառությունների չմարված մնացորդի այն մասը (95 «Երկարաժամկետ փոխառություններ» հաշվի մնացորդի համապատասխան մասը), որի մարման ժամկետը հաշվետու ժամանակաշրջանի վերջին օրվա դրությամբ չի գերազանցում մեկ տարին:

Ընդ որում այդ փոխառությունները ցույց են տրվում առանց հաշվարկված տոկոսների:

1.73 «Կարճաժամկետ փոխառություններ» հոդվածում (տող 750) ցույց է տրվում փոխատուներից (բացի բանկերից) ստացված կարճաժամկետ փոխառությունների չմարված մնացորդը (94 «Կարճաժամկետ փոխառություններ» հաշվի մնացորդը):

Ընդ որում այդ փոխառությունները ցույց են տրվում առանց հաշվարկված տոկոսների:

1.74 «Ֆինանսական պարտավորությունների դիմաց հաշվեգրված տոկոսներ, տույժեր, տուգանքներ» հոդվածում (տող 760) ցույց է տրվում հաշվեկշռի պասիվի` II-րդ բաժնի 1-ին և III-րդ բաժնի 1-ին ենթաբաժիններում ցույց տրված ֆինանսական պարտավորությունների դիմաց հաշվարկված տոկոսների, տույժերի և տուգանքների հանրագումարը:

1.75 «Կարճաժամկետ ֆինանսական այլ պարտավորություններ» հոդվածում (տող 770) ցույց է տրվում հաշվեկշռի պասիվի երրորդ բաժնի առաջին ենթաբաժնի վերը նշված հոդվածներում չարտացոլված ֆինանսական այլ պարտավորությունների հանրագումարը:

Ընդ որում այդ կարճաժամկետ ֆինանսական այլ պարտավորությունները ցույց են տրվում առանց հաշվարկված տոկոսների:

1.76 Հաշվեկշռի 780 տողում ցույց է տրվում III-րդ բաժնի 1-ին ենթաբաժնի` տող 720, տող 730, տող 740, տող 750, տող 760 և տող 770-ի հանրագումարը:

1.77 «Հաշվարկներ մատակարարների և կապալառուների հետ» հոդվածում (տող 790) ցույց է տրվում մատակարար և կապալառու կազմակերպությունների հետ իրականացվող հաշվարկների (ապրանքանյութական արժեքների ստացում, կատարված աշխատանքների, մատուցված ծառայությունների ընդունում և այլն) մնացորդը (60 «Հաշվարկներ մատակարարների և կապալառուների հետ» հաշվի մնացորդը):

1.78 «Հաշվարկներ ստացված կանխավճարների գծով» հոդվածում (տող 800) ցույց է տրվում գնորդներից և պատվիրատուներից ստացված կանխավճարները (64 «Հաշվարկներ ստացված կանխավճարների գծով» հաշվի մնացորդը):

1.79 «Հաշվարկներ բյուջեի հետ` հետաձգված հարկերի գծով» հոդվածում (տող 810) ցույց է տրվում կազմակերպության կողմից բյուջե վճարման ենթակա այն հարկերի և պարտադիր վճարների մնացորդը, որի վճարման ժամկետն օրենսդրությամբ սահմանված կարգով հետաձգված է (66 «Հաշվարկներ բյուջեի հետ` հետաձգված հարկերի գծով» հաշվի կրեդիտային մնացորդը` բյուջե վճարման ենթակա գումարի չափով):

1.80 «Հաշվարկներ բյուջեի հետ» հոդվածում (տող 820) ցույց է տրվում կազմակերպության կողմից բյուջե վճարման ենթակա հարկերի և պարտադիր վճարների` այդ թվում նաև հաշվարկված տույժերի և տուգանքների մնացորդը (68 «Հաշվարկներ բյուջեի հետ» հաշվի կրեդիտային մնացորդը` բյուջե վճարման ենթակա գումարի չափով):

821 տողով ցույց է տրվում 68 «Հաշվարկներ բյուջեի հետ» հաշվի կրեդիտային մնացորդում ներառված տույժերի և տուգանքների գումարը, որը հաշվեկշռի հանրագումարի մեջ չի մտնում:

1.81 «Հաշվարկներ սոցիալական ապահովագրության և ապահովության գծով» հոդվածում (տող 830) ցույց է տրվում կազմակերպության պարտքը անձնակազմի սոցիալական ապահովագրության, կենսաթոշակային և զբաղվածության հիմնադրամին, բժշկական և այլ ապահովագրության գծով (69 «Հաշվարկներ սոցիալական ապահովագրության և ապահովության գծով» հաշվի կրեդիտային մնացորդը):

831 տողով ցույց է տրվում 69 «Հաշվարկներ սոցիալական ապահովագրության և ապահովության գծով» հաշվի կրեդիտային մնացորդում ներառված տույժերի և տուգանքների գումարը, որը հաշվեկշռի հանրագումարի մեջ չի մտնում:

1.82 «Հաշվարկներ անձնակազմի հետ` եկամուտների վճարման գծով» հոդվածում (տող 840) ցույց է տրվում հաշվարկված աշխատավարձի, բոլոր տեսակի պարգևատրումների, շահաբաժինների, նպաստների և փոխհատուցումների մնացորդը (70 «Հաշվարկներ անձնակազմի հետ եկամուտների վճարման գծով» հաշվի կրեդիտային մնացորդը):

1.83 «Հաշվարկներ հաշվետու անձանց հետ» հոդվածում (տող 850) ցույց է տրվում վարչատնտեսական, գործառնական, ինչպես նաև գործուղման ծախսերի գծով կազմակերպության պարտքի մնացորդը աշխատողներին (71 «Հաշվարկներ հաշվետու անձանց հետ» հաշվի կրեդիտային մնացորդը):

1.84 «Հաշվարկներ շահաբաժինների գծով» հոդվածում (տող 860) ցույց է տրվում կազմակերպության հիմնադիրներին (մասնակիցներին) հաշվարկված շահաբաժինների գումարը (75-2 «Հաշվարկներ եկամուտների վճարման գծով» ենթահաշվի մնացորդը):

1.85 «Հաշվարկներ տարբեր կրեդիտորների հետ» հոդվածում (տող 870) ցույց է տրվում տարբեր կրեդիտորների հետ տարաբնույթ գործառնությունների գծով հաշվարկների մնացորդը (76 «Հաշվարկներ տարբեր դեբիտորների և կրեդիտորների հետ» հաշվի կրեդիտային մնացորդը):

1.86 «Հաշվարկներ դուստր (կախյալ) ձեռնարկությունների հետ» հոդվածում (տող 880) ցույց է տրվում դուստր (կախյալ) ձեռնարկությունների հետ բոլոր տեսակի ընթացիկ հաշվարկների մնացորդը (78 «Հաշվարկներ դուստր (կախյալ) ձեռնարկությունների հետ» հաշվի կրեդիտային մնացորդը):

1.87 «Նպատակային ֆինանսավորում և մուտքեր» հոդվածում (տող 890) ցույց է տրվում նպատակային միջոցառումների ֆինանսավորման համար կառավարման մարմիններից և այլ կազմակերպություններից ստացված գումարների մնացորդը (96 «Նպատակային ֆինանսավորում և մուտքեր» հաշվի մնացորդի համապատասխան մասը), որի ստացումը առաջացնում է պարտավորություն (կրեդիտորական պարտք) երրորդ անձանց նկատմամբ:

1.88 «Կարճաժամկետ այլ կրեդիտորական պարտքեր» հոդվածում (տող 900) ցույց է տրվում հաշվեկշռի պասիվի երրորդ բաժնի երկրորդ ենթաբաժնի վերը նշված հոդվածներում չարտացոլված այլ կրեդիտորական պարտքերի («65 Հաշվարկներ այլ ապահովագրության գծով», «67 Հաշվարկներ արտաբյուջետային վճարումների գծով» և այլ հաշիվներ) հանրագումարը:

1.89 Հաշվեկշռի 910 տողում ցույց է տրվում III-րդ բաժնի 2-րդ ենթաբաժնի` տող 790, տող 800, տող 810, տող 820, տող 830, տող 840, տող 850, տող 860, տող 870, տող 880, տող 890 և տող 900-ի հանրագումարը:

1.90 «Գալիք ժամանակաշրջանի եկամուտներ» հոդվածում (տող 920) ցույց է տրվում հաշվետու տարում ստացված (հաշվարկված) գալիք հաշվետու ժամանակաշրջաններին վերաբերող եկամուտները (83 «Գալիք ժամանակաշրջանի եկամուտներ» հաշվի մնացորդը):

1.91 «Գալիք ժամանակաշրջանի ծախսերի և վճարումների պահուստներ» հոդվածում (տող 930) ցույց է տրվում աշխատողների արձակուրդների գալիք վճարման, հիմնական միջոցների վերանորոգման ծախսերի, վարձույթով տրվող առարկաների վերանորոգման գալիք ծախսերի և օրենսդրական կամ այլ իրավական ակտերով սահմանված այլ պահուստների մնացորդը (89 «Գալիք ժամանակաշրջանի ծախսերի և վճարումների պահուստներ» հաշվի մնացորդը):

1.92 Հաշվեկշռի «Կարճաժամկետ այլ պարտավորություններ» հոդվածում (տող 940) ցույց է տրվում հաշվեկշռի պասիվի երրորդ բաժնի երրորդ ենթաբաժնի վերը նշված հոդվածներում չարտացոլված կարճաժամկետ այլ պարտավորությունների հանրագումարը:

1.93 Հաշվեկշռի 950 տողում ցույց է տրվում III-րդ բաժնի 3-րդ ենթաբաժնի` տող 920, տող 930 և տող 940 հոդվածների հանրագումարը:

1.94 Հաշվեկշռի 960 տողում ցույց է տրվում III-րդ բաժնի` 1 (տող 780), 2 (տող 910) և 3-րդ (տող 950) ենթաբաժինների հանրագումարը:

1.95 Հաշվեկշռի 970 տողում ցույց է տրվում հաշվեկշռի պասիվի` I (տող 620), II (տող 710) և III-րդ (տող 960) բաժինների հանրագումարը:

2. Ֆինանսական արդյունքների մասին հաշվետվություն` ՁԵՎ N 2

«Ֆինանսական արդյունքների մասին» հաշվետվության մեջ եկամուտները և ծախսերը արտացոլվում են այն հաշվետու ժամանակաշրջանում, որում դրանք համապատասխանաբար ստացվել կամ կատարվել են, անկախ դրանց հետ կապված դրամական միջոցների ստացման կամ վճարման ժամկետներից (հաշվեգրման սկզբունք):

«Ֆինանսական արդյունքների մասին» հաշվետվության մեջ եկամուտները (ներառյալ իրացումից հասույթը) ցույց են տրվում առանց ավելացված արժեքի հարկի, ակցիզային հարկի և օրենքով սահմանված անուղղակի այլ հարկերի ու պարտադիր վճարների (զուտ հասույթ, զուտ եկամուտ):

«Ֆինանսական արդյունքների մասին» հաշվետվության 3-րդ սյունակում ցույց են տրվում հաշվետու ժամանակաշրջանի տվյալները, իսկ 4-րդ սյունակում նախորդ տարվա նույն ժամանակաշրջանի տվյալները:

2.1 «Արտադրանքի, աշխատանքների, ծառայությունների իրացումից զուտ հասույթ» հոդվածում (տող 010) ցույց է տրվում կազմակերպության կողմից թողարկված արտադրանքի, կատարված աշխատանքների և մատուցված ծառայությունների իրացումից զուտ հասույթը:

2.2 «Իրացված արտադրանքի, աշխատանքների, ծառայությունների արտադրական ինքնարժեք» հոդվածում (տող 020) ցույց է տրվում.

ա) արտադրանքը, աշխատանքները, ծառայությունները փաստացի արտադրական ինքնարժեքով հաշվառելու դեպքում` իրացված արտադրանքի, աշխատանքների, ծառայությունների փաստացի արտադրական ինքնարժեքը

բ) արտադրանքը, աշխատանքները, ծառայությունները նորմատիվային (պլանային) արտադրական ինքնարժեքով հաշվառելու (երբ օգտագործվում է 37 «Արտադրանքի, աշխատանքների, ծառայությունների թողարկում» հաշիվը) դեպքում` իրացված արտադրանքի, աշխատանքների, ծառայությունների նորմատիվային (պլանային) արտադրական ինքնարժեքը:

Այս հոդվածը (որպես նվազեցվող գումար) ցույց է տրվում փակագծերի մեջ:

2.3 «Նորմատիվային (պլանային) և փաստացի արտադրական ինքնարժեքի շեղումը» հոդվածում (տող 030) ցույց է տրվում հաշվետու ժամանակաշրջանում թողարկված արտադրանքի, աշխատանքների, ծառայությունների նորմատիվային (պլանային) և փաստացի արտադրական ինքնարժեքի շեղումը (տարբերությունը):

Ընդ որում, եթե շեղումը (նորմատիվային (պլանային) և փաստացի արտադրական ինքնարժեքի տարբերությունը) բացասական մեծություն է ցույց է տրվում փակագծերի մեջ (որպես նվազեցվող գումար):

Այս հոդվածը լրացնում են այն կազմակերպությունները, որոնք թողարկված արտադրանքը (աշխատանքները, ծառայությունները) հաշվառում են նորմատիվային (պլանային) արտադրական ինքնարժեքով:

2.4 «Ապրանքների իրացումից զուտ հասույթ» հոդվածում (տող 040) ցույց է տրվում ապրանքների իրացումից զուտ հասույթը:

Արժեթղթերի շուկայում գործունեություն իրականացնող մասնագիտացված կազմակերպությունները այս հոդվածում ցույց են տալիս արժեթղթերի իրացումից զուտ հասույթը:

2.5 «Իրացված ապրանքների արժեք» հոդվածում (տող 050) ցույց է տրվում.

