ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

9 հունիսի 2022 թվականի N 864-Ն

Համաձայն «Հայաստանի Հանրապետության բյուջետային համակարգի մասին» Հայաստանի Հանրապետության օրենքի 23-րդ հոդվածի 3-րդ մասի, «Գնումների մասին» Հայաստանի Հանրապետության օրենքի 5-րդ հոդվածի 1-ին մասի 6-րդ կետի և Հայաստանի Հանրապետության կառավարության 2017 թվականի մայիսի 4-ի N 526-Ն որոշման N 1 հավելվածով հաստատված՝ Գնումների գործընթացի կազմակերպման կարգի 3-րդ կետի՝ Հայաստանի Հանրապետության կառավարությունը որոշում է.

1. «Հայաստանի Հանրապետության 2022 թվականի պետական բյուջեի մասին» Հայաստանի Հանրապետության օրենքի N 1 հավելվածի N 2 աղյուսակում կատարել վերաբաշխում, N 3 աղյուսակում կատարել փոփոխություն և Հայաստանի Հանրապետության կառավարության 2021 թվականի դեկտեմբերի 23-ի «Հայաստանի Հանրապետության 2022 թվականի պետական բյուջեի կատարումն ապահովող միջոցառումների մասին» N 2121-Ն որոշման NN 3, 4, 5, 9, 9.1 և 10 հավելվածներում կատարել փոփոխություններ` համաձայն NN 1, 2, 3, 4, 5 և 6 հավելվածների։

2. Թույլատրել Հայաստանի Հանրապետության պաշտպանության նախարարությանը սույն որոշման N 7 հավելվածում նշված կազմակերպությունների կողմից 2021 թվականի վերջին և 2022 թվականի սկզբին մատակարարված ապրանքների և մատուցված ծառայությունների դիմաց ծախսերը ձևակերպել Հայաստանի Հանրապետության պաշտպանության նախարարության ֆինանսական հաշվետվություններում և դրանց արդյունքում առաջացած կրեդիտորական պարտքերը մարել Հայաստանի Հանրապետության 2022 թվականի պետական բյուջեի «ՀՀ պաշտպանության ապահովում» ծրագրի «Ռազմական կարիքների բավարարում» և «ՀՀ պաշտպանության նախարարության շենքային պայմանների բարելավում» միջոցառումներով նախատեսված հատկացումների հաշվին:

3. Հույժ գաղտնի:

4. Հույժ գաղտնի:

5. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Ն. ՓԱՇԻՆՅԱՆ
Երևան

10.06.2022 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված N 1 ՀՀ կառավարության 2022 թվականի հունիսի 9-ի N 864-Ն որոշման

Հավելված N 2 ՀՀ կառավարության 2022 թվականի հունիսի 9-ի N 864-Ն որոշման

Հավելված N 3 ՀՀ կառավարության 2022 թվականի հունիսի 9-ի N 864-Ն որոշման

Հավելված N 4 ՀՀ կառավարության 2022 թվականի հունիսի 9-ի N 864-Ն որոշման

Հավելված N 5 ՀՀ կառավարության 2022 թվականի հունիսի 9-ի N 864-Ն որոշման

Հավելված N 6 ՀՀ կառավարության 2022 թվականի հունիսի 9-ի N 864-Ն որոշման

Հավելված N 7 ՀՀ կառավարության 2022 թվականի հունիսի 9-ի N 864-Ն որոշման

Պաշտոնական հրապարակման օրը՝ 10 հունիսի 2022 թվական: