Գլխավոր տեղեկություն

Համար

N 54-Ա

Տիպ

Որոշում

Ակտի տիպ

Base act (25.01.2012-till now)

Կարգավիճակ

Գործում է

Սկզբնաղբյուր

Չի հրապարակվել պաշտոնական պարբերականում

Ընդունող մարմին

ՀՀ կառավարություն

Ընդունման ամսաթիվ

19.01.2012

Ստորագրող մարմին

ՀՀ վարչապետ

Ստորագրման ամսաթիվ

24.01.2012

Ուժի մեջ մտնելու ամսաթիվ

25.01.2012

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

19 հունվարի 2012 թվականի N 54-Ա

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔԱՅԻՆ ԿԱՌԱՎԱՐՄԱՆ ՆԱԽԱՐԱՐՈՒԹՅԱՆ ՋՐԱՅԻՆ ՏՆՏԵՍՈՒԹՅԱՆ ՊԵՏԱԿԱՆ ԿՈՄԻՏԵԻ ԱՇԽԱՏԱԿԱԶՄ» ՊԵՏԱԿԱՆ ԿԱՌԱՎԱՐՉԱԿԱՆ ՀԻՄՆԱՐԿԻՆ ԳՈՒՅՔ ԱՄՐԱՑՆԵԼՈՒ ԵՎ «ՇԵՆԻԿ», «ՎԱՐԴԵՆԻՍ», «ՇԻՐԱԿ», «ԳԵՏԻԿ» ՋՐՕԳՏԱԳՈՐԾՈՂՆԵՐԻ ԸՆԿԵՐՈՒԹՅՈՒՆՆԵՐԻՆ ԱՆՀԱՏՈՒՅՑ ՕԳՏԱԳՈՐԾՄԱՆ ԻՐԱՎՈՒՆՔՈՎ ԳՈՒՅՔ ՀԱՆՁՆԵԼՈՒ, ԻՆՉՊԵՍ ՆԱԵՎ «ՍԵՎԱՆ-ՀՐԱԶԴԱՆՅԱՆ-ՋՐԱՌ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ԿԱՆՈՆԱԴՐԱԿԱՆ ԿԱՊԻՏԱԼԻ ՉԱՓՆ ԱՎԵԼԱՑՆԵԼՈՒ ՄԱՍԻՆ

Ղեկավարվելով «Պետական կառավարչական հիմնարկների մասին» Հայաստանի Հանրապետության օրենքի 4-րդ հոդվածով, «Բաժնետիրական ընկերությունների մասին» Հայաստանի Հանրապետության օրենքի 35-րդ հոդածով, ինչպես նաև Հայաստանի Հանրապետության կառավարության 2003 թվականի մարտի 13-ի N 314-Ն որոշման 1-ին կետի «ա» ենթակետով հաստատված կարգի 6-րդ կետով՝ «Հազարամյակի մարտահրավեր» հիմնադրամ-Հայաստան» ծրագրի շրջանակներում կառուցված Այգեզարդի, Շենիկի, Վարդենիսի, Մանթաշի և Սպիտակի ոռոգման ինքնահոս համակարգերի շահագործումն ապահովելու նպատակով Հայաստանի Հանրապետության կառավարությունը որոշում է.

1. «Հայաստանի Հանրապետության տարածքային կառավարման նախարարության ջրային տնտեսության պետական կոմիտեի աշխատակազմ» պետական կառավարչական հիմնարկին ամրացնել`

1) Հայաստանի Հանրապետության Արարատի մարզի Այգեզարդի ոռոգման ինքնահոս համակարգը` 849588551 դրամ արժեքով և ներդնել «Սևան-Հրազդանյան-ջրառ» փակ բաժնետիրական ընկերության կանոնադրական կապիտալում` համաձայն N 1 հավելվածի.

2) Հայաստանի Հանրապետության Արմավիրի մարզի Շենիկի ոռոգման ինքնահոս համակարգը` 623914435 դրամ արժեքով և անհատույց օգտագործման իրավունքով հանձնել «Շենիկ» ջրօգտագործողների ընկերությանը` համաձայն N 2 հավելվածի.

3) Հայաստանի Հանրապետության Գեղարքունիքի մարզի Վարդենիսի ոռոգման ինքնահոս համակարգը` 393836286 դրամ արժեքով և անհատույց օգտագործման իրավունքով հանձնել «Վարդենիս» ջրօգտագործողների ընկերությանը` համաձայն N 3 հավելվածի.

4) Հայաստանի Հանրապետության Շիրակի մարզի Մանթաշի ոռոգման ինքնահոս համակարգը` 436207843 դրամ արժեքով և անհատույց օգտագործման իրավունքով հանձնել «Շիրակ» ջրօգտագործողների ընկերությանը` համաձայն N 4 հավելվածի.

5) Հայաստանի Հանրապետության Լոռու մարզի Սպիտակի ոռոգման ինքնահոս համակարգը` 696128762 դրամ արժեքով և անհատույց օգտագործման իրավունքով հանձնել «Գետիկ» ջրօգտագործողների ընկերությանը` համաձայն N 5 հավելվածի:

2. Հայաստանի Հանրապետության տարածքային կառավարման նախարարության ջրային տնտեսության պետական կոմիտեի նախագահին`

1) սույն որոշումն ուժի մեջ մտնելուց հետո մեկամսյա ժամկետում «Հազարամյակի մարտահրավեր» հիմնադրամ-Հայաստան» պետական ոչ առևտրային կազմակերպության հետ համատեղ կազմակերպել սույն որոշման 1-ին կետում նշված գույքի (ոռոգման ինքնահոս համակարգերի) հանձնման-ընդունման աշխատանքները.

2) սույն որոշումն ուժի մեջ մտնելուց հետո երկամսյա ժամկետում Հայաստանի Հանրապետության օրենսդրությամբ սահմանված կարգով՝

ա. սույն որոշման 1-ին կետի 1-ին ենթակետում նշված գույքը, լրացուցիչ բաժնետոմսեր տեղաբաշխելու միջոցով, ներդնել «Սևան-Հրազդանյան-ջրառ» փակ բաժնետիրական ընկերության կանոնադրական կապիտալում` գույքի արժեքի չափով ավելացնելով ընկերության կանոնադրական կապիտալը,

բ. ապահովել սույն որոշման N 1 հավելվածում նշված գույքը սեփականության իրավունքով և NN 2, 3, 4 և 5 հավելվածներում նշված գույքն անհատույց օգտագործման իրավունքով համապատասխան կազմակերպություններին հանձնելու վերաբերյալ համապատասխան պայմանագրերի կնքումը` պայմանագրերում նախատեսելով, որ գույքային իրավունքների պետական գրանցումը պետք է իրականացվի այդ կազմակերպությունների միջոցների հաշվին:

Հայաստանի Հանրապետության
վարչապետ
Տ. Սարգսյան

2012 թ. հունվարի 24

Երևան

Հավելված N 1

ՀՀ կառավարության 2012 թվականի

հունվարի 19-ի N 54-Ա որոշման

Ց Ա Ն Կ

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔԱՅԻՆ ԿԱՌԱՎԱՐՄԱՆ ՆԱԽԱՐԱՐՈՒԹՅԱՆ ՋՐԱՅԻՆ ՏՆՏԵՍՈՒԹՅԱՆ ՊԵՏԱԿԱՆ ԿՈՄԻՏԵԻ ԱՇԽԱՏԱԿԱԶՄ» ՊԵՏԱԿԱՆ ԿԱՌԱՎԱՐՉԱԿԱՆ ՀԻՄՆԱՐԿԻՆ ԱՄՐԱՑՎՈՂ ԵՎ «ՍԵՎԱՆ-ՀՐԱԶԴԱՆՅԱՆ-ՋՐԱՌ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆԸ ՀԱՆՁՆՎՈՂ ԳՈՒՅՔԻ

NN
ը/կ

Գույքի անվանումը

Հաշվեկշռային արժեքը
(դրամ)

1.

Այգեզարդի ոռոգման ինքնահոս համակարգ

849588551

Ընդամենը

849588551