ա) ապրանքները ձեռք բերման արժեքով հաշվառելու դեպքում` իրացված ապրանքների ձեռք բերման արժեքը:

բ) ապրանքները ձեռք բերման կրճատ արժեքով հաշվառելու դեպքում` իրացված ապրանքների ձեռք բերման կրճատ արժեքը:

գ) ապրանքները վաճառքի գնով հաշվառելու դեպքում` իրացված ապրանքների վաճառքի գներով հաշվարկված արժեքը:

Արժեթղթերի շուկայում գործունեություն իրականացնող մասնագիտացված կազմակերպությունները այս հոդվածում ցույց են տալիս իրացված արժեթղթերի ձեռք բերման արժեքը: Եթե կազմակերպությունը մարման ժամկետ ունեցող արժեթղթերի ձեռք բերման և անվանական արժեքների միջև եղած տարբերությունը դրանց շրջանառության ժամկետի ընթացքում հավասարաչափ դուրս է գրում, ապա այս հոդվածում ցույց է տրվում իրացման (տվյալ) պահին իրացված արժեթղթերի հաշվապահական հաշվառման մեջ արտացոլված արժեքը:

Այս հոդվածը (որպես նվազեցվող գումար) ցույց է տրվում փակագծերի մեջ:

2.6 «Իրացված ապրանքներին բաժին ընկնող մինչև կազմակերպություն հասցնելու հետ կապված ծախսեր» հոդվածում (տող 060) ցույց է տրվում ապրանքների գնման, մինչև կազմակերպություն (կազմակերպության պահեստ) հասցնելու և պատշաճ վիճակի բերելու հետ կապված ծախսերի այն մասը, որը բաժին է ընկնում իրացված ապրանքներին (44-1 «Ապրանքների գնման, մինչև կազմակերպություն հասցնելու և պատշաճ վիճակի բերելու հետ կապված ծախսեր» ենթահաշվի համապատասխան մասը):

Այս հոդվածը (որպես նվազեցվող գումար) ցույց է տրվում փակագծերի մեջ:

2.7 «Իրացված ապրանքներին բաժին ընկնող առևտրային հավելագին» հոդվածում (տող 070) ցույց է տրվում իրացված ապրանքներին բաժին ընկնող առևտրային հավելագինը (42 «Առևտրային հավելագին» հաշվի համապատասխան մասը):

2.8 «Համախառն շահույթ (վնաս)» հոդվածում (տող 080) ցույց է տրվում արտադրանքի, ապրանքների, աշխատանքների, ծառայությունների իրացումից համախառն շահույթը (վնասը)` (տող 010 - տող 020 ± տող 030 + տող 040 - տող 050 - տող 060 + տող 070):

Տող 030-ը հանվում է այն դեպքում, երբ նորմատիվային (պլանային) և փաստացի արտադրական ինքնարժեքի տարբերությունը բացասական մեծություն է:

Ընդ որում, եթե «Համախառն շահույթ (վնաս)» հոդվածում արտացոլված գումարը բացասական մեծություն է (ստացվել է վնաս) ցույց է տրվում փակագծերի մեջ (որպես նվազեցվող գումար):

2.9 «Կոմերցիոն ծախսեր» հոդվածում (տող 090) ցույց է տրվում արտադրանքի, ապրանքների, աշխատանքների, ծառայությունների առաքման և իրացման ծախսերը:

Արտադրական գործունեություն (արտադրանքի թողարկում, աշխատանքների կատարում, ծառայությունների մատուցում) իրականացնող կազմակերպությունները այս հոդվածում ցույց են տալիս հաշվետու ժամանակաշրջանում 43 «Կոմերցիոն ծախսեր» հաշվում հաշվառված գումարները:

Առևտրային գործունեություն իրականացնող կազմակերպությունները այս հոդվածում ցույց են տալիս հաշվետու ժամանակաշրջանում 44 «Շրջանառության ծախսեր» հաշվի 44-3 «Իրացման (կոմերցիոն) ծախսեր» ենթահաշվում հաշվառված գումարները:

Այս հոդվածը (որպես նվազեցվող գումար) ցույց է տրվում փակագծերի մեջ:

2.10 «Կառավարման և ընդհանուր տնտեսական այլ ծախսեր» հոդվածում (տող 100) ցույց է տրվում արտադրական (առևտրային) գործընթացի հետ անմիջականորեն կապ չունեցող կառավարման և ընդհանուր տնտեսական այլ ծախսերը:

Արտադրական գործունեություն (արտադրանքի թողարկում, աշխատանքների կատարում, ծառայությունների մատուցում) իրականացնող կազմակերպությունները այս հոդվածում ցույց են տալիս հաշվետու ժամանակաշրջանում 26 «Ընդհանուր տնտեսական ծախսեր» հաշվում հաշվառված գումարները:

Առևտրային գործունեություն իրականացնող կազմակերպությունները այս հոդվածում ցույց են տալիս հաշվետու ժամանակաշրջանում 44 «Շրջանառության ծախսեր» հաշվի 44-2 «Ընդհանուր տնտեսական ծախսեր» ենթահաշվում հաշվառված գումարները:

Այս հոդվածը (որպես նվազեցվող գումար) ցույց է տրվում փակագծերի մեջ:

2.11 «Արտադրանքի, ապրանքների, աշխատանքների, ծառայությունների իրացումից շահույթ (վնաս)» հոդվածում (տող 110) ցույց է տրվում արտադրանքի, ապրանքների, աշխատանքների, ծառայությունների իրացումից շահույթը (վնասը)` (տող 080 - տող 090 - տող 100):

2.12 «Գործառնական այլ եկամուտներ» հոդվածում (տող 120) ցույց է տրվում գործառնական գործունեությունից ստացված այն եկամուտները, որոնք չեն արտացոլվել «Արտադրանքի, աշխատանքների, ծառայությունների իրացումից զուտ հասույթ» (տող 010) և «Ապրանքների իրացումից զուտ հասույթ» (տող 040) հոդվածներում:

Այս հոդվածում ցույց է տրվում հումքի, նյութերի, կարճաժամկետ արժեթղթերի և ընթացիկ այլ ակտիվների իրացումից զուտ հասույթը (48 «Այլ ակտիվների իրացում» հաշվի կրեդիտում արտացոլված իրացումից հասույթը) և 80 «Շահույթ և վնաս» հաշվի 80-2 «Գործառնական այլ գործունեությունից (դեպքերից) շահույթ (եկամուտ) և վնաս (ծախս)» ենթահաշվի կրեդիտում արտացոլված այլ եկամուտների հանրագումարը:

2.13 «Գործառնական այլ ծախսեր» հոդվածում (տող 130) ցույց է տրվում գործառնական գործունեությանը վերաբերող այն ծախսերը (կորուստները), որոնք չեն արտացոլվել «Իրացված արտադրանքի, աշխատանքների, ծառայությունների արտադրական ինքնարժեք» (տող 020), «Իրացված ապրանքների արժեք» (տող 050), «Կոմերցիոն ծախսեր» (տող 090) և «Կառավարման և ընդհանուր տնտեսական այլ ծախսեր» (տող 100) հոդվածներում:

Այս հոդվածում ցույց է տրվում իրացված հումքի, նյութերի, կարճաժամկետ արժեթղթերի և ընթացիկ այլ ակտիվների արժեքի (ամորտիզացվող ակտիվների համար մնացորդային արժեքը) (48 «Այլ ակտիվների իրացում» հաշվի դեբետում արտացոլված ծախսերը) և 80 «Շահույթ և վնաս» հաշվի 80-2 «Գործառնական այլ գործունեությունից (դեպքերից) շահույթ (եկամուտ) և վնաս (ծախս)» ենթահաշվի դեբետում արտացոլված այլ ծախսերի (կորուստների) հանրագումարը:

Այս հոդվածը (որպես նվազեցվող գումար) ցույց է տրվում փակագծերի մեջ:

2.14 «Գործառնական գործունեության արդյունքը` շահույթ (վնաս)» հոդվածում (տող 140) ցույց է տրվում «Արտադրանքի, ապրանքների, աշխատանքների ծառայությունների իրացումից շահույթ (վնաս)» հոդվածի (տող 110) և «Գործառնական այլ եկամուտներ» հոդվածի (տող 120) հանրագումարի և «Գործառնական այլ ծախսեր» հոդվածի (տող 130) տարբերությունը:

Ընդ որում, եթե տարբերությունը բացասական մեծություն է` ցույց է տրվում փակագծերի մեջ (որպես նվազեցվող գումար):

2.15 «Ինվեստիցիոն գործունեության արդյունքը` շահույթ (վնաս)» հոդվածում (տող 150) ցույց է տրվում ինվեստիցիոն գործունեությունից ստացված եկամուտների և ծախսերի տարբերությունը:

Ինվեստիցիոն եկամուտներին վերաբերում են հիմնական միջոցների և երկարաժամկետ այլ ակտիվների իրացումից և այլ օտարումից զուտ հասույթը (47 «Երկարաժամկետ ակտիվների իրացում և այլ օտարում» հաշվի կրեդիտում արտացոլված իրացումից հասույթը), ինչպես նաև ինվեստիցիոն գործունեությունից ստացվող այլ եկամուտները (80 «Շահույթ և վնաս» հաշվի 80-3 «Ինվեստիցիոն գործունեությունից շահույթ (եկամուտ) և վնաս (ծախս)» ենթահաշվի կրեդիտում արտացոլված այլ եկամուտները): Ընդ որում, իրացված հիմնական միջոցների և ոչ նյութական ակտիվների մաշվածության (ամորտիզացիայի) գումարները այս հոդվածում չեն արտացոլվում:

Ինվեստիցիոն ծախսերին վերաբերում են իրացված (օտարված) հիմնական միջոցների, ոչ նյութական ակտիվների մնացորդային արժեքը, իրացված (օտարված) երկարաժամկետ այլ ակտիվների արժեքը (47 «Երկարաժամկետ ակտիվների իրացում և այլ օտարում» հաշվի դեբետում արտացոլված ծախսերը), ինչպես նաև ինվեստիցիոն գործունեության հետ կապված այլ ծախսերը (80 «Շահույթ և վնաս» հաշվի 80-3 «Ինվեստիցիոն գործունեությունից շահույթ (եկամուտ) և վնաս (ծախս) » ենթահաշվի դեբետում արտացոլված այլ ծախսերը):

Ընդ որում, եթե ինվեստիցիոն եկամուտների և ծախսերի տարբերությունը բացասական մեծություն է` ցույց է տրվում փակագծերի մեջ (որպես նվազեցվող գումար):

2.16 «Ֆինանսական գործունեության արդյունքը` շահույթ (վնաս)» հոդվածում (տող 160) ցույց է տրվում ֆինանսական գործունեությունից ստացված եկամուտների և ծախսերի տարբերությունը:

Ֆինանսական եկամուտներին վերաբերում են արտարժույթով ստացված վարկերի և այլ փոխառությունների վերագնահատումից եկամուտները (վերագնահատված և մինչև վերագնահատումը արժեքի բացասական տարբերությունը), ինչպես նաև ֆինանսական գործունեությունից ստացվող այլ եկամուտները (80 «Շահույթ և վնաս» հաշվի 80-4 «Ֆինանսական գործունեությունից եկամուտ և ծախս» ենթահաշվի կրեդիտում արտացոլված եկամուտները):

Ֆինանսական ծախսերին վերաբերում են ստացված վարկերի և այլ փոխառությունների հաշվարկված տոկոսների գումարը, դրանց ստացման հետ կապված այլ ծախսերը, արտարժույթով ստացված վարկերի և այլ փոխառությունների վերագնահատումից ծախսերը (վերագնահատված և մինչև վերագնահատումը արժեքի դրական տարբերությունը), ինչպես նաև ֆինանսական գործունեության հետ կապված այլ ծախսերը (80 «Շահույթ և վնաս» հաշվի 80-4 «Ֆինանսական գործունեությունից եկամուտ և ծախս» ենթահաշվի դեբետում արտացոլված ծախսերը):

Ընդ որում, եթե ֆինանսական եկամուտների և ծախսերի տարբերությունը բացասական մեծություն է` ցույց է տրվում փակագծերի մեջ (որպես նվազեցվող գումար):

2.17 «Սովորական (ֆինանսատնտեսական) գործունեության արդյունքը` շահույթ (վնաս)» հոդվածում (տող 170) ցույց է տրվում «Գործառնական գործունեության արդյունքը` շահույթ (վնաս)» (տող 140) «Ինվեստիցիոն գործունեության արդյունքը` շահույթ (վնաս)» (տող 150) և «Ֆինանսական գործունեության արդյունքը` շահույթ (վնաս)» (տող 160) հոդվածների հանրագումարը:

Ընդ որում, եթե հանրագումարը բացասական մեծություն է, ցույց է տրվում փակագծերի մեջ (որպես նվազեցվող գումար):

2.18 «Արտակարգ (անկանխատեսելի) դեպքերից շահույթ (վնաս)» հոդվածում (տող 180) ցույց է տրվում այն եկամուտների և ծախսերի տարբերությունը, որոնք բնութագրական չեն կազմակերպության տնտեսական գործունեության համար, որոնց առաջացումը անսպասելի է և կախված չէ կազմակերպության կառավարման ապարատի կամ սեփականատերերի ընդունած որոշումներից:

Արտակարգ եկամուտներին վերաբերում են արտակարգ կորուստների դիմաց ստացված հատուցումները և այլ եկամուտները (80 «Շահույթ և վնաս» հաշվի 80-5 «Արտակարգ եկամուտ և ծախս (կորուստ)» ենթահաշվի կրեդիտում արտացոլված եկամուտները):

Արտակարգ ծախսերին վերաբերում են տարերային աղետներից (երկրաշարժ, ջրհեղեղ և այլն) առաջացած կորուստները, տարերային աղետների կանխման կամ հետևանքների վերացման հետ կապված ծախսերը և արտակարգ այլ դեպքերի հետ կապված ծախսերը (կորուստները) (80 «Շահույթ և վնաս» հաշվի 80-5 «Արտակարգ եկամուտ և ծախս (կորուստ)» ենթահաշվի դեբետում արտացոլված ծախսերը):

Ընդ որում, եթե արտակարգ եկամուտների և ծախսերի տարբերությունը բացասական մեծություն է` ցույց է տրվում փակագծերի մեջ (որպես նվազեցվող գումար):

2.19 «Հաշվետու ժամանակաշրջանի շահույթ (վնաս)» հոդվածում (տող 190) ցույց է տրվում «Սովորական (ֆինանսատնտեսական) գործունեությունից շահույթ (վնաս)» հոդվածի (տող 170) և «Արտակարգ (անկանխատեսելի) դեպքերից շահույթ (վնաս)» հոդվածի (տող 180) հանրագումարը:

Ընդ որում, եթե հանրագումարը բացասական մեծություն է, ցույց է տրվում փակագծերի մեջ (որպես նվազեցվող գումար):

2.20 «Նախորդ տարվա վնաս» հոդվածում (տող 200) ցույց է տրվում նախորդ տարվա վնասը:

Այս հոդվածը (որպես նվազեցվող գումար) ցույց է տրվում փակագծերի մեջ:

2.21 «Շահութահարկ» հոդվածում (տող 210) ցույց է տրվում հաշվետու ժամանակաշրջանում բյուջե վճարման ենթակա շահութահարկի (այն կազմակերպությունները, որոնք վճարում են հաստատագրված վճար, այս հոդվածում տողում ցույց են տալիս այդ գումարը) գումարը:

2.22 «Զուտ շահույթ (վնաս)» հոդվածում (տող 220) ցույց է տրվում «Հաշվետու ժամանակաշրջանի շահույթ (վնաս)» հոդվածի (տող 190), «Նախորդ տարվա վնաս» հոդվածի (տող 200) և «Շահութահարկ» հոդվածի (տող 210) տարբերությունը:

Ընդ որում, եթե տարբերությունը բացասական մեծություն է, ցույց է տրվում փակագծերի մեջ (որպես նվազեցվող գումար):

3.Սեփական կապիտալի որոշ հոդվածների շարժի մասին հաշվետվություն` ՁԵՎ N 3

Կանոնադրական կապիտալ

Կազմակերպության կանոնադրական կապիտալի տարեսկզբի և հաշվետու ժամանակաշրջանի վերջի մնացորդները պետք է համապատասխանեն հիմնադիր փաստաթղթերում նշված կանոնադրական կապիտալի մեծությանը: Կանոնադրական կապիտալի ավելացումներ և նվազեցումներ թույլատրվում է կատարել հիմնադիր փաստաթղթերում սահմանված կարգով համապատասխան փոփոխություններ կատարելուց հետո:

3.1 «Կանոնադրական կապիտալի տարեսկզբի մնացորդը» հոդվածում (տող 010) ցույց է տրվում կազմակերպության կանոնադրական կապիտալի տարեսկզբի մնացորդը (85 «Կանոնադրական կապիտալ» հաշվի տարեսկզբի մնացորդը):

3.2 «Մասնակիցների հայտարարած ներդրումները կանոնադրական կապիտալում» հոդվածում (տող 020) ցույց է տրվում հաշվետու ժամանակաշրջանում կանոնադրական կապիտալի ձևավորման կամ ավելացման նպատակով մասնակիցների հայտարարած ներդրումների (բաժնետոմսեր, բաժնեմասեր, փայեր) մեծությունը (75 «Հաշվարկներ հիմնադիրների հետ» հաշվի դեբետի և 85 «Կանոնադրական կապիտալ» հաշվի կրեդիտի հաշվապահական թղթակցության գումարը):

3.3 «Մասնակիցների հայտարարած, բայց չհամալրած ներդրումների մարում» հոդվածում (տող 030) ցույց է տրվում կանոնադրական կապիտալի ձևավորման կամ ավելացման նպատակով մասնակիցների հայտարարած, բայց սահմանված ժամկետում կամ այլ պատճառներով չհամալրած ներդրումների` հաշվետու ժամանակաշրջանում մարված մեծությունը (85 «Կանոնադրական կապիտալ» հաշվի դեբետի և 75 «Հաշվարկներ հիմնադիրների հետ» հաշվի կրեդիտի հաշվապահական թղթակցության գումարը):

Այս հոդվածը (որպես նվազեցվող գումար) ցույց է տրվում փակագծերի մեջ:

3.4 «Սեփական ներդրումների մարում» հոդվածում (տող 040) ցույց է տրվում մասնակիցներից (բաժնետեր, փայատեր) հետ գնված (ձեռք բերված) սեփական այն ներդրումների մեծությունը, որը հաշվետու ժամանակաշրջանում մարվել է (85 «Կանոնադրական կապիտալ» հաշվի դեբետի և 56 «Դրամական փաստաթղթեր» հաշվի կրեդիտի հաշվապահական թղթակցության գումարը): Մարումը կատարվում է անվանական արժեքով:

Այս հոդվածը (որպես նվազեցվող գումար) ցույց է տրվում փակագծերի մեջ:

3.5 «Չբաշխված շահույթի հաշվին կանոնադրական կապիտալի ավելացում» հոդվածում (տող 050) ցույց է տրվում չբաշխված շահույթի հաշվին կանոնադրական կապիտալի ավելացումը (88 «Չբաշխված շահույթ» հաշվի դեբետի և 85 «Կանոնադրական կապիտալ» հաշվի կրեդիտի հաշվապահական թղթակցության գումարը):

3.6 «Ավելի օգտագործված չբաշխված շահույթի ծածկման նպատակով կանոնադրական կապիտալի նվազեցում» հոդվածում (տող 060) ցույց է տրվում ավելի օգտագործված չբաշխված շահույթի (88 «Չբաշխված շահույթ» հաշվի դեբետային մնացորդի) ծածկման նպատակով կանոնադրական կապիտալի նվազեցումը (85 «Կանոնադրական կապիտալ» հաշվի դեբետի և 88 «Չբաշխված շահույթ» հաշվի կրեդիտի հաշվապահական թղթակցության գումարը):

Այս հոդվածը (որպես նվազեցվող գումար) ցույց է տրվում փակագծերի մեջ:

3.7 «Կանոնադրական կապիտալի այլ ավելացումներ» հոդվածում (տող 070) ցույց է տրվում հաշվետու ժամանակաշրջանում կանոնադրական կապիտալի վերը չնշված այլ ավելացումների մեծությունը:

3.8 «Կանոնադրական կապիտալի այլ նվազեցումներ» հոդվածում (տող 080) ցույց է տրվում հաշվետու ժամանակաշրջանում կանոնադրական կապիտալի վերը չնշված այլ նվազեցումների մեծությունը:

Այս հոդվածը (որպես նվազեցվող գումար) ցույց է տրվում փակագծերի մեջ:

3.9 «Կանոնադրական կապիտալի մնացորդը հաշվետու ժամանակաշրջանի վերջում» հոդվածում (տող 090) ցույց է տրվում հաշվետու ժամանակաշրջանի վերջում կանոնադրական կապիտալի մեծությունը (85 «Կանոնադրական կապիտալ» հաշվի հաշվետու ժամանակաշրջանի վերջի մնացորդը)` տող 010 + տող 020 - տող 030 - տող 040 + տող 050 - տող 060 + տող 070 - տող 080:

Պահուստային կապիտալ

3.10 «Պահուստային կապիտալի տարեսկզբի մնացորդը» հոդվածում (տող 100) ցույց է տրվում պահուստային կապիտալի տարեսկզբի մնացորդը (86 «Պահուստային կապիտալ» հաշվի տարեսկզբի մնացորդը):

3.11 «Հաշվետու տարվա շահույթից հատկացումներ պահուստային կապիտալին» հոդվածում (տող 110) ցույց է տրվում հաշվետու տարում ստացված շահույթից հատկացումները պահուստային կապիտալին (81 «Շահույթի օգտագործում» հաշվի դեբետի և 86 «Պահուստային կապիտալ» հաշվի կրեդիտի հաշվապահական թղթակցության գումարը):

3.12 «Չբաշխված շահույթից հատկացումներ պահուստային կապիտալին» հոդվածում (տող 120) ցույց է տրվում չբաշխված շահույթից հատկացումները պահուստային կապիտալին (88 «Չբաշխված շահույթ» հաշվի դեբետի և 86 «Պահուստային կապիտալ» հաշվի կրեդիտի հաշվապահական թղթակցության գումարը):

3.13 «Պահուստային կապիտալի ավելացում կանոնադրական կապիտալի հաշվին» հոդվածում (տող 130) ցույց է տրվում կանոնադրական կապիտալի նվազեցման հաշվին պահուստային կապիտալի ավելացումը (86 «Պահուստային կապիտալ» հաշվի դեբետի և 85 «Կանոնադրական կապիտալ» հաշվի կրեդիտի հաշվապահական թղթակցության գումարը):

3.14 «Շահաբաժինների (եկամուտների) հաշվեգրում պահուստային կապիտալի հաշվին » հոդվածում (տող 140) ցույց է տրվում պահուստային կապիտալից մասնակիցների շահաբաժինների (եկամուտների) վճարմանն ուղղված միջոցների մեծությունը, երբ այդ նպատակների համար չբաշխված շահույթը չի բավարարում (86 «Պահուստային կապիտալ» հաշվի դեբետի և 75 «Հաշվարկներ հիմնադիրների հետ», 70 «Հաշվարկներ անձնակազմի հետ» հաշիվների կրեդիտի հաշվապահական թղթակցության գումարը):

Այս հոդվածը (որպես նվազեցվող գումար) ցույց է տրվում փակագծերի մեջ:

3.15 «Ավելի օգտագործված չբաշխված շահույթի ծածկման նպատակով պահուստային կապիտալի նվազեցում » հոդվածում (տող 150) ցույց է տրվում ավելի օգտագործված չբաշխված շահույթի ծածկմանն ուղղված պահուստային կապիտալի մեծությունը (86 «Պահուստային կապիտալ» հաշվի դեբետի և 88 «Չբաշխված շահույթ» հաշվի կրեդիտի հաշվապահական թղթակցության գումարը):

Այս հոդվածը (որպես նվազեցվող գումար) ցույց է տրվում փակագծերի մեջ:

3.16 «Կանոնադրական կապիտալի ավելացում պահուստային կապիտալի հաշվին » հոդվածում (տող 160) ցույց է տրվում կանոնադրական կապիտալի ավելացմանն ուղղված պահուստային կապիտալի մեծությունը (86 «Պահուստային կապիտալ» հաշվի դեբետի և 85 «Կանոնադրական կապիտալ » հաշվի կրեդիտի հաշվապահական թղթակցության գումարը):

Այս հոդվածը (որպես նվազեցվող գումար) ցույց է տրվում փակագծերի մեջ:

3.17 «Պահուստային կապիտալի այլ ավելացումներ» հոդվածում (տող 170) ցույց է տրվում հաշվետու ժամանակաշրջանում պահուստային կապիտալի վերը չնշված այլ ավելացումների մեծությունը:

3.18 «Պահուստային կապիտալի այլ նվազեցումներ» հոդվածում (տող 180) ցույց է տրվում հաշվետու ժամանակաշրջանում պահուստային կապիտալի վերը չնշված այլ նվազեցումների մեծությունը:

Այս հոդվածը (որպես նվազեցվող գումար) ցույց է տրվում փակագծերի մեջ:

3.19 «Պահուստային կապիտալի մնացորդը հաշվետու ժամանակաշրջանի վերջում» հոդվածում (տող 190) ցույց է տրվում հաշվետու ժամանակաշրջանի վերջում պահուստային կապիտալի մեծությունը (86 «Պահուստային կապիտալ» հաշվի հաշվետու ժամանակաշրջանի վերջի մնացորդը) տող 100 + տող 110 + տող 120 + տող 130 - տող 140 - տող 150 - տող 160 + տող 170 - տող 180:

Լրացուցիչ կապիտալ

3.20 «Լրացուցիչ կապիտալի տարեսկզբի մնացորդը» հոդվածում (տող 200) ցույց է տրվում լրացուցիչ կապիտալի տարեսկզբի մնացորդը (87 «Լրացուցիչ կապիտալ» հաշվի տարեսկզբի մնացորդը):

3.21 «Էմիսիոն եկամուտներ» հոդվածում (տող 210) ցույց է տրվում կազմակերպության կանոնադրական կապիտալի ձևավորման ժամանակ (հիմնադրամ, լրացուցիչ էմիսիա) սեփական ներդրումների (բաժնետոմսեր, բաժնեմասեր) վաճառքի գնի և անվանական արժեքի տարբերությունը (50 «Դրամարկղ», 51 «Հաշվարկային հաշիվ» և համապատասխան այլ հաշիվների դեբետի և 87 «Լրացուցիչ կապիտալ» հաշվի կրեդիտի հաշվապահական թղթակցության գումարը):

3.22 «Սեփական ներդրումների մարումից ավելացում» հոդվածում (տող 220) ցույց է տրվում հետ գնված կամ ձեռք բերված և լուծարված սեփական ներդրումների (բաժնետոմսերի, բաժնեմասերի) անվանական արժեքի և ձեռք բերման (հաշվեկշռային) արժեքի դրական տարբերությունը (56 «Դրամական փաստաթղթեր» հաշվի դեբետի և 87 «Լրացուցիչ կապիտալ» հաշվի կրեդիտի հաշվապահական թղթակցության գումարը):

3.23 «Սեփական ներդրումների մարումից նվազեցում» հոդվածում (տող 230) ցույց է տրվում հետ գնված կամ ձեռք բերված և լուծարված սեփական ներդրումների (բաժնետոմսերի, բաժնեմասերի) անվանական արժեքի և ձեռք բերման (հաշվեկշռային) արժեքի բացասական տարբերությունը (87 «Լրացուցիչ կապիտալ » հաշվի դեբետի և 56 «Դրամական փաստաթղթեր» հաշվի կրեդիտի հաշվապահական թղթակցության գումարը):

Այս հոդվածը (որպես նվազեցվող գումար) ցույց է տրվում փակագծերի մեջ:

3.24 «Սեփական ներդրումների վաճառքից ավելացում» հոդվածում (տող 240) ցույց է տրվում հետ գնված կամ ձեռք բերված սեփական ներդրումների վաճառքի գնի և ձեռք բերման արժեքի դրական տարբերությունը (50 «Դրամարկղ», 51 «Հաշվարկային հաշիվ» և համապատասխան այլ հաշիվների դեբետի և 87 «Լրացուցիչ կապիտալ» հաշվի կրեդիտի հաշվապահական թղթակցության գումարը):

3.25 «Սեփական ներդրումների վաճառքից նվազեցում» հոդվածում (տող 250) ցույց է տրվում հետ գնված կամ ձեռք բերված սեփական ներդրումների վաճառքի գնի և ձեռք բերման արժեքի բացասական տարբերությունը (87 «Լրացուցիչ կապիտալ» հաշվի դեբետի և 56 «Դրամական փաստաթղթեր »հաշվի կրեդիտի հաշվապահական թղթակցության գումարը):

Այս հոդվածը (որպես նվազեցվող գումար) ցույց է տրվում փակագծերի մեջ:

3.26 «Հիմնական միջոցների արժեքի աճ» հոդվածում (տող 260) ցույց է տրվում հիմնական միջոցների վերագնահատված և հաշվեկշռային (մինչև վերագնահատումը) արժեքների (հաշվի առած նաև մաշվածության վերագնահատումը) դրական տարբերությունը (01 «Հիմնական միջոցներ» հաշվի դեբետի և 87 «Լրացուցիչ կապիտալ» հաշվի կրեդիտի հաշվապահական թղթակցության և 87 «Լրացուցիչ կապիտալ» հաշվի դեբետի և 02 «Հիմնական միջոցների մաշվածություն» հաշվի կրեդիտի հաշվապահական թղթակցության գումարը):

3.27 «Հիմնական միջոցների արժեքի նվազեցում» հոդվածում (տող 270) ցույց է տրվում հիմնական միջոցների վերագնահատված և հաշվեկշռային (մինչև վերագնահատումը) արժեքների բացասական տարբերությունը այն չափով, որքանով այն չի գերազանցում նախորդ վերագնահատման արդյունքում առաջացած լրացուցիչ կապիտալին:

Այս հոդվածը (որպես նվազեցվող գումար) ցույց է տրվում փակագծերի մեջ:

3.28 «Ստացված շնորհներ» հոդվածում (տող 280) ցույց է տրվում ստացված այն շնորհների մեծությունը, որոնք հաշվապահական հաշվառումը կարգավորող իրավական ակտերին համապատասխան անմիջականորեն վերագրվում են սեփական կապիտալին:

3.29 «Լրացուցիչ կապիտալի այլ ավելացումներ» հոդվածում (տող 290) ցույց է տրվում հաշվետու ժամանակաշրջանում լրացուցիչ կապիտալի վերը չնշված այլ ավելացումների մեծությունը:

3.30 «Լրացուցիչ կապիտալի այլ նվազեցումներ» հոդվածում (տող 300) ցույց է տրվում հաշվետու ժամանակաշրջանում լրացուցիչ կապիտալի վերը չնշված այլ նվազեցումների մեծությունը:

Այս հոդվածը (որպես նվազեցվող գումար) ցույց է տրվում փակագծերի մեջ:

3.31 «Լրացուցիչ կապիտալի մնացորդը հաշվետու ժամանակաշրջանի վերջում» հոդվածում (տող 310) ցույց է տրվում հաշվետու ժամանակաշրջանի վերջում կազմակերպության լրացուցիչ կապիտալի մեծությունը (87 «Լրացուցիչ կապիտալ» հաշվի հաշվետու ժամանակաշրջանի վերջի մնացորդը) տող 200 + տող 210 + տող 220 - տող 230 + տող 240 - տող 250 + տող 260 - տող 270 + տող 280 + տող 290 - տող 300:

Չբաշխված շահույթ

3.32 «Չբաշխված շահույթի տարեսկզբի մնացորդը» հոդվածում (տող 320) ցույց է տրվում չբաշխված շահույթի տարեսկզբի մնացորդը (88 «Չբաշխված շահույթ» հաշվի մնացորդը): Ընդ որում եթե մնացորդը դեբետային է ցույց է տրվում փակագծերի մեջ (որպես նվազեցվող գումար):

3.33 «Հաշվետու տարվա շահույթից հատկացումներ հատուկ նշանակության հիմնադրամներին» հոդվածում (տող 330) ցույց է տրվում հատուկ նշանակության հիմնադրամներին («Կուտակման հիմնադրամ», «Սոցիալական ոլորտի հիմնադրամ», «Սպառման հիմնադրամ») հաշվետու տարվա շահույթից հատկացումները (81 «Շահույթի օգտագործում» հաշվի դեբետի և 88 «Չբաշխված շահույթ» հաշվի կրեդիտի հաշվապահական թղթակցության գումարը):

3.34 «Հաշվետու տարվա չբաշխված շահույթ» հոդվածում (տող 340) ցույց է տրվում հաշվետու տարվա շահույթի չբաշխված գումարը, որը դեկտեմբեր ամսվա եզրափակիչ շրջանառությամբ դուրս է գրվել չբաշխված շահույթի վրա (80 «Շահույթ և վնաս» հաշվի դեբետի և 88 «Չբաշխված շահույթ» հաշվի կրեդիտի հաշվապահական թղթակցության գումարը):

3.35 «Շահաբաժինների (եկամուտների) հաշվեգրում չբաշխված շահույթի հաշվին» հոդվածում (տող 350) ցույց է տրվում չբաշխված շահույթից մասնակիցների շահաբաժինների (եկամուտների) վճարմանն ուղղված միջոցների մեծությունը (88 «Չբաշխված շահույթ» հաշվի դեբետի և 75 «Հաշվարկներ հիմնադիրների հետ», 70 «Հաշվարկներ անձնակազմի հետ` եկամուտների վճարման գծով» հաշիվների կրեդիտի հաշվապահական թղթակցության գումարը):

Այս հոդվածը (որպես նվազեցվող գումար) ցույց է տրվում փակագծերի մեջ:

3.36 «Չբաշխված շահույթից նյութական խրախուսման համար օգտագործված միջոցներ» հոդվածում (տող 360) ցույց է տրվում չբաշխված շահույթից` (88-5 «Սպառման հիմնադրամ» ենթահաշիվը) աշխատողների նյութական խրախուսման և այլ նմանատիպ միջոցառումների իրականացման համար օգտագործված միջոցների մեծությունը (88 «Չբաշխված շահույթ »հաշվի դեբետի և 70 «Հաշվարկներ անձնակազմի հետ` եկամուտների վճարման գծով» հաշվի կրեդիտի հաշվապահական թղթակցության գումարը):

Այս հոդվածը (որպես նվազեցվող գումար) ցույց է տրվում փակագծերի մեջ:

3.37 «Չբաշխված շահույթից հատկացումներ պահուստային կապիտալին» հոդվածում (տող 370) ցույց է տրվում պահուստային կապիտալի համալրմանն ուղղված չբաշխված շահույթից հատկացումների մեծությունը (88 «Չբաշխված շահույթ» հաշվի դեբետի և 86 «Պահուստային կապիտալ» հաշվի կրեդիտի հաշվապահական թղթակցության գումարը):

Այս հոդվածը (որպես նվազեցվող գումար) ցույց է տրվում փակագծերի մեջ:

3.38 «Չբաշխված շահույթի այլ ավելացումներ» հոդվածում (տող 380) ցույց է տրվում հաշվետու ժամանակաշրջանում չբաշխված շահույթի վերը չնշված այլ ավելացումների մեծությունը:

3.39 «Չբաշխված շահույթի այլ նվազեցումներ» հոդվածում (տող 390) ցույց է տրվում հաշվետու ժամանակաշրջանում չբաշխված շահույթի վերը չնշված այլ նվազեցումների մեծությունը:

Այս հոդվածը (որպես նվազեցվող գումար) ցույց է տրվում փակագծերի մեջ:

3.40 «Չբաշխված շահույթի մնացորդը հաշվետու ժամանակաշրջանի վերջում» հոդվածում (տող 400) ցույց է տրվում հաշվետու ժամանակաշրջանի վերջում չբաշխված շահույթի մեծությունը (88 «Չբաշխված շահույթ» հաշվի հաշվետու ժամանակաշրջանի վերջի մնացորդը) ± տող 320 + տող 330 + տող 340 - տող 350 - տող 360 - տող 370 + տող 380 - տող 390:

Ընդ որում, եթե մնացորդը դեբետային է, ցույց է տրվում փակագծերի մեջ (որպես նվազեցվող գումար):

4. Դրամական միջոցների հոսքերի մասին հաշվետվություն` ՁԵՎ N 4

Դրամական միջոցների հոսքերի մասին հաշվետվությունում արտացոլվում է կազմակերպության դրամարկղում և բանկային հաշիվներում գործառնական, ինվեստիցիոն, ֆինանսական գործունեությունից, արտակարգ (անկանխատեսելի) դեպքերից Հայաստանի Հանրապետության արժույթի և արտարժույթի (այսուհետ` դրամական միջոցներ) մուտքերը և ելքերը, դրամական միջոցների տարեսկզբի և հաշվետու ժամանակաշրջանի վերջի մնացորդները, ինչպես նաև արտարժույթի փոխարժեքային տարբերության հետևանքով դրամական միջոցների աճը կամ նվազումը (հաշվապահական հաշվառման 50 «Դրամարկղ», 51 «Հաշվարկային հաշիվ», 52 «Արտարժույթային հաշիվ», 55 «Հատուկ հաշիվներ բանկերում» հաշիվների դեբետային և կրեդիտային շրջանառությունները, տարեսկզբի և հաշվետու ժամանակաշրջանի վերջի մնացորդները):

Արտարժույթով դրամական միջոցները հաշվետվությունում արտացոլվում են Հայաստանի Հանրապետության արժույթով` դրամով: Ընդ որում արտարժույթի տարեսկզբի մնացորդը ցույց է տրվում նախորդ հաշվետու ժամանակաշրջանի վերջին օրվա դրությամբ ՀՀ կենտրոնական բանկի կողմից սահմանված հաշվարկային փոխարժեքով: Տարվա ընթացքում արտարժույթով դրամական հոսքերը ցույց են տրվում տվյալ օրվա ՀՀ կենտրոնական բանկի կողմից սահմանված հաշվարկային փոխարժեքով: Արտարժույթի տարեվերջի (հաշվետու ժամանակաշրջանի վերջի) մնացորդը ցույց է տրվում հաշվետու ժամանակաշրջանի վերջին օրվա դրությամբ ՀՀ կենտրոնական բանկի կողմից սահմանված հաշվարկային փոխարժեքով:

Հաշվետվության հանրագումարներում (տող 190, տող 350, տող 460, տող 470, տող 500, տող 530) բացասական արդյունքի ստացման դեպքում գումարները ցույց են տրվում փակագծերի մեջ (որպես նվազեցվող գումար):

4.1 «Դրամական միջոցների տարեսկզբի մնացորդը» հոդվածում (տող 010) ցույց է տրվում կազմակերպության դրամարկղում և բանկային հաշիվներում դրամական միջոցների տարեսկզբի մնացորդները:

4.2 «Արտադրանքի, աշխատանքների, ծառայությունների իրացումից» հոդվածում (տող 020) ցույց է տրվում կազմակերպության կողմից թողարկված արտադրանքի, կատարված աշխատանքների և մատուցված ծառայությունների իրացումից ստացված դրամական միջոցները:

4.3 «Ապրանքների իրացումից» հոդվածում (տող 030) ցույց է տրվում ապրանքների իրացումից ստացված դրամական միջոցները:

4.4 «Ընթացիկ այլ ակտիվների իրացումից» հոդվածում (տող 040) ցույց է տրվում հումքի, նյութերի, փոքրարժեք և արագամաշ առարկաների, կարճաժամկետ արժեթղթերի և ընթացիկ այլ ակտիվների իրացումից ստացված դրամական միջոցները:

4.5 «Ստացված կանխավճարներից» հոդվածում (տող 050) ցույց է տրվում կազմակերպության գործունեության` ապրանքների, արտադրանքի, աշխատանքների, ծառայությունների, ինչպես նաև ընթացիկ այլ ակտիվների իրացման նպատակով ստացված կանխավճարները:

4.6 «Կարճաժամկետ ֆինանսական ներդրումների դիմաց հաշվարկված եկամուտներից» հոդվածում (տող 060) ցույց է տրվում այլ կազմակերպություններում ներդրված պարտատոմսերի, այլ արժեթղթերի, ավանդների, տրամադրված փոխառությունների և այլ կարճաժամկետ ֆինանսական ներդրումների դիմաց հաշվարկված եկամուտների դիմաց ստացված դրամական միջոցները:

4.7 «Գործառնական այլ գործունեությունից» հոդվածում (տող 070) ցույց է տրվում հիմնական միջոցների վարձակալությունից (բացի երկարաժամկետ վարձակալությունից), անհատույց ստացված ակտիվներից, պարտավորությունների զեղչումից ու ներումից և այլ գործառնական գործունեությունից ստացված դրամական միջոցները:

4.8 «Ընդամենը գործառնական գործունեությունից մուտքեր» հոդվածում (տող 080) ցույց է տրվում տող 020, տող 030, տող 040, տող 050, տող 060 և տող 070-ի հանրագումարը:

4.9 «Ձեռք բերված արտադրական պաշարների դիմաց» հոդվածում (տող 090) ցույց է տրվում կազմակերպության գործունեության իրականացման նպատակով ձեռք բերված արտադրական պաշարների (հումք և նյութեր, փոքրարժեք և արագամաշ առարկաներ և այլն) դիմաց վճարված դրամական միջոցները:

4.10 «Ապրանքների ձեռք բերման դիմաց» հոդվածում (տող 100) ցույց է տրվում գործառնական գործունեության իրականացման նպատակով ձեռք բերված ապրանքների դիմաց վճարված դրամական միջոցները:

4.11 «Կատարված աշխատանքների, մատուցված ծառայությունների դիմաց» հոդվածում (տող 110) ցույց է տրվում կատարված աշխատանքների, մատուցված ծառայությունների դիմաց մատակարարներին վճարված դրամական միջոցները:

4.12 «Տրված կանխավճարներ» հոդվածում (տող 120) ցույց է տրվում կազմակերպության գործունեության իրականացման նպատակով այլ կազմակերպություններին և անձանց տրված կանխավճարները:

4.13 «Աշխատավարձի և դրան հավասարեցված վճարումների դիմաց» հոդվածում (տող 130) ցույց է տրվում կազմակերպության աշխատակիցներին վճարված աշխատավարձի և դրան հավասարեցված վճարումների նպատակով ելքագրված դրամական միջոցները:

4.14 «Սոցիալական ապահովագրության և ապահովության նպատակով» հոդվածում (տող 140) ցույց է տրվում աշխատողների սոցիալական ապահովագրության և ապահովության նպատակով ելքագրված դրամական միջոցները:

4.15 «Առհաշիվ տրված գումարներ» հոդվածում (տող 150) ցույց է տրվում կազմակերպության գործունեության իրականացման նպատակով ընթացիկ ակտիվների ձեռք բերման համար առհաշիվ տրված դրամական միջոցները (71 «Հաշվարկներ հաշվետու անձանց հետ» հաշվի համապատասխան մասը):

4.16 «Վճարումներ բյուջե» հոդվածում (տող 160) ցույց է տրվում կազմակերպության կողմից հարկերի, տուրքերի և բյուջե գանձվող այլ պարտադիր վճարների գծով փաստացի վճարված դրամական միջոցները:

4.17 «Գործառնական այլ գործունեության նպատակով» հոդվածում (տող 170) ցույց է տրվում գործուղման նպատակով, պայմանագրային պարտավորությունների խախտման համար վճարված տույժերի, տուգանքների, դատական ծախսերի, անհատույց տրված և գործառնական այլ գործունեության նպատակով ելքագրված դրամական միջոցները:

4.18 «Ընդամենը գործառնական գործունեությունից ելքեր» հոդվածում (տող 180) ցույց է տրվում տող 090, տող 100, տող 110, տող 120, տող 130, տող 140, տող 150, տող 160 և տող 170-ի հանրագումարը:

4.19 «Գործառնական գործունեությունից զուտ դրամական հոսքեր» հոդվածում (տող 190) ցույց է տրվում գործառնական գործունեությունից դրամական միջոցների մուտքերի և ելքերի տարբերության գումարը (տող 080-տող180): Ընդ որում, եթե տարբերությունը բացասական մեծություն է, ապա այն ցույց է տրվում փակագծերի մեջ (որպես նվազեցվող գումար):

4.20 «Հիմնական միջոցների իրացումից» հոդվածում (տող 200) ցույց է տրվում կազմակերպության հիմնական միջոցների իրացումից ստացված դրամական միջոցները:

4.21 «Տեղակայման ենթակա սարքավորումների և անավարտ շինարարության օբյեկտների իրացումից» հոդվածում (տող 210) ցույց է տրվում կազմակերպության տեղակայման ենթակա սարքավորումների և անավարտ շինարարության օբյեկտների իրացումից ստացված դրամական միջոցները:

4.22 «Բաժնետոմսերի և բաժնեմասերի իրացումից» հոդվածում (տող 220) ցույց է տրվում բաժնետոմսերի և բաժնեմասերի իրացումից ստացված դրամական միջոցները:

4.23 «Շահաբաժիններից» հոդվածում (տող 230) ցույց է տրվում այլ կազմակերպությունների կանոնադրական կապիտալում բաժնեմասնակցությունից մուտքագրված դրամական միջոցները:

4.24 «Երկարաժամկետ փոխառությունների, ավանդների և այլ ներդրումների իրացումից (մարումից)» հոդվածում (տող 240) ցույց է տրվում երկարաժամկետ փոխառությունների, ավանդների, գրավագրերի և այլ երկարաժամկետ ներդրումների իրացումից (մարումից) ստացված դրամական միջոցները:

4.25 «Ոչ ընթացիկ ակտիվների իրացման համար ստացված կանխավճարներ» հոդվածում (տող 250) ցույց է տրվում հիմնական միջոցների, ոչ նյութական ակտիվների և այլ ոչ ընթացիկ ակտիվների իրացման նպատակով ստացված կանխավճարները:

4.26 «Ինվեստիցիոն այլ գործունեությունից» հոդվածում (տող 260) ցույց է տրվում 200-ից 250 տեղերում չարտացոլված ինվեստիցիոն այլ գործունեությունից մուտքագրված դրամական միջոցները:

4.27 «Ընդամենը ինվեստիցիոն գործունեությունից մուտքեր» հոդվածում (տող 270) ցույց է տրվում տող200, տող 210, տող 220, տող 230, տող 240, տող 250 և տող 260-ի հանրագումարը:

4.28 «Ձեռք բերված հիմնական միջոցների դիմաց» հոդվածում (տող 280) ցույց է տրվում կազմակերպության հիմնական միջոցների ձեռք բերման նպատակով ելքագրված դրամական միջոցները:

4.29 «Ձեռք բերված (կառուցված) տեղակայման ենթակա սարքավորումների և անավարտ շինարարության օբյեկտների դիմաց» հոդվածում (տող 290) ցույց է տրվում կազմակերպության տեղակայման ենթակա սարքավորումների և անավարտ շինարարության օբյեկտների ձեռք բերման համար ելքագրված դրամական միջոցները:

4.30 «Ձեռք բերված բաժնետոմսերի և բաժնեմասերի դիմաց» հոդվածում (տող 300) ցույց է տրվում բաժնետոմսերի և բաժնեմասերի ձեռք բերման համար ելքագրված դրամական միջոցները:

4.31 «Տրամադրված երկարաժամկետ փոխառությունների, ավանդների և այլ երկարաժամկետ ներդրումների դիմաց» հոդվածում (տող 310) ցույց է տրվում ինվեստիցիոն գործունեություն իրականացնելու նպատակով տրամադրված երկարաժամկետ փոխառությունների, ավանդների և այլ ներդրումների դիմաց վճարված գումարները:

4.32 «Ոչ ընթացիկ ակտիվների ձեռք բերման համար տրված կանխավճարներ» հոդվածում (տող 320) ցույց է տրվում հիմնական միջոցների, ոչ նյութական ակտիվների և այլ ոչ ընթացիկ ակտիվների ձեռք բերման համար տրված կանխավճարները:

4.33 «Ինվեստիցիոն այլ գործունեության նպատակով» հոդվածում (տող 330) ցույց է տրվում 280-ից 320 տողերում տողերում չարտացոլված ինվեստիցիոն այլ գործունեության համար ելքագրված դրամական միջոցները:

4.34 «Ընդամենը ինվեստիցիոն գործունեությունից ելքեր» հոդվածում (տող 340) ցույց է տրվում տող 280, տող 290, տող 300, տող 310, տող 320 և տող 330-ի հանրագումարը:

4.35 «Ինվեստիցիոն գործունեությունից զուտ դրամական հոսքեր» հոդվածում (տող 350) ցույց է տրվում ինվեստիցիոն գործունեությունից դրամական միջոցների մուտքերի և ելքերի տարբերության գումարը (տող 270-տող 340): Ընդ որում, եթե տարբերությունը բացասական մեծություն է, ապա այն ցույց է տրվում փակագծերի մեջ (որպես նվազեցվող գումար):

4.36 «Բաժնետոմսերի և բաժնեմասերի թողարկումից» հոդվածում (տող 360) ցույց է տրվում կազմակերպության կանոնադրական կապիտալի ձևավորման և համալրման համար թողարկված բաժնետոմսերի և բաժնեմասերի դիմաց ստացված դրամական միջոցները:

4.37 «Ստացված վարկերից և այլ փոխառություններից» հոդվածում (տող 370) ցույց է տրվում ստացված վարկերից և այլ փոխառություններից ստացված դրամական միջոցները:

4.38 «Ֆինանսական այլ գործունեությունից մուտքեր» հոդվածում (տող 380) ցույց է տրվում 360 և 370 տողերում չարտացոլված ֆինանսական այլ գործունեությունից մուտքագրված դրամական միջոցները:

4.39 «Ընդամենը ֆինանսական գործունեությունից մուտքեր» հոդվածում (տող 390) ցույց է տրվում տող 360, տող 370 և տող 380-ի հանրագումարը:

4.40 «Սեփական բաժնետոմսերի և բաժնեմասերի հետ գնման նպատակով» հոդվածում (տող 400) ցույց է տրվում կազմակերպության ֆինանսական գործունեությունը իրականացնելու նպատակով բաժնետոմսերի և բաժնեմասերի հետ գնման նպատակով վճարված դրամական միջոցները:

4.41 «Ստացված վարկերի և այլ փոխառությունների մարման համար» հոդվածում (տող 410) ցույց է տրվում ֆինանսական գործունեություն իրականացնելու նպատակով ստացված վարկերի, և այլ փոխառությունների մարման համար վճարված դրամական միջոցները:

4.42 «Շահաբաժինների վճարման նպատակով» հոդվածում (տող 420) ցույց է տրվում վճարված շահաբաժինների վճարման նպատակով ելքագրված դրամական միջոցները:

4.43 «Ստացված վարկերի և այլ փոխառությունների դիմաց վճարված տոկոսների համար» հոդվածում (տող 430) ցույց է տրվում ստացված վարկերի և այլ փոխառությունների տոկոսների մարման համար վճարված դրամական միջոցները:

4.44 «Ֆինանսական այլ գործունեության նպատակով» հոդվածում (տող 440) ցույց է տրվում 400-ից 430 տողերում չարտացոլված ֆինանսական այլ գործունեության նպատակով ելքագրված դրամական միջոցները:

4.45 «Ընդամենը ֆինանսական գործունեությունից ելքեր» հոդվածում (տող 450) ցույց է տրվում տող 400, տող 410, տող 420, տող 430, և տող 440-ի հանրագումարը:

4.46 «Ֆինանսական գործունեությունից զուտ դրամական հոսքեր» հոդվածում (տող 460) ցույց է տրվում ֆինանսական գործունեությունից դրամական միջոցների մուտքերի և ելքերի տարբերության գումարը (տող 390-տող 450): Ընդ որում, եթե տարբերությունը բացասական մեծություն է, ապա այն ցույց է տրվում փակագծերի մեջ (որպես նվազեցվող գումար):

4.47 «Ընդամենը զուտ դրամական հոսքեր գործառնական, ինվեստիցիոն և ֆինանսական գործունեություններից» հոդվածում (տող 470) ցույց է տրվում տող 190, տող 350 և տող 460-ի հանրագումարը: Ընդ որում, եթե տարբերությունը բացասական է, ապա այն ցույց է տրվում փակագծերի մեջ (որպես նվազեցվող գումար):

4.48 «Արտակարգ (անկանխատեսելի) դեպքերից դրամական միջոցների մուտքեր» հոդվածում (տող 480) ցույց է տրվում հաշվետու ժամանակաշրջանում արտակարգ (անկանխատեսելի) դեպքերից ստացված դրամական միջոցները:

4.49 «Արտակարգ (անկանխատեսելի) դեպքերից դրամական միջոցների ելքեր» հոդվածում (տող 490) ցույց է տրվում հաշվետու ժամանակաշրջանում արտակարգ (անկանխատեսելի) դեպքերի համար վճարված դրամական միջոցները:

4.50 «Ընդամենը զուտ դրամական հոսքեր արտակարգ (անկանխատեսելի) դեպքերից» հոդվածում (տող 500) ցույց է տրվում արտակարգ (անկանխատեսելի) դեպքերից առաջացած դրամական միջոցների մուտքերի և ելքերի տարբերության գումարը (տող 480-տող 490): Ընդ որում, եթե տարբերությունը բացասական է, ապա այն ցույց է տրվում փակագծերի մեջ (որպես նվազեցվող գումար):

4.51 «Արտարժույթի փոխարժեքային դրական տարբերություն» հոդվածում (տող 510) ցույց է տրվում հաշվետու ժամանակաշրջանում կազմակերպության դրամարկղում և բանկային հաշիվներում առկա արտարժույթի վերագնահատումից (հաշվետու ժամանակաշրջանի վերջում կամ մուտքագրման պահին) առաջացած արտարժույթի փոխարժեքային դրական տարբերությունը:

4.52 «Արտարժույթի փոխարժեքային բացասական տարբերություն» հոդվածում (տող 520) ցույց է տրվում հաշվետու ժամանակաշրջանում կազմակերպության դրամարկղում և բանկային հաշիվներում առկա արտարժույթի վերագնահատումից (հաշվետու ժամանակաշրջանի վերջում, կամ ելքագրման պահին) առաջացած արտարժույթի փոխարժեքային բացասական տարբերությունը:

4.53 «Արտարժույթի փոխարժեքային տարբերության արդյունքը» հոդվածում (տող 530) ցույց է տրվում արտարժույթի փոխարժեքային տարբերությունից դրամական միջոցների մուտքերի և ելքերի տարբերության գումարը (տող 510-տող 520): Ընդ որում, եթե տարբերությունը բացասական մեծություն է, ապա այն ցույց է տրվում փակագծերի մեջ (որպես նվազեցվող գումար):

4.54 «Մուտքագրվել է դրամարկղ բանկից» հոդվածում (տող 540) ցույց է տրվում կազմակերպության բանկային հաշիվներից դրամարկղ մուտքագրված գումարները:

4.55 «Մուտքագրվել է դրամարկղից բանկ» հոդվածում (տող 550) ցույց է տրվում կազմակերպության դրամարկղից բանկային հաշիվներ մուտքագրված գումարները:

4.56 «Հանձնվել է բանկ դրամարկղից» հոդվածում (տող 560) ցույց է տրվում կազմակերպության դրամարկղից բանկային հաշիվներ մուտքագրված գումարները:

4.57 «Հանձնվել է բանկից դրամարկղ» հոդվածում (տող 570) ցույց է տրվում կազմակերպության բանկային հաշիվներից դրամարկղ մուտքագրված գումարները:

4.58 «Մուտքագրվել է ոչ կանխիկ դրամ ոչ կանխիկ արտարժույթի փոխանակումից» հոդվածում (տող 580) ցույց է տրվում բանկային հաշիվներում ոչ կանխիկ դրամի մուտքագրումը` ոչ կանխիկ արտարժույթի փոխանակումից:

4.59 «Մուտքագրվել է ոչ կանխիկ արտարժույթ ոչ կանխիկ դրամի փոխանակումից» հոդվածում (տող 590) ցույց է տրվում բանկային արտարժույթային հաշիվներում ոչ կանխիկ արտարժույթի մուտքագրումը` ոչ կանխիկ դրամի փոխանակումից:

4.60 «Ելքագրվել է ոչ կանխիկ դրամ ոչ կանխիկ արտարժույթի փոխանակումից» հոդվածում (տող 600) ցույց է տրվում ոչ կանխիկ արտարժույթի փոխանակման նպատակով բանկային հաշիվներից ելքագրված ոչ կանխիկ դրամը:

4.61 «Ելքագրվել է ոչ կանխիկ արտարժույթ ոչ կանխիկ դրամի փոխանակումից» հոդվածում (տող 610) ցույց է տրվում ոչ կանխիկ դրամի փոխանակման նպատակով բանկային արտարժույթային հաշիվներից ելքագրված` ոչ կանխիկ արտարժույթը:

4.62 «Դրամական միջոցների մնացորդը հաշվետու ժամանակաշրջանի վերջին օրվա դրությամբ» հոդվածում (տող 620) ցույց է տրվում կազմակերպության դրամարկղում և բանկային հաշիվներում դրամական միջոցների մնացորդները` հաշվետու ժամանակաշրջանի վերջին օրվա դրությամբ (տող 010 ± տող 470 ± տող 500 ± տող 530 + տող 540 + տող 550 - տող 560 - տող 570 + տող 580 + տող 590 - տող 600 - տող 610):

5. ֆինանսական հաշվետվություններին կից ծանոթագրություններ` ՁԵՎ N 5

«Ֆինանսական հաշվետվություններին կից ծանոթագրություններ»` Ձև N 5-ում արտացոլվում են կազմակերպության «Հաշվապահական հաշվեկշիռ»` Ձև N1-ում ներառված որոշ հոդվածների փոփոխությունները, «Ֆինանսական արդյունքների մասին հաշվետվություն»` Ձև N 2-ի ծանոթագրությունները, հաշվապահական հաշվառման քաղաքականությունը, ինչպես նաև այլ ծանոթագրություններ:

Հաշվապահական հաշվեկշռին կից ծանոթագրություններ

5.1 «Հիմնական միջոցներ» 1-ին բաժնում ցույց է տրվում կազմակերպության ըստ հիմնական միջոցների խմբերի` 

♦ տարեսկզբի մնացորդային արժեքը, արժեքը (առանց մաշվածության նվազեցման), մաշվածությունը (սյունակ 3) 

♦ հաշվետու ժամանակաշրջանում տվյալ կազմակերպությունում պատրաստված, այլ կազմակերպություններից և անձանցից վճարով ձեռք բերված, անհատույց ստացված, կազմակերպության կանոնադրական կապիտալին հիմնադիրների կողմից իրենց ավանդների դիմաց ներդրված և այլ գործառնությունների արդյունքով մուտքագրված հիմնական միջոցների մնացորդային արժեքը, արժեքը, մաշվածությունը (սյունակ 4) 

♦ օտարված (վաճառք, դուրս գրում, անհատույց հանձնում, ներդրում և այլն) հիմնական միջոցների մնացորդային արժեքը, արժեքը, մաշվածությունը (սյունակ 5) 

♦ տարեվերջի մնացորդային արժեքը, արժեքը (առանց մաշվածության նվազեցման), մաշվածությունը (սյունակ 6)

«Հող, հողամասեր» (տող 010) հոդվածի շարժը ցույց է տրվում միայն արժեքով:

«Ընդամենը մնացորդային արժեք» հոդվածում (տող 120) ցույց է տրվում տող 010, տող 020, տող 030, տող 040, տող 050, տող 060, տող 070, տող 080,տող 090, տող 100 և տող 110-ի հանրագումարը:

«Ընդամենը արժեքը» հոդվածում (տող 121) ցույց է տրվում տող 010, տող 021, տող 031, տող 041, տող 051, տող 061, տող 071, տող 081, տող 091, տող 101 և տող 111-ի հանրագումարը:

«Ընդամենը մաշվածություն» հոդվածում (տող 122) ցույց է տրվում տող 022, տող 032, տող 042, տող 052, տող 062, տող 072, տող 082, տող 092, տող 102 և տող 112-ի հանրագումարը:

5.2 «Կապիտալ ներդրումներ և տեղակայման ենթակա սարքավորումներ» 2-րդ բաժնում ցույց է տրվում կապիտալ ներդրումների և տեղակայման ենթակա սարքավորումների` 

♦ տարեսկզբի մնացորդները (սյունակ 3)

♦ հաշվետու ժամանակաշրջանում կատարված կապիտալ ներդրումների և կառուցվող (վերակառուցվող) օբյեկտներում տեղակայման ենթակա սարքավորումների գումարը (սյունակ 4)

♦ շահագործման հանձնված, օտարված կապիտալ ներդրումների և տեղակայման հանձնված սարքավորումների գումարը (սյունակ 5)

♦ տարեվերջի մնացորդները (սյունակ 6)

Առանձին տողով ցույց է տրվում շինարարության գծով կապիտալ ներդրումների շարժը (տող 131):

5.3 «Ոչ նյութական ակտիվներ» 3-րդ բաժնում ցույց է տրվում կազմակերպության ըստ ոչ նյութական ակտիվների խմբերի`

♦ տարեսկզբի մնացորդային արժեքը, արժեքը (առանց ամորտիզացիայի նվազեցման), ամորտիզացիան (սյունակ 3)

♦ հաշվետու ժամանակաշրջանում այլ կազմակերպություններից և անձանցից վճարով ձեռք բերված, անհատույց ստացված, կազմակերպության կանոնադրական կապիտալին հիմնադիրների կողմից իրենց ավանդների դիմաց ներդրված և այլ գործառնությունների արդյունքով մուտքագրված ոչ նյութական ակտիվների մնացորդային արժեքը, արժեքը, ամորտիզացիան (սյունակ 4)

♦ օտարված (վաճառք, դուրս գրում, անհատույց հանձնում, ներդրում և այլն) ոչ նյութական ակտիվների մնացորդային արժեքը, արժեքը, ամորտիզացիան (սյունակ 5)

♦ տարեվերջի մնացորդային արժեքը, արժեքը (առանց ամորտիզացիայի նվազեցման), ամորտիզացիան (սյունակ 6)

«Ընդամենը մնացորդային արժեք» հոդվածում (տող 210) ցույց է տրվում տող 150, տող 160, տող 170, տող 180, տող 190 և տող 200-ի հանրագումարը:

«Ընդամենը արժեք» հոդվածում (տող 211) ցույց է տրվում տող 151, տող 161, տող 171, տող 181, տող 191 և տող 201-ի հանրագումարը:

«Ընդամենը ամորտիզացիա» հոդվածում (տող 212) ցույց է տրվում տող 152, տող 162, տող 172, տող 182, տող 192, տող 202-ի հանրագումարը:

5.4 «Ֆինանսական ներդրումներ» 4-րդ բաժնի «Երկարաժամկետ ֆինանսական ներդրումներ» և «Կարճաժամկետ ֆինանսական ներդրումներ» ենթաբաժիններում ցույց են տրվում ըստ տեսակների կազմակերպության երկարաժամկետ և կարճաժամկետ ֆինանսական ներդրումների`

♦ տարեսկզբի մնացորդները (սյունակ 3)

♦ հաշվետու ժամանակաշրջանում կատարված երկարաժամկետ և կարճաժամկետ ֆինանսական ներդրումները (սյունակ 4)

♦ օտարված (մարված) երկարաժամկետ և կարճաժամկետ ֆինանսական ներդրումները (սյունակ 5)

♦ տարեվերջի մնացորդները (սյունակ 6):

«Ընդամենը» հոդվածում (տող 280) ցույց է տրվում տող 220, տող 230, տող 240, տող 250, տող 260 և տող 270-ի հանրագումարը:

«Ընդամենը» հոդվածում (տող 340) ցույց է տրվում տող 290, տող 300, տող 310, տող 320 և տող 330-ի հանրագումարը:

5.5 «Ապրանքանյութական պաշարներ» 5-րդ բաժնում ցույց են տրվում կազմակերպության որոշ շրջանառու ակտիվների`

♦ տարեսկզբի մնացորդները (սյունակ 3)

♦ հաշվետու ժամանակաշրջանում արտադրության կամ սեփական կարիքների համար ձեռք բերված ապրանքանյութական պաշարները (սյունակ 4)

♦ այլ կազմակերպություններին կամ անձանց օտարված (վաճառք, դուրս գրում, անհատույց հանձնում, ներդրում և այլն) ապրանքանյութական պաշարները (սյունակ 5)

♦ տարեվերջի մնացորդները (սյունակ 6):

Ընդ որում «Փոքրարժեք և արագամաշ առարկաներ» հոդվածի շարժը ցույց է տրվում մնացորդային արժեքով (տող 360), արժեքով (առանց մաշվածության նվազեցման) (տող 361) և մաշվածությամբ (տող 362), իսկ «Ապրանքներ» հոդվածի շարժը ցույց է տրվում արժեքով (տող 380) և առևտրային հավելագնով (տող 381):

5.6 «Դեբիտորական և կրեդիտորական պարտքեր» 6-րդ բաժնում ցույց են տրվում կազմակերպության մեկ տարուց ավելի և մինչև մեկ տարի մարման ժամկետ ունեցող դեբիտորական և կրեդիտորական պարտքերի` 

♦ տարեսկզբի դեբետային և կրեդիտային մնացորդները (սյունակ 3, 4)

♦ հաշվետու ժամանակաշրջանի դեբետային և կրեդիտային շրջանառությունները դեբիտորական պարտքերը (սյունակ 5, 6)

♦ տարեվերջի դեբետային և կրեդիտային մնացորդները (սյունակ 7, 8):

Ընդ որում կարճաժամկետ դեբիտորական և կրեդիտորական պարտքերի կազմում ցույց է տրվում նաև երկարաժամկետ դեբիտորական և կրեդիտորական պարտքերի այն մասը, որոնց մարման ժամկետները հաշվետու ժամանակաշրջանի վերջին օրվա դրությամբ չեն գերազանցում մեկ տարին:

Առանձին տողերով ցույց է տրվում նաև կարճաժամկետ դեբիտորական և կրեդիտորական պարտքերում ներառված ժամկետանց դեբիտորական և կրեդիտորական պարտքերի շարժը (տող 401, տող 421, տող 441, տող 461, տող 481, տող 501 և տող 521):

«Ընդամենը երկարաժամկետ» հոդվածում (տող 530) ցույց է տրվում տող 390, տող 410, տող 430, տող 450,տող 470, տող 490 և տող 510-ի հանրագումարը:

«Ընդամենը կարճաժամկետ» հոդվածում (տող 540) ցույց է տրվում տող 400, տող 420, տող 440, տող 460, տող 480, տող 500 և տող 520-ի հանրագումարը:

«Ընդամենը այդ թվում` ժամկետանց» հոդվածում (տող 541) ցույց է տրվում տող 401, տող 421, տող 441, տող 461, տող 481, տող 501 և տող 521-ի հանրագումարը:

5.7 «Դեբիտորական պարտքերի հնարավոր կորուստների պահուստ» 7-րդ բաժնում ցույց են տրվում ըստ դասերի կազմակերպության դեբիտորական պարտքերի գծով ստեղծված հնարավոր կորուստների պահուստների`

♦ տարեսկզբի մնացորդները (սյունակ 3)

♦ հաշվետու ժամանակաշրջանում ստեղծված հնարավոր կորուստների պահուստի մեծությունը (սյունակ 4)

♦ մարված պարտավորությունները (սյունակ 5)

♦ տարեվերջի մնացորդները (սյունակ 6):

Ընդամենը հոդվածում (տող 590) ցույց է տրվում տող 550, տող 560, տող 570 և տող 580-ի հանրագումարը:

5.8 «Փոխառու միջոցներ» 8-րդ բաժնի «Երկարաժամկետ փոխառու միջոցներ» և «Կարճաժամկետ փոխառու միջոցներ» ենթաբաժիններում ցույց են տրվում ըստ տեսակների կազմակերպության երկարաժամկետ և կարճաժամկետ փոխառու միջոցների`

♦ տարեսկզբի մնացորդները (սյունակ 3) 

♦ հաշվետու տարվա ընթացքում ստացված (մուտքագրված) երկարաժամկետ և կարճաժամկետ փոխառու միջոցները (սյունակ 4)

♦ մարված (ելքագրված) երկարաժամկետ և կարճաժամկետ փոխառու միջոցները (սյունակ 5) 

♦ տարեվերջի մնացորդները (սյունակ 6):

Ընդ որում, կարճաժամկետ փոխառությունների կազմում ցույց է տրվում նաև երկարաժամկետ փոխառությունների այն մասը, որոնց մարման ժամկետները հաշվետու ժամանակաշրջանի վերջին օրվա դրությամբ չեն գերազանցում մեկ տարին:

Առանձին տողերով ցույց է տրվում նաև ժամկետանց փոխառու միջոցների (տող 641, տող 651) և ժամկետանց ֆինանսական պարտավորությունների դիմաց հաշվեգրված տույժերի և տուգանքների (տող 661) շարժը, որոնք բաժնի հանրագումարի մեջ չեն մտնում:

«Ընդամենը» հոդվածում (տող 630) ցույց է տրվում տող 600, տող 610 և տող 620-ի հանրագումարը:

«Ընդամենը» հոդվածում (տող 670) ցույց է տրվում տող 640, տող 650 և տող 660-ի հանրագումարը:

5.9 «Հաշվարկներ բյուջեի հետ» 9-րդ բաժնում ցույց են տրվում ըստ տեսակների կազմակերպության և օրենսդրությամբ սահմանված կարգով նրա անձնակազմի բյուջեի հետ պարտավորությունների` 

♦ տարեսկզբի մնացորդները (սյունակ 3) 

♦ հաշվետու ժամանակաշրջանում հաշվարկված հարկերի, տուրքերի և բյուջե գանձվող այլ պարտադիր վճարների դիմաց առաջացած պարտավորությունները (սյունակ 4) 

♦ մարված պարտավորությունները (սյունակ 5) 

♦ տարեվերջի մնացորդները (սյունակ 6):

Գերավճարի (հասանելիքից ավելի բյուջեին վճարված գումարը) դեպքում տարեսկզբի մնացորդը (3-րդ սյունակ) և տարեվերջի մնացորդը (6-րդ սյունակ) ցույց է տրվում փակագծերում (որպես նվազեցվող գումար):

«Ընդամենը» հոդվածում (տող 800) ցույց է տրվում տող 680, տող 690, տող 700, տող 710, տող 720, տող 730, տող 740, տող 750, տող 760, տող 770, տող 780 և տող 790-ի հանրագումարը:

5.10 «Հաշվարկներ աշխատավարձի, սոցիալական ապահովագրության և ապահովության գծով» 10-րդ ենթաբաժնում ցույց են տրվում կազմակերպության և նրա անձնակազմի հետ աշխատավարձի և դրան հավասարեցված վճարումների (բացի շահաբաժիններից), սոցիալական ապահովագրության և ապահովության գծով հաշվարկների` 

♦ տարեսկզբի մնացորդները (սյունակ 3)

♦ հաշվետու ժամանակաշրջանում հաշվարկված աշխատավարձի, սոցիալական ապահովագրության և ապահովության պարտավորությունները (սյունակ 4)

♦ մարված պարտավորությունները (սյունակ 5) 

♦ տարեվերջի մնացորդները (սյունակ 6):

Գերավճարի (հասանելիքից ավելի վճարված գումարը) դեպքում տարեսկզբի մնացորդը (3-րդ սյունակ) և տարեվերջի մնացորդը (6-րդ սյունակ) ցույց է տրվում փակագծերում (որպես նվազեցվող գումար):

Առանձին տողերով ցույց է տրվում նաև սոցիալական ապահովագրության, կենսաթոշակային և զբաղվածության հիմնադրամի գծով տույժերի և տուգանքների շարժը (տող 821, տող 831), որոնք բաժնի հանրագումարի մեջ չեն մտնում:

«Ընդամենը» հոդվածում (տող 840) ցույց է տրվում տող 810, տող 820 և տող 830-ի հանրագումարը:

5.11 «Գալիք ժամանակաշրջանի ծախսերի և վճարումների պահուստ» 11-րդ բաժնում ցույց են տրվում ըստ տեսակների կազմակերպության կողմից հաշվետու ժամանակաշրջանում կատարված, բայց գալիք ժամանակաշրջանին վերաբերվող ծախսերի` 

♦ տարեսկզբի մնացորդները (սյունակ 3) 

♦ հաշվետու ժամանակաշրջանում մասհանումները պահուստներին (սյունակ 4) 

♦ մարված պահուստները (սյունակ 5)

♦ տարեվերջի մնացորդները (սյունակ 6):

«Ընդամենը» հոդվածում (տող 890) ցույց է տրվում տող 850, տող 860, տող 870 և տող 880-ի հանրագումարը:

5.12 «Արտահաշվեկշռային հաշիվներ» 12-րդ բաժնում ցույց է տրվում կազմակերպության արտահաշվեկշռային հաշիվների` 

♦ տարեսկզբի մնացորդները (սյունակ 3) 

♦ հաշվետու ժամանակաշրջանում մուտքագրումները (սյունակ 4) 

♦ ելքագրումները (սյունակ 5) 

♦ տարեվերջի մնացորդները (սյունակ 6):

Ընդ որում, 1010-ից 1024 տողերը լրացնում են արժեթղթերի շուկայում գործունեություն իրականացնող մասնագիտացված կազմակերպությունները:

5.13 «Զուտ ակտիվների հաշվարկ» 13-րդ բաժնում ցույց է տրվում կազմակերպության զուտ ակտիվների հաշվարկը` 

♦ հաշվետու ժամանակաշրջանի սկզբում (սյունակ 5) 

♦ հաշվետու ժամանակաշրջանի վերջում (սյունակ 6):

Զուտ ակտիվներ հոդվածում (տող 1050) ցույց է տրվում տող 1030 և տող 1040-ի հանրագումարը:

Ֆինանսական արդյունքների մասին հաշվետվությանը կից ծանոթագրություններ

Ֆինանսական արդյունքների մասին հաշվետվությանը կից ծանոթագրություններում ներկայացվում է տեղեկատվություն «Ֆինանսական արդյունքների մասին» հաշվետվության որոշ հոդվածների, ինչպես նաև կազմակերպության կողմից հաշվետու ժամանակաշրջանում կատարված ծախսումների (ըստ տնտեսական տարրերի) վերաբերյալ:

Իրացված արտադրանքի, աշխատանքների, ծառայությունների արտադրական ինքնարժեքը

6.1 «Պատրաստի և առաքված արտադրանքի տարեսկզբի մնացորդը» հոդվածում (տող1060) ցույց է տրվում.

ա) արտադրանքը փաստացի արտադրական ինքնարժեքով հաշվառելու դեպքում պատրաստի արտադրանքի և առաքված արտադրանքի տարեսկզբի մնացորդների հանրագումարը փաստացի արտադրական ինքնարժեքով (40 «Պատրաստի արտադրանք» և 45 «Առաքված ապրանքներ» հաշիվների տարեսկզբի մնացորդների հանրագումարը)

բ) արտադրանքը նորմատիվային (պլանային) արտադրական ինքնարժեքով հաշվառելու դեպքում` պատրաստի և առաքված արտադրանքի տարեսկզբի մնացորդների հանրագումարը նորմատիվային (պլանային) արտադրական ինքնարժեքով:

6.2 «Անավարտ արտադրության տարեսկզբի մնացորդը» հոդվածում (տող 1070) ցույց է տրվում հաշվետու տարվա սկզբում անավարտ արտադրություններում ծախսումների մնացորդների հանրագումարը (20 «Հիմնական արտադրություն», 21 «Սեփական արտադրության կիսապատրաստուքներ», 23 «Օժանդակ արտադրություն», 29 «Սպասարկող արտադրություններ և տնտեսություններ» հաշիվների տարեսկզբի մնացորդների հանրագումարը):

6.3 «Ուղղակի նյութական ծախսումներ» հոդվածում (տող 1080) ցույց է տրվում հաշվետու ժամանակաշրջանում արտադրանքի (աշխատանքների, ծառայությունների) թողարկման վրա կատարված ուղղակի նյութական ծախսումը (հումք, հիմնական նյութեր, գնովի կիսապատրաստուքներ, էլեկտրաէներգիա և այլն):

6.4 «Ուղղակի աշխատանքային ծախսումներ» հոդվածում (տող 1090) ցույց է տրվում հաշվետու ժամանակաշրջանում արտադրանքի (աշխատանքների, ծառայությունների) թողարկման վրա կատարված ուղղակի աշխատանքային ծախսումը:

6.5 «Անուղղակի արտադրական ծախսումներ» հոդվածում (տող 1100) ցույց են տրվում հաշվետու ժամանակաշրջանում արտադրանքի (աշխատանքների, ծառայությունների) թողարկման վրա կատարված անուղղակի ծախսումները (օժանդակ արտադրության ծախսումներ, ընդհանուր տնտեսական ծախսումներ և այլն):

Առանձին տողով ցույց է տրվում «Անուղղակի արտադրական ծախսումներ» հոդվածում ներառված հիմնական միջոցների ամորտիզացիոն մասհանումները` (տող 1101) 20 «Հիմնական արտադրություն», 23 «Օժանդակ արտադրություն», 25 «Ընդհանուր արտադրական ծախսեր» և 29 «Սպասարկող արտադրություններ և տնտեսություններ» հաշիվներով ձևակերպված հիմնական միջոցների ամորտիզացիոն մասհանումների հանրագումարը:

«Ուղղակի նյութական ծախսումներ», «ՈՒղղակի աշխատանքային ծախսումներ», «Անուղղակի արտադրական ծախսումներ» հոդվածներում ցույց չեն տրվում «Ֆինանսական արդյունքների մասին» (Ձև N 2) հաշվետվության «Կոմերցիոն ծախսեր» (տող 090), «Կառավարման և ընդհանուր տնտեսական ծախսեր» (տող 100) և «Գործառնական այլ ծախսեր» (տող 130) հոդվածներում ներառված ծախսումները:

6.6 «Անավարտ արտադրության մնացորդը հաշվետու ժամանակաշրջանի վերջում» հոդվածում (տող 1110) ցույց է տրվում հաշվետու ժամանակաշրջանի վերջում անավարտ արտադրություններում ծախսումների մնացորդների հանրագումարը (20 « Հիմնական արտադրություն», 21 «Սեփական արտադրության կիսապատրաստուքներ», 23 «Օժանդակ արտադրություն», 29 «Սպասարկող արտադրություններ և տնտեսություններ» հաշիվների հաշվետու ժամանակաշրջանի վերջի մնացորդների հանրագումարը):

6.7 «Հաշվետու ժամանակաշրջանում թողարկված արտադրանքի (աշխատանքների, ծառայությունների) նորմատիվային (պլանային) և փաստացի արտադրական ինքնարժեքների շեղում» հոդվածում (տող 1120) ցույց է տրվում հաշվետու ժամանակաշրջանում թողարկված արտադրանքի (աշխատանքների, ծառայությունների) նորմատիվային (պլանային) և փաստացի արտադրական ինքնարժեքների շեղման (տարբերության) գումարը:

Եթե շեղումը բացասական մեծություն է (նորմատիվային (պլանային) և փաստացի արտադրական ինքնարժեքների տարբերությունը), ապա այն ցույց է տրվում փակագծերի մեջ (որպես նվազեցվող գումար):

Այս հոդվածը լրացնում են այն կազմակերպությունները, որոնք թողարկված արտադրանքը (աշխատանքները, ծառայությունները) հաշվառում են նորմատիվային (պլանային) արտադրական ինքնարժեքով:

6.8 «Հաշվետու ժամանակաշրջանում թողարկված արտադրանքի (աշխատանքների, ծառայությունների) արտադրական ինքնարժեքը» հոդվածում (տող 1130) ցույց է տրվում հաշվետու ժամանակաշրջանում թողարկված արտադրանքի (աշխատանքների, ծառայությունների) արտադրական ինքնարժեքը` տող 1070 + տող 1080 + տող 1090 + տող 1100 - տող 1110 ± տող 1120):

Ընդ որում 1120 տողը գումարվում է, եթե հաշվետու ժամանակաշրջանում թողարկված արտադրանքի (աշխատանքների, ծառայությունների) նորմատիվային (պլանային) և փաստացի արտադրական ինքնարժեքների շեղումը (տարբերությունը) դրական մեծություն է:

6.9 «Պատրաստի և առաքված արտադրանքի մնացորդը հաշվետու ժամանակաշրջանի վերջում» հոդվածում (տող 1140) ցույց է տրվում պատրաստի արտադրանքի և առաքված արտադրանքի արտադրական ինքնարժեքների հաշվետու ժամանակաշրջանի վերջի մնացորդների հանրագումարը:

6.10 «Իրացված արտադրանքի (աշխատանքների, ծառայությունների) արտադրական ինքնարժեքը» հոդվածում (տող 1150) ցույց է տրվում հաշվետու ժամանակաշրջանում իրացված արտադրանքի, աշխատանքների, ծառայությունների արտադրական ինքնարժեքը` տող 1060 + տող 1130 - տող 1140:

Գործառնական այլ գործունեության արդյունքը

6.11 «Ընթացիկ այլ ակտիվների իրացումից (օտարումից) զուտ հասույթ» հոդվածում (տող 1160) ցույց է տրվում հումքի, նյութերի, փոքրարժեք և արագամաշ առարկաների, կարճաժամկետ արժեթղթերի և ընթացիկ այլ ակտիվների իրացումից (օտարումից) զուտ հասույթը (48 «Այլ ակտիվների իրացում» հաշվով ձևակերպվող ակտիվների իրացումից (օտարումից) հասույթը):

6.12 «Հիմնական միջոցների վարձակալությունից (բացի երկարաժամկետ վարձակալությունից) եկամուտներ» հոդվածում (տող 1170) ցույց է տրվում հիմնական միջոցների վարձակալության տալուց (բացի երկարաժամկետ վարձակալությունից) ստացված եկամուտը:

6.13 «Կարճաժամկետ ֆինանսական ներդրումներից եկամուտներ» հոդվածում (տող 1180) ցույց է տրվում կարճաժամկետ ֆինանսական ներդրումներից (պարտատոմսեր և այլ արժեթղթեր, ավանդներ, տրամադրված փոխառություններ և այլն) ստացված եկամուտը (տոկոսներ, հատուցումներ և այլն):

6.14 «Անհատույց ստացված ակտիվներ, պարտավորությունների զեղչումից և ներումից եկամուտներ» հոդվածում (տող 1190) ցույց է տրվում անհատույց ստացված ակտիվների (ընդունման-հանձնման փաստաթղթերում նշված արժեքով կամ փորձաքննության եղանակով որոշված արժեքով), պարտավորությունների զեղչումից և ներումից ստացված եկամուտների հանրագումարը:

6.15 «Հայցային վաղեմության ժամկետը լրացած կրեդիտորական պարտքերի դուրս գրումից եկամուտներ» հոդվածում (տող 1200) ցույց է տրվում հայցային վաղեմության ժամկետը լրացած կրեդիտորական, ավանդագրված պարտքերի դուրս գրված գումարը:

6.16 «Պայմանագրային պարտավորությունների խախտման համար ստացման ենթակա տույժեր, տուգանքներ» հոդվածում (տող1210) ցույց է տրվում պայմանագրային պարտավորությունների խախտման համար ստացման ենթակա (ստացված) տույժերի, տուգանքների և սահմանված պատժամիջոցների այլ տեսակների գումարը:

6.17 «Արտարժույթի և արտարժույթով արտահայտված հաշիվների վերագնահատումից եկամուտներ» հոդվածում (տող 1220) ցույց է տրվում արտարժույթի և արտարժույթով արտահայտված ակտիվների վերագնահատված և մինչև վերագնահատումը արժեքի դրական տարբերության ու արտարժույթով արտահայտված պարտավորությունների, (բացի արտարժույթով ստացված վարկերի և այլ փոխառությունների) վերագնահատված և մինչև վերագնահատումը արժեքի բացասական տարբերության հանրագումարը:

6.18 «Դուրս գրված անհուսալի դեբիտորական պարտքերի ստացումից եկամուտներ» հոդվածում (տող 1230) ցույց է տրվում նախկինում վնասներով կամ վնասների հաշվին ձևավորված դեբիտորական պարտքերի հնարավոր կորուստների պահուստի հաշվին դուրս գրված անհուսալի դեբիտորական պարտքերի ստացումից (մարումից) եկամուտը:

6.19 «Գործառնական այլ եկամուտներ» հոդվածում (տող 1240) ցույց է տրվում գործառնական այլ գործունեությունից ստացված այն եկամուտը, որը չի ներառվել եկամուտների վերը նշված հոդվածներում:

6.20 «Ընդամենը գործառնական այլ գործունեությունից եկամուտներ» հոդվածում (տող 1250) ցույց է տրվում գործառնական այլ գործունեությունից ստացված եկամուտների` տող 1160 + տող1170 + տող 1180+ տող1190 + տող 1200 + տող1210 + տող 1220 + տող1230 և տող1240-ի հանրագումարը:

6.21 «Իրացված (օտարված) ընթացիկ այլ ակտիվների արժեքը» հոդվածում (տող 1260) ցույց է տրվում իրացված (օտարված) հումքի, նյութերի, փոքրարժեք և արագամաշ առարկաների, կարճաժամկետ արժեթղթերի և ընթացիկ այլ ակտիվների հաշվեկշռային (հաշվապահական հաշվառման մեջ արտացոլված) արժեքը (ամորտիզացվող ակտիվների մնացորդային արժեքը):

6.22 «Դեբիտորական պարտքերի հնարավոր կորուստների պահուստին մասհանումներ» հոդվածում (տող 1270) ցույց է տրվում դեբիտորական պարտքերի հնարավոր կորուստների պահուստին մասհանվող գումարը (82 «Դեբիտորական պարտքերի հնարավոր կորուստների պահուստ» հաշվի կրեդիտային շրջանառությունը):

6.23 «Անհուսալի դեբիտորական պարտքերի դուրս գրումից ծախսեր» հոդվածում (տող 1280) ցույց է տրվում դուրս գրված անհուսալի դեբիտորական պարտքերի գումարը:

Այս հոդվածը չի լրացվում, եթե անհուսալի դեբիտորական պարտքերը դուրս են գրվել դեբիտորական պարտքերի հնարավոր կորուստների պահուստի հաշվին:

6.24 «Դուրս գրված կրեդիտորական պարտքերի մարումից ծախսեր» հոդվածում (տող 1290) ցույց է տրվում հայցային վաղեմության ժամկետը լրացած նախկինում դուրս գրված կրեդիտորական պարտքերի` հաշվետու ժամանակաշրջանում մարված (վճարված) գումարը:

6.25 «Պայմանագրային պարտավորությունների խախտման համար վճարման ենթակա տույժեր, տուգանքներ» հոդվածում (տող1300) ցույց է տրվում պայմանագրային պարտավորությունների խախտման համար վճարման ենթակա (վճարված) տույժերի, տուգանքների և սահմանված պատժամիջոցների այլ տեսակների գումարը:

6.26 «Եկամուտները և հարկվող այլ օբյեկտները թաքցնելու համար վճարման ենթակա տույժեր, տուգանքներ» հոդվածում (տող 1310) ցույց է տրվում եկամուտները և հարկվող այլ օբյեկտները թաքցնելու (պակաս ցույց տալու) համար վճարման ենթակա (վճարված) տույժերի և տուգանքների գումարը:

6.27 «Արտարժույթի և արտարժույթով արտահայտված հաշիվների վերագնահատումից ծախսեր» հոդվածում (տող 1320) ցույց է տրվում արտարժույթի և արտարժույթով արտահայտված ակտիվների վերագնահատված և մինչև վերագնահատումը արժեքի բացասական տարբերության ու արտարժույթով արտահայտված պարտավորությունների (բացի արտարժույթով ստացված վարկերի և այլ փոխառությունների) վերագնահատված և մինչև վերագնահատումը արժեքի դրական տարբերության հանրագումարը:

6.28 «Չփոխհատուցվող հարկեր, տուրքեր և այլ պարտադիր վճարներ» հոդվածում (տող 1330) ցույց է տրվում չփոխհատուցվող (չհաշվանցվող) հարկերի (բացի շահութահարկից), տուրքերի և այլ պարտադիր վճարների մեծությունը, որը չի ներառվել համապատասխան ակտիվների մեջ:

6.29 «Դատական ծախսեր» հոդվածում (տող 1340) ցույց է տրվում վճարման ենթակա (վճարված) դատական ծախսերի գումարը:

6.30 «Գործառնական այլ ծախսեր» հոդվածում (տող 1350) ցույց է տրվում գործառնական այլ գործունեության այն ծախսը, որը չի ներառվել ծախսերի վերը նշված հոդվածներում:

6.31 «Ընդամենը գործառնական այլ գործունեությունից ծախսեր» հոդվածում (տող 1360) ցույց է տրվում գործառնական այլ գործունեության ծախսերի` տող 1260 + տող 1270 + տող 1280 + տող 1290 + տող 1300 + տող 1310 + տող 1320 + տող1330 + տող 1340 և տող 1350-ի հանրագումարը:

6.32 «Գործառնական այլ գործունեության արդյունքը` շահույթ (վնաս)» հոդվածում (տող 1370) ցույց է տրվում գործառնական այլ գործունեությունից ստացված եկամուտների և կատարված ծախսերի տարբերությունը` տող 1250-տող 1360:

Ընդ որում, եթե տարբերությունը բացասական մեծություն է ցույց է տրվում փակագծերի մեջ (որպես նվազեցվող գումար):

Ինվեստիցիոն գործունեության արդյունքը

6.33 «Հիմնական միջոցների իրացումից (օտարումից) զուտ հասույթ» հոդվածում (տող 1380) ցույց է տրվում հիմնական միջոցների իրացումից (օտարումից) զուտ հասույթը (47«Երկարաժամկետ ակտիվների իրացում և այլ օտարում» հաշվի կրեդիտային շրջանառության համապատասխան մասը):

6.34 «Ոչ ընթացիկ (երկարաժամկետ) այլ ակտիվների իրացումից (օտարումից) զուտ հասույթ» հոդվածում (տող 1390) ցույց է տրվում ոչ նյութական ակտիվների, երկարաժամկետ ֆինանսական ներդրումների (բաժնետոմսեր, պարտատոմսեր և այլն), տեղակայման ենթակա սարքավորումների և ոչ ընթացիկ (երկարաժամկետ) այլ ակտիվների իրացումից (օտարումից) զուտ հասույթը (47 «Երկարաժամկետ ակտիվների իրացում և այլ օտարում» հաշվի կրեդիտային շրջանառության համապատասխան մասը):

6.35 «Շահաբաժիններ» հոդվածում (տող 1400) ցույց է տրվում բաժնետիրական ընկերությունների և այլ կազմակերպությունների կանոնադրական կապիտալում ներդրումներից ստացված (ստացվելիք) շահաբաժինը:

6.36 «Երկարաժամկետ փոխառություններից և պարտավորություններից եկամուտներ» հոդվածում (տող 1410) ցույց է տրվում երկարաժամկետ պարտատոմսերում և նմանատիպ այլ արժեթղթերում ներդրումներից, այլ կազմակերպություններին տրամադրված երկարաժամկետ փոխառություններից ստացված (ստացվելիք) տոկոսը և այլ հատուցումները:

6.37 «Հիմնական միջոցների երկարաժամկետ վարձակալությունից եկամուտներ» հոդվածում (տող 1420) ցույց է տրվում հիմնական միջոցների երկարաժամկետ վարձակալության տալուց եկամուտը (տոկոսը):

6.38 «Ինվեստիցիոն այլ եկամուտներ» հոդվածում (տող 1430) ցույց է տրվում ինվեստիցիոն գործունեությունից ստացված այն եկամուտը, որը չի ներառվել եկամուտների վերը նշված հոդվածներում:

6.39 «Ընդամենը ինվեստիցիոն գործունեությունից եկամուտներ» հոդվածում (տող 1440) ցույց է տրվում ինվեստիցիոն գործունեությունից ստացված եկամուտների` տող 1380 + տող 1390 + տող 1400 + տող 1410 + տող 1420 և տող 1430-ի հանրագումարը:

6.40 «Իրացված (օտարված) հիմնական միջոցների մնացորդային արժեքը» հոդվածում (տող 1450) ցույց է տրվում իրացված (օտարված) հիմնական միջոցների հաշվեկշռային մնացորդային արժեքը:

6.41 «Հիմնական միջոցների իրացման (օտարման) հետ կապված այլ ծախսեր» հոդվածում (տող 1460) ցույց են տրվում հիմնական միջոցների իրացման (օտարման) հետ կապված քանդման, լուծարման, ապատեղակայման և այլ ծախսերը:

6.42 «Իրացված (օտարված) ոչ ընթացիկ (երկարաժամկետ) այլ ակտիվների արժեքը (մնացորդային արժեքը)» հոդվածում (տող 1470) ցույց է տրվում իրացված (օտարված) ոչ նյութական ակտիվների, երկարաժամկետ ֆինանսական ներդրումների, տեղակայման ենթակա սարքավորումների և ոչ ընթացիկ (երկարաժամկետ) այլ ակտիվների արժեքը (ամորտիզացվող ակտիվների մնացորդային արժեքը):

6.43 «Ինվեստիցիոն այլ ծախսեր» հոդվածում (տող 1480) ցույց է տրվում ինվեստիցիոն գործունեության այն ծախսը, որը չի ներառվել ծախսերի վերը նշված հոդվածներում:

6.44 «Ընդամենը ինվեստիցիոն գործունեությունից ծախսեր» հոդվածում (տող 1490) ցույց է տրվում ինվեստիցիոն գործունեության ծախսերի` տող 1450 + տող 1460 + տող 1470 և տող 1480-ի հանրագումարը:

6.45 «Ինվեստիցիոն գործունեության արդյունքը` շահույթ (վնաս) » հոդվածում (տող 1500) ցույց է տրվում ինվեստիցիոն գործունեությունից ստացված եկամուտների և կատարված ծախսերի տարբերությունը` տող 1440-տող 1490:

Ընդ որում, եթե տարբերությունը բացասական մեծություն է ցույց է տրվում փակագծերի մեջ (որպես նվազեցվող գումար):

Ֆինանսական գործունեության արդյունքը

6.46 «Արտարժույթով ստացված վարկերի և այլ փոխառությունների վերագնահատումից եկամուտներ» հոդվածում (տող 1510) ցույց է տրվում արտարժույթով ստացված վարկերի և այլ փոխառությունների վերագնահատված և մինչև վերագնահատումը արժեքի բացասական տարբերությունը:

6.47 «Ֆինանսական այլ եկամուտներ» հոդվածում (տող 1520) ցույց է տրվում ֆինանսական գործունեությունից ստացված այլ եկամուտը:

6.48 «Ընդամենը ֆինանսական գործունեությունից եկամուտներ» հոդվածում (տող 1530) ցույց է տրվում ֆինանսական գործունեությունից ստացված եկամուտների` տող 1510 + տող 1520 հանրագումարը:

6.49 «Վարկերի և այլ փոխառությունների տոկոսներ» հոդվածում (տող 1540) ցույց է տրվում ստացված վարկերի և այլ փոխառությունների դիմաց վճարված (վճարման ենթակա) տոկոսը և նմանատիպ այլ վճարները, եթե դրանք չեն ներառվել որակավորվող ակտիվի արժեքի մեջ:

6.50 «Արտարժույթով ստացված վարկերի և այլ փոխառությունների վերագնահատումից ծախսեր» հոդվածում (տող 1550) ցույց է տրվում արտարժույթով ստացված վարկերի և այլ փոխառությունների վերագնահատված և մինչև վերագնահատումը արժեքի դրական տարբերությունը:

6.51 «Շահաբաժինների վճարման հետ կապված ծախսեր» հոդվածում (տող 1560) ցույց է տրվում շահաբաժինների վճարման հետ կապված կազմակերպչական ծախսը (ժողովների կազմակերպում, փաստաթղթերի ձևակերպում և այլն):

6.52 «Ֆինանսական այլ ծախսեր» հոդվածում (տող 1570) ցույց է տրվում ֆինանսական գործունեության այն ծախսը, որը չի ներառվել ծախսերի վերը նշված հոդվածներում:

6.53 «Ընդամենը ֆինանսական գործունեությունից ծախսեր» հոդվածում (տող 1580) ցույց է տրվում ֆինանսական գործունեությունից ծախսերի` տող 1540 + տող 1550 + տող 1560 + տող 1570 հանրագումարը:

6.54 «Ֆինանսական գործունեության արդյունքը` շահույթ (վնաս)» հոդվածում (տող 1590) ցույց է տրվում ֆինանսական գործունեությունից ստացված եկամուտների և կատարված ծախսերի տարբերությունը` տող 1530-տող 1580:

Ընդ որում, եթե տարբերությունը բացասական մեծություն է, ցույց է տրվում փակագծերի մեջ (որպես նվազեցվող գումար):

Հաշվապահական հաշվառման քաղաքականությունը

Կազմակերպության հաշվապահական հաշվառման քաղաքականությունը հաշվապահական հաշվառումը վարելու և ֆինանսական հաշվետվությունները կազմելու նպատակով նրա կողմից օգտագործվող սկզբունքների, հիմունքների, կանոնների, ձևերի և դրանց կիրառման եղանակների ամբողջությունն է: Կազմակերպությունը հաշվապահական հաշվառման քաղաքականության ձևավորումն իրականացնում է Հայաստանի Հանրապետությունում հաշվապահական հաշվառման իրավական կարգավորման համակարգի մեջ մտնող ակտերով թույլատրված մոտեցումներից (տարբերակներից) որևէ մեկի ընտրության միջոցով:

Եթե վերը նշված համակարգը կոնկրետ օբյեկտի վերաբերյալ չի սահմանում մոտեցում, ապա կազմակերպությունը ելնելով հաշվապահական հաշվառումը կարգավորող իրավական ակտերից, ինքնուրույն է մշակում տվյալ օբյեկտի վերաբերյալ համապատասխան մոտեցում:

7.1 Սույն ծանոթագրությունում կազմակերպությունը բացահայտում (արտացոլում) է.

7.1.1 Հաշվապահական հաշվառման իրավական կարգավորման համակարգի մեջ մտնող ակտերով կոնկրետ օբյեկտի (հարցի) վերաբերյալ մեկից ավելի մոտեցումների (տարբերակների) առկայության դեպքում, կազմակերպության կողմից ընտրված մոտեցումը (տարբերակը):

7.1.2 Հաշվապահական հաշվառման ստանդարտներով պարտադիր բացահայտման ենթակա հաշվապահական հաշվառման քաղաքականության մոտեցումները:

7.1.3 Հաշվապահական հաշվառման քաղաքականության վերը չնշված էական այլ մոտեցումները:

Հաշվապահական հաշվառման քաղաքականության էական մոտեցումները նրանք են, առանց որոնց իմացության ֆինանսական հաշվետվություններից օգտվողները չեն կարող արժանահավատորեն գնահատել կազմակերպության ֆինանսական վիճակը, գործունեության արդյունքները և ֆինանսական վիճակում փոփոխությունները:

7.1.4 Հաշվապահական հաշվառման քաղաքականության էական փոփոխությունները, այդ փոփոխությունների պատճառները և դրանց հետևանքների արժեքային արտահայտությամբ գնահատականները, եթե հնարավոր է արժեքային արտահայտությամբ դրանք գնահատել:

Հաշվապահական հաշվառման քաղաքականության փոփոխություններ թույլատրվում է օրենսդրությամբ սահմանված դեպքերում, և կիրառվում է փոփոխությանը հաջորդող հաշվետու տարվա սկզբից:

7.2 Սույն ծանոթագրությունում մասնավորապես բացահայտվում են հաշվապահական հաշվառման քաղաքականության հետևյալ մոտեցումները (տարբերակները):

7.2.1 Հիմնական միջոցների գնահատման հիմունքները (նշվում է կազմակերպության կողմից հիմնական միջոցների գնահատման օգտագործված հիմունքը` սկզբնական (ձեռք բերման, կառուցման) արժեք, վերականգնման արժեք):

7.2.2 Վերականգնման արժեքով հիմնական միջոցների գնահատման հիմունքի կիրառումը (եթե կազմակերպությունը հիմնական միջոցները, կամ դրանց որոշ խմբերը գնահատել է վերականգնման արժեքով` նշվում են այդ խմբերը և գնահատման համար օգտագործված չափանիշները: Եթե գնահատումը կատարվել է անկախ գնահատող մասնագետների կողմից` այդ մասին նույնպես նշվում է):

7.2.3 Հիմնական միջոցների օգտակար ծառայության ժամկետները, կամ մաշվածության հաշվեգրման նորմաները (նշվում է ըստ հիմնական միջոցների խմբերի):

7.2.4 Հիմնական միջոցների մաշվածության հաշվեգրման եղանակը (նշվում է կազմակերպության կողմից մաշվածության հաշվեգրման օգտագործված եղանակը` գծային, ռեգրեսիվ և այլն):

7.2.5 Ոչ նյութական ակտիվների օգտակար ծառայության ժամկետները, կամ ամորտիզացիայի հաշվեգրման նորմաները (նշվում է ըստ ոչ նյութական ակտիվների խմբերի):

7.2.6 Փոքրարժեք և արագամաշ առարկաների մաշվածության հաշվեգրման եղանակը (նշվում է կազմակերպության կողմից մաշվածության հաշվեգրման օգտագործված եղանակը` շահագործման հանձնման ժամանակ 50 %-ի չափով և դուրս գրման ժամանակ մնացած 50 %-ի չափով, շահագործման հանձնման ժամանակ 100 %-ի չափով և այլն):

7.2.7 Արտադրական պաշարների գնահատման հիմունքները (նշվում է կազմակերպության կողմից արտադրական պաշարների գնահատման օգտագործված հիմունքը` սկզբնական արժեք, իրացման արժեք):

7.2.8 Իրացման արժեքով արտադրական պաշարների գնահատման հիմունքի կիրառումը (եթե կազմակերպությունը արտադրական պաշարները գնահատել է իրացման արժեքով` նշում է գնահատված արտադրական պաշարների տեսակները և գնահատման համար օգտագործված չափանիշները):

7.2.9 Արտադրական պաշարների ելքագրման եղանակները (նշվում է կազմակերպության կողմից արտադրական պաշարների ելքագրման օգտագործված եղանակը` միջին արժեքով, ՖԻՖՈ, ԼԻՖՈ):

7.2.10 Արտադրական պաշարների սինթետիկ հաշվառման տարբերակը (նշվում է կազմակերպության կողմից արտադրական պաշարների սինթետիկ հաշվառման մեջ արտացոլման տարբերակը` սկզբնական արժեքով, հաշվարկային գներով: Հաշվարկային գներով հաշվառելու դեպքում նշվում են այն չափանիշները, որոնցով որոշվել են հաշվարկային գները):

7.2.11 Պատրաստի արտադրանքի գնահատման հիմունքները (սկզբնական արժեք, իրացման արժեք):

7.2.12 Իրացման արժեքով պատրաստի արտադրանքի գնահատման հիմունքի կիրառումը:

7.2.13 Պատրաստի արտադրանքի ելքագրման եղանակները (միջին արժեք, ՖԻՖՈ, ԼԻՖՈ):

7.2.14 Պատրաստի արտադրանքի վրա կատարված ծախսումների դուրս գրման կարգը (տարեսկզբից աճողական հանրագումարով, կամ հաջորդաբար ամսական, եռամսյակային կտրվածքով):

7.2.15 Պատրաստի արտադրանքի սինթետիկ հաշվառման տարբերակը (նշվում է կազմակերպության կողմից պատրաստի արտադրանքի սինթետիկ հաշվառման մեջ արտացոլման տարբերակը` փաստացի արտադրական ինքնարժեքով, նորմատիվային (պլանային) արտադրական ինքնարժեքով: Նորմատիվային (պլանային) արտադրական ինքնարժեքով հաշվառելու դեպքում նշվում են այն չափանիշները, որոնցով որոշվել է նորմատիվային (պլանային) արտադրական ինքնարժեքը:

7.2.16 Երկարաժամկետ բնույթի աշխատանքների և ծառայությունների իրացման ճանաչումը (լրիվ ավարտման պահին, ըստ փուլերի ավարտման պահին):

7.2.17 Ապրանքների գնահատման հիմունքները (սկզբնական արժեք, իրացման արժեք):

7.2.18 Իրացման արժեքով ապրանքների գնահատման հիմունքի կիրառումը:

7.2.19 Ապրանքների ելքագրման եղանակները (միջին արժեք, ՖԻՖՈ, ԼԻՖՈ):

7.2.20 Ապրանքների սինթետիկ հաշվառման տարբերակը (ձեռք բերման արժեք, ձեռք բերման կրճատ արժեք, վաճառքի գին):

7.2.21 Մարման ժամկետ ունեցող արժեթղթերի հաշվառման տարբերակը (սկզբնական արժեք, սկզբնական արժեքի և անվանական արժեքի տարբերության հավասարաչափ մարում):

7.2.22 Դեբիտորական պարտքերի հնարավոր կորուստի պահուստի ձևավորում (նշվում է կազմակերպության կողմից դեբիտորական պարտքերի հնարավոր կորուստի պահուստին մասհանումների մեծության որոշման օգտագործված չափանիշները):

7.2.23 Գալիք ժամանակաշրջանի ծախսերի և վճարումների պահուստի ձևավորումը (նշվում է ձևավորման չափանիշները):

7.3 Կազմակերպության կողմից ընտրված հաշվապահական հաշվառման քաղաքականության բացահայտման ենթակա մոտեցումները (տարբերակները) արտացոլվում են տեքստի և (կամ) աղյուսակների ձևով:

Այլ բացահայտումներ

Սույն ծանոթագրությունում կազմակերպությունը բացահայտում է հաշվապահական հաշվառման ստանդարտներով պարտադիր բացահայտման ենթակա տեղեկատվությունը, ինչպես նաև ֆինանսական հաշվետվություններում (ներառյալ սույն հաշվետվության մյուս ծանոթագրություններում) չբացահայտված էական այլ տեղեկատվությունը:

8.1 Սույն ծանոթագրությունում մասնավորապես բացահայտվում է.

8.1.1 Կազմակերպության գործունեության բնույթը (գործառնական, ինվեստիցիոն, ֆինանսական գործունեության տեսակները):

8.1.2 Կազմակերպության գործունեության հիմնական ցուցանիշները և այն գործոնները, որոնք հաշվետու ժամանակաշրջանում էական ազդեցություն են ունեցել կազմակերպության գործունեության վրա:

8.1.3 Կազմակերպության զուտ շահույթի բաշխումը

8.1.4 Կազմակերպության դուստր և կախյալ ընկերությունների անվանումը, գտնվելու վայրը և գործունեության տեսակը:

8.1.5 Իրացված արտադրանքի, ծառայությունների ծավալները ըստ գործունեության տեսակների և աշխարհագրական շուկաների (սեգմենտների):

8.1.6 Արտադրական հզորությունների օգտագործման մակարդակը:

8.1.7 Հաշվետու ժամանակաշրջանում աշխատողների միջին ցուցակային թիվը:

8.1.8 Կազմակերպության գործունեության հասցեն:

8.2 Սույն ծանոթագրությունում կազմակերպությունը բացահայտում է նաև ֆինանսական հաշվետվություններում արտացոլված «Այլ _____» հոդվածները, եթե.

8.2.1 «Հաշվապահական հաշվեկշիռ» Ձև N 1-ի___ «այլ ___ ակտիվներ», «սեփական կապիտալի այլ հոդվածներ», «այլ ___ պարտավորություններ» հոդվածները գումարային արտահայտությամբ կազմում են հաշվապահական հաշվեկշռի արժույթի 5 %-ը:

8.2.2 «Ֆինանսական արդյունքների մասին» Ձև N 2-ի___ «գործառնական այլ եկամուտներ», «գործառնական այլ ծախսեր» հոդվածները գումարային արտահայտությամբ կազմում են կազմակերպության գործառնական գործունեությունից ստացված շահույթի, կամ վնասի 5 %-ը:

8.2.3 «Դրամական միջոցների հոսքերի մասին» Ձև N 3-ի___ «գործառնական, ինվեստիցիոն, ֆինանսական այլ ___ մուտքեր և այլ ___ ելքեր» հոդվածները գումարային արտահայտությամբ կազմում են կազմակերպության գործառնական, ինվեստիցիոն, ֆինանսական գործունեությունից դրամական միջոցների մուտքերի և ելքերի հոսքերի 5 %-ը:

8.2.4 «Սեփական կապիտալի շարժի մասին» Ձև N 4-ի___«կանոնադրական կապիտալի, պահուստային կապիտալի, լրացուցիչ կապիտալի, չբաշխված շահույթի այլ ___ ավելացումներ և այլ ___ նվազեցումներ» հոդվածները գումարային արտահայտությամբ կազմում են համապատասխան հոդվածների գծով ընդհանուր ավելացումների և նվազեցումների 5 %-ը:

8.2.5 «Ֆինանսական հաշվետվություններին կից ծանոթագրություններ» Ձև N 5-ի___ «Հաշվապահական հաշվեկշռին կից ծանոթագրությունների» այն «այլ ___» հոդվածները, որոնք գումարային արտահայտությամբ կազմում են համապատասխան ծանոթագրությունների հոդվածների հանրագումարի 10 %-ը, ինչպես նաև «Ֆինանսական արդյունքների մասին հաշվետվությանը կից ծանոթագրությունների այն «գործառնական, ինվեստիցիոն, ֆինանսական այլ ___ եկամուտներ և այլ ___ծախսեր» հոդվածները, որոնք գումարային արտահայտությամբ կազմում են համապատասխան հոդվածների գծով ընդհանուր եկամուտների և ծախսերի 5%-ը:

Վերը նշված հոդվածները բացահայտվում են, եթե ֆինանսական հաշվետվություններից որևիցե մեկում դրանք չեն բացահայտվել:

8.3 Կազմակերպության կողմից ընտրված հաշվապահական հաշվառման այլ բացահայտման ենթակա տեղեկատվության մոտեցումները (տարբերակները) արտացոլվում են տեքստի և (կամ) աղյուսակների ձևով:

Անցումային դրույթներ

1998 թվականի տարեկան ֆինանսական հաշվետվությունները կազմելիս պարտադիր չէ լրացնել`

1. «Ֆինանսական արդյունքների մասին հաշվետվություն» Ձև N 2-ի 4-րդ սյունակը

2. «Սեփական կապիտալի որոշ հոդվածների շարժի մասին» Ձև N 3-ի 4-րդ սյունակը

3. «Ֆինանսական հաշվետվությունների մասին կից ծանոթագրություններ» Ձև N 5-ի II-րդ` ֆինանսական արդյունքների մասին կից ծանոթագրություններ բաժնի 2-րդ «Գործառնական այլ գործունեության արդյունք», 3-րդ «Ինվեստիցիոն գործունեության արդյունք», 4-րդ «Ֆինանսական գործունեության արդյունք» ձևերի 4-դ սյունակները: